25/09/2025
" स्वतन्त्र स्वयंसेवक अभियानको राष्ट्र निर्माणका लागि अपिल"
देशले अहिले एक कठिन मोड पार गर्दैछ। विगतका घटनाक्रमहरूले नेपालका विभिन्न स्थानहरूमा रहेका सरकारी संरचनाहरूमा क्षति पुर्याएका छन्। यी संरचनाहरू हाम्रो राष्ट्रिय सम्पदा हुन्, जसको पुनर्निर्माण र संरक्षण हाम्रो साझा दायित्व हो। स्वतन्त्र स्वयंसेवक अभियानको पहलमा हामी "सरकारी भवनहरूको सरसफाइ, रंगरोगन तथा पुनर्संरचना अभियान" आरम्भ गर्दैछौं। यस अभियानको उद्देश्य राष्ट्रप्रतिको हाम्रो कर्तव्य निर्वाह गर्नु, जनताको सम्पत्तिको संरक्षण गर्नु र नेपाललाई फेरि नयाँ स्वरूपमा देखाउनु हो। हामी सम्पूर्ण नेपाली जनतालाई, विशेषगरी युवाहरूलाई, यो अभियानमा साथ दिन हार्दिक अनुरोध गर्छौं। यो समय हो जब आलोचना मात्र होइन, सक्रिय सहभागितामार्फत सकारात्मक परिवर्तन ल्याउन सकिन्छ। तपाईंको सानो सहयोगले पनि ठूलो परिवर्तन सम्भव हुन्छ।
* हामी के गर्दैछौं?
- जलेका/क्षतिग्रस्त सरकारी भवनहरूको सरसफाइ।
- पुराना पर्खाल र ढोकाहरुमा रङरोगन तथा मर्मत।
- वातावरण मैत्री सामाग्री प्रयोग गरेर पुनर्निर्माणमा योगदान।
- स्थानीय तह, सुरक्षाकर्मी र सम्बन्धित निकायसँग सहकार्य।
* तपाईंले साथ कसरी दिन सक्नु हुन्छ ?
- स्वयंसेवकको रूपमा सहभागी हुनुहोस्।
- रङ, ब्रश, सफाइ सामाग्री वा आर्थिक/सामग्री सहयोग प्रदान गर्नुहोस्।
- सामाजिक सञ्जालमार्फत अभियानको प्रचार प्रसार गर्नुहोस्।
" हामी सबैको सानो प्रयासले देशमा ठूलो उत्साह र सकारात्मकता फैलाउन सक्छ। अहिलेको आवश्यकता सहयोग र सहकार्य हो, किनभने देश हाम्रै हो, जिम्मेवारी पनि हाम्रै हो। आउनुहोस्, नेपाल पुनर्निर्माणमा हातेमालो गरौं। राष्ट्रको पुनःउत्थानमा एकता देखाऔं।"
जय नेपाल!
स्वतन्त्र स्वयंसेवक अभियान
मिडिया पाटनर : www.globalonlinetelevision.com
www.suchanachautari.com
www.thangmichagu.com
www.samastinepal.com
सम्पर्क : 9851414063 , 980-1876601, 982-5636422, 986-1164338, 986-0142839, 985-1057574, 980-3298194, 984-2764509, 984-9205733, +60 18-782 8021 , 985-1176169, 970-2737720
Loading...
