MyNepal

02/09/2025

२० वर्षअघिको याद: कलंकीको रेडियो पसलबाट सुरु भएको माग्ने बुढाको कलाकारिता यात्रा

काठमाडौं – अहिलेका सर्वाधिक चर्चित हास्य कलाकार केदार प्रसाद घिमिरे ‘माग्ने बुढा’ को कलाकारिता यात्रा २० वर्षअघिको एउटा रोचक घटनाबाट सुरु भएको थियो।

त्यतिबेला उनी काठमाडौंको कलंकीमा रेडियो पसल चलाउँदै थिए। कविता लेख्न रुचि राख्ने केदारले आफ्नो सिर्जना रेडियोमार्फत सुनियोस् भन्ने चाहना राख्थे। संयोगवश, त्यही बाटो हुँदै रेडियो कार्यक्रम चलाउने आरजे सुमित्रा पाण्डे जान्थिन्।

केदारले आफ्ना कविता रेडियोमा सुनाइदिन आग्रह गरे, सुमित्राले पनि राम्रो भएमा बजाउने आश्वासन दिइन्। जब पहिलोपटक रेडियोमा उनको कविता बज्यो, त्यतिबेला उनले आफ्नै पसलको रेडियो ठुलो बनाएर वरिपरिका सबैलाई सुनाएका थिए।

यतिमै सीमित नभई, केही समयपछि रेडियोमा नाटकका लागि कथा लेखक आवश्यक पर्न थालेपछि सुमित्राले केदारलाई प्रस्ताव गरिन्। लेखनमा जोडिए पनि उनको मन अभिनयतर्फै तानिएको थियो। अन्ततः सुमित्राकै पहलमा उनले पहिलोपटक रेडियो नाटकमा आवाज दिएका थिए।

त्यही दिनदेखि सुरु भएको रेडियो यात्रा आज माग्ने बुढालाई नेपालका घर–घरमा परिचित हास्य कलाकार बनाइदिएको छ। आफ्नो कलाकारिताको पहिलो गुरुको रुपमा केदार अझै पनि आरजे सुमित्रा पाण्डेलाई सम्झने गर्छन् !

02/09/2025

पशुपतिनाथको सन्ध्या आरतीको यो दृश्यले सबैको मनकामना पूरा गरुन। 🙏

31/08/2025

ओली र मोदीबीच भेट

प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीबीच भेट। चीनको शांघाई सहयोग संगठन (एससीओ) प्लस को शिखर सम्मेलनमा सहभागी प्रधानमन्त्री ओली र भारतका प्रधानमन्त्री मोदीबीच भेट भएको हो।
तस्बिर : दिनेश भण्डारी, प्रधानमन्त्रीको सचिवालय

30/08/2025

खोटाङको देबिस्थानस्थित पञ्चकन्या पोखरीमा सामूहिक सरसफाइ

खोटाङको जन्तेढुङ्गा गाउँपालिका–१, देबिस्थानस्थित धार्मिक आस्थाको प्रतीक पञ्चकन्या पोखरी र पञ्चकन्या मन्दिर परिसरमा सामूहिक सरसफाइ कार्यक्रम सम्पन्न भएको छ।

स्थानीय समुदाय र श्रद्धालु भक्तजनहरूको सक्रिय सहभागितामा आयोजित कार्यक्रममा पोखरी तथा मन्दिर परिसर सफा गर्दै धार्मिक स्थललाई अझ आकर्षक र व्यवस्थित बनाइएको छ।

जन्तेढुङ्गा गाउँपालिका–१ का वडाध्यक्ष केदारमान राईले धार्मिक स्थलको संरक्षण र सरसफाइमा स्थानीयवासीको एकता र सक्रियता प्रशंसनीय भएको बताए। उनले निरन्तर सरसफाइ र संरक्षणमार्फत पवित्र स्थललाई आगामी पुस्ताका लागि सुरक्षित राख्न सबैलाई आग्रह गरे।

अध्यक्ष राईले सामूहिक प्रयासले धार्मिक आस्था र वातावरणीय सचेतना दुवैलाई बल मिलेको भन्दै सहभागी सबैप्रति आभार प्रकट गरेका छन्।

17/08/2025

सरकार शासक होइन, जनताको सेवा गर्ने सेवक भएर लाग्नुपर्छ ।
-डा. सुनिल शर्मा

14/08/2025

ऐतिहासिक उपलब्धि

वर्षौँसम्म केवल प्रक्रियामै अल्झिएको पूर्वाञ्चल विश्वविद्यालयको मेडिकल कलेज अब अन्ततः सञ्चालनमा आएको छ। सांसद भएर अढाई वर्षको छोटो अवधिमा, आदरणीय डा. शेखर कोइरालाको दूरदृष्टिपूर्ण नेतृत्व र माननीय डा. सुनिलकुमार शर्माको अथक प्रयासले यो लामो प्रतीक्षित सपना यथार्थमा बदलिएको हो।

माननीय डा. सुनिलकुमार शर्माले मोरङ क्षेत्र नं. ३ का नागरिकसँग गरेको प्रतिबद्धता आज पूरा भएको छ। यो उपलब्धि केवल मोरङका लागि मात्र होइन, सम्पूर्ण कोशी प्रदेशकै लागि स्वास्थ्य, शिक्षा र रोजगारीको क्षेत्रमा एक वास्तविक ‘Game Changer’ सावित हुनेछ। लाखौँ नागरिकले अब आफ्नै घरआँगनमै सुलभ र गुणस्तरीय स्वास्थ्य सेवा पाउनेछन्, र यस ऐतिहासिक कदमले देशको गौरवलाई नयाँ उचाइमा पुर्‍याउनेछ।

यस ऐतिहासिक उपलब्धिका लागि डा. शेखर कोइराला र डा. सुनिलकुमार शर्मालाई हार्दिक बधाई तथा धन्यवाद।

09/08/2025

‘नेपालमा १० हजार मेडिकल विद्यार्थी भित्र्याउन सके वार्षिक १ खर्ब रेभिन्यु लिन सकिन्छ’

काठमाडौँ । निजी मेडिकल कलेज तथा डेण्टल कलेजका कोषाध्यक्ष शान्तराम बतासले नेपालमा १० हजार मेडिकल विद्यार्थी भित.....

04/08/2025

अदालतको आदेश अवज्ञा गर्ने सीडियो?
माननीय डा. सुनिलकुमार शर्मा काे पहलमा दुर्गा प्रसाई छुट्दै

अदालतले दुर्गा प्रसाईंलाई विना सर्त रिहा गर्न आदेश दिइसकेको अवस्थामा पनि, जेल प्रशासन र सीडियो कार्यालयले ‘राति भयो’ भन्ने बहाना बनाउँदै आदेश पालना नगरेकोप्रति चर्को आलोचना हुन थालेको छ।

संविधानतः अदालतको आदेश सर्वोच्च मानिन्छ भने त्यसको पालना नगर्नु प्रष्टरूपमा अदालतको अवहेलना ठहरिन्छ। यस्तो अवस्थामा जिल्ला प्रशासन र कारागार प्रमुखहरू (जेलर, सीडियो) को भूमिका विवादित बनेको छ।

तर, माननीय संघीय सांसद डा. सुनिलकुमार शर्मा काे सक्रिय पहल र संवादपछि अन्ततः दुर्गा प्रसाई रिहा हुने प्रक्रिया अघि बढाइएको छ।

जनतामाझ प्रश्न उठेको छ — अदालतको आदेशको पालना तुरुन्त नहुने हो भने कानुनी शासनको अर्थ के रहन्छ?

04/08/2025

उदयपुरमा ट्रक पल्टिँदा एक वृद्धको मृत्यु

उदयपुरगढी–७ स्थित जोगिटोलमा पश्चिमबाट पूर्वतर्फ गइरहेको मालवाहक ट्रक पल्टिँदा रौतामाई–७, राजाबास निवासी ७४ वर्षीय टंकबहादुर लामिछाने मगरको घटनास्थलमै मृत्यु भएको छ।
उहाँ गाईबाख्रा चराउने क्रममा सडक छेउमा हुनुहुन्थ्यो। 😥
घटनाबारे थप अनुसन्धान जारी रहेको प्रहरीले जनाएको छ।

29/07/2025

कसको सपना चाडै पूरा हुन्छ जस्तो लाग्छ?🙏