11/10/2025
*اسلام آباد: شہید کیپٹن عیسیٰ شائین فٹبال کلب بسیمہ اور گلیڈی ایٹر فٹبال کلب اسلام آباد کے درمیان دوستانہ میچ*
اسلام آباد کے جناح فٹبال گراؤنڈ میں شہید کیپٹن عیسیٰ شائین فٹبال کلب بسیمہ بلوچستان اور گلیڈی ایٹر فٹبال کلب اسلام آباد کے درمیان ایک شاندار دوستانہ میچ کھیلا گیا۔ دونوں ٹیموں نے آغاز سے ہی بھرپور توانائی کے ساتھ کھیل پیش کیا اور ایک دوسرے کے گول پوسٹس پر مسلسل حملے کیے۔
کھیل کے دوران کئی سنہری مواقع میسر آئے، مگر دونوں ٹیموں کے گول کیپرز نے عمدہ دفاع کا مظاہرہ کرتے ہوئے کسی بھی گیند کو جال میں جانے نہ دیا۔ مقررہ وقت کے اختتام تک دونوں ٹیمیں کوئی گول نہ کر سکیں، یوں مقابلہ 0-0 سے برابر رہا۔
دونوں ٹیموں کے کھلاڑیوں کو بھرپور داد دی۔ اس دوستانہ مقابلے کا مقصد کھلاڑیوں کے درمیان رابطے کو مضبوط بنانا اور کھیل کو فروغ دینا تھا، جس میں دونوں ٹیمیں سرخرو رہیں۔
بعد ازاں ٹیکسلا میں گراؤنڈ کے افتتاح کے سلسلے گلیڈی ایٹر اسلام آباد اور کیٹلاگر اسلام آباد مابین فٹبال میچ کا مقابلہ ہوا یہ میچ اسلام آباد گلیڈی ایٹر نے پیلینٹی کک سے جیت کر کپ اپنے نام کر لیا گلیڈی ایٹر کے اونر فضل شیرانی نے شہید کیپٹن عیسیٰ شائین فٹبال کلب کے صدر اسماعیل عاصم ، اقواہ اسپورٹس کے کیمرہ مین نصیر بڑیچ اور ٹیم اعزاز میں عشائیہ دیا