KPK, district Swabi

KPK, district Swabi come and join me to discover the beauty of our homeland Swabi.

ایک طویل خاموشی کے بعد جب امیر حیدر خان ہوتی صاحب منظرِ عام پر آئے، تو اپنے ساتھ وہ "بیانیہ" نہیں لائے جس کے لیے وہ پہچا...
07/01/2026

ایک طویل خاموشی کے بعد جب امیر حیدر خان ہوتی صاحب منظرِ عام پر آئے، تو اپنے ساتھ وہ "بیانیہ" نہیں لائے جس کے لیے وہ پہچانے جاتے تھے۔ وہ سیاست جس کی بنیاد "پشتون حقوق"، "پنجابی بالادستی کی مخالفت" اور "صوبائی وسائل پر اختیار" جیسے نعروں پر رکھی گئی تھی، آج مریم نواز کی تعریفوں کے گرد گھوم رہی ہے۔
جو شخص ہمیشہ "پشتون کارڈ" کھیل کر سیاست کرتا رہا، آج اسے اپنے صوبے کے بہادر اور عوام کے لیے لڑنے والے وزیراعلیٰ کی خدمات نظر نہیں آ رہیں، بلکہ پنجاب کی وزیراعلیٰ مریم نواز میں زیادہ خوبیاں نظر آ رہی ہیں۔ سوال یہ ہے کہ کیا یہ موازنہ واقعی کارکردگی پر ہے یا یہ کسی سیاسی سودے بازی کا نتیجہ ہے؟
​عمران خان کے خلاف عدم اعتماد کی تحریک میں ن لیگ (پی ڈی ایم) کا ساتھ دینا اور اب ان کی خوشامد کرنا ثابت کرتا ہے کہ ان کے لیے "پشتون حقوق" محض ایک نعرہ تھا۔ حقیقت میں یہ وہی پرانا کھیل ہے جہاں اسٹیبلشمنٹ کی مخالفت کا صرف ڈرامہ کیا جاتا ہے، جبکہ عملاً انہی کے اشاروں پر ناچا جاتا ہے۔
​عوام اب باشعور ہو چکی ہے اور وہ جانتی ہے کہ کون واقعی ان کے حقوق کی جنگ لڑ رہا ہے اور کون اقتدار کی خاطر اپنے نظریات کا سودا کر رہا ہے۔ پشتون قوم اب نعروں سے نہیں، بلکہ عمل سے اپنے لیڈر کو پہچانتی ہے!
بقلم: باسط

فالوؤ اور شیئر کیجئے 👍۔

اسے غور سے پڑھوکانٹوں والے جانور یعنی کانٹوں سے بھرے خارپشت ایک دوسرے کے قریب نہیںآ سکتےکیونکہ ان کے اردگرد موجود نوکیلے...
03/01/2026

اسے غور سے پڑھو
کانٹوں والے جانور یعنی کانٹوں سے بھرے خارپشت ایک دوسرے کے قریب نہیں
آ سکتے
کیونکہ ان کے اردگرد موجود نوکیلے کانٹے صرف دشمنوں سے نہیں
بلکہ اپنے ہی جیسے دوسروں سے بھی فاصلہ بنائے رکھتے ہیں

لیکن جب سردی کا موسم آتا ہے
ٹھنڈی ہوائیں چلتی ہیں
اور کڑاکے کا موسم ہوتا ہے
تو انہیں قریب آنا ہی پڑتا ہے
گرمی حاصل کرنے کے لیے
سہارا لینے کے لیے

وہ ایک دوسرے کے قریب آتے ہیں
ایک دوسرے کے کانٹوں کی چبھن سہتے ہیں
اور گرمائش محسوس کرتے ہیں
جیسے ہی جسم میں تھوڑی حرارت آتی ہے
وہ ایک دوسرے سے دور ہو جاتے ہیں
پھر سردی بڑھتی ہے
تو دوبارہ قریب آتے ہیں
اسی آنے جانے میں ان کی رات گزر جاتی ہے

اگر وہ ہمیشہ قریب رہیں تو چوٹیں کھاتے ہیں
اور اگر ہمیشہ دور رہیں
تو سردی سے مر جاتے ہیں

بالکل یہی حال ہم انسانوں کا ہے
ہر ایک کے پاس اپنے اپنے کانٹے ہیں
خامیاں
مزاج
تلخیاں
اور جب ہم ساتھ جیتے ہیں
تو یہی خامیاں ایک دوسرے کو چبھتی ہیں

مگر حقیقت یہ ہے
کہ ہم جب تک تھوڑا بہت برداشت نہیں کرتے
تب تک زندگی کا توازن نہیں آتا
رشتے نہیں نبھتے
گرمی یعنی انسیت اور محبت نہیں ملتی

تو یاد رکھو
جو یہ چاہے کہ اس کا دوست کوئی خامی نہ رکھتا ہو
وہ ساری عمر تنہا رہے گا
جو یہ چاہے کہ بیوی مکمل ہو
وہ کبھی شادی نہیں کرے گا
جو بھائی میں کوئی مسئلہ نہ چاہے
وہ ساری عمر بے بھائی بنے رہے گا
اور جو رشتہ داروں میں مکملی تلاش کرے
وہ صلہ رحمی توڑ دے گا

زندگی تبھی خوبصورت بنتی ہے
جب ہم تھوڑی سی چبھن برداشت کرنا سیکھ لیں
جب ہم دوسروں کو مکمل جاننے سے زیادہ
ان کے اچھے پہلو پر نظر رکھنا سیکھ لیں

یاد رکھو
جو ہر بات کو گہرائی میں جا کر پرکھنا چاہتا ہے
وہ اصل خوشی کھو بیٹھتا ہے
جیسے کچھ لوگ ہیرا چیک کرتے کرتے اسے کوئلہ سمجھ بیٹھتے ہیں

ہر شخص کی چھان بین نہ کرو
بس جو اچھائی ان کے چہرے پر ہے
اس سے خوش رہو
یہی راز ہے سکون کا
سہولت کا
اور اچھی زندگی کا

فالوؤ اور شیئر کیجئے 👍۔

بیلجیم کی نور! جیورگاٹ لوبپول (Georgette Lepaulle) بلیجیم کی معمر خاتون ہیں۔ جب ان کی عمر 90 برس سے تجاوز کر گئی، یعنی ی...
03/01/2026

بیلجیم کی نور!
جیورگاٹ لوبپول (Georgette Lepaulle) بلیجیم کی معمر خاتون ہیں۔
جب ان کی عمر 90 برس سے تجاوز کر گئی، یعنی یہ اولاد کی محتاج ہوئیں تو بچوں نے فیصلہ کیا کہ بڈھی سے جان چھڑانی چاہئے۔
ایک دن طے ہوا کہ اگلے روز اسے پیرخانے (اولڈ ہاوس) کے حوالے کر دیا جائے گا۔
جیورگاٹ لوبپول کے پڑوس میں ایک مراکشی خاندان مقیم ہے۔ 40 سال سے اس مسلم فیملی کے ساتھ ان کے تعلقات تھے۔
السید محمد مداح خود بھی مسلم روایات کے امین ہیں اور ان کا گھرانہ بھی، خصوصاً ماں باپ کی عزت و توقیر کے حوالے سے۔
محمد مداح کی والدہ بھی بوڑھی اور
جیورگاٹ لوبپول کی ہم عمر ہیں۔

جب اسے پتہ چلا کہ پڑوسی اپنی ماں سے جان چھڑانے والے ہیں تو اس نے ان سے کہا کہ یہ بزرگ تمہارے لئے بوجھ ہے تو میرے حوالے کردو، میری ماں کے ساتھ رہے گی اور میں اپنی ماں کی طرح اس کا خیال رکھوں گا۔

یہ کہہ کر وہ جیورگاٹ لوبپول کو اپنے گھر لے آیا۔
خاتون نے یہاں آکر جو ماحول دیکھا تو اس کی حیرت کا کوئی ٹھکانہ نہ رہا۔ سارے اہل خانہ مداح کی ماں کیلئے پلکیں بچھانے کو تیار۔
کوئی باہر سے آتا ہے تو پہلے اسے سلام کرکے ہاتھوں کا بوسہ لینا ضروری سمجھتا ہے۔
یہ بوڑھی اماں اس گھر کی ملکہ ہے۔ اسی طرح کے احترام کا سلوک اس بزرگ خاتون سے بھی کیا جانے لگا۔
اس نے سوچا کہ شاید یہ دو دن کی کہانی ہے۔ پھر یہ بھی میرے بچوں کی طرح۔۔۔۔۔۔
مگر نہیں، اس کا خدشہ غلط ثابت ہوا۔ کئی دن گزرنے کے بعد بھی اس کی خدمت و عزت میں کوئی کمی نہیں آئی

تو اس نے کہا کہ یہ کیسا خوبصورت دین ہے، یہ تو سراسر رحمت ہے۔
مجھے بھی اس دین میں داخل کر دو۔

چنانچہ 91 برس کی اس خاتون نے بھی کلمہ پڑھ کر نور اسلام سے منور ہو گئیں۔
اب یہ جیورگاٹ لوبپول نہیں،
نور کہلاتی ہیں۔ یہ اس وقت اسلام قبول کرنے والی سب سے معمر خاتون ہیں اور مراکشی خاندان کے ساتھ ہی ان کے گھر میں مقیم!!

بقلم
ضیاء چترالی صاحب

فالوؤ اور شیئر کیجئے 👍۔

"جب ایک چوہا خود کو اونٹ کا رہبر سمجھ بیٹھا… مگر ایک ندی نے لمحوں میں اسے اس کی اصل اوقات یاد دلا دی!"چوہے کی رہبری..ایک...
03/01/2026

"جب ایک چوہا خود کو اونٹ کا رہبر سمجھ بیٹھا… مگر ایک ندی نے لمحوں میں اسے اس کی اصل اوقات یاد دلا دی!"
چوہے کی رہبری..
ایک اونٹ کسی جگہ پرکھڑا تھا۔ اور اس کی مہار زمین پر گری ہوئی تھی۔ چوہے نے اونٹ کی مہار کو منہ میں لے کر کھنچا . .. . اونٹ چلنے لگا۔ چوہے نے دل میں خیال کیا ، کہ میں تو بڑا شہ زور ہوں، میرے کھینچنے پر اونٹ میرے پیچھے چل پڑا ہے۔
اونٹ نے چوہے کی جب یہ حرکت دیکھی تواسے مزید بے وقوف بنانے کی خاطر اپنے آپ کو اس کے تابع کر دیا۔ چوہے نے اونٹ کی نکیل کو اپنے منہ میں مضبوطی سے پکڑ لیا،اور آگے آگے غرور کے ساتھ اکڑتا ہواچلنے لگا۔ پیچھے پیچھے یہ اونٹ مثل تابعدارغلام کے چل رہا تھا ۔چوہے نے دل میں کہا،'' آج مجھے پتہ چلا میں کون ہوں!اور میرے اندر اتنی جان ہے کہ اونٹ بھی میری پیروی کرنے پر مجبور ہے‘‘۔ اونٹ دل میں یہ کہہ رہا تھا کہ بچو! کوئی بات نہیں، ابھی تھوڑی دیر بعد تجھے تیری اوقات کا پتہ چل جائے گا کہ تو کیا چیز ہے۔ دونوںاسی طرح رواں دواں تھے کہ راستے میں ندی آ گئی۔ اب تو رہبر چوہے کے اوسان خطا ہو گئے۔اور سوچنے لگا کہ اب تک تو مجھے اس عظیم القامت جسم والے کی رہبری پر فخر تھا، اونٹ بھی میرا تابع تھا مگر اب پانی میں رہبری کیسے کروں؟یہ سوچتے ہوئے چوہا ندی کے کنارے جا کھڑا ہوا، اونٹ نے تجاہل عارفانہ سے پوچھا، اے میرے جنگل و بیابان کے رہبر!تو اس قدر ڈر کیوں گیا؟ یہ توقف اور حیرانی...... کیسی؟۔ مردانہ وار دریا کے اندر قدم رکھو،اب تک کس فکر میں ڈوبے ہو؟ کچھ مردانگی اور جی داری کے جوہر دکھائو، تم ہمارے رہنما ہو۔آگے چلو، بڑھو۔ اور دریا میں اترو تاکہ ''تمہارے 14طبق روشن ہوں‘‘۔ چوہے نے خوف سے لرزتی ہوئی آواز میں جواب دیا،اتروں کیا خاک ،ندی بہت گہری دکھائی دیتی ہے۔
اونٹ نے کہا، اچھا میں دیکھتا ہوں کہ پانی کتنا گہرا ہے۔یہ کہہ کر اونٹ پانی میں داخل ہو گیا۔ اور کہنے لگا: اے میرے شیخ ،میرے رہبر! اس میں تو زانو زانو پانی ہے بس تو اتنے سے پانی سے خوف کھا گیا۔ دہشت زدہ ہو گیا؟۔
اونٹ نے پھر کہا :''اے پیش رو، اس طرح راستہ کھوٹا نہ کرو، سیدھے سیدھے پانی میں آ کر رہبری کرو،تمہیں تو میری رہبری پر بڑا ناز اور فخر ہے‘‘۔ چوہے نے کہا، ''جناب آپ کے زانو اور میرے زانو میں زمین آسمان کا فرق ہے۔ آپ مجھے غرق کرنا چاہتے ہیں۔ جو پانی آپ کے زانو سے اونچا ہے وہ میرے سر سے سو گز اونچا ہے‘‘۔
چوہے کو جب اپنی اوقات کا پتہ چل گیا تو کہنے لگا ، ''جناب میں اپنے کئے پر نادم ہوں۔ میری معافی آپ قبول کیجئے۔ مجھے معاف کیجئے، آئندہ اس طرح بڑوں کا رہنما اور شیخ بننے کا خیال دل میں کبھی نہ لائوںگا۔ اور دوبارہ زندگی بھر ایسی غلطی نہ کروں گا۔اب خدا کے لئے اس خطرناک ندی سے مجھے بھی پار کرا دیں ‘‘۔
اونٹ نے غصے میں ا ٓکر کہا: '' خبردار اپنے اوپر آئندہ ایسا گھمنڈ نہ کرنا۔تو اپنے جیسے چوہیوں میں جا کر راجہ مہاراجہ بن کررہ۔ اپنی اوقات سے بڑے کے سامنے شیخی نہیں کرنا چاہئے۔ جتنی چادر ہو اتنے ہی پائوں پھیلانا چاہئیں‘‘۔
اونٹ کو چوہے کی معافی اور ندامت پر رحم آ گیا۔ اس نے کہا، میرے کوہان پر آ کر بیٹھ جا۔تیرے جیسے سینکڑوں چوہوں کو پانی پیٹھ پر بٹھا کر، ایسے پر خطر حالات میں بحفاظت ندی کے پار لے جا سکتا ہوں‘‘۔
درس حیات: اگر تجھے خدا نے سلطان نہیں بنایا تو رعایابن کر رہ۔
اگر خدا نے دولت نہیں دی تو اطلس کو چھوڑ کر اپنی گڈری سے کام رکھ۔
اگر تو پتھر کی طرح بے حس یعنی خشیت و خوف آخرت سے محروم ہے تو جا کسی ا للہ والے سے تعلق قائم کر ،ان کی صحبت فیض سے تو موتی بن جائے گا۔
اللہ والوں کی عیب جوئی سے باز آ جا، اور شاہ پر چوری کا الزام مت لگا کیونکہ انہیں چوری کی کیا ضرورت ہے !
حکم الہٰی انصتوا: سن اور خاموش ہو جا۔اگر تو حق بات زبان پر نہیں لا سکتا تو کان بن جا۔
حکایت مولانا رومی۔
منقول 🥺۔

فالوؤ اور شیئر کیجئے 👍۔

انمول موتی 🥰۔
23/12/2025

انمول موتی 🥰۔

سوچنے کی بات 🤔۔
23/12/2025

سوچنے کی بات 🤔۔

انمول باتیں 🥰۔
23/12/2025

انمول باتیں 🥰۔

انمول موتی 🥰
23/12/2025

انمول موتی 🥰

حرام کی کمائی شروع سے آخر تک ایکبار پڑھیں اور اپنے بچوں کو پڑھائیں۔ دل کی کیفیت بدل جائے گی ان شاءاللہ :ﺟﺐ میں ﺍﭘﻨﮯ استا...
23/12/2025

حرام کی کمائی
شروع سے آخر تک ایکبار پڑھیں اور اپنے بچوں
کو پڑھائیں۔ دل کی کیفیت بدل جائے گی ان شاءاللہ :
ﺟﺐ میں ﺍﭘﻨﮯ استاد ( شیخ )
ﮐﮯ ﺳﺎﺗﮫ ﺗﮭﺎ ﺗﻮ ﻣﯿﺮﮮ ﺍﺳﺘﺎﺩ ﻧﮯ ﻣﺠﮭﮯ ﻣﺰﺩﻭﺭﯼ ﭘﺮ ﻟﮕﺎ ﺩﯾﺎ،
ﻣﯿﮟ ﺑﺤﺮﯼ ﺟﮩﺎﺯﻭﮞ ﻣﯿﮟ ﻟﻮﮈﻧﮓ ﺍﻥ ﻟﻮﮈﻧﮓ ﮐﺮﺗﺎ ﺗﮭﺎ، ﻣﯿﮟ ﺳﺎﺭﮮ
ﺩﻥ ﮐﯽ ﻣﺤﻨﺖ ﮐﮯ ﺑﻌﺪ ﺟﺘﻨﮯ ﭘﯿﺴﮯ ﮐﻤﺎﺗﺎ ﺗﮭﺎ، ﻣﯿﺮﺍ ﺍﺳﺘﺎﺩ ﺍﻥ ﻣﯿﮟ ﺳﮯ ﺩﻭ ﻭﻗﺖ ﮐﮯ ﮐﮭﺎﻧﮯ ﮐﯽ ﺭﻗﻢ ﺭﮐﮫ ﮐﺮ ﻣﯿﺮﯼ ﺑﺎﻗﯽ ﮐﻤﺎﺋﯽ ﺧﯿﺮﺍﺕ ﮐﺮ ﺩﯾﺘﺎ ﺗﮭﺎ۔

ﻣﯿﮟ ﻧﮯ ﺍﯾﮏ ﺩﻥ ان سے ﺍﺱ ﺣﮑﻤﺖ ﮐﯽ ﻭﺟﮧ ﭘﻮﭼﮭﯽ، ﻭﮦ ﻣﺴﮑﺮﺍ ﮐﺮ ﺑﻮﻟﮯ : ﺗﻢ ﮔﯿﺎﺭﮦ ﻣﮩﯿﻨﮯ ﯾﮧ ﮐﺎﻡ ﮐﺮﻭ ، ﻣﯿﮟ ﺗﻤﮩﯿﮟ ﺍﺱ ﮐﮯ ﺑﻌﺪ ﺍﺱ ﮐﺎ ﺟﻮﺍﺏ ﺩﻭﮞ ﮔﺎ۔
ﻣﯿﮟ ﮔﯿﺎﺭﮦ ﻣﺎﮦ ﻟﻮﮈﻧﮓ ﺍﻥ ﻟﻮﮈﻧﮓ ﮐﺮﺗﺎ ﺭﮨﺎ، ﻣﯿﺮﺍ ﻭﻇﯿﻔﮧ ﻣﮑﻤﻞ ﮨﻮﮔﯿﺎ ﺗﻮ ﻣﯿﺮﮮ ﺍﺳﺘﺎﺩ ﻧﮯ ﻣﺠﮫ ﺳﮯ ﮐﮩﺎ: ”

ﺗﻢ ﺁﺝ ﻣﺰﺩﻭﺭﯼ ﮐﮯﻟﺌﮯ ﺟﺎﺅ ۔ ﮐﺎﻡ ﺷﺮﻭﻉ ﮨﻮ ﺟﺎﺋﮯ ﺗﻮ ﺗﻢ ﺟﮭﻮﭦ ﻣﻮﭦ ﮐﮯ ﺑﯿﻤﺎﺭ ﭘﮍ ﺟﺎﻧﺎ، ﺳﺎﺭﺍ ﺩﻥ ﮐﺎﻡ ﮐﻮ ﮨﺎﺗﮫ ﻧﮧ ﻟﮕﺎﻧﺎ ‘ ﺷﺎﻡ ﮐﻮ ﺍﭘﻨﺎ ﻣﻌﺎﻭﺿﮧ ﻟﯿﻨﺎ ﺍﻭﺭ ﻭﺍﭘﺲ ﺁ ﺟﺎﻧﺎ “

ﻣﯿﮟ ﻧﮯ ﺷﯿﺦ ﮐﮯ ﺣﮑﻢ ﭘﺮ ﻋﻤﻞ ﮐﯿﺎ، ﻣﯿﮟ ﺳﺎﺭﺍ ﺩﻥ ﭘﯿﭧ ﻣﯿﮟ ﺩﺭﺩ ﮐﺎ ﺑﮩﺎﻧﮧ ﺑﻨﺎ ﮐﺮ ﮔﻮﺩﯼ ﭘﺮ ﻟﯿﭩﺎ ﺭﮨﺎ، ﺷﺎﻡ ﮐﻮ ﻣﻌﺎﻭﺿﮧ ﻟﯿﺎ ﺍﻭﺭ ﺍﺳﺘﺎﺩ ﮐﮯ ﭘﺎﺱ ﺁ ﮔﯿﺎ، ﺍﺳﺘﺎﺩ ﻧﮯ ﻓﺮﻣﺎﯾﺎ : ﺗﻢ ﺍﺏ ﺩﻭ ﻭﻗﺖ ﮐﮯ ﮐﮭﺎﻧﮯ ﮐﮯ ﭘﯿﺴﮯ ﺭﮐﮫ ﮐﺮ ﺑﺎﻗﯽ ﺭﻗﻢ ﺧﯿﺮﺍﺕ ﮐﺮ ﺩﻭ ۔

ﺁﭖ ﯾﻘﯿﻦ ﮐﺮﯾﮟ ﻭﮦ ﮔﯿﺎﺭﮦ ﻣﺎﮦ ﻣﯿﮟ ﭘﮩﻼ ﺩﻥ ﺗﮭﺎ ﺟﺐ ﻣﯿﺮﺍ ﺩﻝ ﺧﯿﺮﺍﺕ ﮐﻮ ﻧﮩﯿﮟ ﭼﺎﮦ ﺭﮨﺎ ﺗﮭﺎ۔ ﻣﯿﮟ ﻧﮯ ﺍﺱ ﺩﻥ ﺧﻮﺏ ﺳﯿﺮ ﮨﻮ ﮐﺮ ﮐﮭﺎﻧﺎ ﮐﮭﺎﯾﺎ ﻟﯿﮑﻦ ﻣﯿﺮﯼ ﺑﮭﻮﮎ ﺧﺘﻢ ﻧﮩﯿﮟ ﮨﻮﺋﯽ۔ ﻣﯿﮟ ﻧﮯ ﺍﺱ ﺭﺍﺕ ﭘﮩﻠﯽ ﺑﺎﺭ ﺍﭘﻨﮯ ﮐﻤﺮﮮ ﮐﯽ ﮐﻨﮉﯼ ﻟﮕﺎﺋﯽ۔ ﻣﯿﮟ ﮔﮭﻮﮌﮮ ﺑﯿﭻ ﮐﺮ ﺳﻮﯾﺎ ﻟﯿﮑﻦ ﻣﯿﺮﯼ ﻧﯿﻨﺪ ﻣﮑﻤﻞ ﻧﮩﯿﮟ ﮨﻮﺋﯽ۔

ﻣﺠﮭﮯ ﺍﮔﻠﮯ ﺩﻥ ﺍﭘﻨﮯ ﺟﺴﻢ ﺳﮯ ﺑﻮ ﺁﺋﯽ ﺍﻭﺭ ﻣﺠﮭﮯ ﭘﮩﻠﯽ ﻣﺮﺗﺒﮧ ﺍﭘﻨﮯ ﮐﭙﮍﻭﮞ ﭘﺮ ﭘﺮﻓﯿﻮﻡ ﻟﮕﺎﻧﺎ ﭘﮍﺍ ﺍﻭﺭ ﻣﺠﮭﮯ ﭘﮩﻠﯽ ﻣﺮﺗﺒﮧ ﻧﻤﺎﺯ ﻣﯿﮟ ﻟﺬﺕ ﻣﺤﺴﻮﺱ ﻧﮩﯿﮟ ﮨﻮﺋﯽ۔

ﻣﯿﮟ ﻧﮯ ﺷﯿﺦ ﮐﻮ ﺍﭘﻨﯽ ﺳﺎﺭﯼ ﮐﯿﻔﯿﺎﺕ ﺑﺘﺎئی۔
ﻭﮦ ﮨﻨﺲ ﮐﺮ ﺑﻮﻟﮯ : ﺑﯿﭩﺎ ﯾﮧ ﺣﺮﺍﻡ ﮐﺎ ﮐﻤﺎﻝ ﮨﮯ۔ ﺣﺮﺍﻡ ﺁﭖ ﮐﯽ ﺯﻧﺪﮔﯽ ﮐﯽ ﺗﻤﺎﻡ ﻧﻌﻤﺘﻮﮞ ﮐﺎ ﺟﻮﮨﺮ ﺍﮌﺍ ﺩﯾﺘﺎ ﮨﮯ، ﺁﭖ ﺍﻧﺴﺎﻥ ﺳﮯ ﺟﺎﻧﻮﺭ ﺑﻦ ﺟﺎﺗﮯ ﮨﯿﮟ۔

ﻣﯿﺮﮮ ﺍﺳﺘﺎﺩ ﻧﮯ ﺑﺘﺎﯾﺎ: ﺣﺮﺍﻡ ﮨﻤﯿﺸﮧ ﺁﭖ ﮐﯽ ﺑﮭﻮﮎ ﺑﮍﮬﺎ ﺩﯾﺘﺎ ﮨﮯ۔ ﯾﮧ ﺁﭖ ﮐﯽ ﻧﯿﻨﺪ ﻣﯿﮟ ﺍﺿﺎﻓﮧ ﮐﺮﺗﺎ ﮨﮯ، ﯾﮧ ﺁﭖ ﮐﮯ ﺟﺴﻢ ﻣﯿﮟ ﺑﻮ ﭘﯿﺪﺍ ﮐﺮﺗﺎ ﮨﮯ، ﯾﮧ ﺁﭖ ﮐﺎ ﺩﻝ ﺗﻨﮓ ﮐﺮ ﺩﯾﺘﺎ ﮨﮯ، ﯾﮧ ﺁﭖ ﮐﯽ ﺳﻮﭺ ﮐﻮ ﭼﮭﻮﭨﺎ ﮐﺮ ﺩﯾﺘﺎ ﮨﮯ، ﯾﮧ ﺁﭖ ﮐﯽ ﻧﯿﻨﺪ ﮐﻮ ﭘﮭﯿﻼ ﺩﯾﺘﺎ ﮨﮯ ﺍﻭﺭ ﯾﮧ ﺁﭖ ﮐﯽ ﺭﻭﺡ ﺳﮯ ﺳﮑﻮﻥ ﮐﮭﯿﻨﭻ ﻟﯿﺘﺎ ﮨﮯ۔
ﻣﯿﺮﮮ شیخ ﻧﮯ ﻣﺠﮭﮯ ﺑﺘﺎیا : ﺁﭖ ﮐﻮ ﺁﺝ ﺍﯾﮏ ﺩﻥ ﮐﺎ ﺣﺮﺍﻡ 40 ﺩﻥ ﺳﺘﺎﺋﮯ ﮔﺎ۔

ﺁﭖ ﺍﻥ 40 ﺩﻧﻮﮞ ﻣﯿﮟ ﺟﮭﻮﭦ ﮐﯽ ﻃﺮﻑ ﺑﮭﯽ ﻣﺎﺋﻞ ﮨﻮﮞ ﮔﮯ،
ﺁﭖ ﻏﯿﺒﺖ ﺑﮭﯽ ﮐﺮﯾﮟ ﮔﮯ،
ﺁﭖ ﮐﮯ ﺩﻝ ﻣﯿﮟ ﻻﻟﭻ ﺑﮭﯽ ﺁﺋﮯ ﮔﺎ،
ﺁﭖ ﺩﻭﺳﺮﻭﮞ ﮐﻮ ﺩﮬﻮﮐﺎ ﺑﮭﯽ ﺩﯾﮟ ﮔﮯ،
ﺍﻭﺭ ﺁﭖ ﮐﮯ ﺍﻧﺪﺭ ﺍﻣﯿﺮ ﺑﻨﻨﮯ ﮐﯽ ﺧﻮﺍﮨﺶ ﺑﮭﯽ ﭘﯿﺪﺍ ﮨﻮﮔﯽ،
ﻣﯿﮟ ﮈﺭ ﮔﯿﺎ ﺍﻭﺭ ﻣﯿﮟ ﻧﮯ ﺍﺳﺘﺎﺩ ﺳﮯ ﭘﻮﭼﮭﺎ :
ﻣﯿﮟ ﺍﮔﺮ ﺣﺮﺍﻡ ﮐﮯ ﺍﻥ ﺑﺮﮮ ﺍﺛﺮﺍﺕ ﺳﮯ ﺑﭽﻨﺎ
ﭼﺎﮨﻮﮞ ﺗﻮ ﻣﺠﮭﮯ ﮐﯿﺎ ﮐﺮﻧﺎ ﭘﮍﮮ ﮔﺎ ؟

ﻭﮦ ﺑﻮﻟﮯ: ” ﺭﻭﺯﮦ ﺭﮐﮭﻮ ﺍﻭﺭ ﺧﺎﻣﻮﺷﯽ ﺍﺧﺘﯿﺎﺭ ﮐﺮﻭ ۔ ﯾﮧ ﺩﻭﻧﻮﮞ ﺗﻤﮩﯿﮟ ﺍﻧﺪﺭ ﺳﮯ ﭘﺎﮎ ﮐﺮ ﺩﯾﮟ ﮔﮯ “

ﺍﻧﮩﻮﮞ ﺳﺮ ﮨﻼﯾﺎ ﺍﻭﺭ ﺑﻮﻟﮯ :
ﻣﯿﮟ ﻧﮯ ﭼﺎﻟﯿﺲ ﺳﺎﻝ ﮐﯽ ریاضت ﮐﮯ ﺑﻌﺪ ﺟﻮ ﺳﯿﮑﮭﺎ ، ﻭﮦ ﻣﯿﮟ ﺗﻤﮩﯿﮟ ﺑﺘﺎ ﺩﯾﺘﺎ ﮨﻮﮞ۔ ﯾﮧ ﮐﺎﺋﻨﺎﺕ ﺍﯾﮏ ﺻﻨﺪﻭﻕ ﮨﮯ ، ﺍﺱ ﺻﻨﺪﻭﻕ ﭘﺮ ﺍﺳﺮﺍﺭ ﮐﺎ ﻣﻮﭨﺎ ﺗﺎﻻ ﭘﮍﺍ ﮨﮯ ، ﯾﮧ ﺗﺎﻻ ﺍﯾﮏ ﺍﺳﻢ ﺍﻋﻈﻢ ﺳﮯ ﮐﮭﻠﺘﺎ ﮨﮯ۔
ﺍﻭﺭ ﻭﮦ ﺍﺳﻢ ﺍﻋﻈﻢ ﮨﮯ ﺣﻼﻝ ، ﺁﭖ ﺯﻧﺪﮔﯽ ﻣﯿﮟ ﺣﻼﻝ ﺑﮍﮬﺎﺗﮯ ﺟﺎﺅ ﮐﺎﺋﻨﺎﺕ ﮐﺎ ﺻﻨﺪﻭﻕ ﮐﮭﻠﺘﺎ ﭼﻼ ﺟﺎﺋﮯ ﮔﺎ “۔
ﻣﯿﮟ ﻧﮯ ﻋﺮﺽ ﮐﯿﺎ: ” ﺍﻭﺭ ﺣﺮﺍﻡ ﮐﯽ ﭘﮩﭽﺎﻥ ﮐﯿﺎ ﮨﮯ “
ﻭﮦ ﺑﻮﻟﮯ: ” ﺩﻧﯿﺎ ﮐﯽ ﮨﺮ ﻭﮦ ﭼﯿﺰ ﺟﺴﮯ ﺩﯾﮑﮭﻨﮯ ، ﺳﻨﻨﮯ ، ﭼﮑﮭﻨﮯ ﺍﻭﺭ ﭼﮭﻮﻧﮯ ﮐﮯ ﺑﻌﺪ ﺁﭖ ﮐﮯ ﺩﻝ ﻣﯿﮟ ﻻﻟﭻ ﭘﯿﺪﺍ ﮨﻮ ﺟﺎﺋﮯ ﻭﮦ ﺣﺮﺍﻡ ﮨﮯ۔

ﺁﭖ ﺍﺱ ﺣﺮﺍﻡ ﺳﮯ ﺑﭽﻮ ،
ﯾﮧ ﺁﭖ ﮐﮯ ﻭﺟﻮﺩ ﮐﻮ ﻗﺒﺮﺳﺘﺎﻥ ﺑﻨﺎ ﺩﮮ ﮔﺎ ،
ﯾﮧ ﺁﭖ ﮐﻮ ﺍﻧﺪﺭ ﺳﮯ ﺍﺟﺎﮌ ﺩﮮ ﮔﺎ ، تباہ کردیگا ، ﯾﮧ ﺁﭖ ﮐﻮ ﺑﮯ ﺟﻮﮨﺮ ﮐﺮ ﺩﮮ ﮔﺎ، بے قیمت کردیگا آپنے گھر میں آپنے پڑوس میں اور پورے دنیا میں پھر معاشرے میں آپ کی کوئی اہمیت ہی نہ رہیگی۔ اور آپ کے چہرے کی رونق ختم ہو جائیگی 🤔۔

برکتیں ایسے نہیں آجاتیں رات کے وقت میں ایک ریڑھی پہ روکا کہ چلو یہ نئی ریڑھی ہے تو یخنی ٹرائی کرلی جائے ۔۔۔۔۔ اس نے نہ ہ...
23/12/2025

برکتیں ایسے نہیں آجاتیں رات کے وقت میں ایک ریڑھی پہ روکا کہ چلو یہ نئی ریڑھی ہے تو یخنی ٹرائی کرلی جائے ۔۔۔۔۔ اس نے نہ ہی کوئی شومنٹ کی ہوئی تھی بس سادہ سی ریڑھی تھی ۔

مجھ سے پوچھنے لگا کہ بھائی 100 والا انڈے والی ہے اور 60
والی بغیر انڈے والی ۔۔۔۔۔ میں نے کہا آپ 60 والا پیالہ سے دیں ۔

پھر میں نے پوچھا کہ لگتا ہے آپ یہاں
بائی پاس پہ نئے ہو وہ مسکرا کر چپ ہوگیا ۔

کہنے لگا بھائی میں دوسروں کہ نسبت جلدی چلا جاتا ہوں میرا کسٹمر بندھا ہوا ہے جو ایک سال سے سردیوں میں میرے پاس ہی آتا ہے میرا انتظار کرتا ہے !

میں نے سوچا لمبی چھوڑ رہا ہے بس گاہک بنانا چاہتا ہے !!!!! خیر
میں نے یخنی جیسے ٹیسٹ کی تو حیران رہ گیا کہ بہترین سے بھی بہتر اس کا ذائقہ تھا ۔۔۔۔۔ اتنے میں ایک مجذوب سا لڑکا آگیا اس نے اسے بیٹھایا اور یخنی کا پیالہ فری دے دیا ۔

تب فوراً مجھے سمجھ آگئی کہ برکتیں کاروبار میں ایسے ہی نہیں آجاتی اللہ سے پارٹنر شپ کی جاتی ہے۔

اس کے بعد انسان کسی کا محتاج نہیں ہوتا ۔

جیسے ہی وہ خوش لباس انسان چمکتی دمکتی کار سے اترا فقیر نے اسے گھیر لیا۔"اللہ کے نام پر دے دو۔"صاحب کو اللہ نے بہت بڑا دل...
23/12/2025

جیسے ہی وہ خوش لباس انسان چمکتی دمکتی کار سے اترا فقیر نے اسے گھیر لیا۔
"اللہ کے نام پر دے دو۔"
صاحب کو اللہ نے بہت بڑا دل دیا تھا اس نے بجائے پیسوں کے جیب سے سونے کا سکہ نکالا اور فقیر کو دے دیا۔
فقیر نے کبھی سونا نہیں دیکھا تھا اس نے چند سو روپے پر اصرار جاری رکھا۔۔صاحب کہتے رہے یہ چند سو روپے سے زیادہ قیمتی ہے یقین کرو یہ ان کاغذ کے ٹکڑوں سے زیادہ اہم ہے۔۔لیکن فقیر نے یقین نہ کیا اور مایوسی سے چل دیا

ہم سب کی مثال بھی اس فقیر کی مانند ہے۔ہم اللہ پاک سے مانگتے ہیں وہ ہمیں سونے کا سکہ دیتا ہے یعنی ہماری مانگی گئی چیز سے احسن چیز عطاء کرتا ہے لیکن ہم گناہ گار چند سو روپے پر اصرار جاری رکھتے ہیں۔۔۔اور بالآخر مایوس ہو جاتے ہیں۔۔
اللہ پاک جو دیتا ہے اسے سونے کا سکہ سمجھو جو کہ چند سو روپوں سے زیادہ قیمتی ہوتا ہے۔

شیئر کیجئے 👍۔

Address

Sharjah

Website

Alerts

Be the first to know and let us send you an email when KPK, district Swabi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KPK, district Swabi:

Shortcuts

Share