31/05/2026
ورلڈ کپ 2026 پہلے سے بالکل مختلف ہونے والا ہے۔ اس بار ورلڈ کپ میں 32 کے بجائے 48 ٹیمیں حصہ لیں گی، جس سے دنیا کے مزید ممالک کو اس بڑے ایونٹ میں کھیلنے کا موقع ملے گا اور ٹورنامنٹ پہلے سے زیادہ بڑا اور دلچسپ ہو جائے گا۔
نئے فارمیٹ کے مطابق اب 12 گروپس ہوں گے۔ ہر گروپ سے ٹاپ 2 ٹیمیں اگلے راؤنڈ میں جائیں گی، جبکہ کچھ بہترین تھرڈ پوزیشن والی ٹیمیں بھی کوالیفائی کر سکیں گی۔ اس تبدیلی کے بعد میچز کی تعداد 64 سے بڑھ کر 104 ہو جائے گی، جس سے ٹورنامنٹ مزید طویل اور سنسنی خیز ہو جائے گا۔
FIFA
نے کھیل کو تیز کرنے اور ٹائم ویسٹنگ روکنے کے لیے بھی
سخت قوانین متعارف کروائے ہیں۔ اگر گول کیپر 8 سیکنڈ سے زیادہ بال اپنے ہاتھ میں رکھے گا تو مخالف ٹیم کو کارنر جا سکتا ہے۔ اسی طرح تھرو اِن، گول کک اور سبسٹیٹیوشن کے عمل کو بھی تیز کرنا لازمی ہوگا تاکہ کھیل مسلسل اور فاسٹ رہے۔
VAR
سسٹم اور آف سائیڈ ٹیکنالوجی کو بھی مزید جدید بنایا جا رہا ہے۔ AI سسٹم، اسمارٹ بال اور ریئل ٹائم ڈیٹا کی مدد سے ریفری کے فیصلے پہلے سے زیادہ تیز اور درست ہوں گے۔
اس کے علاوہ مختلف براعظموں کے لیے کوالیفکیشن کوٹہ بھی بڑھا دیا گیا ہے، جس سے ایشیا، افریقہ اور دوسرے ریجنز کی مزید ٹیمیں ورلڈ کپ میں شرکت کر سکیں گی۔
مختصر یہ کہ FIFA ورلڈ کپ 2026 کا مقصد کھیل کو زیادہ فاسٹ، فیئر اور انٹرٹیننگ بنانا ہے۔ اب دیکھنا یہ ہے کہ کون سی ٹیم اس نئے فارمیٹ میں دنیا کی چیمپئن بنتی ہے۔
