Shabqadar Press Club

13/06/2026

شبقدر: اور گردونواح میں ہلکی پھکی بارش کا سلسلہ جاری

شبقدر: بارش کے باعث موسم خوشگواراو ہو گیا ہے

13/06/2026

چیف ٹریفک آفیسر کائنات اظہر خان نے اپنے عہدے کا چارج سنبھال لیا۔

چارج سنبھالنے کے فوراً بعد انہوں نے تمام زونل ڈی ایس پیز کے ساتھ ایک اہم اجلاس کی صدارت کی اور ٹریفک مینجمنٹ، انفورسمنٹ اور شہریوں کو فراہم کی جانے والی سہولیات کا تفصیلی جائزہ لیا گیا۔
اسلام آباد میں ٹریفک ڈسپلن کا فروغ، بہترین ٹریفک مینجمنٹ اور شہریوں کو معیاری سفری سہولیات کی فراہمی اسلام آباد ٹریفک پولیس کی اولین ترجیحات ہیں۔ ٹریفک قوانین پر عملدرآمد کو مزید مؤثر بنایا جائے اور قانون شکن عناصر کے خلاف بلا امتیاز کارروائیاں عمل میں لائی جائیں۔ لین وائلیشن، ون وے کی خلاف ورزی، دورانِ ڈرائیونگ موبائل فون کے استعمال، سیٹ بیلٹ کی پابندی، غیر نمونہ و غیر قانونی نمبر پلیٹس، کم عمر ڈرائیونگ، ون ویلنگ اور ڈرفٹنگ کے خلاف سخت اور مؤثر انفورسمنٹ یقینی بنانے کی ہدایت جاری کی۔چیف ٹریفک آفیسر
اسلام آباد ٹریفک پولیس جدید تقاضوں سے ہم آہنگ ٹریفک مینجمنٹ کے ذریعے شہریوں کو بہترین خدمات فراہم کرنے کے لیے اپنی تمام تر صلاحیتیں بروئے کار لائے گی۔ چیف ٹریفک آفیسر کائنات اظہر خان

13/06/2026

13/06/2026

کسٹم آفس کے سامنے خوفناک آتشزدگی، کروڑوں روپے مالیت کا سامان راکھ کا ڈھیر بن گیا
ڈیرہ اسماعیل خان ٹانک روڈ پر کسٹم آفس کے سامنے اس وقت ہلچل مچ گئی جب اچانک کھڑی متعدد گاڑیوں میں خوفناک آگ بھڑک اٹھی۔ دیکھتے ہی دیکھتے آگ نے شدت اختیار کر لی اور کئی گاڑیاں اس کی لپیٹ میں آ کر جل کر خاکستر ہو گئی عینی شاہدین کے مطابق آگ کے بلند شعلے اور سیاہ دھوئیں کے بادل دور دور تک دکھائی دیتے رہے، جس سے علاقے میں شدید خوف و ہراس پھیل گیا
ابتدائی اطلاعات کے مطابق آتشزدگی کے نتیجے میں کروڑوں روپے مالیت کا قیمتی سامان جل کر تباہ ہو گیا
واقعے کی اطلاع ملتے ہی ریسکیو 1122 کی فائر بریگیڈ ٹیمیں موقع پر پہنچ گئیں اور آگ پر قابو پانے کے لیے بھرپور آپریشن شروع کر دیا۔ فائر فائٹرز نے طویل جدوجہد کے بعد آگ کے پھیلاؤ کو روکنے کی کوششیں جاری رکھیں۔
خوش قسمتی سے واقعے میں کسی جانی نقصان کی اطلاع موصول نہیں ہوئی، تاہم مالی نقصان انتہائی زیادہ بتایا جا رہا ہے۔ آگ لگنے کی اصل وجہ فوری طور پر معلوم نہ ہو سکی، جبکہ متعلقہ اداروں نے واقعے کی تحقیقات شروع کر دی ہیں تاکہ آتشزدگی کے اسباب اور ذمہ دار عناhصر کا تعین کیا جا سکے
*واقعے نے کسٹم آفس اور اطراف کے علاقوں میں کھلبلی مچا دی، جبکہ شہریوں نے قیمتی سامان اور گاڑیوں کے تحفظ کے لیے مؤثر اقدامات کا مطالبہ کیا ہے۔*

13/06/2026

ورسک روڈ ( گاؤں ڈاگ کلے )پشاور میں موٹروے پولیس کے شہید آفیسر نظام الدین کی نمازِ جنازہ انتہائی عقیدت و احترام کے ساتھ ادا کی گئی۔
نمازِ جنازہ میں ریجنل کمانڈر (نارتھ ریجن)، زونل کمانڈر، سیکٹر کمانڈر علی حسن خان، بیٹ کمانڈر چکدرہ اور نیشنل ہائی ویز اینڈ موٹروے پولیس کے دیگر افسران و جوانوں نے شرکت کی۔
موٹروے پولیس کی جانب سے شہید کے اہلِ خانہ سے دلی تعزیت کا اظہار کیا گیا اور عظیم قربانی کو خراجِ عقیدت پیش کرتے ہوئے شہید کے تابوت پر پھولوں کی چادر چڑھائی گئی۔
شہداء قوم کا فخر اور ہمارا سرمایہ ہیں، ان کی لازوال قربانیاں ہمیشہ یاد رکھی جائیں گی۔ا

13/06/2026

اے ایچ گروپ متاثرین کی پشاور پریس کلب میں پریس کانفرنس، فوری انصاف کا مطالبہ
پشاور: اے ایچ گروپ کے متاثرین نے پشاور پریس کلب میں پریس کانفرنس کرتے ہوئے حکومت، احتسابی اداروں اور قانون نافذ کرنے والے اداروں سے مطالبہ کیا ہے کہ سرمایہ کاری کے نام پر عوام سے لی گئی رقوم کے معاملے کا فوری نوٹس لیا جائے اور متاثرین کو انصاف فراہم کیا جائے۔
متاثرین کا کہنا تھا کہ بیواؤں، یتیموں، ریٹائرڈ ملازمین اور سفید پوش خاندانوں نے اپنی زندگی بھر کی جمع پونجی مختلف منصوبوں میں لگائی، لیکن آج ہزاروں خاندان شدید پریشانی اور غیر یقینی صورتحال کا شکار ہیں۔ ان کے مطابق عوام کے خون پسینے کی کمائی سے اربوں روپے اکٹھے کیے گئے، مگر نہ منصوبے مکمل ہوئے اور نہ ہی متاثرین کو ان کا جائز حق ملا متاثرین نے مطالبہ کیا کہ وزیراعظم پاکستان، وزیراعلیٰ خیبر پختونخوا، نیب، پی ڈی اے، پولیس اور دیگر متعلقہ ادارے معاملے کی مکمل تحقیقات کریں اور ذمہ داران کے خلاف قانون کے مطابق کارروائی عمل میں لائیں۔ انہوں نے کہا کہ اگر منصوبے قابلِ عمل ہیں تو انہیں فوری مکمل کر کے متاثرین کو قبضے دیے جائیں، بصورت دیگر ان کی جمع شدہ رقوم واپس دلائی جائیں متاثرین نے خصوصاً سی سی پی او پشاور اور دیگر اعلیٰ حکام سے اپیل کی کہ وہ اس معاملے کا فوری نوٹس لیں اور متاثرہ خاندانوں کو درپیش مشکلات کے ازالے کے لیے مؤثر اقدامات کریں۔ انہوں نے کہا کہ ہزاروں متاثرین انصاف کے منتظر ہیں اور ریاستی اداروں سے امید رکھتے ہیں کہ ان کی آواز سنی جائے گی۔

13/06/2026

چارسدہ: پڑانگ پولیس کی کامیاب کارروائی، شہریوں کو لوٹنے والے دو ملزمان گرفتار، مالِ مسروقہ رقم اور اسلحہ برآمد ڈسٹرکٹ پولیس آفیسر چارسدہ محمد وقاص خان کی ہدایات پر ضلع بھر میں جرائم پیشہ عناصر اور سماج دشمن عناصر کے خلاف کارروائیاں تسلسل کے ساتھ جاری ہیں اسی سلسلے میں ڈی ایس پی سٹی جان محمد خان کی قیادت میں ایس ایچ او تھانہ پڑانگ مصور خان نے پولیس ٹیم کے ہمراہ کامیاب کارروائی کرتے ہوئے شہریوں کو اسلحہ کی نوک پر لوٹنے والے دو ملزمان سمیت تین ملزمان کو گرفتار کر لیا گرفتار ملزمان کے قبضے سے مالِ مسروقہ رقم 40 ہزار روپے اور تین عدد پستول بمعہ کارتوس برآمد کر لیے گئے۔ ملزمان سے مزید تفتیش جاری ہے جبکہ ان سے دیگر وارداتوں کے حوالے سے بھی اہم انکشافات متوقع ہیں۔
چارسدہ پولیس جرائم کے خاتمے اور شہریوں کے جان و مال کے تحفظ کے لیے بھرپور اقدامات جاری رکھے ہوئے ہے اور قانون شکن عناصر کے خلاف بلاامتیاز کارروائیاں عمل میں لائی جا رہی ہیں۔

13/06/2026

ایبٹ آباد
گورنر خیبر پختونخوا فیصل کریم کنڈی نے کہا ہے صوبے کے حق کو گالم گلوچ سے نہیں دلیل اور دلائل سے حاصل کریں گے۔خیبر پختون خوا کرپشن کی نظر ہو چکا ہے امن امان کی صورتحال مخدوش ہے جن لوگوں نے نوکریاں اور گھر دینے کا وعدہ کیا تھا وہ اس کو نبھانے میں ناکام رہے ہیں ۔خیبر پختون خوا میں پولیس کی تنخوائیں باقی صوبوں سے کم ہیں جب کہ ان کی قربانیاں زیادہ ہیں ۔ہم وفاق کو مضبوط کرنا چاہتے ہیں ہمارے پاس گیس بجلی معدنیات اور سیاحت ہے ۔میاں نواز شریف کی وجہ سے خیبر پختون خوا کو پانی کا حصہ نہیں ملا چشمہ لفٹ کینال بن جائے تو گندم میں خود کفیل ہوجائیں گے۔اگر وفاق نے چشمہ لفٹ کینال کے لئے فنڈ نہ دیا تو دوست ممالک سے فنڈ کے کر اپنی نہر خود بنائیں گے ۔
آرٹیکل 158 کے تحت گیس کا پہلا حق صوبے کا ہے وفاق نے ظلم کرتے ہوئے آٹا اور گیس بند کی اس مقدمہ کو لڑتے ہوئے گندم کی ترسیل کو شروع کروایا اور سی این جی اسٹیشن کو بحال کیا ۔ان خیالات کا اظہار انہوں نے یہاں ایبٹ آباد میں پیپلز پارٹی ورکر کنونشن ہزارہ میں خطاب کرتے ہوئے کیا۔کنونشن میں پیپلز پارٹی کے صوبائی صدر محمد علی با چا ،صوبائی جنرل سیکرٹری شجاع سالم خان ،پارٹی کے اہم پی ایز ،ڈویژنل صدر ملک فاروق ،ضلعی صدر ایبٹ آباد سید سلیم شاہ ،مانسہرہ ،ہری پور ،بٹگرام پارٹی کے صدور ودیگر عہدیداران اور پارٹی کے کارکنان اور نوجوان کثیر تعداد میں شریک تھے ۔گورنر فیصل کریم کنڈی نے بھرپور کنونشن کے انعقاد پر منتظمین نوجوانوں اور خواتین ونگ کو مبارکباد پیش کی ۔انہوں نے کہا ہے کہ لوگوں کا رحجان پیپلز پارٹی کی طرف جا رہا ہے وہ سب کے سامنے ہے ۔گلگت بلتستان میں سرکاری وسائل کے مقابلے میں جس طرح پیپلز پارٹی نے کامیابی حاصل کی وہ پارٹی کے لئے اعتماد کا اظہار ہے ۔جس طریقے سے بلاول بھٹو اور آصفہ بھٹو نے بھرپور مہم چلائی ۔یہ جوش و جذبہ رہا ہم متحد رہے تو اگلی حکومت پیپلز پارٹی کی ہوگی ۔گورنر خیبر پختونخوا کا کہناتھا پی سی بی کے چیئرمین وفاقی وزیر محسن نقوی سے مطالبہ کیا ہے ایبٹ آباد اورمانسہرہ کے لئے کرکٹ اسٹیڈیم کے لئے بات کی ہے ۔انہوں نے کہا ہے کہ ایبٹ آباد کے انٹر چینج کے لئے وزیر اعظم ان کے خط پر بجٹ پر منظوری دی ہے جس پر ان کا مشکور ہوں ۔اس بجٹ میں مانسہرہ مظفر آباد موٹر وے کے لئے فنڈ مختص کیا گیا ہے پوری کوشش ہوگی جلد اس پر کام شروع کروا سکیں ۔گورنر خیبر پختونخوا فیصل کریم کنڈی نے سرکل گلیات کے سردار عتیق ادریس کو پارٹی میں شمولیت پر مبارکباد پیش کرتے ہوئے یقین دہانی کرائی ہے ایوبیہ چیئر لفٹ کو بحال کرائیں گے ۔انہوں نے ضلعی صدر سید سلیم شاہ کے مطالبے پر ایبٹ آباد میں پیپلز پارٹی کی جانب سے مفت علاج کی سہولیات فراہم کرنے کے لئے سندھ حکومت کے تعاون سے ہسپتال مہیا کرنے کا یقین دلایا ہے۔انہوں نے کہا ہے کہ پیپلز پارٹی نے ہمیشہ ملازمین کے حقوق کی بات کی ہے جب الیکشن آئے تو ووٹ بھی دیا کریں ۔گورنر خیبر پختونخوا نے اس بات پر زور دیا وفاق صوبہ کا حق دے پانی اور بجلی میں جو شیئر ہے وہ ملنے چاہئیں ۔اپنے حقوق کے لئے کھڑے ہوں گے ہمارا اتحاد ہوان سے حق لے گے وہ ذمانہ چلا گیا ۔انہوں نے نوجوانوں پر زور دیا کہ آصف علی زرداری نے خیبر پختونخوا کے عوام کو شناخت دی ہے ۔نوجوان متحد ہوں وفاق سے گالی گلوچ سے نہیں دلیل اور دلائل کے ساتھ لڑیں گے ہمیں اپنا حق ملے گا صوبائی حکومت کو کہتا ہوں آئیں اتفاق سے صوبے کا حق لیں جب متحد ہوں گے تو دیکھیں گے کون صوبے کے حق پر ڈاکہ ڈالتا ہے ۔گورنر خیبر پختونخوا نے پاکستان کے ثالثی کردار پر وزیر اعظم میاں شہباز شریف اور فیلڈ مارشل جنرل حافظ عاصم منیر کو سراہا ہے اور اس توقع کا اظہار کیا کہ دنیا پاکستان پر اعتماد کر ر ہی ہے ۔آنے والے وقت میں ملک میں سرمایہ کاری آئے گی اور معیشت بہتر ہوگی ۔انہوں نے کہا ہے وہ دن جلد آئے گا بلاول بھٹو وزیر اعظم اور خیبر پختونخوا میں جیالا وزیر اعلی ہوگا۔

13/06/2026

خیبرپختونخوا حکومت نے اگلے مالی سال کیلئے صرف 3 ماہ کا بجٹ پیش کرنے کا فیصلہ کرلیا۔
وزیراعلیٰ سہیل آفریدی کا کہنا ہے کہ بجٹ پیش نہ کرکے وفاق پر مطالبات ماننے کیلئے دباؤ ڈال سکتے ہیں۔
سہیل آفریدی نے کہا کہ پورے مالی سال کا بجٹ ایک ساتھ پیش نہیں کریں گے، وفاق ہمارے مطالبات نہیں مان رہا۔
ان کا کہنا ہے کہ نگران حکومت کی طرح منتخب حکومت بھی 3 ماہ کا بجٹ پیش کرسکتی ہے۔
خیبرپختونخوا کا 3 ماہ کا بجٹ پیش کرنے کی قانونی حیثیت کیلئے بیرسٹر گوہر اور سلمان اکرم راجا کو طلب کرلیا گیا۔