17/12/2023
ایک مسافر کو دوران سفر رات ہوگئی۔ رات گزاری کیلئے ایک گھر کا دروازہ کھٹکھٹایا، وہ گھر میراثیوں کا تھا، انہوں نے مسافر کو پناہ دے دی۔ رات کے دوران مسافر کی گھوڑی نے بچہ (وچھیرا) جن دیا۔ صبح تڑکے جب مسافر شکریہ ادا کر کے رخصت ہونے لگا تو میراثیوں نے گھوڑی کے بچے کو روک لیا اور
بولے کہ اس کو تم نہیں لے جا سکتے ، یہ تو ہماری گائے کا بچھڑا ہے۔ مسافر بہت پریشان ہوا اور بولا ”خدا کے بندو! یہ گائے کا بچھڑا نہیں گھوڑی کا بچہ ہے، پر وہ نہ مانے۔ گاؤں والوں نے بھی مسافر کو اکیلا جان کر میراثیوں کی سائیڈ لی۔
آخر کار فیصلہ قاضی کے پاس پہنچا ، قاضی
صاحب نے بھی سوچا کہ مسافر تو چلا جائے گا لیکن میراثیوں نے میرے سدا کام آنا ہے ، سو انہوں نے گہری سوچ سے چونکتے ہوئے ارشاد فرمایا کہ میرے دادا مرحوم مرتے وقت مجھے بتا گئے تھے کہ میراثیوں کی گائے جب بچہ جنتی ہے تو وہ وچھیرا (گھوڑی کا بچہ) ہی ہوتا ہے۔ مسافر مایوس ہو کر فقط اپنی
گھوڑی کو لے کر اپنی راہ چل پڑا کہ کہیں یہ بھی نہ چھن جائے۔
جب مسافر رخصت ہو گیا تو میراثیوں نے رونا پیٹنا شروع کر دیا' قاضی نے حیرانگی سے پوچھا کہ روتے کیوں ہو?
میراثی نے جواب دیا کہ روتے اس لئے ہیں کہ تو مر گیا تو تیرے جیسا منصف کہاں سے ڈھونڈیں گے!!!
