04/09/2026
Korean Spicy Fried Chicken
ဒီနေ့တော့ ကိုရီးယားကားလေးကြည့်ရင် ကိုရီးယားကြက်ကြော်လေး ကြော်စားကြရအောင်နော်…
ကိုရီးယားကြက်ကြော်လေးတွေလေးတွေက အိအိလေးအပြင်၊ ပျားရည်ရဲ့အချိုအရသာလေးကြောင့် ကလေးရော၊ လူကြီးပါကြိုက်နှစ်သက်ကြပါတယ်။ ဆုမြတ်ကိုရီးယားကြက်ကြော်ကို ပထမဦးဆုံးစားဖူးတာကတော့ Korean Expo 2016တုန်းကပါ။ အဲ့အချိန်တုန်းက ကိုရီးယားပါမောက္ခက သူ့သားနဲ့အတူ ကိုရီးယားကြက်ကြော်လေးရောင်းတယ်။ ဆုမြတ်နဲ့သူငယ်ချင်းကတော့ ရုပ်လေးပြစားပြီး ကြက်ကြော်ကူရောင်းတာပေါ့နော်…. (နောက်တာပါ)။ အဲ့တုန်းကတော့ ကြက်ကြော်မှာ တော့ပုကီချောင်းတွေ၊ ကြက်သွန်နီအတုံးလေးတွေနဲ့ အာလူးအတုံးလေးတွေ ထည့်ကြော်ပြီးရောင်းတာ။
နောက်ပိုင်းLotteria မြန်မာပြည်ရောက်လာတော့ သူတို့ကကိုရီးယားကြက်ကြော်လေးကို ရွှေဖရုံသီးလေးတွေ ထည့်ကြော်ပြီးထည့်တယ်။ မြေပဲလေးတွေဖြူးပြီးထည့်တော့ စားရတာ ချိုချိုဆိမ့်ဆိမ့်လေးပေါ့။ ဒီနေ့ဆုမြတ်ကြော်ပြမယ့် ကြက်ကြော်လေးကိုတော့ စပ်စပ်လေးဖြစ်အောင် ငရုတ်သီးမှုန့်ထည့်ပြီးကြော်ထားတယ်။ သူတို့ပုံမှန်ကြော်နေကျ အတုံးလေးတွေထက်အလွှာလေးတွေ လုပ်ပြီးကြော်ထားတယ်။ ဘာမှထပ်မထည့်ထားပဲ နှမ်းလှော်လေးနဲ့ နှမ်းဆီလေးပဲဆမ်းထားတော့ ချိုချို၊ စပ်စပ်၊ မွှေးမွှေးလေးပေါ့…
လုပ်စားရအောင်နော်….
ပါဝင်ပစ္စည်းများ
ကြက်ရင်ပုံ တစ်ခြမ်း
Dashiရေညှိမှုန့် လက်ဖက်ဇွန်း၁ဇွန်း
ကြက်ကြော်မှုန့် လိုသလောက်
ဆား လက်ဖက်ဇွန်း၁ဇွန်း
ငရုတ်ကောင်းမှုန့် အနည်းငယ်
ဟင်းသီးဟင်းရွက်ဆီ ကြော်ရန်
ရေခဲရေ ၁ခွက်
ဆော့စ်ပြုလုပ်ရန်
Korean Gochujang paste စားပွဲဇွန်း၁ဇွန်း
ဟင်းသီးဟင်းရွက်ဆီ စားပွဲဇွန်း၂ဇွန်း
ရှာလကာရည် စားပွဲဇွန်း၁ဇွန်း
ပဲငံပြာရည်အကြည် စားပွဲဇွန်း၁ဇွန်း
ပျားရည် စားပွဲဇွန်း၄၊ ၅ဇွန်း
နှမ်းဆီ စားပွဲဇွန်း၁ဇွန်း
ကြက်သွန်ဖြူ စားပွဲဇွန်း၂ဇွန်း
ငရုတ်သီးမှုန့် စားပွဲဇွန်း၁ဇွန်း
နှမ်းလှော် အနည်းငယ်
ပြုလုပ်နည်းအဆင့်ဆင့်
၁။ ကြက်ရင်ပုံကို ရေနှင့်သေချာဆေးကြောပြီး အလွှာလေးတွေလှီးထားပါ။ ကြက်ကြော်အမှုန့်ကို ဆား၊ ငရုတ်ကောင်းမှုန့်၊ ရေညှိမှုန့်တို့နဲ့ရောထားပါ။ ရေခဲရေကို ခွက်တစ်ခွက်ထဲမှာ သပ်သပ်ပြင်ထားပါ။
၂။ ဒယ်အိုးထဲမှာကြက်သားမြုပ်လောက်တဲ့ထိ ဆီထည့်ပြီး ဆီပူလာတဲ့ထိစောင့်ပါ။ ဆီပူလာပြီဆိုရင် ကြက်သားအလွှာလေးတွေကို အကြော်မှုန့်ထဲအရင်နှစ်ပါ။ ပြီးရင်ရေခဲရေထဲနှစ်ပြီး ချက်ချင်းပြန်ဆယ်ပါ။ နောက်တစ်ခေါက် ကြက်ကြော်အမှုန့်ထဲနှစ်ပြီး ဆီပူထည့်မှာထည့်ကြော်ပါ။ နီညိုရောင်သမ်းထာတဲ့ထိ ကြော်ပြီးခနဆယ်ထားပါ။ နောက်၃၊ ၄မိနစ်လောက် ထပ်ကြော်ပါ။
၃။ ဆော့စ်စပ်ရန်အတွက် နှမ်းလှော်ကလွဲပြီး ပါဝင်ပစ္စည်းအားလုံးကို သမအောင်ရောထားပါ။ အိုးအသစ်တစ်လုံးထဲမှာ ကြော်ထားတဲ့ကြက်ကြော်များနှင့် ဆောစ့်များကိုရောပြီးလိမ့်ပေးပါ။ ပန်းကန်ထဲမှာ တည်ခင်းပြီးနှမ်းလှော်ဖြူးပါ။ ချိုချို၊ စပ်စပ်၊ မွှေးမွှေးကိုရီးယားကြက်ကြော်လေးကို သုံးဆောင်နိုင်ပါပြီနော်…….
Korean Spicy Fried Chicken
Hi everyone!! Welcome back to my kitchen jungle. Today, let’s eat Korean spicy fried chicken while watching Korean drama.
Korean fried chicken tastes sweet because of honey and the texture of chicken is so nice. Children and adults love to eat Korean fried chicken. The first time I ate Korean fried chicken was at the Korean Expo 2016. At that time our Korean professor and his son sold Korean fried chicken and me and a friend assisted them with our beauty face. (Haha just kidding) At that time they sold fried chicken with fried Korean rice sticks, onion and potato.
Later Lotteria brand reach our country, they sell fried chicken with fried pumpkin and sprinkle it with peanuts. So it tastes so sweet and nutty. Today I added chillies powder to taste a little bit spicy. I don’t dice the chicken as usual. I slice the chicken like fillets. And also I didn’t add more and I just added roasted sesame and sesame oil, so the taste is so sweet, a little bit spicy and smells good.
Let’s make it…….
Ingredients
1 Chicken Breast
Dashi Seaweed Powder 1Tsp
Salt 1Tsp
Fried Chicken Buttermilk Powder Optimal
Pepper A little bit
Vegetable oil For fried
Ice water 1 Cup
For sauce
Korean Gochujang Paste 1Tbsp
Garlic paste 2Tbsp
Vinegar 1Tbsp
Light soy sauce 1Tbsp
Honey 4/5Tbsp
Sesame oil 1Tbsp
Chili powder 1Tbsp
Roasted sesame Optimal
Vegetable oil 1Tbsp
Instructions
1. Wash the chicken breast and slices into fillets. Mixed fried chicken buttermilk powder with pepper, salt and dashi seaweed powder. Ice water placed into a bowl.
2. Heat the pan and pour the vegetable oil into the pan until it covers the chicken fillets. Take the chicken fillets, lightly dust them with fried chicken buttermilk powder and dip them in the ice water. Then place them in the fried chicken buttermilk powder again.
3. Add the chicken into the oil and cook until the chicken is turned into golden brown colour. Place the fried chicken set aside and fried the chicken second time for 3 to 4 minutes and set aside.
4. Put all ingredients except roasted sesame and mix thoroughly. Place the new pan, add all fried chicken and mix with sauce thoroughly. Served the fried chicken into the plate and sprinkled it with roasted sesame.
