https://vakkommmediaonline.news.blog/

𝐕𝐀𝐊𝐊𝐎𝐌 🅜𝐄𝐃𝐈𝐀, Dubai (2025)

21/12/2025

കടയ്ക്കാവൂർ ചാവിടിമുക്കിൽ കാർ തലകീഴായി മറിഞ്ഞ് അപകടം

20/12/2025

രാത്രിയിൽ വിദ്യാർഥിനികളെ സ്റ്റോപ്പിലിറക്കിയില്ല; കെഎസ്ആർടിസി കണ്ടക്ടറെ സർവീസിൽ നിന്ന് നീക്കി

20/12/2025

3 കോടിയുടെ ഇൻഷുറൻസിനായി പിതാവിനെ പാമ്പിനെക്കൊണ്ട് കടിപ്പിച്ചു കൊന്നു; മക്കള്‍ പിടിയിൽ

20/12/2025

ക്രിസ്മസ് - പുതുവത്സരാഘോഷത്തോടനുബന്ധിച്ച് കോവളം തീരത്ത് സുരക്ഷ വർദ്ധിപ്പിക്കും

വിഴിഞ്ഞം: ക്രിസ്മസ് - പുതുവത്സരാഘോഷത്തോടനുബന്ധിച്ച് കോവളം തീരത്ത് സുരക്ഷ വർദ്ധിപ്പിക്കും.ഇതുസംബന്ധിച്ച് കഴിഞ്ഞ ദിവസം ചേർന്ന യോഗത്തിലാണ് തീരുമാനം.പൊലീസിന്റെ നിർദ്ദേശങ്ങൾ കർശനമായി പാലിക്കണമെന്നും തീരുമാനിച്ചു.

തീരത്ത് ആഘോഷ പരിപാടികൾ സംഘടിപ്പിച്ചാൽ പൊലീസിൽ അറിയിക്കണമെന്ന് കോവളം എസ്.എച്ച്.ഒ വി.ജയപ്രകാശ് അറിയിച്ചു.പൊലീസ് നിർദ്ദേശാനുസരണം മാത്രമെ പരിപാടികൾ സംഘടിപ്പിക്കാവൂവെന്നും,ഡി.ജെ പാർട്ടികൾ സംബന്ധിച്ച് മുൻകൂർ അനുമതി വാങ്ങണമെന്നും പൊലീസ് പറഞ്ഞു.

ഇത്തരം പാർട്ടികൾ നടത്തുന്ന സ്ഥലങ്ങളിൽ പരിശോധന നടത്തും.പാർട്ടികളിൽ മാനദണ്ഡങ്ങൾ കർശനമായി പാലിക്കണം.മഫ്ട‌ിയിലുൾപ്പെടെ പൊലീസ് സാന്നിദ്ധ്യമുണ്ടാവും.തീരത്ത് ഇടവഴികളിലുൾപ്പെടെ കൂടുതൽ സുരക്ഷ വിളക്കുകൾ സ്ഥാപിക്കാൻ നിർദ്ദേശിച്ചിട്ടുണ്ട്.സി.സി ടിവി ക്യാമറകളും സ്ഥാപിക്കും.

തീരത്ത് പൊലീസ് കൺട്രോൾ റൂം തുറക്കും.സുരക്ഷയ്ക്കായി 300 പൊലീസുകാരെ വിന്യസിക്കും.അശ്വാരൂഢ പൊലീസും രംഗത്തുണ്ടാവും.മെഡിക്കൽ ക്യാമ്പുകൾ,ലൈഫ് ഗാർഡുകൾ എന്നിവയും സജ്ജമാക്കും.കോവളം എസ്.എച്ച്.ഒയുടെ അദ്ധ്യക്ഷതയിൽ ഹോട്ടൽ ഉടമകൾ,വിവിധ സ്ഥാപനങ്ങൾ നടത്തുന്നവർ തുടങ്ങിയവർ യോഗത്തിൽ പങ്കെടുത്തു.

20/12/2025

എ.ഐ ഗ്ലാസ് ധരിച്ച് പദ്മനാഭസ്വാമി ക്ഷേത്രത്തിലെത്തി: സിംഗപ്പൂർ സ്വദേശിയെ കസ്റ്റഡിയിലെടുത്ത് വിട്ടയച്ചു

തിരുവനന്തപുരം: പദ്മനാഭസ്വാമി ക്ഷേത്രത്തിൽ എ.ഐ മെറ്റാ കൂളിംഗ് ഗ്ലാസ് ധരിച്ചെത്തിയ ശ്രീലങ്കൻ വംശജനായ സിംഗപ്പൂർ സ്വദേശിയെ പൊലീസ് പിടികൂടി.ഫേസ്ബുക്കിന്റെ മാതൃകാ കമ്പനിയായ മെറ്റ പുറത്തിറക്കിയ അത്യാധുനിക സാങ്കേതിക വിദ്യകളോടെയുള്ള ഗ്ലാസ് ധരിച്ചെത്തിയ തിരുനീപ്പനെയാണ് (49) സുരക്ഷാ ജീവനക്കാർ പിടികൂടിയത്. ഇന്നലെ രാവിലെ 9.30 ഓടെയാണ് സംഭവം.കുടുംബത്തോടൊപ്പം ദർശനത്തിനെത്തിയതായിരുന്നു.ഫോർട്ട് പൊലീസ് അറസ്റ്റ് ചെയ്തശേഷം ഇന്ന് രാവിലെ ഹാജരാകാൻ ആവശ്യപ്പെട്ട് വിട്ടയച്ചു.

അതീവ സുരക്ഷയുള്ള ക്ഷേത്രത്തിൽ ഇലക്ട്രോണിക് സാധനങ്ങൾക്കെല്ലാം നിയന്ത്രണമുണ്ട്.എന്നാൽ ഇക്കാര്യം അറിയാതെയാണ് ഗ്ലാസ് ധരിച്ചെത്തിയതെന്നാണ് ഇയാളുടെ വിശദീകരണം.സംഭവത്തിൽ തുടരന്വേഷണം നടത്തുമെന്ന് പൊലീസ് പറഞ്ഞു.സ്മാർട്ട് ഗ്ലാസ് ധരിച്ചെത്തി ക്ഷേത്രത്തിൽ കയറിയ ഗുജറാത്ത് സ്വദേശിയും മുമ്പ് അറസ്റ്റിലായിരുന്നു.

20/12/2025

സത്യ പ്രതിജ്ഞയ്ക്ക് മുമ്പ് വാക്കുപാലിച്ച് നിയുക്ത ജില്ലാ പഞ്ചായത്തംഗം

കിളിമാനൂർ: ഇന്ന് സത്യ പ്രതിജ്ഞ നടക്കാനിരിക്കെ വിദ്യാർത്ഥികൾക്കും സ്കൂൾ അധികൃതർക്കും നൽകിയ വാക്ക് പാലിച്ച് കിളിമാനൂർ ഡിവിഷനിൽ നിന്ന് തിരഞ്ഞെടുക്കപ്പെട്ട നിയുക്ത ജില്ലാ പഞ്ചായത്ത് അംഗം ദീപാ അനിൽ.

വോട്ട് അഭ്യർഥിച്ച് കിളിമാനൂർ രാജാ രവിവർമ്മ ഗേൾസ് ഹയർസെക്കൻഡറി സ്കൂളിന് മുന്നിലൂടെ പോയ ദീപ ജില്ലാ കലോത്സവത്തിന് പ്രാക്ടീസ് ചെയ്യുന്ന കുട്ടികളെ അപ്രതീക്ഷിതമായാണ് കണ്ടത്. സംസാരത്തിനിടെ മത്സരത്തെപറ്റിയും അതിനുണ്ടാകുന്ന ഭാരിച്ച ചെലവുകളെ പറ്റിയും കുട്ടികൾ ദീപാ അനിലിനോട് വിശദീകരിച്ചു.

സാമ്പത്തികമായി പിന്നാക്കം നിൽക്കുന്ന നിരവധി കുട്ടികൾ ഈ കൂട്ടത്തിൽ ഉണ്ടെന്നും അദ്ധ്യാപകരും പി.ടി.എയും കുട്ടികളും നല്ലൊരു തുക ചെലവാക്കിയാലും സംസ്ഥാന തലത്തിൽ മത്സരിക്കാൻ അതിലും ഒരുപാട് തുക വേണമെന്നും ദീപയോട് അധികൃതർ വ്യക്തമാക്കി. ഇതോടെ ജില്ലാ മത്സരത്തിൽ വിജയിച്ചാൽ താൻ തിരഞ്ഞെടുപ്പിൽ ജയിച്ചാലും തോറ്റാലും സംസ്ഥാന തലത്തിൽ മത്സരത്തിന് പോകാൻ ചെലവാകുന്ന പണം കണ്ടെത്തി നൽകാമെന്ന് വാക്കു നൽകി.

സ്കൂളിൽനിന്ന് അറുപതോളം കുട്ടികൾ സംസ്ഥാന തലത്തിലേക്ക് യോഗ്യത നേടി. ഇതറിഞ്ഞ ദീപ സത്യപ്രതിജ്ഞയ്ക്ക് മുമ്പ് തന്നെ മുഴുവൻ കുട്ടികൾക്കും സംസ്ഥാനതല മത്സരത്തിൽ പങ്കെടുക്കാനുള്ള തുക സ്കൂൾ പ്രിൻസിപ്പലിനും കുട്ടികൾക്കും കൈമാറി. തന്റെ പ്രവാസി സുഹൃത്തുക്കളുടെ സഹായത്താലാണ് ഈ തുക കണ്ടെത്തി നൽകിയത്.

20/12/2025

നഗരത്തിലെ ഗതാഗത ക്രമീകരണം: യു.എസ്.ടി ഉപകരണങ്ങൾ നൽകി

തിരുവനന്തപുരം: നഗരത്തിലെ ട്രാഫിക് സുരക്ഷാ പ്രവർത്തനങ്ങൾ ശക്തമാക്കുന്നതിന്റെ ഭാഗമായി, തിരുവനന്തപുരം യു.എസ്.ടി സിറ്റി പൊലീസിന് ഉപകരണങ്ങൾ കൈമാറി.യു.എസ്.ടിയുടെ സി.എസ്.ആർ ഫണ്ടിൽ നിന്ന് അനുവദിച്ച രണ്ട് ഇലക്ട്രിക് സ്കൂട്ടറുകൾ,നാല് ബോഡി വോൺ ക്യാമറകൾ,റോഡ് ബാരിക്കേഡുകൾ എന്നിവയാണ് നൽകിയത്.തിരുവനന്തപുരം സിറ്റി പൊലീസ് കമ്മീഷണറുടെ ഓഫീസിൽ നടന്ന ചടങ്ങിൽ യു.എസ്.ടി സെന്റർ ഹെഡ് ശില്പ മേനോനിൽ നിന്ന് ഡി.ഐ.ജിയും സിറ്റി പൊലീസ് കമ്മീഷണറുമായ തോംസൺ ജോസ് ഉപകരണങ്ങൾ ഏറ്റുവാങ്ങി.

സിറ്റിയിലെ ക്രമസമാധാന ചുമതലയുള്ള ഡി.സി.പിമാരായ ഫറാഷ്.ടി,ദീപക് ധൻകർ,അഡ്മിനിസ്ട്രേഷൻ ഡി.സി.പി എം.കെ.സുൽഫിക്കർ എന്നിവർ പങ്കെടുത്തു.

20/12/2025

വാളയാർ ആൾക്കൂട്ടക്കൊല : അന്വേഷണം ക്രൈംബ്രാഞ്ചിന്, ഡിവൈഎസ്പി നേതൃത്വം നൽകും

പാലക്കാട് :വാളയാർ അട്ടപ്പള്ളത്ത് അന്യ സംസ്ഥാന തൊഴിലാളിയെ ആൾക്കൂട്ടം മർദിച്ചുകൊന്ന സംഭവത്തിലെ അന്വേഷണം ക്രൈംബ്രാഞ്ചിന്. ഡിവൈഎസ്പിയുടെ നേതൃത്വത്തിലുള്ള ജില്ലാ ക്രൈംബ്രാഞ്ച് സംഘം കേസ് അന്വേഷിക്കും. ഛത്തിസ്ഗഢ് സ്വദേശി രാംമനോഹർ വയ്യാർ (31) കൊല്ലപ്പെട്ട സംഭവത്തിൽ ഇതുവരെ അഞ്ച് പേരാണ് പിടിയിലായിട്ടുള്ളത്. അട്ടപ്പള്ളം സ്വദേശികളായ അനു, പ്രസാദ്, മുരളി, അനന്തൻ, വിബിൻ എന്നിവരാണ് അറസ്റ്റിലായത്.

ബുധനാഴ്ച വൈകീട്ടായിരുന്നു സംസ്ഥാനത്തെ ഞെട്ടിച്ച അരുംകൊല അരങ്ങേറിയത്. മോഷണക്കുറ്റം ആരോപിച്ച് രാംമനോഹറിനെ ആൾക്കൂട്ടം തടഞ്ഞുവച്ച് മർദിക്കുകയായിരുന്നു. മർദനമേറ്റ് ചോര ഛർദിച്ച് രാംമനോഹർ കുഴഞ്ഞു വീണു. ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സംഭവത്തിൽ വാളയാർ അട്ടപ്പള്ളം മാതാളികാട് സ്വദേശികളായ 15 പേരെയാണ് വാളയാർ പൊലീസ് കസ്റ്റഡിയിലെടുത്തത്. സംഭവത്തിൽ കൂടുതൽ പേരുടെ അറസ്റ്റ് ഉടനുണ്ടായേക്കും

20/12/2025

യുവതിയെ വീട്ടിനുള്ളിൽ പൊള്ളലേറ്റ് മരിച്ചനിലയിൽ കണ്ടെത്തി

തൃശൂർ: യുവതിയെ വീട്ടിനുള്ളിൽ പൊള്ളലേറ്റ് മരിച്ചനിലയിൽ കണ്ടെത്തി. തൃശൂർ പഴുവിൽ വെസ്റ്റ് വലിയകത്ത് സുൽഫത്ത് (38) ആണ് മരിച്ചത്. വീട്ടിലെ അടുക്കളയിലാണ് മൃതദേഹം കണ്ടെത്തിയത്. തൃപ്രയാറിൽ തയ്യൽ കട നടത്തുകയായിരുന്നു സുൽഫത്ത്. വീട്ടിലിരുന്ന് തുന്നിയ വസ്ത്രങ്ങൾ കടയിൽ നൽകാൻ ഭർത്താവും മകളും പോയതിനാൽ വീട്ടിൽ മറ്റാരും ഉണ്ടായിരുന്നില്ല.

തുന്നിയ വസ്ത്രം വാങ്ങാൻ വീട്ടിലെത്തിയ അയൽവാസി വിളിച്ചിട്ട് വാതിൽ തുറക്കാതിരുന്നതിനെ തുടർന്ന് ബന്ധുക്കളെ വിവരമറിയിക്കുകയായിരുന്നു. നാട്ടുകാർ വാതിൽ തുറന്ന് അകത്ത് എത്തിയപ്പോൾ കത്തിക്കരിഞ്ഞ നിലയിലാണ് മൃതദേഹം കണ്ടത്. സമീപത്ത് നിന്ന് ഒഴിഞ്ഞ മണ്ണെണ്ണക്കുപ്പിയും കണ്ടെടുത്തു.

20/12/2025

തിരുവനന്തപുരത്ത് ഓട്ടോ ഡ്രൈവർക്ക് കസ്റ്റഡി മർദ്ദനം; ആരോപണം നിഷേധിച്ച് പൊലീസ്

തിരുവനന്തപുരം: തലസ്ഥാനത്ത് പൊലീസ് കസ്റ്റഡിയിൽ ഓട്ടോറിക്ഷാ ഡ്രൈവർക്ക് ക്രൂരമർദ്ദനം. നാലാഞ്ചിറ സ്വദേശി ദസ്തക്കീറിനെയാണ് മണ്ണന്തല പൊലീസ് മർദ്ദിച്ചതായി ആരോപണം. വ്യാഴാഴ്ച പുലർച്ചെയാണ് സംഭവം നടന്നത്. വീട്ടിലും പൊലീസ് സ്റ്റേഷനിലുമായി ദസ്തക്കീറിനെ ചൂരൽ കൊണ്ട് ക്രൂരമായി മർദ്ദിച്ചെന്നാണ് ബന്ധുക്കൾ ആരോപിക്കുന്നത്. എന്നാൽ മർദ്ദിച്ചുവെന്ന വാർത്ത പൊലീസ് നിഷേധിക്കുകയായിരുന്നു.

ദസ്തക്കീർ മദ്യപിച്ച് ഭാര്യയെയും മക്കളെയും ഉപദ്രവിക്കുന്നതായി ഇന്നലെ പുലർച്ചെ അഞ്ച് മണിയോടെ പൊലീസിന് വിവരം ലഭിച്ചിരുന്നു. ഇതന്വേഷിക്കാൻ സ്ഥലത്തെത്തിയപ്പോൾ ദസ്തക്കീർ ഓട്ടോറിക്ഷയിൽ നിന്ന് ഇറങ്ങിയോടാൻ ശ്രമിച്ചെന്നും, പിന്തുടർന്ന് പിടികൂടുക മാത്രമാണ് ചെയ്തതെന്നുമാണ് മണ്ണന്തല പൊലീസ് പറയുന്നത്. ഭാര്യയുടെ പരാതിയിലാണ് ഇയാളെ അന്വേഷിച്ച് പൊലീസ് എത്തിയത്.

ഇന്നലെ രാവിലെ സ്റ്റേഷനിൽ നിന്ന് വിട്ടയച്ചപ്പോഴാണ് ശരീരമാസകലം മർദ്ദനമേറ്റ വിവരം ശ്രദ്ധയിൽപ്പെട്ടതെന്ന് ബന്ധുക്കൾ പറയുന്നു. പരിക്കേറ്റ ദസ്തക്കീറിനെ തിരുവനന്തപുരം ജനറൽ ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവത്തിൽ സിറ്റി പൊലീസ് കമ്മീഷണർക്ക് പരാതി നൽകാനാണ് ബന്ധുക്കളുടെ തീരുമാനം.

20/12/2025

വർക്കലയിൽ കാറും ഓട്ടോറിക്ഷയും തമ്മിൽ കൂട്ടിയിടിച്ച് ഓട്ടോ ഡ്രൈവർക്ക് ഗുരുതരമായി പരിക്കേറ്റു

20/12/2025

നിയന്ത്രണം വിട്ട ടോറസ് ലോറി കടയിലേക്ക് ഇലക്ട്രിക് പോസ്റ്റിലേക്ക് ഇടിച്ചു കയറി അപകടം

𝐕𝐀𝐊𝐊𝐎𝐌 🅜𝐄𝐃𝐈𝐀

21/12/2025

20/12/2025

20/12/2025

20/12/2025

20/12/2025

20/12/2025

20/12/2025

20/12/2025

20/12/2025

20/12/2025

20/12/2025

20/12/2025

Address

Telephone

Website

Alerts

Contact The Business

Shortcuts

Share

Category