https://www.facebook.com/912402498933586/

Kashan TV, Dubai (2026)

07/09/2026

مستوج میں نئے ٹرانسپورٹ اڈے کا افتتاح:

اپر چترال کے تحصیل مستوج میں ضلعی انتظامیہ اپر چترال کی کوششوں کی وجہ سےصابر اینڈ کو کی جانب سے نئے ٹرانسپورٹ اڈے کا قیام عمل میں لایا گیا ہے جس سے علاقے کے ٹرانسپورٹرز اور عوام کو سفری سہولیات کی فراہمی میں نمایاں بہتری آئے گی۔

اس سلسلے میں نئے ٹرانسپورٹ اڈے کی افتتاحی تقریب منعقد ہوئی جس میں ایڈیشنل اسسٹنٹ کمشنر مستوج افضل علی نے بطور مہمانِ خصوصی شرکت کی اور نئے ٹرانسپورٹ اڈے کا باقاعدہ افتتاح کیا۔

اس موقع پر مقامی لوگوں اور ٹرانسپورٹرز نے نئے ٹرانسپورٹ اڈے کے قیام کو خوش آئند قرار دیتے ہوئے ضلعی انتظامیہ اپر چترال اور صابر اینڈ کو کا شکریہ ادا کیا۔ انہوں نے کہا کہ اس سہولت کے قیام سے عوام اور ٹرانسپورٹرز کو خاطر خواہ فائدہ حاصل ہوگا اور علاقے میں سفری سہولیات مزید بہتر ہوں گی۔

شعبہ اطلاعات و تعلقات عامہ
ضلعی انتظامیہ اپر چترال

07/09/2026

ریشن اپر چترال میں چترال تا شندور روڈ پر دوران سفر فلائنگ کوچ گاڑی کو آگ لگ گئی، اطلاعات کے مطابق سکول کے بچے گاڑی میں سوار تھے۔

اللہ تعالی کے فضل و کرم سے کوئی جانی نقصان نہیں ہوا اور سارے بچے محفوظ ہیں۔

ریسکیو حکام نے موقع پر پہنچ کر آگ بجھانے میں مدد کی۔

05/09/2026

مورخہ 5 ستمبر 2026

*اپر چترال کی صحافی برادری عوامی مسائل اجاگر کرنے اور ترقیاتی عمل کو مؤثر انداز میں اجاگر کرنے میں اپنا کردار ادا کرے: ڈپٹی اسپیکر ثریا بی بی*
پشاور: ڈپٹی اسپیکر خیبر پختونخوا اسمبلی ثریا بی بی نے کہا ہے کہ اپر چترال کی صحافی برادری سے توقع ہے کہ وہ اپنے ضلع کی تعمیر و ترقی میں حکومت کا مثبت انداز میں ساتھ دے گی، عوامی مسائل کی مؤثر نشاندہی کرے گی اور منفی رویوں، بے بنیاد خبروں اور جھوٹے پروپیگنڈے کی حوصلہ شکنی کرے گی۔ انہوں نے کہا کہ اپر چترال جیسے پسماندہ اور دور افتادہ ضلع کو ترقی کی راہ پر گامزن کرنے کے لیے حکومت، عوام اور میڈیا کو مل کر اپنا کردار ادا کرنا ہوگا۔
ان خیالات کا اظہار انہوں نے آج صوبائی اسمبلی کے تاریخی جرگہ ہال میں اپر چترال پریس کلب کی نومنتخب کابینہ کی تقریب حلف برداری سے خطاب کرتے ہوئے کیا۔ تقریب میں نومنتخب کابینہ کے اراکین، شعبہ صحافت پشاور یونیورسٹی کی چیئرپرسن ڈاکٹر مہناز گل، پشاور پریس کلب کے صدر ریاض خان، چترال سے تعلق رکھنے والے افسران ایڈیشنل آئی جی اسٹیبلشمنٹ خالد خان، ایڈیشنل سیکرٹری حیات شاہ، سابق وزیر اقلیتی امور وزیرزادہ اور دیگر اہم شخصیات نے شرکت کی اور خطاب کیا۔ اپر چترال پریس کلب کے صدر محمد علی مجاہد نے سپاسنامہ پیش کیا۔
ڈپٹی اسپیکر ثریا بی بی نے نومنتخب کابینہ کو مبارکباد دیتے ہوئے اس امید کا اظہار کیا کہ اپر چترال کی صحافی برادری عوامی مسائل کو ذمہ دارانہ، متوازن اور مثبت انداز میں اجاگر کرنے کے ساتھ ساتھ ضلع میں جاری ترقیاتی منصوبوں اور حکومتی اقدامات کو بھی مؤثر انداز میں عوام تک پہنچائے گی۔
انہوں نے کہا کہ اپر چترال اس وقت ترقی کے ایک نئے مرحلے میں داخل ہو رہا ہے۔ ضلع میں مختلف ترقیاتی منصوبوں پر کام جاری ہے، جبکہ حالیہ سیلابوں سے متاثرہ سڑکوں، پلوں، واٹر چینلز اور دیگر بنیادی انفراسٹرکچر کی بحالی بھی ہنگامی بنیادوں پر کی جا رہی ہے۔
ثریا بی بی نے کہا کہ اپر چترال میں نرسنگ کالج کا قیام، ایف ایم ریڈیو اسٹیشن کا قیام اور بڑی شاہراہوں کی تعمیر جیسے منصوبے علاقے کے لیے اہم سنگ میل ثابت ہوں گے اور ان سے نہ صرف عوام کو بنیادی سہولیات میسر آئیں گی بلکہ روزگار، تعلیم اور مواصلاتی نظام کے بہتر مواقع بھی پیدا ہوں گے۔
انہوں نے کہا کہ میڈیا معاشرے کا اہم ستون ہے اور صحافی برادری کی ذمہ داری ہے کہ وہ عوامی مسائل کی نشاندہی کے ساتھ ساتھ مثبت سرگرمیوں اور ترقیاتی کاموں کو بھی اجاگر کرے تاکہ عوام اور حکومت کے درمیان مؤثر رابطہ قائم رہے۔

05/09/2026

چترال پولو گراؤنڈ کا واقعہ — والدِ عصمت اللہ کا مؤقف
ریٹائرڈ صوبیدار اسماعیل خان، پولو کھلاڑی عصمت اللہ کے والد، نے گزشتہ دنوں چترال پولو گراؤنڈ میں اپنے بیٹے کے ساتھ پیش آنے والے واقعے کے حوالے سے اپنے خیالات اور مؤقف کا اظہار کیا ہے۔ ان کا کہنا ہے کہ پولو بادشاہوں کا کھیل ہے، اس لیے اس کھیل سے وابستہ افراد میں بھی اعلیٰ ظرفی اور کھیل کے آداب کا پاس ہونا چاہیے۔ انہوں نے الزام عائد کیا کہ پولو کھلاڑی مقبول کے بیٹوں نے کھیل کے دوران ان کے بیٹے عصمت اللہ کے ساتھ ناانصافی کی۔ ان کے مطابق پولو کے دوران اسٹک یا گھوڑوں کا آپس میں ٹکرانا معمول کی بات ہے، تاہم مقبول کا بیٹا، جو خود بھی پولو کا معروف کھلاڑی ہے اور اس میچ کا حصہ نہیں تھا، ایک گروپ کے ہمراہ آ کر ان کے بیٹے پر حملہ آور ہوا۔
انہوں نے پوری چترالی قوم کا شکریہ ادا کیا کہ انہوں نے حق کا ساتھ دیا اور ان کے بیٹے کے لیے آواز بلند کی۔ انہوں نے چترال پولیس کا بھی شکریہ ادا کیا، کیونکہ عصمت اللہ چترال پولیس کی نمائندگی کرتے ہیں اور پولیس نے اس مشکل وقت میں ان کا بھرپور ساتھ دیا۔
آخر میں انہوں نے پولو ایسوسی ایشن پر زور دیا کہ ایسے مواقع پر اسے اپنا مؤثر کردار ادا کرنا چاہیے اور کسی بھی غلط اقدام کو غلط قرار دیتے ہوئے مناسب کارروائی کرنی چاہیے۔

04/09/2026

{جان من کی جدائی }

{بچھڑا کچھ اس آدا سے کہ رت ہی بدل گئی
ایک شخص سارے شہر کو ویران کرگیا }

گزشتہ دن مولانا سید قاسم شاہ صاحب کی کال موصول ہوتے ہی انہوں نے بے ساختہ انا للہ پڑھ کر ہمیں ہمارے پیارے بھائی نثار احمد آف زیزدی اپر چترال کے حرکت قلب بند ہونے کی وجہ سے اس دارِ فانی سے کوچ کرنے کی ہمیں انتہائی تکلیف دہ خبر دی جسے میرا دل بلکل قبول کرنے پر امادہ نہیں تھا بہرحال مولانا سید قاسم شاہ صاحب نے ہمیں صبر کرنے تلقین کی اور جنازے کا وقت تعین ہونے پر اگاہ کرنے کا کہہ کر فون بند کیا

اس کے بعد مجھے یہ معلوم ہی نہیں ہوا کہ میں کس طرح زیزدی پہنچا بھائی نثار احمد کے چہرے کو دیکھا تو بلکل ایسا لگا جیسے کہ وہ سورہے ہیں

نماز جنازہ میں کثیر تعداد میں لوگوں نے شرکت کی تدفین کے بعد ایک دن گزر گیا لیکن مجھے ابھی بھی ان کے اچانک چلے جانے پر یقین نہیں ہورہا ہے

بھائی نثار احمد بہت ہی شریف نفس اور بہترین اخلاق کے مالک انسان تھے آپ علماء کرام اور حفاظ عظام سے بے پناہ محبت کرتے تھے

بھائی نثار احمد مرحوم صرف ایک نام نہیں بلکہ وہ ایک کردار تھے ان سے مل کر انسانیت کا مطلب سمجھ آتا تھا
ان کی سب سے بڑی خوبی ان کا خلوص اور بے لوث محبت تھی وہ ہر ایک امیر غریب چھوٹا بڑا سب سے عزت اور محبت سے ملتے تھے
ان کی باتوں میں مٹھاس تھی اور ان کے مشوروں میں سچائی ہوتی تھی

کہتے ہیں کہ اچھے انسانوں کے لئے یہ دنیا نہیں ہے۔ شاید اسی لئے اللہ نے انہیں جلدی اپنے پاس بلا لیا
وہ اس دنیا کی بے وفائی دھوکے اور مطلب پرستی سے کوسوں دور تھے

موت کا تو سب کو علم ہے لیکن کچھ جدائیاں دل کو توڑ دیتی ہیں بھائی نثار احمد مرحوم کا اچانک ہم سے جدا ہونا برداشت سے بلکل باہر ہے

کل تک جو شخص ہنستا مسکراتا ہمارے ساتھ جو سب کے دکھ درد میں شریک ہوتا تھاجو محفلوں کی جان تھا آج وہ صرف یادوں میں رہ گیا

ایسے لوگ دنیا سے جاتے ہیں تو صرف ایک شخص نہیں جاتا، بلکہ ایک عہد کی ایک آواز خاموش ہوجاتی ہے

بس ہم اللہ کے مرضی پر راضی ہیں اور ہم یہی کہتے ہیں اِنَّا لِلّٰہِ وَاِنَّآ اِلَیْہِ رَاجِعُوْنَ
"بے شک ہم اللہ کے ہیں اور اسی کی طرف لوٹ کر جانا ہے"

جان من کی جدائی برداشت سے باہر ہے

یااللہ تو ہمیں صبر عطاء فرما

یا اللہ! بھائی نثار احمد کی کامل مغفرت فرما۔

یا اللہ! ان کی تمام خدمات کو اپنی بارگاہ میں قبول فرما۔

یا اللہ! ان کی قبر کو نور سے بھر دے، قبر کی تمام منزلیں آسان فرما، ان کے درجات بلند فرما، ان کے لئے جنت الفردوس کے دروازے کھول دے۔

یا اللہ! انہیں نبی کریم ﷺ کی شفاعت نصیب فرما اور اپنے محبوب بندوں، صدیقین، شہداء اور صالحین کے ساتھ جگہ عطاء فرما۔

یا اللہ! ان کے والد صاحب اہلِ خانہ، اولاد، متعلقین مجھ سمیت تمام دوست احباب کو صبرِ جمیل عطاء فرما۔

اَللّٰهُمَّ اغْفِرْ لَهُ وَارْحَمْهُ وَعَافِهِ وَاعْفُ عَنْهُ۔

آمین یا رب العالمین۔

احسان الحق وفا

04/09/2026

گزشتہ روز پولو گراؤنڈ چترال میں پیش آنے والا واقعہ آپس میں افہام و تفہیم کے ساتھ ختم
پولو میچ کے دوران پیش آنے والے واقعے پر اظہار علی خان کی معذرت
چترال: گزشتہ روز چترال میں جاری پولو میچ کے دوران پیش آنے والے واقعے پر معروف پولو کھلاڑی اظہار علی خان نے چترال اپر اور چترال لوئر سے تعلق رکھنے والے اپنے مداحوں سمیت متاثرہ فریق سے معذرت کرلی۔
اظہار علی خان نے اپنے بیان میں کہا کہ پولو میچ کے دوران ان سے جو غلطی ہوئی، وہ اس پر عظمت سے بھی معذرت خواہ ہیں اور اپنے اس عمل پر دلی افسوس کا اظہار کرتے ہیں۔
انہوں نے کہا کہ عظمت کے خاندان اور ہمارے خاندان کے درمیان گزشتہ تقریباً 60 سال سے تعلق اور بھائی چارہ قائم ہے، جبکہ عظمت میرے لیے چھوٹے بھائی کی حیثیت رکھتے ہیں۔ انہوں نے مزید کہا کہ اس دیرینہ تعلق اور بھائی چارے کو وہ قدر کی نگاہ سے دیکھتے ہیں۔
اظہار علی خان نے اپنے رویے پر افسوس کا اظہار کرتے ہوئے کہا کہ "مجھ سے جو غلطی ہوئی ہے، میں اس پر معذرت خواہ ہوں اور امید کرتا ہوں کہ میرے اس عمل کو معاف کیا جائے گا۔"
انہوں نے چترال اپر اور چترال لوئر کے اپنے تمام مداحوں سے بھی معافی مانگتے ہوئے کہا کہ وہ کھیل کے دوران پیش آنے والے اس واقعے پر کسی کی دل آزاری نہیں چاہتے اور اپنے عمل پر افسوس کا اظہار کرتے ہیں۔

04/09/2026

پولو پلئر اظہار علی خان کے خلاف چترال تھانے میں ایف آئی آر درج ۔ ایف آئی آر کھلاڑی عظمت اللہ کی مدعیت میں درج ہوئی۔

04/09/2026

تقریب حلف برداری

آل پیرا میڈیکس ایسوسی ایش اپر چترال کا تقریب حلف برداری ڈسٹرکٹ ہیلتھ آفس بونی میں منعقد ہوا

سابق ڈسٹرکٹ ہیلتھ آفیسر اپر چترال وایم ایس کیٹگری سی ہسپتال بونی جناب ڈاکٹر فرمان ولی نے تمام عہدیداروں سے حلف لیا

اس موقع پر ڈسٹرکٹ ہیلتھ آفیسر اپر چترال جناب ڈاکٹر فیاض علی رومی ای پی آئی کوآرڈینیٹر جناب ڈاکٹر ولی خان ایل ایچ ڈبلیو کوآرڈینیٹر محترمہ حمیدہ یونس آل پیرا میڈیکس ایسوسی ایش اپر چترال کے صدر جناب دینار زرین
آل پیرا میڈیکس ایسوسی ایش اپر چترال کے جنرل سیکرٹری جناب محمود غزنوی بھی موجود تھے

آل پیرامیڈیکس ایسوسی ایش اپر چترال پیرامیڈیکس کی سروس سٹرکچر، اپگریڈیشن، سکیل ریوائز اور پروموشن کے مسائل حل کرنے کے لئے کوشش کرتا ہے

آل پرامیڈیکس ایسوسی ایشن اپر چترال کوئی سیاسی، مذہبی یا غیر قانونی تنظیم نہیں ہے
یہ مکمل طور پر آئین پاکستان اور صوبہ خیبر پختونخوا کے قوانین کے دائرے میں رہ کر کام کرتا ہے

تقریب حلف برداری کے بعد آل پرامیڈیکس ایسوسی ایشن اپر چترال نے نوتعینات ڈسٹرکٹ ہیلتھ آفیسر اپر چترال جناب ڈاکٹر فیاض علی رومی خوش آمدید کہتے انہیں مبارک باد دی اور گلدستہ پیش کئے

02/09/2026

‎"اپر چترال یارخون پاور ہاؤس میں بدترین لوڈ شیڈنگ اور عوام کو درپیش مشکلات"
‎
‎اپر چترال یارخون پاور کا بجلی گھر تقریباً 2500 سے زائد گھرانوں کے لیے بجلی کا واحد ذریعہ ہے۔ جب اس پاور ہاؤس کا افتتاح ہوا تھا تو علاقے کے عوام میں خوشی کی لہر دوڑ گئی تھی، اور ایسا ہونا فطری بھی تھا کیونکہ موجودہ دور میں بجلی بنیادی انسانی ضرورت بن چکی ہے جس کے بغیر زندگی کے روزمرہ امور کی انجام دہی انتہائی دشوار ہے۔
‎
‎افتتاح کے بعد، مقامی آبادی نے اسی بجلی گھر پر بھروسہ کرتے ہوئے اپنے تمام تر گھریلو معمولات—بشمول کھانا پکانے اور ہیٹنگ سسٹم—کو بجلی پر منتقل کر دیا تھا تاکہ زندگی میں آسانیاں پیدا ہو سکیں۔
‎
‎لیکن انتہائی افسوس کے ساتھ کہنا پڑ رہا ہے کہ گزشتہ کچھ عرصے سے غیر اعلانیہ لوڈ شیڈنگ کا رجحان حد سے زیادہ بڑھ چکا ہے۔ دن میں صرف ایک گھنٹہ بجلی فراہم کی جاتی ہے اور پھر گھنٹوں غائب رہتی ہے۔ آخر اس کی بنیادی وجہ کیا ہے؟ عوام کو اس کی کوئی خبر نہیں۔ 2500 سے زائد گھرانوں کی آبادی کو اس طرح اندھیرے میں رکھنا کوئی مذاق نہیں ہے۔ اس ناگفتہ بہ صورتحال کی وجہ سے عوام شدید مشکلات سے دوچار ہیں اور تمام تر تعلیمی، تجارتی اور گھریلو امور سخت متاثر ہو رہے ہیں۔
‎
‎ہم متعلقہ حکام اور اعلیٰ عہدیداروں سے پرزور گزارش کرتے ہیں کہ اس سنگین مسئلے کی اصل وجہ سامنے لائی جائے اور اس کا فوری و مستقل حل نکالا جائے، تاکہ علاقے کے لوگوں کی مشکلات کا خاتمہ ہو سکے اور معمولاتِ زندگی بحال ہو سکیں۔
‎تحریر:
‎
‎فرید اللہ اسد

02/09/2026

صابر اڈا بونی کے خلاف ناقص انتظامات اور عوامی شکایات پر کارروائی:

ڈپٹی کمشنر اپر چترال جناب احسان اللہ کی ہدایات پر اور اسسٹنٹ کمشنر ہیڈکوارٹر اپر چترال کی زیرِ نگرانی تحصیلدار مستوج شفیع الرحمن نے آج صابر اڈا بونی کا دورہ کیا۔

دورانِ معائنہ اڈے میں ناقص انتظامات سے متعلق سٹیزن پورٹل پر موصول ہونے والی عوامی شکایات کا جائزہ لیا گیا۔ شکایات اور موقع پر موجود صورتحال کو مدنظر رکھتے ہوئے تحصیلدار مستوج نے مذکورہ اڈے کو سیل کر دیا۔

تحصیلدار مستوج نے اڈا انتظامیہ کو ہدایت کی کہ تمام انتظامات کو فوری طور پر بہتر اور کلیئر کیا جائے، مسافروں اور عوام کے ساتھ نرم اور شائستہ رویہ اختیار کیا جائےجبکہ سرکار کی جانب سے جاری کردہ کرایہ نامے پر مکمل عملدرآمد یقینی بنایا جائے۔

انہوں نے واضح کیا کہ عوام کو بہتر سہولیات کی فراہمی، مقررہ کرایوں پر عملدرآمد اور شہریوں کی شکایات کا بروقت ازالہ ضلعی انتظامیہ کی اولین ترجیحات میں شامل ہے۔

شعبہ اطلاعات و تعلقات عامہ
ضلعی انتظامیہ اپر چترال

Kashan TV

07/09/2026

07/09/2026

05/09/2026

05/09/2026

04/09/2026

04/09/2026

04/09/2026

04/09/2026

02/09/2026

02/09/2026

Address

Telephone

Website

Alerts

Contact The Business

Shortcuts

Share

Category

Listing takedown request