Areej Alfateh - أريج الفاتح

Areej Alfateh - أريج الفاتح أساعدك بخبرتي الممتدة لسنوات في التسويق لخدماتك ومنتجاتك والوصول لعملاءك المحتملين

04/07/2025

بنعتذر عن الغيبة 🩷

راجعين 🪻

تحديد اهدافك هو أقصر طريق للنجاح!معظمنا مع بداية السنة بيبدا يضع اهداف وخطط ويخطط كيف ح ينفذها ودي حاجة جميلة جدا، ولكن ...
03/01/2025

تحديد اهدافك هو أقصر طريق للنجاح!

معظمنا مع بداية السنة بيبدا يضع اهداف وخطط ويخطط كيف ح ينفذها

ودي حاجة جميلة جدا، ولكن اثناء ما بتخطط انتبه للنقاط دي
🔹 خليك واضح
الهدف إذا كان ما واضح ح يخليك تعوم وانت بتعمله، فا لو مثلا قلنا هدفك للسنة تخسر وزن ودا هدف عام شديد بدون تحديد سقف زمني ومقدار محدد من الوزن ودا ح يخليك غالبا تسوف وتأجل

🔹 خليك واقعي
ما تخطط أنك تخسر 30 كيلو في سنة
لأنو دا شي غالبا غير قابل للتنفيذ بصورة صحية بدون تاذي نفسك
عشان الهدف يكون واقعي خطط أنك تخسر ما بين 1 الى 3 كيلو في الشهر وانك تحافظ على عادات اكل سليمة وتتحرك اكثر

🔹 قسم الاهداف الكبيرة
لما تعاين لي كيلو متر ح تحسه مسافة طويلة جدا، لكن لما تعاين ل100 متر حتشوف انها مسافة معقولة وقابلة للمشي، عشان كدا دائما اعتمد ال baby steps 👣

🔹 دائما خلي اهدافك مرئية لك
إذا ح تكتبها خليها في مكان واضح لعينك
والافضل طبعا تعمل لوحة اهداف (vision board) دا ممكن يكون افضل تريند من ناحية تحسين السلوك حصل في الميديا
الحاجات البتشوفها اكثر هي الحاجات الي ح تكون مجتهد عليها

واخيرا، مهما خططت، ومهما فكرت استعين بربنا، واتوكل عليه، واتذكر انه لولا ربنا وفقك واعانك ما كان عملت في حياتك شيء 🩷

#التخطيط

إذا قلت ليك بيع لي ساعتين من وقتك مقابل اديك 130 ضعف المال الي في جيبك، حتوافق؟طبعا أول ما تسمع 130 ضعف دي حتريل 😆طيب يا...
01/01/2025

إذا قلت ليك بيع لي ساعتين من وقتك مقابل اديك 130 ضعف المال الي في جيبك، حتوافق؟

طبعا أول ما تسمع 130 ضعف دي حتريل 😆
طيب يا عزيزي تعال اشرح ليك الفكرة
جامعة ستانفورد عملو تجربة مع طلابهم، وزعو 5 دولار وسالوهم كم ضعف ممكن تضاعفو لينا ال5 دولار دي في ساعتين؟

فا بعد اكتمال الساعتين الدكاترة الجامعيين اتقسمو لعدد من المجموعات حسب نمط تفكيرهم

المجموعة الاولى سموها اصحاب التفكير الردئ (أي ردئ عديل😆)
وديل تفكيرهم كان انو 5 دولار مبلغ بسيط يلا نشتري تذكرة يانصيب ويا صابت يا خابت او مشو لعبو قمار واصلا ما خسرانين شي وديل الناس البتعتمد على الحظ لأنو شايفين رأس المال قليل 🥴
المجموعة دي هي الي بتؤمن انو البداية لازم تكون براس مال كبير جدا، وما مرت عليهم ابدا مقولة سيدنا عبد الرحمن بن عوف (دلني على السوق)

المجموعة الثانية سموهم اصحاب التفكير الكلاسيكي
ديل ركزو انو الدنيا حر، مشو اشترو ليمون وسكر وعملو عصير لي الجامعة وكل ما يجمعو ارباح يشترو ويكبرو رأس مالهم، والجزء الثاني باع مظلات 🏖️ عشان الشمس، وجزء جابو جردل 🪣 وليفة وصابون وغسلو عربات

ديل ايوة زادو رأس مالهم، بس ما زادوه شديد طبعا، لان مشاريعهم مشاريع مستهلكة جدا ومتوفرة فا المنافسة فيها قاتلة

المجموعة الثالثة سموهم المجموعة الريادية 🏆
المجموعة دي لاحظو انو الجامعة اغلب الطلاب بتنقلو فيها بالعجلات 🚲 فا قامو عملو لافتة بنفحص الهواء في عجلتك مجانا واذا امورك تمام ما تدفع واذا ناقصة ح يعبو لك الهواء بدولار

المجموعة الرابعة سموهم اصحاب التفكير الابتكاري
وديل لما درسو امكانياتهم لقو انو عندهم 5 دولار، وساعتين زمن، و3 دقائق برزنتيشن، لقو انو الوقت وراس المال ما بيحققو الكثير، ولكن في قيمة كل المجموعات السابقة ما انتهت ليها، وهي قيمة الجمهور
ح يحضر البرزنتيشن دا جمهور عدده كبير جدا فا ليه ما نبيع ال 3 دقائق دي؟
وطبعا جامعة ستانفورد ما بتنزل من أول 10 جامعات في العالم، فا الشركات بتحب توظف منها الخريجين في المناصب المخصصة للمبتدئين، فا شافو الشركات المحتاجة واعلنو ليهم في ال3 دقائق وربحو 650 دولار وقالو للجنة انو دا هو مشروعنا 📈

فا الخلاصة شنو؟
عشان تبدا مشروع ابتكاري، ركز على خلق قيمة عالية جدا في وقت قصير، وركز على أنك تقدم افضل فائدة باقل تكلفة، وطبعا دا مصب فكرة العمل الحر على الانترنت 🩷

واذا عجبتك الفكرة، أعمل تاغ لاصحابك المهتمين بريادة الاعمال والابتكار
ولو عندك أي شيء حابب تعرفه عن العمل الحر اكتب لينا في التعليقات ✔️

#الابتكار

هل تعلم يا عزيزي انو التسويق الذكي بيخليك تبيع الحجر - حرفيا - 😃طيب خليني اقول ليك انو واحد ذكي في التسويق باع حجار بملي...
18/12/2024

هل تعلم يا عزيزي انو التسويق الذكي بيخليك تبيع الحجر - حرفيا - 😃

طيب خليني اقول ليك انو واحد ذكي في التسويق باع حجار بمليون دولار في ستة شهور بس 😆

في السبعينيات، غاري دال قدر يحوّل صخور عادية إلى فكرة عبقرية حققت ملايين الدولارات. كيف؟ بالتسويق! غاري أخذ فكرة بسيطة وقدمها بطريقة مبتكرة: "حيوان أليف صخري".

عبأ الصخور في علب أنيقة مع دليل إرشادات مضحك عن كيفية "تربية" هذا الحيوان الأليف. الفكرة أثارت فضول الناس، وكانت هدية مثالية لكل من يبحث عن شيء مضحك ومختلف. النتيجة؟ أكثر من مليون ونصف قطعة بيعت في أقل من 6 شهور!😮

شنو الدروس من القصة؟
القيمة في الفكرة، مش المنتج
التسويق الذكي ما بيعتمد على جودة المنتج فقط، بل على كيف تقدم الفكرة وتجعلها جذابة ومميزة.✔

القصة تسوّق المنتج
غاري ما كان يبيع صخور؛ كان يبيع تجربة مضحكة وفكرة جديدة. الجمهور يحب القصة أكثر من المنتج نفسه.✔

البساطة مع الإبداع
ما ضروري يكون المنتج معقد. أحياناً الأفكار البسيطة والغير مألوفة هي الأكثر نجاحاً.✔

اعرف جمهورك
استهداف الأشخاص المناسبين برسالة تسويقية ذكية يضمن نجاح فكرتك، حتى لو كانت غريبة أو غير مألوفة.✔

التغليف يصنع الفرق
طريقة تقديم المنتج تُحدث فرقاً كبيراً. التغليف المميز أضاف قيمة كبيرة لفكرة بسيطة.✔

الحكمة؟
التسويق مش مجرد بيع منتج، هو بيع قصة، تجربة، ومشاعر. حتى أبسط المنتجات يمكن أن تتحول لنجاح مبهر بالتفكير الإبداعي والتسويق الذكي.



في يوم كنت بحاول أسيطر على كل شيء بنفسي، كنت حاسة إنو لازم أكون موجودة في كل تفصيلة صغيرة، وأتابع كل مهمة وكأني اخطبوط ل...
17/12/2024

في يوم كنت بحاول أسيطر على كل شيء بنفسي، كنت حاسة إنو لازم أكون موجودة في كل تفصيلة صغيرة، وأتابع كل مهمة وكأني اخطبوط لكن في المقابل، لقيت نفسي غارقة، مرهقة، وما قادرة أركز على الحاجات الأهم في شغلي وحياتي.

في لحظة، سألت نفسي: هل لازم أعمل كل حاجة بنفسي؟ وهل فعلاً ما في حد ممكن يساعدني؟
الإجابة كانت بسيطة: التفويض. ✨
اكتشفت إنو مهارة التفويض هي السر في النجاح الحقيقي وإنجاز المهام بفعالية وراحة. ودي أهم الدروس والخطوات ال ساعدتني أتعلم أهمية التفويض:

1. اعرف قدراتك ووقت الآخرين:
مو كل مهمة أنت الوحيد المناسب ليها. تفويض المهام لأشخاص عندهم مهارات تناسب الشغل يوفر وقتك ويرفع الإنتاجية. تذكّر: ما ضروري تكون الأفضل في كل حاجة. 👌🏻

2. ركّز على مهامك الأساسية (قيمة وقتك):
وقتك ثمين، وفِي مهام بس أنت قادر تحققها. لما تفوض المهام الأقل أهمية أو المتكررة، بتلقى وقتك مفتوح للإبداع، التخطيط، واتخاذ القرارات الكبيرة.
🔑 اسأل نفسك: "هل لازم أنا أعمل دا؟ ولا في شخص آخر ممكن يساعدني؟"

3. الثقة في الفريق أو المساعدين:
التفويض يحتاج ثقة، ودا أهم عامل للنجاح. لما تثق في الآخرين وتعطيهم المساحة، بتتفاجأ إنهم قادرين يبدعوا ويحققوا نتائج أفضل مما توقعت. 🙌🏻

4. خطوات التفويض الفعّال:
وضّح الهدف: وضّح المطلوب والأهداف بوضوح قبل تسليم المهمة.
حدد المسؤولية والوقت: قول للشخص متى تتوقع النتائج ومن هو المسؤول.
تابع دون التدخل: التفويض ما يعني تترك المهمة نهائيًا، لكن تابع بهدوء دون ما تراقب كل حركة. 😊
5. التفويض مش ضعف؛ هو ذكاء إداري:
زمان كنت أفكر إنو التفويض معناه إنو ما عندي قدرة، لكن الحقيقة عكس كدا. التفويض يساعدني أكون قائدة أفضل وأركز على الأهم.
✅ النتيجة؟ أصبحت أكثر إنتاجية، خففت الضغط على نفسي، وخلقت مساحة لنفسي للإبداع واتخاذ قرارات استراتيجية.

الحكمة وين؟
التفويض مش مجرد توزيع مهام، هو استثمار في نفسك، فريقك، ووقتك. لما تتعلم تفوض بذكاء، بتنجز أكثر بجهد أقل وبتشعر إنو عندك سيطرة على يومك.
تذكّر:
لما تفوّض، ما بتخسر سيطرتك؛ أنت بتكسب وقتك ✨


في يوم كنت بحس إنو الوقت بيطير مني وما بقدر أتحكم في يومي، كل شوية ألاقي نفسي متأخرة على موعد أو مضغوطة بمهمة كان ممكن أ...
06/12/2024

في يوم كنت بحس إنو الوقت بيطير مني وما بقدر أتحكم في يومي، كل شوية ألاقي نفسي متأخرة على موعد أو مضغوطة بمهمة كان ممكن أخلصها من بدري. شعرت إنو الزمن ضدي، وما في حل. 😫

لكن، في لحظة قررت أوقف وأعيد حساباتي. سألت نفسي: كيف ممكن أسيطر على وقتي بدل ما يسيطر علي؟

بدأت أبحث عن استراتيجيات وأدوات لإدارة الوقت، ودي كانت أبرز الخطوات ال ساعدتني:

1. قاعدة الـ 80/20 (قاعدة باريتو): اكتشفت إنو 80% من النتائج المهمة في يومي بتجي من 20% من المهام. ببساطة، ركزت على المهام الأساسية أول حاجة بدل ما أضيع وقتي في التفاصيل الصغيرة. 👌🏻

2. تقنية البومودورو: قسمت شغلي لفترات قصيرة (25 دقيقة تركيز مع استراحة 5 دقائق). التقنية دي كانت مفتاح عظيم لإبقاء تركيزي عالي دون ما أحس بالإرهاق. 🙌🏻

3. تحديد أوقات الذروة: لاحظت متى يكون تركيزي في أفضل حالاته، وخصصت المهام الصعبة خلال الوقت دا. بالنسبة لي، الصباح هو وقت الطاقة والإبداع. 📈

4. أدوات التنظيم: استخدمت أدوات بسيطة زي Google Calendar عشان أحدد وقت لكل نشاط، وTrello لتنظيم المهام، وNotion عشان أدمج حياتي المهنية والشخصية في مكان واحد.
وكتبت عن الادوات دي بوست لو محتاج ليه علق وبخلي لك اللينك في التعليقات

5. التخلص من التسويف: بدل ما أقول "ببدأ بعد شوية"، صرت أقول "خليني أبدأ بخطوة بسيطة". أول خطوة دايمًا بتكون أصعب، لكن بعدها الأمور بتصير أسهل. 🩷

النتيجة؟ صرت أعرف أقول "لا" للأشياء ال ما بتخدمني، وأركز على أولوياتي. ارتحت من الإحساس بالضغط، وبقيت أنجز أكثر بوقت أقل، وحسيت بنوع من الحرية والراحة النفسية. ✨

الحكمة وين؟

الوقت زي المال، إذا ما خططت ليه بحكمة، بتفقده دون ما تحس.

لا تنشغل بالمهم على حساب الأهم.

التنظيم وإدارة الوقت عادة، ما مجرد خطة. استمر وراجع نظامك باستمرار.

تذكّر: الوقت مورد محدود، لكن إدارة الوقت هي المهارة ال بتحدد نجاحك.


اكتسبت نظام تنظيم، وكسبت راحة بالي!في يوم كنت مشغولة بشكل هستيري، كل المهام كانت متداخلة، وما عارفة أبدأ من وين وأنتهي ك...
04/12/2024

اكتسبت نظام تنظيم، وكسبت راحة بالي!

في يوم كنت مشغولة بشكل هستيري، كل المهام كانت متداخلة، وما عارفة أبدأ من وين وأنتهي كيف. شعرت وكأني غرقت وسط بحر من الفوضى. في الوقت داك قررت أبحث عن حلول للتنظيم وأجرب أدوات تساعدني أرجع الأمور لنصابها.

أول حاجة جربت Google Calendar، وبدأت أرتب مهامي وأحدد أولويات يومي وأسبوعي. حسيت بفرق رهيب، لكن كان لسه في تفاصيل صغيرة بتضيع مني. فا اكتشفت أداة تانية: Trello، وهي بتسمح لي أرتب شغلي في شكل لوحات ملونة وممتعة، فا عرفت أتابع تقدمي بسهولة.

وبعدها، قررت أضيف أداة ثالثة وهي Notion، ال بتجمع بين التخطيط، الملاحظات، والمراجعات، وصارت زي سكرتيرتي الخاصة، تجمع لي كل شغلي في مكان واحد!

الحصل شنو؟ كنت بشتغل 12 ساعة في اليوم وما أنجز نص المطلوب، وهسع بشتغل 6 ساعات بإنتاجية أعلى ومزاج أحسن. ارتحت من القلق والتوتر، وعرفت قيمة التنظيم في حياتي، لدرجة إنو حتى حياتي الشخصية بقت مرتبة أكتر ✨

الدروس المستفادة؟

التنظيم مش رفاهية، هو أساس لنجاح أي شغل.

جرب أدوات مختلفة واختار الأنسب ليك.

مراجعة طرق العمل باستمرار بتصقل مهاراتك وتزيد إنتاجيتك.

ودائمًا اسأل نفسك: كيف أطور نظام شغلي وأرتب حياتي بشكل يخدمني ويخدم أهدافي؟ 🌟


#أدوات

03/12/2024

في ادوات عظيمة جدا بتوفر عليك الوقت والجهد في التنظيم سواء الشغل او الحياة العامة

لو تحب تعرف عنها، علي على البوست 🙌🏻

خسرت عميل بس كسبت بسببه 3 صفقات مع شركات كبيرة !في يوم جالي عميل سعودي من اكس يطلب اعلانات ممولة، وهي طبعا حاجة بسيطة شد...
01/12/2024

خسرت عميل بس كسبت بسببه 3 صفقات مع شركات كبيرة !

في يوم جالي عميل سعودي من اكس يطلب اعلانات ممولة، وهي طبعا حاجة بسيطة شديد - او أنا كنت شايفاها بسيطة شديد >< - وبديت اخد منه بريف احد ما وصلت لنقطة خلتني اعيد النظر في كل الاعلانات الممولة، وليه ما بتجيب نتيجة ❗

العميل - ال أنا حاليا ممتنة له جدا - هو مدرس لمادة التسويق الرقمي في جامعة الملك فهد، وعنده كورسات شهيرة جدًا ونسبة لانشغاله فكر يفوض امر عمله الخاص لشخص ووقع الاختيار علي، طلب اني اعطيه تقرير قائم على Meta Pixel

دي كانت أول مرة في حياتي اسمع مصطلح البيكسل، وطبعا شرح الموضوع يطول، وبما اني ما كنت عارفاه شنو، قلت للعميل اني بصراحة ما عارفة هو شنو، فا اداني شرح سريع وعرفني على شهادة ميتا للتسويق، واعتذر عن اكمال العمل معي 🙌🏻

وطبعا مؤمنة تمامًا انو إذا اكتشفت مهارة تنقصني لازم امشي اعرف عنها ولو رؤوس اقلام، فا كيف شيء في صميم عملي، فا اخدت الكورس كاملًا وعرفت يعني شنو ال pixel وغيره من التفاصيل الصغيرة الكانت رايحة علي 👌🏻

الحصل شنو ❓
بعد فترة لقيت كذا اعلان طالبين شخص يشتغل اعلانات ممولة لما قدمت عرضي عليهم قالوا لي جملة مشاركة، حنقبل عرضك نسبة لمعرفتك بالميتا بيكسل ❗
فا عميل واحد خسرته خلاني اراجع حساباتي واصقل مهاراتي واكسب عائد أكبر من الي كنت حاخده مع العميل السعودي - وانا بعتبر نفسي خسرت عمل وليس عميل -

فا دائما لما تخلص شغل، أعمل مراجعة انت تعلمت شنو، سواء كان شيء في مهاراتك او معرفتك وتحرص تعرف قدر ما تقدر في مجالك ✨

إذا عندك بزنس او بتفكر تبدأ بزنس في أخطاء شائعة افضل تتجنبها عشان البزنس بتاعك يتميز ❗اهتم بخدمة العملاء خدمة العملاء لي...
30/11/2024

إذا عندك بزنس او بتفكر تبدأ بزنس
في أخطاء شائعة افضل تتجنبها عشان البزنس بتاعك يتميز ❗

اهتم بخدمة العملاء
خدمة العملاء ليها دور يكاد يكون الأكبر في نجاح أي مشروع، إذا ما مستعد تكون خدمة العملاء بتاعتك فوق الممتازة حتنفر العملاء منك جدا ✔️

اهتم بالسعر
البنجح في البزنس هو الي بيقدر يصنع منتج باقل تكلفة وافضل جودة ويبيع بسعر مناسب، في غلط كبير بيقع فيه صاحب البزنس، انو يبيع على أساس الحاجة العايز يشتريها بعد 3 شهور ما على أساس الربح المناسب المعقول ودا طبعا أسوأ شي، الدنيا محيط احمر كبير فا ما تغلط الغلطة دي لانها ح تخسرك عملاءك 🙏🏻

سوق لنفسك صح
ما تعمل لنفسك زخم مثلا وبعدين يطلع في ثغرات الناس تأخذها عليك، وما تقصير في التسويق، خليك حقيقي وصادق قدر ما تقدر عشان ما تعكس صورة سلبية بدون ما تحس 🙌🏻

في الاخير، انت فاتح بزنس استثمار لطول العمر ولا فاتح بزنس عشان توفير حاجات لفترة وخلاص؟
حسب غرضك بيكون شغلك 👌🏻

من أكثر الاسئلة تكرارًا عندي هي انو كيف أبدا بزنس برأس مال بسيط؟حبيت أعمل بوست لكل شخص مهتم بانه يبدأ بزنس وما عنده رأس ...
29/11/2024

من أكثر الاسئلة تكرارًا عندي هي انو كيف أبدا بزنس برأس مال بسيط؟
حبيت أعمل بوست لكل شخص مهتم بانه يبدأ بزنس وما عنده رأس مال كافي، البوست حيساعدك تعمل البزنس بتاعك وتتطور فيه وتعرف كيف توسعه عشان كدا تابع البوست واعمل منشن لاصحابك المهتمين يبدأو بزنس 🙏🏻

إذا رأس مالك بسيط، دائما ركز على افكار بسيطة قابلة للتنفيذ، فكر في المنتجات الرقمية، او الخدمات عبر الإنترنت، او حتى اعادة بيع المنتجات بهامش ربح.

في البداية حاول قلل منصرفات البزنس واستثمر رأس مالك صح، الفكرة ما في مقدار رأس المال، الفكرة في كيف تدير رأس المال والموارد العندك وتستفيد منها أقصى استفادة، فا عشان تقلل التكاليف ممكن تعمل شنو؟
تبدأ من البيت عشان ما تدفع ايجار ✔️
تعمد في الماركيتينج على الميديا واعمل استراتيجيات صحيحة واستهدف صح ✔️
استفيد من الادوات المجانية، زي شات جي بي تي في الافكار وكانفا في التصميم ✔️

عشان تقدر تستفيد اقصى استفادة من رأس المال، ما تسوّق بجهد، سوّق بذكاء، اعتمد أنك تعكس فوائد منتجك وتعرض اراء الناس فيه عشان تعكس قيمة المشروع، واستخدم أسلوب مشاركة الخطوات لانه بيعزز المصداقية

أخر نصيحة معانا كيف تتوسع تدريجيا؟
اتعلم من التجربة واسمع اراء وملاحظات العميل بصدر رحب، دا حيختصر عليك كتير من التجارب، اهم شي أنك في البدايات ما تاخد من ارباحك، تكبر بيها رأس مالك اهم بكثير من أنك تصرفها على رغباتك، وكل ما تتوسع ح تقدر تاخد منها والافضل تعمل لنفسك راتب شهري منها ✔️

وفي الاخر لو محتاج تعرف اكثر عن مجال الخدمات وتبدا من غير رأس مال اكتب لي في التعليقات

في مرة بتناقش مع صديقة في مشكلة بتعاني منها انها من ضغط الشغل ما قادرة تطور من نفسها خالص وبتعاني من الحاجة ديانها بتجي ...
28/11/2024

في مرة بتناقش مع صديقة في مشكلة بتعاني منها انها من ضغط الشغل ما قادرة تطور من نفسها خالص وبتعاني من الحاجة دي
انها بتجي من الشغل وهي ما قادرة تعمل شي فا الحاجة دي مزعجاها، ولاحظت انو كثار بيشكو من نفس المشكلة انو ما قادرين يعملو أي شي مع الشغل او الجامعة

ح اشارككم طرق واقعية وسهلة في التطبيق تحل المشكلة دي بسهولة وبساطة 🩷

أول شي لازم تحدد انت عايز توصل لشنو بالضبط؟
مثلا عايز تخلص كورس؟
حدد الكورس دا بيفيدك وبيساعدك بشنو؟
بعد ما تعرف النقطة دي وكيف الحاجة الي عايز تنجزها بتخدم اهدافك، بيجي دور الخطوة الثانية الي هي أنك تشوف الحاجات الثابتة خلال يومك شنو؟
الشغل ؟
القراية ؟
طيب بعد تخلص منهم بتعمل شنو ؟

ودا مربط الفرس، الحاجات الي بتعملها باختيارك وطوعك في وقتك الخاص هي الي بتعمل كل الفروقات في حياتك.

الوقت الخاص دا في ناس بتتعامل معاه بصورة انه وقت متاح للتضييع، من تيك توك لفيسبوك لغيره
وفي ناس بتتعامل معاه ك وقت الاستثمار
تستثمر في نفسها، وتشوف نواقص نفسها وتدبرها
تستثمر في تعليمها، وتخلص كورساتها وكتبها
تستثمر في صحتها، وتمارس رياضة او تجهز وجبات مثلا بدل ما تأكل من برة

اي عمر عنده ثروة معينة، فا ثروة العشرينات هي الوقت
ولو ما كان عنوان عشريناتك هو البناء والاستثمار ح تتعب جدا في باقي حياتك
سواء بناء حسابك البنكي، او بناء صحتك، او بناء مهاراتك ومعارفك.

دا ما معناه انو لا ما تستمتع، انما اعتدل في استمتاعك
إذا اخدت نص ساعة فقط من وقتك الخاص تقرا فيها، بعد شهر شوف حتكون كم ساعة وكم كتاب؟

انت بتستحق تجتهد عشانك 🩷
ولو بتعرف شخص بيعاني من المشكلة دي، أعمل له تاغ في البوست عشان تكسب اجره وتساعده ✨

#اثرائيات

Address

Diera
Dubai

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 14:00 - 19:00
Saturday 08:00 - 18:00

Telephone

+971507870831

Website

Alerts

Be the first to know and let us send you an email when Areej Alfateh - أريج الفاتح posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Areej Alfateh - أريج الفاتح:

Shortcuts

Share

Category