Harana Hertz

🎵 Original Bisaya Songs inspired by ordinary life. Every song begins with a real moment.

Every melody carries a family story.

❤️ New songs and songwriter journal entries every week.

11/08/2026

📖 Harana Hertz Journal #043

SHE NEVER ANSWERED

August 11, 2026

One time…
Nakadungog ko nga naay nangutana ni Nanay.

“Kinsa man gyud imong paborito sa imong mga anak?”

Nagtagad gyud ko sa iyang tubag.
Kay gusto pud nakong mahibal-an.

Pero nitan-aw ra siya namo.
Ningisi gamay.

Dayon…

Wala gyud siya nitubag.

Sa una…
Naghunahuna ko nga basin naglikay lang siya.

Karon…
Murag nasabtan na nako nganong wala.

❤️ Some questions are answered better by a lifetime than by a single sentence.

📖 End of this week’s chapter.
Thank you for walking through Paborito with me.
Next week, we’ll turn another page together.

-MissG

10/08/2026

📖 Harana Hertz Journal #042

HE’LL LEARN
August 10, 2026

Ang among kinamanghuran nga kinadak-an namo tanan…

Baby baby gyud gihapon sya ni nanay bisag mura na sya kadak-a hapit ug higante.

Kung makasala gani siya…

Kasab-an pud siya ni Nanay.
Pero kung moapil gani mi ug kasaba…
Moingon dayon siya,

“Undangi na ninyo nag yawyaw…”
“I-guide na lang na…”
“Kay wala pa nay buot.”

Makahilom na lang mi ug magyawyaw sa hilom.

Kay murag para kang Nanay…
Dili pa gyud ulahi nga mausab siya.

Sa una…
Makahuna-huna gyud ko…

“Hangtud kanus-a paman ni sya himoong baby?”

❤️ Sometimes, love doesn’t see only who we are today. It also sees who we can still become.

-MissG

09/08/2026

📖 Harana Hertz Journal #041

THE WEAK HEART
August 9, 2026

Naay pud koy usa ka igsoon nga hilom hilom ra pero murag sya gyud and first honor sa kadaghan ug sala.

Kasab-an gyud siya ni Nanay.

Pero kung moapil gani mig padayon ug yawyaw…
Moingon dayon siya,

“Ayaw na ninyo palabii ug kasaba…”
“Kay weak ra ba nag heart.”

Makahunong nalang dayon mi bisag naglagot pa.
Dili kay nahadlok mi.

Pero para kang Nanay, murag sakto na iyang kasaba.

Sa una…
Makahuna-huna gyud ko…

“Nganong dali man kaayo siya maluoy niya?”

❤️ As children, we counted how much someone was protected. We didn’t yet understand why.

-MissG

08/08/2026

📖 Harana Hertz Journal #040

NOT LIKE THE REST
August 8, 2026

Naay pud koy usa ka igsoon nga murag laki ug kinaiya, dayon perti gyud ka laagan.

Kung dugay gani siya makauli, kasab-an pud gyud ni Nanay.

Pero kung mo join gani mi sa yawyaw party…
Moingon dayon siya,

“Ayaw na ninyo palabii…”
“Kay lahi man gud nag utok ninyo.”

Makahilom na lang pud mi. Dili kay nasuko mi.
Pero murag si Nanay ra gyud ang nakasabot niya.

Sa una…
Makahuna-huna gyud ko…

“Nganong taas man kaayo syag pasensya ani niya?”

❤️ Being understood can sometimes look very different from being treated the same.

-MissG

07/08/2026

📖 Harana Hertz Journal #039

SHE ALWAYS HAD A REASON
August 7, 2026

Naay usa pud nakong igsoon nga kung makasala…
Kasab-an gyud sya ni Nanay.

Pero kung mag apil-apil gani mig yawyaw, moingon dayon sya.

“Ayaw na ninyo kasab-i…”
“Nahulugan man gud na’g lubi.”

Mamingaw dayon mi.
Kay kabalo mi nga dili na namo ma-lalis iyang depensa.

Usahay, makatawa nalang mi sa iyang rason. Kay murag bisan unsa pa ang mahitabo…Murag naa gyud siyay permi ikasulti para dili na namo ipadayon among yawyaw.

Sa una…
Makahuna-huna gyud ko…

“Nganong naa man gyud siyay rason para niya pirmi?”

❤️ Children often see protection before they understand the love behind it.

-MissG

06/08/2026

📖 Harana Hertz Journal #038

FIVE MINUTES LATER
August 6, 2026

Naay koy isa ka igsoon nga kung kasab-an ni Nanay…

Hilom ra gyud.

Dili motubag.

Usahay, mohilak ra.

Kami pud nga mga igsoon, naa gyud mi’y ikadugang nga sermon. Abi namo, makatabang pud mi aron dili na niya usbon ang iyang sayop.

Human na ang kasaba.

Human na ang tambag.

Hilom na ang balay.

Paglabay lang ug lima ka minuto…

Murag wala ray nahitabo.

Makadungog nalang mi niya nga moingon,

“Palit tag biko Ma.”

Dayon maglakaw-lakaw na pud siya sa balay, magkanta-kanta, mura’g wala gyud bag-o lang gi-lecturehan.

Unya si Nanay mura ra pod ug wala, naulian na dayon, palitan ra pod niya ug biko.

Sa una…
Makahunahuna gyud ko…

“Nganong dali raman kaayo siya pasayloon ni Nanay?”

❤️ Some hearts don’t hold on to yesterday for very long, and perhaps that’s a quiet kind of strength.

-MissG

05/08/2026

📖 Harana Hertz Journal #037

THE ONE SHE ALWAYS CALLED
August 5, 2026

Sa among pamilya, kung naay problema nga kinahanglan hisgutan, murag naa nay pattern daan unsay sunod mahitabo.

“Tawagi inyong Ate.”

Bisan unsa pa na…, naay kinahanglan desisyonan, naay problema sa kwarta, o naay manghud nakasala, permi gyud ko tawagan ni Nanay.

Usahay gani, bisan naa ra sila tanan sa balay, mangutana gihapon siya,

“Unsay ingon sa inyong Ate?”

Sa una, wala ra gyud ko naghuna-huna nganong ing-ato. Basta murag mao lang gyud to among naandan.

Pero kung bata pa ka…

Lahi man gud ang imong pagtan-aw sa mga gagmay’ng butang.

Usahay, makahunahuna ko…

“Murag ako gyud tingali ang paborito.”

❤️ Sometimes, being trusted feels so much like being loved that it’s easy to mistake one for the other.

-MissG

04/08/2026

📖 Harana Hertz Journal #036
THE WAY HOME
August 4, 2026

Sulod sa tibuok semana nga nagsulat ko ani nga mga journals, usa ka butang ang sige gyud nakog kahuna-hunaan.

Sa una, para sa akong anak, ang “home” kay simple ra kaayo.

Ang dalan padulong sa balay.
Ang orange nga adlaw nga timailhan nga kinahanglan nang mouli.
Ang lapok nga dalan nga iyang gidaganan.
Ang baka nga iyang gisakyan.
Ug ang usa ka Nanay nga pirming naghulat.

Karon, mas nasabtan pa gyud nako nganong Asa Na Ang Baka akong gihimong title ani nga kanta.

Dili tungod kay importante ang baka.
Kundili tungod kay para sa usa ka bata, ang pinakasimple nga mga butang maoy mahimong pinakadakong parte sa iyang childhood.

Ug sa tibuok semana nga akong gibalikan ang among mga kaagi, usa pa gyud ka butang ang mas nisamot nakong na-appreciate.

Si Nanay.

Karon nako mas nakita nga dili lang diay siya nag-atiman sa akong anak.
Hinay-hinay pud diay niya siyang prepare para sa kinabuhi nga wala na siya.

Ug tingali mao gyud na ang pinakalisod nga klase sa love…
Ang pag-andam sa usa ka tawo para sa kaugmaon nga kabalo kang dili na nimo maabtan.

❤️ This week reminded me that home isn’t only the place where we grow up. It’s also the people who quietly prepare us to leave it one day.

📖 End of this week’s chapter.
Thank you for walking through Asa na ang Baka with me.
Next week, we’ll turn another page together.

-MissG

03/08/2026

📖 Harana Hertz Journal #035
SHE ALREADY KNEW
August 3, 2026

Sa una, abi lang gyud nako nga gusto lang ni Nanay nga pirmi mi mag-video call.

Kung naa koy bakante nga oras, motawag ko.
Kung naa pud siyay chance, motawag pud siya.
Normal ra kaayo.
Wala gyud nako gihunahuna nga naa diay siyay lain nga gihuna-huna.

Pagkauli nako sa Pilipinas, didto ra nako nasabtan.

Kabalo na diay siya.
Kabalo na siya nga dili na siya magdugay.

Mao diay nga gusto niyang dad-on na namo among anak diri sa Dubai.

Dili tungod kay gikapoy na siya sa pag-atiman.
Kundili tungod kay kabalo siya, nga panahon na para makat-on siya ug lain na pud nga kalibutan.

Karon kung mobalik ko ato nga mga video call, lahi na akong pagsabot.
Abi nako ordinaryo lang silang mga estoryahanay. Pero ang tinuod, gihinay-hinay na diay mi niyag andam para sa kinabuhi nga wala na siya.

❤️ Sometimes the greatest act of love is quietly preparing someone for a future you already know you won’t be part of.

-MissG

03/08/2026

🌅 Some places never really leave us.

🎵 Asa Na Ang Baka
Original Bisaya Song

❤️ Harana Hertz

Address

Dubai
000

Website

http://www.youtube.com/@HaranaHz

Alerts

Be the first to know and let us send you an email when Harana Hertz posts news and promotions. Your email address will not be used for any other purpose, and you can unsubscribe at any time.

Want your business to be the top-listed Media Company in Dubai?

Harana Hertz

11/08/2026

10/08/2026

09/08/2026

08/08/2026

07/08/2026

06/08/2026

05/08/2026

04/08/2026

03/08/2026

03/08/2026

Address

Website

Alerts

Shortcuts

Share

Category

Listing takedown request