انو في التصوير السينمائي بستخدمو تقنيات كاميرات مراقبة بطرق متعددة لإضفاء طابع واقعي ومشوق على المشاهد. تتيح هذه الكاميرات للمخرجين تصوير مشاهد من زوايا خفية وغير تقليدية، الحاجة دي بتعزز من إحساس المشاهد بأنه جزء من الحدث برضو بستخدموها في سيناريوهات معينة لخلق توتر أو كشف نقاط حساسة في القصة دون أن يكون الشخص المراقب على دراية بذلك
دي بعض الأمثلة على أفلام ومسلسلات استخدمت تقنية كاميرات المراقبة بشكل بارز في التصوير او من خلال قصة الفيلم
1. **The Truman Show (1998)**: فيلم درامي كوميدي من بطولة جيم كاري، حيث تدور أحداثه حول حياة رجل يُكتشف أنها كانت مسجلة ومراقبة منذ ولادته.
2. Paranormal Activity (2007) سلسلة أفلام رعب تستخدم كاميرات المراقبة والمشاهد الليلية لزيادة الشعور بالرعب والتوتر.
3. The Dark Knight (2008): في هذا الفيلم الشهير، يستخدم باتمان تقنية المراقبة للبحث عن جوكر في مدينة جوثام.
4. Black Mirror مسلسل تلفزيوني يستخدم في العديد من حلقاته تقنية المراقبة لاستكشاف الجانب المظلم للتكنولوجيا والمستقبل.
5. Person of Interestمسلسل تدور أحداثه حول فريق يستخدم نظام مراقبة متقدم للكشف عن الجرائم قبل وقوعها.
#الامارات
26/11/2024
في دولة ما 🌚 شفت كتير من المحلات بستخدمو كاميرات المراقبة ديييييك القديمة ام شاشات كتيرة ديك🤭🤭
وما بكون في موظف مراقب الشاشة طيب ي اذكياء الغرض الأول من الكاميرات وطالع منها الاسم زاتو (المرااااقبة) انت لمن تراقب بتقدر تلقط الحدث اول بأول لو في حاجة ما طبيعية في زول عمل غلط مثلا بتقدر تستدرك الحدث اول بأول لكن لمن تجي تشوف التسجيل بعد الحادث صح بساعدك تعرف الحاصل شنو بس بتبقى بعدين جرجرة وكلام كتير ويفتشو وشرطة وووو
عشان كدا الكاميرات دي هدفها الأول المراقبة والتاني الحماية
لكن ي مفتحييييين😉 لو جبتو كاميرات واي فاي 😉 مننا 🤫 من اي مكان بتراقب ما شرط تكون قاعد في محل واحد وممكن طوالي من شفت الحرامي تديو نهرة نهرتين كدا بالسماعة تجهجه امورو كلها
دي كاميرات ميني كاميرات out door خارجية
متوفر عندنا درجتين وضوح ٢ ميغا بكسل و ٥ ميغا بكسل
ولأنها خارجية بتستحمل كل الظروف الخارجية الصعبة من غبار وامطار
كاميراتنا غير
#الامارات
25/11/2024
❌❌ تحذير❌❌
في اماكن لو شكيت انو موجود كاميرات مراقبة
ممكن تتبع الإرشادات دي لحماية خصوصيتك
#الامارات
24/11/2024
🛑🛑 الكاميرا بوليت
النوع دا من الكاميرات تعتبر كاميرات خارجية outdoor وبتجي نوعين نوع ثابت Fixed ما بتحرك ودا بتيح ليك رؤية في منطقة معينة الا انت تجي تحركو بنفسك
اما النوع التاني PTZ ودي متحركة بتحرك تلقائيا او ممكن تتحكم في حركتها من التلفون يمين يسار فوق تحت على حسب الزاوية الانت عايزها
متوفرة عندنا الاتنين بجودة 4 ميغا بكسل
وإمكانية التصوير الليلي الواضح
بتدعم الذواكر الخارجية
طبعا الكاميرات الخارجية دي بتتميز بتصميمها القوي المقاوم للحرارة والامطار والغبار
مناسبة للكراجات المزارع مداخل البنايات
لمن نجي نركب كاميرا مراقبة
في مكان الموضوع دا ما سااااي كدا في قوانين لازم نتبعها والموضوع دا بختلف من دولة للتانية لكن في قوانين كدا ثابتة في كل الدول منها
❌ ما نركبها في أماكن تنتهك الخصوصية زي غرف النوم او دورات المياه
👁️🗨️ في دول بتلزمك انك تعمل اعلام زي لافتة تنبه الناس بوجود كاميرات مراقبة او إشارة توضح المكان المراقب
🛑 التسجيلات المتعلقة بالكاميرات تكون مع عدد محدود من الاشخاص وتكون سرية
🔭 استخدام الكاميرات لاغراض قانونية ما بس تراقب الناس بطريقة تعسفية
⛔ في دول الاتحاد الاوروبي في قوانين صارمة زي GDPR (اللائحة العامة لحماية البيانات) دي بتطلب انكم تاخدو اذن الاشخاص في بعض الحالات احتراما لخصوصياتهم وحماية بياناتهم الشخصية
لو مهتمين تعرفو زيادة عن قوانين الكاميرات اكتبو في التعليقات
#الامارات
23/11/2024
حرص ولا تخون
واحد بحكي انو عندو مطعم شعبي بسيط كان مشغل واحد في الكاشير قال ما عرف الدخل الحقيقي للمطعم الا بعد ما شغل قريبو معاو في المحل بحكم انو ما بكون متواجد طوالي ف كان لازم زول
يتابع الشغل اتفاجأ بعد ما شغل قريبو انو المحل ممكن يدخل في اليوم اكتر من ٢٠٠ الف في حين انو الزول الكان مشغلو ما كان بدخل ليو قدر المبلغ دا
تفتكرو الزول دا لو كان مركب كاميرا مراقبة وبتلفونو مراقب الحاصل كلو من اي مكان وشايف عدد الزبائن الداخل والطالع كان ممكن زول يسرقو ولا ينصب عليو
كتير من الناس بتعاملو بحسن نية وطيبة زايدة عن اللزوم في كل النواحي ما قلنا تسيئ الظن بس كمان لازم تكون منتبه وحريص
في حاجات بسيطة ممكن نحنا نعملها وتسهل علينا الحياة اجراء بسيط بحفظ حقك
لو عايز مساعدة في مجال الكاميرات اكتب لي في التعليقات
#الامارات
21/11/2024
العالم جاااااري🏃🏃♀️
في دنيا متسارعة الخطوات ببقى التطور هو الحاجة الوحيدة الثابتة الممكن نوصل بيها لاحلامنا وطموحاتنا
في عالم كاميرات المراقبة ما زالت التقنيات متطورة وكل فترة بتظهر حاجة جديدة مثلا
✅ كاميرات ذات رؤية عميقة ودي بتسمح ليك تصور في أماكن عميقة وضيقة زي الآبار مثلا
✅ الكاميرات ذات الذكاء الاصطناعي ودي بتتعرف ذاتيا على الاشخاص والأنشطة غير القانونية (شفتو الحلاوة دي😊)
✅ في برضو الكاميرات البانوراما 360 درجة ودي بتديك رؤية شااااملة للموقع الحاجة دي بتخليك تقلل عدد الكاميرات في المكان
لو مهتمين تعرفو اكتر عن مجال الكاميرات ممكن تخلو تعليق تحت👇 وانا برد على اي استفسار❤️
#الامارات
20/11/2024
محتار تختار اي كاميرا 🤔🤔
في حاجات اساسية قبل ما تشتري لازم تكون عارفها عشان تقدر تقرر
انا شخصيا لو جيت تستشيرني بسألك اول حاجة انت عايز كاميرا داخلية ولا خارجية ولو داخلية البيئة جوا حتكون عاملة كيف بعد داك بوجهك للاساسيات دي👇
✅ دقة الكاميرا وجودة التصوير
✅ حجمها ووزنها
✅ الرؤية الليلية يعني لازم تكون بتوفر صورة كويسة في الظلام
✅ التخزين يعني تكون بتدعم تخزين البيانات
#الامارات
19/11/2024
دوووم دوووم دوووم
دا اسم الكاميرا التحت دي طبعا اسمها دوم
تخيل كدة تشوف الموظفين من مكتبك وانت في مكانك
ايوه يعني هيشوفوني وانا باكل 🙂
لا استنى انت هنا 😂
كاميرات مراقبه بأعلى تقنيات مرت على مر العصور 🙄
استنى بس وتقدر تحركها من تلفونك
ايوه وبعدين 🙄
ممكن تشوف الناس وتتبعهم كمان
بيطلع ليها رجلين وتمشي وراه؟ 🙄
استنى هنا قلت ليك
وتسجيل ليك الأحداث مدة من الزمن 😁
البنهتم بيها دقة ووضوح الكاميرا لييييييه لانو ما ممكن
انا يكون عندي شركة مثلا وبراقب الموظفين وفي حرامي سرق وهوووب نجي للكاميرا نعرف الحرامي يكون وشو
ما ظاهر. والصورة طشاش طشاش اها الفايدة شنو طيب عشان كدا وضوح الكاميرا مهم جدا جدا جدا
✅ ف عشان كدا كل ما كان الميغا بكسل عالي كان الوضوح أعلى لا وما كدا بس
✅ حجم الاستشعار الأكبر بجمع اكبر كمية من الضو بخلي الصورة اوضح
✅ وجودة العدسة برضو بتلعب دور
في المجمل الجودة الممتازة للكاميرا يعني كل المميزات دي مع بعض
18/11/2024
الكاميرا solar
سولر يعني بتشتغل عن طريقة الطاقة الشمسية
النوع دا من الكاميرات مميز جدا بقوتو ومتانتو وانها بتقاوم تغيرات الجو المتقلبة
بدون اسلاك وتتمتع بسهولة وسرعة في التركيب
مناسبة جدا للمواقع البعيدة والبيئات الصعبة جغرافيا
وبرضو من مميزاتها انها ممكن تسجل طول ايام الاسبوع لأنها ما بتحتاج لكهربا
في الصورة بتشوفو واحد من أشكال الكاميرات السولر
18/11/2024
كاميرات المراقبة هي الجندي المجهول في الأمن
17/11/2024
لمن تجي تعمل نظام حماية لبيتك بتحتاج تعرف شنو
اول حاجة مفروض اعرف واحدد نوع الخطر الانت متوقعو مثلا سرقة حريق...
تاني حاجة تعرف بالظبط المكان المحتاج تحميو اي زاوية في البيت
تالت حاجة نوع النظام المفيد بالنسبة لاحتياجك
مثلا عايز كاميرا مراقبة ولا أجهزة إنذار ولا إقفال ذكية
واخيرا تشوف ميزانيتك هل بتقدر تغطي تكاليف شراء وتركيب بالإضافة للصيانة الشهرية او السنوية حسب نوع نظام الحماية العندك
بكدا انت بتكون جاهز تأمن بيتك
17/11/2024
الأمان 💝💝
بالنسبة للانسان من القيم المهمة جدا في اي مكان موجود فيو
بديك احساس كدا براحة البال
دايما نحنا بنسعى نكون في امان في وسط دنيا مليانة تغيير وتحديات الأمان ما بس انو نحمي ممتلكاتنا من السرقة لا ابدا بس في ركن في زاوية عميقة كدا الأمان بالنسبة لينا احساس الطمأنينة والسلام الداخلي
Be the first to know and let us send you an email when Mohja Ahmed posts news and promotions. Your email address will not be used for any other purpose, and you can unsubscribe at any time.
