Daily Awami Ankh Pakistan

Daily Awami Ankh Pakistan A local newspaper which publishes all news of public interest

07/06/2026

وہاڑی مسلم لیگ ن سوشل میڈیا ونگ کے ضلعی صدر میاں نیرب خورشید نمبرداران کے ضلعی صدر احسان اللہ تارڑ سے سینئر صحافی میاں وحیدالرحمن کی بلدیاتی الیکشن اور موجودہ سیاسی صورت حال بارے آگاہی بارے گفتگو کا منظر

06/06/2026

وہاڑی آر پی او ملتان عثمان اکرم گوندل نے ضلع وہاڑی کا تفصیلی دورہ کیا جس میں انہوں نے محرم الحرام کے سکیورٹی انتظامات، امن و امان کی مجموعی صورتحال اور جرائم کی روک تھام کے لیے اقدامات کا جائزہ لیاڈی پی او وہاڑی تصور اقبال کے ہمراہ ضلعی امن کمیٹی کے اراکین، لائسنسداران سے ملاقات میں بین المذاہب ہم آہنگی، مذہبی رواداری، بھائی چارے کے فروغ اور امن و امان کے قیام کے حوالے سے تفصیلی تبادلہ خیال کیا آر پی او ملتان نے اس بات پر زور دیا کہ محرم الحرام کے دوران تمام مکاتب فکر باہمی احترام اور تعاون کو فروغ دیں تاکہ ضلع بھر میں پرامن ماحول برقرار رکھا جا سکے انہوں نے جلوسوں اور مجالس کے روٹس کا دورہ کیا اور سکیورٹی انتظامات کا معائنہ کیا متعلقہ افسران کو ہدایت کی کہ جلوسوں اور مجالس کے دوران فول پروف سکیورٹی، مؤثر نگرانی، داخلی و خارجی راستوں کی چیکنگ اور ہنگامی صورتحال سے نمٹنے کے لیے تمام ضروری انتظامات مکمل کیے جائیں انہوں نے ضلع وہاڑی میں کرائم کی موجودہ صورتحال کا بھی تفصیلی جائزہ لیا اس دوران انہیں جرائم کی روک تھام، اشتہاری مجرمان کی گرفتاری، منشیات فروشوں کے خلاف کارروائیوں، سرچ آپریشنز، ناکہ بندیوں اور سنیپ چیکنگ کے حوالے سے بریفنگ دی گئی آر پی او ملتان نے افسران کو ہدایت کی کہ جرائم پیشہ عناصر کے خلاف بلاامتیاز کارروائیاں جاری رکھی جائیں اور شہریوں کے جان و مال کے تحفظ کو ہر صورت یقینی بنایا جائے آر پی او ملتان عثمان اکرم گوندل نے ڈی پی او آفس میں کھلی کچہری کا انعقاد بھی کیا، جہاں شہریوں نے اپنے مسائل، شکایات بتائے۔ آر پی او ملتان نے شہریوں کے مسائل توجہ سے سنے اور ان کے فوری حل کے لیے متعلقہ افسران کو احکامات جاری کیے بعد ازاں آر پی او ملتان نے تھانہ دانیوال کی انسپکشن میں مختلف شعبہ جات، ریکارڈ روم، فرنٹ ڈیسک، حوالات اور دیگر انتظامی امور کا جائزہ لیا آر پی او ملتان نے آن لائن اور مینول ریکارڈ کی تکمیل، مقدمات کے اندراج اور ریکارڈ کی درستگی کو چیک کیا اور متعلقہ افسران کو ہدایت کی کہ تمام سرکاری ریکارڈ کو مکمل، درست اور بروقت اپ ڈیٹ رکھا جائے آر پی او نے افسران کو ہدایت کی کہ عوام دوست پولیسنگ کو فروغ دیتے ہوئے شہریوں کے ساتھ خوش اخلاقی اور ذمہ داری کے ساتھ پیش آیا جائے اور عوامی خدمت کے معیار کو مزید بہتر بنایا جائے #

05/06/2026

وہاڑی مسلم لیگ ن کے ایم پی اے میاں ثاقب خورشید اپنے ساتھیوں سابق یو سی ناظم چودھری محمد آصف،وقاص خان،اکبر علی سندھو،راؤ محمد اسحاق نمبردار، چودھری فضل الرحمن کے ہمراہ 5 کروڑ روپے کی لاگت سے مکمل ہونے والی سڑک تین مرلہ سکیم 11 ڈبلیو بی تا خانیوال روڈ کی افتتاحی تقریب میں پہنچے تو چودھری سعید اختر،ندیم شیروانی، چودھری سعید فضل،طارق گرامی،محمد اشفاق شبیر،چودھری عبدالشکور،قاری عبد الر شید،محمد ظفر اقبال،بابر شوکت، قاری مختار،عبدالرؤف انصاری،رانا تصور علی،انجینئر رانا محمد عدیل اتفاق و دیگر نے پھولوں کے ہار پہنا کر خوش آمدید کہا گل باشی کی ایم پی اے میاں محمد ثاقب خورشید نے فیتہ کاٹ کر افتتاح کرتے ہوے سڑک کو باقاعدہ عوام کے لیے کھول دیا افتتاحی تقریب سے مقامی آبادیوں کے نمائندہ افراد نے خطاب کرتے ہوے وزیر اعلی پنجاب مریم نواز کے تعمیر و ترقی کے ویژن کے مطابق ایم پی اے میاں ثاقب خورشید کی خصوصی دلچسپی ترقی کے جاری سفر کو خوش آئند قرار دیتے ہوے ان کی شبانہ روز جدوجہد کو سراہا انہوں نے واضح کیا کہ مسلم لیگ ن کو جب بھی حکومت ملی ہر شعبہ ہائے زندگی میں ترقی نظر آئی ایم پی اے میاں محمد ثاقب خورشید نے اپنے خطاب میں کہا کہ جیسا بھائی ندیم شیروانی نے بھی بتایا اور آپ سب کو بھی علم ہے کہ آج کل میڈیا کا دور ہے ہر چیز عیاں ہے ہرچیز کھلی کتاب کی طرح موجود ہےحکومتِ پنجاب نے وہاڑی کے لیے 6 ارب 10 کروڑ روپے کا ایک بہت بڑا پیکیج دیا ہےجس میں شہر کی سڑکیں، سیوریج، واٹر سپلائی اور پارکس کی تعمیر و ترقی اور فلٹریشن پلانٹس بھی شامل ہیں انشاء اللہ! آپ کی طرف سے جو دو، تین فلٹر پلانٹس کی نشاندہی کی گئی ہے، وہ شامل کر لیے جائیں گے جون میں بجٹ اجلاس میں شرکت کے لیے ہم نے پرسوں چلے جانا ہے اور ایک ماہ پورا صرف بجٹ کا مہینہ ہے اس میں انشاء اللہ تعالیٰ یہ فلٹریشن پلانٹ، اور پہلی ترجیح سیوریج اور اس کے بعد ٹف ٹائل ہے انشاء اللہ تمام گلیاں اور تمام سڑکیں صرف ڈیڑھ سے دو سال کے عرصے میں ٹف ٹائل والی ہوں گی

05/06/2026

وہاڑی ڈی ایس پی صدر جمشید اکرم 35 ڈبلیو بی میں دعا فاطمہ کے قتل اور ملزم کے انجام تک پہنچنے کی تفصیل نمائندہ خصوصی روزنامہ دنیا ملتان لاہور و روزنامہ عوامی آنکھ وہاڑی کے سوشل میڈیا پیج کے ایڈمن میاں وحیدالرحمن بتا رہے ہیں

04/06/2026

وہاڑی(چیف رپورٹر)اے سی کی طرف سے 4 لمبڑ داروں کے خلاف کاروائی کی سفارش 2 نے رکوالی 2 کو شوکاز نوٹس جاری تفصیل کے مطابق اسسٹنٹ کمشنر انعم اکرم کی طرف سے سرکاری واجبات کی وصولی میں عدم تعاون پر 4 لمبڑداروں جن میں چک نمبر 56 کے زمیندار عبدالحنان خان بدھ، علی شیر چک نمبر 59 ڈبلیو بی کے چودھری فرخ ستار اور چک نمبر 37 ڈبلیو بی کریم بخش لاکھٹ کے خلاف ڈپٹی کمشنر وہاڑی خالد جاوید گورایہ کو کاروائی کی سفارش کرتے ہوے آگاہ کیا کہ مذکورہ لمبڑداروں کی ناقص کارکردگی اور عدم دلچسپی کی وجہ سے 61 لاکھ روپے سے زائد کی ریکوری پینڈنگ ہے جن کی وصولی کے لیے پٹواری و ریونیو آفیسر سے کوئی تعاون نہیں کیا جارہا حب کہ ویسٹ پاکستان لینڈ ریونیو رولز کے تحت ریکوری یقینی بنانا ان کی ذمہ داری ہے زرائع کے مطابق ڈپٹی کمشنر خالد جاوید گورایہ نے مبینہ طور پر دو لمبڑ داروں کو رعایت دیتے ہوے چودھری فرخ ستار اور کریم بخش لاکھٹ کو غفلت کا مرتکب قرار دے کر شوکاز نوٹس جاری کردیے ہیں جس سے ضلع بھر کے لمبڑداروں اور با اثر سیاسی حلقوں میں تشویش کی لہر دوڑ گئی ہے #

وہاڑی(نمائندہ خصوصی)سابق چیئرمین ٹاؤن کمیٹی کرم پور اور پاکستان پیپلز پارٹی تحصیل وہاڑی کے صدر راؤ ذوالفقار علی معصومی ن...
04/06/2026

وہاڑی(نمائندہ خصوصی)سابق چیئرمین ٹاؤن کمیٹی کرم پور اور پاکستان پیپلز پارٹی تحصیل وہاڑی کے صدر راؤ ذوالفقار علی معصومی نے کہا ہے کہ گلگت بلتستان کے آئندہ انتخابات میں پاکستان پیپلز پارٹی بھاری اکثریت سے کامیابی حاصل کرے گی انہوں نے کہا کہ پیپلز پارٹی ملک کی مقبول ترین عوامی جماعت ہے اور عوام کا اعتماد اس کی قیادت پر روز بروز مضبوط ہو رہا ہے۔اپنے ایک بیان میں راؤ ذوالفقار علی معصومی نے کہا کہ چیئرمین پاکستان پیپلز پارٹی بلاول بھٹو زرداری کی متحرک قیادت میں پارٹی مزید مضبوط اور منظم ہو چکی ہے۔ انہوں نے کہا کہ پیپلز پارٹی نے ہمیشہ عوامی حقوق، جمہوریت اور ترقی کے لیے جدوجہد کی ہے، جس کی وجہ سے عوام آج بھی اس جماعت کو اپنی پہلی ترجیح سمجھتے ہیں انہوں نے مزید کہا کہ گلگت بلتستان کے عوام پیپلز پارٹی کی خدمات کو قدر کی نگاہ سے دیکھتے ہیں اور آئندہ انتخابات میں پارٹی کے امیدوار بھرپور کامیابی حاصل کریں گے۔ راؤ ذوالفقار علی معصومی نے کارکنوں پر زور دیا کہ وہ انتخابی مہم میں بھرپور حصہ لیں اور پارٹی کا پیغام گھر گھر پہنچائیں #

04/06/2026

وہاڑی(چیف رپورٹر)موبائل فون پر کھیلی جانے والی آن لائن گیمز میں جوئے کے بڑھتے ہوئے رجحان سے والدین اور سماجی حلقوں میں تشویش ذرائع کے مطابق کم عمر بچے معمولی رقم یا انعامات کے لالچ میں ان گیمز کا رخ کر رہے ہیں، جس کے باعث ان کی تعلیم، اخلاقی تربیت اور ذہنی نشوونما بری طرح متاثر ہو رہی ہے۔مقامی شہریوں کا کہنا ہے کہ سکولوں کے طلبہ کے علاوہ ورکشاپوں، ہوٹلوں، دکانوں اور دیگر کاروباری مراکز پر کام کرنے والے بچے بھی ان موبائل گیمز میں مصروف نظر آتے ہیں۔ ابتدا میں تفریح کے نام پر شروع ہونے والا یہ سلسلہ آہستہ آہستہ جوئے کی لت میں تبدیل ہو رہا ہے، جس سے بچوں میں محنت کے بجائے آسانی سے پیسہ کمانے کا رجحان فروغ پا رہا ہے۔سماجی رہنماؤں اور والدین نے خدشہ ظاہر کیا ہے کہ اگر اس خطرناک رجحان پر بروقت قابو نہ پایا گیا تو مستقبل میں نوجوان نسل مختلف سماجی برائیوں اور جرائم کی طرف مائل ہو سکتی ہے۔ انہوں نے کہا کہ بچوں کو مثبت سرگرمیوں، کھیلوں اور تعلیمی مصروفیات کی طرف راغب کرنے کی اشد ضرورت ہے شہریوں نے وفاقی اور صوبائی حکومتوں، پاکستان ٹیلی کمیونیکیشن اتھارٹی (پی ٹی اے) اور متعلقہ اداروں سے مطالبہ کیا ہے کہ جوئے اور سٹے بازی پر مبنی موبائل گیمز اور ایپس کے خلاف سخت کارروائی کی جائے جبکہ والدین بھی اپنے بچوں کے موبائل فون استعمال اور آن لائن سرگرمیوں پر خصوصی نظر رکھیں تاکہ انہیں اس بڑھتے ہوئے خطرے سے محفوظ بنایا جا سکے #

وہاڑی(سٹاف رپورٹر)ڈپٹی کمشنر خالد جاوید گورائیہ نے اچانک ڈی ایچ کیو ہسپتال کا دورہ کیا جس میں ایمرجنسی وارڈ،ڈائیلسز وارڈ...
04/06/2026

وہاڑی(سٹاف رپورٹر)ڈپٹی کمشنر خالد جاوید گورائیہ نے اچانک ڈی ایچ کیو ہسپتال کا دورہ کیا جس میں ایمرجنسی وارڈ،ڈائیلسز وارڈ، فارمیسی، بلڈ بینک، چلڈرن وارڈ اور ایکسرے روم میں فراہم کی جانے والی طبی سہولیات کا جائزہ لیا دورے کے دوران ڈپٹی کمشنر نے ایک ڈاکٹر کی غیر حاضری پر اسے معطل کرنے کا حکم دیا انہوں نے مریضوں کی عیادت بھی کی اور ان سے طبی سہولیات کی فراہمی کے بارے میں دریافت کیا۔ مریضوں نے علاج معالجے کی سہولیات پر اطمینان کا اظہار کیا ڈپٹی کمشنر خالد جاوید گورائیہ نے کہا کہ وزیر اعلیٰ پنجاب مریم نواز شریف کے وژن کے مطابق ہسپتالوں میں بہترین سروس ڈیلیوری کو یقینی بنانا اولین ترجیح ہےانہوں نے ہدایت کی کہ ڈاکٹرز اور طبی عملہ مریضوں کے ساتھ خوش اخلاقی اور حسنِ سلوک سے پیش آئے انہوں نے مزید کہا کہ ہسپتال میں بیڈ شیٹس کو صاف ستھرا رکھا جائے اور مریضوں کو علاج معالجے کی معیاری سہولیات کی فراہمی یقینی بنائی جائے۔ انہوں نے واضح کیا کہ علاج معالجے کی سہولیات کی فراہمی میں کسی قسم کی غفلت یا کوتاہی ہرگز برداشت نہیں کی جائے گی اس موقع پر سی ای او ہیلتھ، ڈاکٹر فہد وحید اور دیگر افسران بھی موجود تھے #

وہاڑی(نمائندہ خصوصی)ڈپٹی کمشنر خالد جاوید گورائیہ کی زیرِ صدارت ضلعی انسدادِ گداگری کمیٹی کا پہلا اجلاس منعقد ہوا حکومتِ...
04/06/2026

وہاڑی(نمائندہ خصوصی)ڈپٹی کمشنر خالد جاوید گورائیہ کی زیرِ صدارت ضلعی انسدادِ گداگری کمیٹی کا پہلا اجلاس منعقد ہوا حکومتِ پنجاب کے احکامات کی روشنی میں ضلع وہاڑی میں ڈسٹرکٹ اینٹی بیگری کمیٹی کو فعال کر دیا گیا ہے اجلاس میں انسدادِ گداگری کمیٹی کے ٹی او آرز پر تفصیلی بریفنگ دی گئی۔ ڈپٹی کمشنر نے گداگری کے خاتمے اور متاثرہ افراد کی معاشرتی بحالی کے لیے تمام متعلقہ اداروں کو باہمی تعاون بڑھانے کی ہدایت کی ڈپٹی کمشنر خالد جاوید گورائیہ نے منظم گداگری مافیا کے خلاف سخت کارروائی کا حکم دیتے ہوئے این جی اوز اور مخیر حضرات کو گداگری میں ملوث افراد کی بحالی اور نگہداشت کے عمل میں شامل کرنے کی ہدایت کی۔ اور کہا کہ ضلع بھر میں گداگری کے رجحان والے علاقوں کی نشاندہی اور نقشہ سازی کی جائے گداگری کے سرغنوں، انسانی اسمگلروں اور منظم گداگری میں ملوث گروہوں کے خلاف مؤثر کارروائی عمل میں لائی جائے۔ بچوں، خواتین، بزرگوں اور خصوصی افراد کو بھیک مانگنے سے نجات دلانا اولین ترجیح ہے ڈپٹی کمشنر خالد جاوید گورائیہ نے کہا کہ گداگری کے شکار افراد کی بحالی، فنی تربیت اور سماجی تحفظ کے پروگراموں سے انہیں منسلک کیا جائے عوام میں شعور اجاگر کرنے کے لیے آگاہی مہمات، سیمینارز اور واکس کا انعقاد کیا جائے۔
انہوں نے مزید کہا کہ ضلعی انسدادِ گداگری کمیٹی ہر ماہ اپنی کارکردگی کا جائزہ لے گی۔ اس موقع پر ڈپٹی ڈائریکٹر سوشل ویلفیئر رائے عبدالشکور، ڈی ایس پی اختر اسلام، ڈی ایس پی ظفرالقدوس، ڈی ایچ او ڈاکٹر محمد فاضل ، اسسٹنٹ ڈائریکٹر رائے محمد اشفاق، دیگر افسران اور این جی اوز کے نمائندگان موجود تھے #

04/06/2026

میلسی(نمائندہ خصوصی) انجمن تاجران میلسی کی مختلف گروپوں میں تقسیم اور عرصہ دراز انتخابات نہ ہونے سے تاجر برادری اور عوامی حلقوں میں بے چینی سیاسی مداخلت کے خاتمہ اور ایک پلیٹ فارم کی تشکیل پر زور تفصیل کے مطابق میلسی میں اس وقت انجمن تاجران کے چار گروپ سرگرم عمل ہیں جن کی سرپرستی مختلف سیاسی شخصیات کرتی نظر آتی ہیں تاجر حلقوں کے مطابق بیشتر گروپوں میں کئی سال سے باقاعدہ انتخابات نہیں کروائے گئے اور عہدیداران مسلسل اپنے عہدوں پر برقرار ہیں مرکزی انجمن تاجران کے گروپ کی قیادت شیخ محمد سلیم کر رہے ہیں جو طویل عرصے سے صدر کے منصب پر فائز ہیں ذرائع کے مطابق اس گروپ کو سابق رکن قومی اسمبلی سعید احمد خان منیس کی آشیر بادحاصل ہے دوسری جانب مرکزی تنظیم انجمن تاجران کے صدر سید شیراز حسین کاظمی ہیں کئی برسوں سے انتخابی عمل نا ہونے سے یہ گروپ اندرونی اختلافات کا شکار ہے گروپ کے اہم رہنماؤں چوہدری اشفاق احمد، ملک محمد کاشف، ملک حنیف، عمران ظفر اور دیگر نے مختلف تحفظات کے باعث سید شیراز حسین کاظمی سے علیحدگی اختیار کر لی ہےتاہم دونوں دھڑے بانی چیئرمین وسیم احمد شیخ کی قیادت پر اعتماد کا اظہار کرتے ہیں اس گروپ کو سیاسی طور پر کھچی گروپ کی حمایت حاصل بتائی جاتی ہے انجمن تاجران کا تیسرا اہم گروپ ملک عبدالجبار ملتانی کی قیادت میں قائم ہے جبکہ اس کی سرپرستی سابق رکن قومی اسمبلی محمود حیات ٹوچی خان کر رہے ہیں اسی طرح مرکزی انجمن تاجران کے سابق جنرل سیکرٹری مرحوم ممتاز خالد خیرپوری کے نام سے ایک الگ گروپ بھی موجود ہے جس کی قیادت ان کے صاحبزادگان قیصر ممتاز خیرپوری ایڈووکیٹ، اعجاز احمد خیرپوری اور دیگر ساتھی کر رہے ہیں تاجر برادری کے مختلف نمائندوں کا کہنا ہے کہ متعدد گروپوں میں تقسیم ہونے سے تاجروں کے اجتماعی مسائل پس منظر میں چلے جاتے ہیں جبکہ انتظامیہ اور سیاسی حلقوں کو بھی مختلف گروپوں کے ذریعے اثرانداز ہونے کا موقع ملتا ہےتاجروں کا مؤقف ہے کہ تمام گروپوں کو ایک پلیٹ فارم پر متحد کرکے شفاف اور غیر جانبدار انتخابات کروائے جائیں تاکہ حقیقی نمائندے منتخب ہو سکیں تاجروں نے مطالبہ کیا ہے کہ میلسی کی تمام مارکیٹوں اور بازاروں کے تاجروں کے ووٹوں سے ایک مرکزی انجمن تاجران تشکیل دی جائے، جس کے منتخب عہدیداران بلاامتیاز پوری تاجر برادری کے مسائل حل کرنے کے لیے کام کریں ان کا کہنا ہے کہ متحدہ اور منتخب قیادت ہی تاجروں کے حقوق کے تحفظ، بازاروں کی ترقی اور سیاسی مداخلت کے خاتمے کی ضمانت بن سکتی ہے #

Address

Dubai

Telephone

+923007737765

Website

Alerts

Be the first to know and let us send you an email when Daily Awami Ankh Pakistan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Daily Awami Ankh Pakistan:

Shortcuts

Share

Category