04/06/2026
9 جون لانگ مارچ اور لاک ڈاؤن کی تیاریاں مکمل، جوائنٹ عوامی ایکشن کمیٹی نے عوامی اجتماعات کا شیڈول جاری کر دیا
جموں کشمیر جوائنٹ عوامی ایکشن کمیٹی مظفرآباد نے 9 جون 2026 کے لانگ مارچ اور تاریخ ساز لاک ڈاؤن کے سلسلے میں مختلف علاقوں میں عوامی اجتماعات، ریلیوں اور رابطہ مہم کا تفصیلی شیڈول جاری کر دیا ہے۔
جاری کردہ شیڈول کے مطابق 4 جون بروز جمعرات کو ٹاہلی منڈ میں دن 2 بجے، حیدری بازار میں شام 4 بجے عوامی اجتماعات منعقد ہوں گے، جبکہ اپر اڈا لال چوک میں شام 5 بجے رابطہ کیمپ کا افتتاح کیا جائے گا۔ اسی روز مدینہ مارکیٹ میں شام 6 بجے شاپ ٹو شاپ کمپین چلائی جائے گی۔
5 جون بروز جمعہ ٹھوٹھہ میں سہ پہر 3 بجے "حقِ ملکیت و حقِ حکمرانی کانفرنس" کا انعقاد ہوگا۔
6 جون بروز ہفتہ چہلہ بانڈی، نلوچھی اور چھتر میں بالترتیب شام 5، 6 اور 7 بجے عوامی اجتماعات منعقد کیے جائیں گے۔
7 جون بروز اتوار دومیل میں شام 5 بجے اور طارق آباد میں شام 7 بجے عوامی پروگرامز کا انعقاد ہوگا۔
8 جون بروز پیر اپر اڈا لال چوک سے شام 5 بجے ریلی نکالی جائے گی جبکہ لوئر پلیٹ میں شام 7 بجے جلسہ عام منعقد ہوگا۔
شیڈول کے مطابق 9 جون کو تاریخ ساز لاک ڈاؤن کیا جائے گا اور اسی روز لانگ مارچ کا باقاعدہ آغاز ہوگا۔ جوائنٹ عوامی ایکشن کمیٹی نے عوام سے اپیل کی ہے کہ وہ اپنے حقوق کے حصول کے لیے بھرپور شرکت کو یقینی بنائیں۔
