WNN News Pak

06/08/2026

راولاکوٹ: ڈی چوک میں یومِ استحصالِ کشمیر کے موقع پر ببرک خان کا انتخابات سے دستبرداری، لاتعلقی اور بائیکاٹ کا اعلان
راولاکوٹ کے ڈی چوک میں جموں کشمیر عوامی ایکشن کمیٹی کے زیرِ اہتمام 5 اگست، یومِ استحصالِ کشمیر کے موقع پر منعقدہ تاریخ ساز عوامی اجتماع سے خطاب کرتے ہوئے عوامی ایکشن کمیٹی کے متحرک رہنما، سابق چیئرمین پی وائی او اور حلقہ چار سٹی راولاکوٹ سے امیدوارِ اسمبلی ببرک خان نے انتخابات سے دستبرداری، لاتعلقی اور مکمل بائیکاٹ کا اعلان کر دیا۔
واضح رہے کہ ببرک خان کے حلقہ چار سٹی راولاکوٹ سے کاغذاتِ نامزدگی منظور ہو چکے تھے اور انہیں انتخابی نشان "ہتھوڑا" الاٹ کیا جا چکا تھا۔
ببرک خان سمیت جموں کشمیر عوامی ایکشن کمیٹی کے متعدد رہنماؤں کا یہ مؤقف رہا ہے کہ سیاسی، جمہوری اور پارلیمانی جدوجہد عوامی تحریک کو مزید مضبوط، مؤثر اور توانا بنا سکتی ہے۔ ان کے مطابق اگر مزاحمت سڑکوں، چوکوں اور چوراہوں کے ساتھ ساتھ اسمبلی کے اندر بھی جاری رہے تو تحریک کی آواز مزید طاقتور انداز میں بلند کی جا سکتی ہے۔
اپنے خطاب میں ببرک خان نے کہا کہ ہمارا خیال تھا کہ انتخابات کا میدان حکمران اشرافیہ کے لیے خالی نہیں چھوڑنا چاہیے، لیکن گزشتہ دو ماہ کے دوران ریاستی جبر، نوجوانوں کی شہادتوں، ہزاروں افراد کے زخمی ہونے اور سینکڑوں نوجوانوں کی گرفتاریوں نے صورتِ حال کو یکسر تبدیل کر دیا ہے۔ انہوں نے کہا کہ ایسے حالات میں، جبکہ انتخابات فورسز کی نگرانی اور بندوق کی نوک پر کرائے جا رہے ہیں، انتخابات میں حصہ لینا عوامی جدوجہد کے بنیادی اصولوں سے انحراف ہوگا۔
انہوں نے انتخابات سے دستبرداری اور بائیکاٹ کا اعلان کرتے ہوئے اس عزم کا اعادہ کیا کہ وہ عوامی حقوق کی تحریک کے ساتھ اپنی جدوجہد پوری قوت اور مستقل مزاجی کے ساتھ جاری رکھیں گے۔
ببرک خان نے اپنے خطاب میں 5 اگست 2019 کو بھارت کی فاشسٹ مودی حکومت کی جانب سے جموں و کشمیر کی خصوصی آئینی حیثیت ختم کیے جانے کے اقدام کی شدید الفاظ میں مذمت کرتے ہوئے اسے کشمیری عوام کے بنیادی حقوق پر حملہ قرار دیا.

11/06/2026

31/05/2026

کوٹلی/ تتہ پانی ٹاؤن کمیٹی میں بنڈہور زیریں کو شامل نہ کرنا ناانصافی ہے، علاقہ مکینوں کا شدید احتجاج۔
تتہ پانی ٹاؤن کمیٹی کی حدود کے تعین کے معاملے پر مقامی آبادی میں تشویش کی لہر دوڑ گئی ہے۔

علاقہ مکینوں نے بنڈہور زیریں کو ٹاؤن کمیٹی سے باہر رکھنے کے فیصلے پر شدید تحفظات کا اظہار کرتے ہوئے حکومت اور متعلقہ حکام سے اس فیصلے پر نظرثانی کا مطالبہ کیا ہے۔

علاقہ ​مکینوں کا کہنا ہے کہ بنڈہور تتہ پانی شہر سے محض چند میٹر کے فاصلے پر واقع ہے، جو جغرافیائی اور انتظامی لحاظ سے ٹاؤن کمیٹی کا حصہ بننے کا مکمل حق رکھتا ہے۔ انہوں نے احتجاجاً موقف اختیار کیا کہ ایک طرف دور دراز کے علاقوں کو ٹاؤن کمیٹی کا حصہ بنایا جا رہا ہے، جبکہ دوسری طرف بالکل متصل واقع گاؤں بنڈہور کو نظر انداز کیا جا رہا ہے جو کہ سراسر ناانصافی اور سنگین انتظامی غلطی ہے۔

​علاقہ کے معززین اور نوجوانوں کا کہنا ہے کہ اگر بنڈہور زیریں کو اس فیصلے میں شامل نہ کیا گیا تو یہ علاقہ بنیادی ترقیاتی فنڈز، شہری سہولیات اور بلدیاتی نمائندگی سے محروم رہ جائے گا۔ انہوں نے اعلیٰ حکام سے پرزور اپیل کی ہے کہ عوامی خواہشات کا احترام کرتے ہوئے بنڈہور زیریں کو فوری طور پر تتہ پانی ٹاؤن کمیٹی کا حصہ بنایا جائے، بصورتِ دیگر مکین اپنے حقوق کے لیے پرامن احتجاج کا دائرہ کار وسیع کرنے پر مجبور ہوں گے۔

31/05/2026

راولاکوٹ : باوثوق ذرائع سے معلوم ہوا ہے کہ سابق وزیراعظم آزاد کشمیر سردار تنویر الیاس خان اور ان کے خاندان کے مابین پیدا ہونے والی رنجشوں کو ختم کرنے کے لیے پونچھ کے عمائدین علاقہ مسلسل مصالحانہ کردار ادا کرتے آئے ہیں اسی تسلسل میں چند روز قبل ایک اہم جرگہ منعقد ہوا جس میں سردار شوکت ایڈووکیٹ، مولانا اسحاق، مولانا آفتاب کاشر، چیئرمین طفیل، سلیم ترابی، سردار زبیر، ڈی ایس پی شفیق مغل، سردار ایاز مغل، پیر عبدالقادر شریک تھے جرگہ میں بعض بنیادی اصول طے کیے گئے تھے تاکہ باہمی کدورتیں ختم ہو سکیں اور خاندانی اتحاد بحال ہو جس کا جرگہ خود ضامن بنا ہے افسوسناک امر یہ ہے کہ سردار الیاس خان کی جانب سے طے شدہ اصولوں کی دو مرتبہ خلاف ورزی کی گئی ہے
سردار الیاس خان کے اس رویے پر جرگہ میں شریک عمائدین نے شدید تحفظات کا اظہار کرتے ہوئے متفقہ اور اصولی فیصلہ کیا ہے کہ آئندہ برادری کا کوئی بھی فرد سردار الیاس خان انکے بھائی اور جو پارٹی بنے ہوئے ہیں انکی کسی بھی نجی خوشی یا غمی کی تقریب میں شرکت نہیں کرے گا علاقہ کے بزرگوں اور معززین کی خلوصِ نیت سے کی جانے والی مصالحانہ کوششوں کو سبوتاژ کرنا یقیناً ایک افسوسناک عمل ہے

31/05/2026

کنٹرول لائن بھی محبت کے قدم نہ روک سکی، آزادکشمیر کا نوجوان ایل او سی عبور کرکے محبوبہ سے ملنے مقبوضہ جموں کشمیر پہنچ گیا، تاہم بھارتی فوج نے دونوں کو گرفتار کرلیا۔ ذرائع

21/05/2026

مسلم لیگ ن عباس پور ٹکٹ کیلئے یاسین گلشن اور اسامہ زاہد میں سخت مقابلہ، سیاسی حلقوں میں چہ مگوئیاں تیز عباس پور میں ن لیگ ٹکٹ کا معرکہ دلچسپ مرحلے میں داخل، دونوں امیدواروں کے حامی متحرک

خبر*
عباسپور: مسلم لیگ ن کے حلقہ عباس پور سے امیدوار اسمبلی کے ٹکٹ کے حصول کے لیے سابق وزیر اور سابق ٹکٹ ہولڈر چوہدری یاسین گلشن اور نوجوان سیاسی شخصیت سردار اسامہ زاہد کے درمیان سخت مقابلے کی اطلاعات سامنے آ رہی ہیں۔ سیاسی حلقوں میں دونوں رہنماؤں کے حوالے سے مختلف دعوے اور تبصرے گردش کر رہے ہیں۔
ذرائع کے مطابق چوہدری یاسین گلشن اپنے سیاسی تجربے، سابق حیثیت اور جماعتی روابط کی بنیاد پر مضبوط امیدوار تصور کیے جا رہے ہیں جبکہ بعض حلقوں کا کہنا ہے کہ پارٹی ٹکٹ کے حصول کے لیے ان کی پوزیشن مستحکم دکھائی دے رہی ہے۔
دوسری جانب نوجوان رہنما سردار اسامہ زاہد بھی سیاسی میدان میں متحرک ہیں۔ سیاسی مبصرین کے مطابق نوجوان ووٹرز میں ان کا اثر و رسوخ اور متحرک ٹیم انہیں ایک مضبوط امیدوار کے طور پر سامنے لا رہی ہے۔ ان کے حامی حلقوں کی جانب سے بھی مثبت اشاروں اور گرین سگنل کے دعوے کیے جا رہے ہیں۔
سیاسی حلقوں میں سوشل میڈیا پر دونوں امیدواروں کے حق میں مختلف دعوے سامنے آ رہے ہیں، تاہم اب تک مسلم لیگ ن کی جانب سے حلقہ عباس پور کے لیے کسی امیدوار کو باضابطہ ٹکٹ جاری نہیں کیا گیا۔
تجزیہ نگاروں کے مطابق حتمی اعلان تک صورتحال غیر یقینی ہے اور پارٹی قیادت کے فیصلے کے بعد ہی واضح ہو سکے گا کہ مسلم لیگ ن عباس پور سے کس امیدوار پر اعتماد کرتی ہے۔ پارٹی قیادت کی جانب سے آنے والے فیصلے تک انتظار کیجئے،

19/05/2026

تتہ پانی کے نواحی علاقے کنویاں میں شیر کی آمد علاقے کے لوگ خوفزدہ
ضلعی انتظامیہ اور وائلڈ لائف حکام صورتحال کا فوری نوٹس لیں اور عوام کو محفوظ رکھنے کیلئے عملی اقدامات کریں۔
علاقے میں احتیاطی الرٹ جاری کرنے کا مطالبہ۔

13/05/2026

کوٹلی/ راج محل: تتہ پانی کے نواحی علاقہ بنڈہور بغناڑیاں روڈ پر کنکریٹ کا کام شروع کر دیا گیا۔
یہ منصوبہ مقامی ترقیاتی اقدامات کا حصہ ہے، جس کا مقصد علاقے میں آمدورفت کی سہولت کو بہتر بنانا ہے۔

عوام علاقہ نے اس موقع پر وزیر حکومت ظفر اقبال ملک اور ان کی پوری ٹیم (بالخصوص سردار امیر خان جنہال، اسد علی ملک، سردار عبد الغفور، سردار عنصر ایڈووکیٹ، سردار پرویز جنہال، سردار زراعت جنہال اور دیگر)کا شکریہ ادا کیا۔
معززین علاقہ کا مزید کہنا تھا کہ حلقہ راج محل میں بلا تخصیص ترقیاتی کاموں کا سلسلہ جاری ہے۔ آمدہ الیکشن میں ملک ظفر اقبال بھاری اکثریت سے کامیاب ہوں گے۔

08/05/2026

سابق وزیر،ممبر قانون ساز اسمبلی آزاد کشمیر چوہدری رشید باضابطہ طور پر مسلم لیگ نون میں شامل ہو گئے،وزیر امور کشمیر امیر مقام،وفاقی وزیر سردار یوسف نے سابق وزیر اعظم آزاد کشمیر راجہ محمد فاروق حیدر خان کی موجودگی میں چوہدری رشید کے گلے میں پارٹی پرچم ڈال کر انھیں ویلکم کیا

03/05/2026

یہ جو لیڈر تیرے میرے ہیں یہ اکثر چور لٹیرے ہیں
پنڈی ان کی کوٹھی ہے باہر ان کے ڈیرے ہیں
نیو انداز میں شاعری سوشل میڈیا پر وائرل