10/09/2026
INESTING VISAYA SERIES: PART 1! ๐๐
Kung nakabantay mo, naga-post ko usahay bahin sa stocks investment, dividend, ug trading. Unya karon, daghan na kaayo mag-message nako kung unsaonโฆ
So kay ako man gisaad nga mag-post ra ko bahin ani, ug kay Bisaya man ta, aw, ato gyud ning binisay-on! Ug isa pa, daghan na kaayo og content bahin ani nga iningles ug tagalog sa YouTube, maong binisay-on ta ni! ๐
Mao ni atong unang topic: Sa Unsa Man nga Pamaagi Mo-Income sa Stocks?
Abi ninyo, Dunay daghang pamaagi para makakwarta sa stocks, ug daghan sad pamaagi para makahilak. ๐ Para dili mag-overheat nang utok nimo, ania ang 3 ka labing komon nga pamaagi:
1. TRADING (Ang paborito sa mga feeling brayt! Just kiddingโ๐ป)
Mao ni ang gitawag og "Buy Low, Sell High." Sayon ra kaayo paminawon noh? Pero sa tinuod lang, kini nga pamaagi makapaputi og buhok ug makasaka sa blood pressure. Kinahanglan ka mag-atubang sa screen permi, palurat-lurat sa mata, magbasa og charts nga mura'g heartbeat ni Romowaldes, ug mag-monitor kada segundo. Naay uban nga nakapalit og awto, pero naa pud napildi ug naangin ang pambayad sa kuryente. Suwayi ni kung gusto ka mag-sige og palpitate! ๐โ ๏ธ
2. BUY AND HOLD (Ang pamaagi sa mga mapailubon... o mga talawanโฆ Joke!โ๐ป)
Mopalit ka og stocks sa mga sikat nga kompanya (blue chips), unya imo lang i-hold sa dugay nga panahon uban sa paglaum nga mosaka ang presyo puhon. Pero ang pait nga kamatuoran sa PSEi sa miaging napulo ka tuig, mingaw gyud kaayo dili pareha sa Wall Street. Usahay mogimok og gamay, mosaka karon, ugma monaug na pud. Sa laktod nga pagkasulti, sideways ra gyud ang dagan! Kung nag-invest ka 10 years ago, basin karon breakeven ra ka, or worst, pildi pa tungod sa inflation. Mao nang kung presyo ra imong gisaligan, aw, kinahanglan gyud na nimo ubanan og langitnong pag-ampo! ๐ฏ๏ธ๐ญ
3. DIVIDEND INVESTING (Ang pamaagi sa mga tapulan pero wais, pareha nako ๐คญ)
Kini ang akong kinaham. Imbis nga magtungkaog ka og hulat kanus-a mosaka ang presyo sa stock, mangita ka og mga lig-on nga kompanya nga pwerteng dakoa og kita ug regularly naghatag og cash dividends sa ilang mga shareholders. Buot pasabot, bisan nag-atubang ra ka sa imong cellphone ug sige'g tingsi, naay kwarta mosulod sa imong account.
Mura ra ni ug nagpatokod ka og boarding house. Dunay posibilidad nga mosaka ang kantidad puhon, apan samtang nagpaabot ka nga mosaka, duna kay regular nga income nga madawat gikan sa abang kada bulan, kada quarter, o tinuig ba kaha. Ingon ana ang dividend stocks. Nagpanag-iya ka og gamay nga porsyento sa kompanya pinaagi sa pagpalit ug shares. Bueno, kay duna man kay share, kung dunay kita ang kompanya, duna sad kay bahin. Hantod nga dili nimo ibaligya imong posisyon, kanunay ka magdawat sa imong bahin. Di ba, okay kaayo??? ๐ค๐ฐ๐คญ
O, ayaw dayon og ka-excited diha tapos i-message dayon nimo imong asawa o bana kay mo-enter dayon! Tinuod, lami kaayo ni nga pamaagi, apan kuwidawo, dili ni perpekto nga sistema! Aduna pud ni hitangag nga mga risgo ug disbentaha nga angay nimong masayran (kay basin ma-scam na pud ka). Ug mao nay atong hisgutan sa sunod nga post! Follow na dayon! ๐ช๐ป๐
Lain pud ako, unsa may favorite nimo aning tulo?
๐ Trader (Sige'g breakdown tungod sa charts)
๐ Buy-and-Hold (Sige'g ampo nga mosaka pa unta)
๐ฐ Dividend Investor (Hulat lang sa abang samtang natulog)
Ihunghong kuno sa comment section sa ubos! ๐
