رويال إكسباند - Royal Expand

رويال إكسباند - Royal Expand Contact information, map and directions, contact form, opening hours, services, ratings, photos, videos and announcements from رويال إكسباند - Royal Expand, Digital creator, Sharjah.

عزيزنا المتابع المغترب (المشرد)..حابين نعرف منك.. شنو أكتر شي اشتقت ليه في السودان بصوره ؟🥺1️⃣ لمّة الأهل.2️⃣ الأكل السو...
23/09/2025

عزيزنا المتابع المغترب (المشرد)..حابين نعرف منك.. شنو أكتر شي اشتقت ليه في السودان بصوره ؟🥺
1️⃣ لمّة الأهل.
2️⃣ الأكل السوداني (فول، كسرة، ملاح…).
3️⃣ جلسة القهوة والونسة( ستات الشاي).
4️⃣ ريحة الخرطوم بعد المطر.😭

لو إنت داخل السودان… أعمل تاق لصاحبك المغترب عشان نجهجه مشاعره.

رمت كميات كبيرة من منتجها في الزبالة! 😳 .. شركة تريس بتاعت (Red bull) ما كان عندها مبالغ ضخمة تصرفها في الإعلانات ولا قر...
22/09/2025

رمت كميات كبيرة من منتجها في الزبالة! 😳 .. شركة تريس بتاعت (Red bull) ما كان عندها مبالغ ضخمة تصرفها في الإعلانات ولا قروش تدفعها لي محمد رمضان بالتالي كانت محتاجة لفكرة رهيبة ..

فقررت تخلي المنتج يسوق لي نفسه ودا نوع من التسويق اسمه (تسويق الغوريلا) ..

مشوا شافوا أكتر أماكن الناس بتحتاج فيها مشروبات طاقة:
(الملاعب -الجامعات -الجيم -أماكن الشغل الطويلة -..)

وقاموا رموا كميات هائلة من العلب الفاضية في الزبالة
الفكرة كانت تخلي الناس تحس إنو المنتج دا موجود ومرغوب في كل مكان ..

النتيجة؟
الناس جابها الفضول وجربت المنتج .. والبراند انتشر من غير ملايين

لو عايز تعرف اكتر عن تسويق الغوريلا وكيف تتطبقه في حياتك علق بي كلمه غوريلا وحنرسل ليك كل التفاصيل ..

اخر شي .. مرات ما بتحتاج تصرف كتير عشان الناس تعرفك أمن بي نفسك وفكرتك.

إنت بتسمع كلام منو؟!🤔 في المجتمع في فئة بيسموهم قادة الرأي (Opinion Leaders)…ديل الناس المؤثرين في قراراتنا لأنهم معروفي...
21/09/2025

إنت بتسمع كلام منو؟!🤔 في المجتمع في فئة بيسموهم قادة الرأي (Opinion Leaders)…
ديل الناس المؤثرين في قراراتنا لأنهم معروفين بخبرتهم ومكانتهم.

مثلا في البزنس(مو إبراهيم)، في البزنس وأداره المشاريع (محمد التاج)، في الإعلام (الطاهر حسن التوم )، في الرياضة (كمال محمد عمر)..

الجمهور عادة بيتأثر بتوصيات الناس دي، وده السبب البخلي أي بزنس جديد محتاج يتعاون مع قادة الرأي عشان يكسب ثقة أسرع.

أسي إنت شخصياً بتسمع كلام منو أكتر؟
ولو عندك بزنس، بتختار أي نوع من القادة يدعمك؟

قررت تستبدل مديرها المالي بالذكاء الاصطناعي؟! أتخيّل بِت عمرها ٢٣ سنة، فاتحة شركتها الصغيرة وبتجتهد فيها من الصفر.كل شهر...
20/09/2025

قررت تستبدل مديرها المالي بالذكاء الاصطناعي؟! أتخيّل بِت عمرها ٢٣ سنة، فاتحة شركتها الصغيرة وبتجتهد فيها من الصفر.
كل شهر تدفع لمديرها المالي مرتب محترم، وفي النهاية تحس إنو نفس الشغل ممكن يتعمل بطريقة أسهل وأرخص.

قامت جربت حاجة غريبة:
قالت: "ليه ما أجرب أدي الفرصة للذكاء الاصطناعي؟ أشوفو بقدر يدير قروشي ولا لأ!"

النتيجة؟
📈 في أول ٣ شهور صرفها بانتظام، عرفت تتابع ديونها، وعملت خطة ادخار وصندوق طوارئ.
📉 لكن مرات حسّت إنو القرارات ما عندها إحساس السوق زي البشر.😐

لمن الناس عرفت، انقسموا لي اتنين:
ناس حسّوا إنها بتجازف زيادة.
وناس حسّوا إنو خطة ذكية وموفقة شديد.

إنت رأيك شنو؟
لو عندك شركة صغيرة:
بتخلي مدير مالي بشري يدير ليك؟
ولا بتجرب الذكاء الاصطناعي يمشي معاك خطوة بخطوة؟

✍️ جهزنا ليكم نص خاص.
لو داير تعرف كيف ممكن تخلي الذكاء الاصطناعي يدير ليك قروشك، علق بكلمة (إدارة)..

صحيت لقت 24 مليون في حسابها! 😳..محامية أسترالية عمرها 24 سنة، في يوم عادي جدًا فتحت حسابها البنكي ولقت 24.5 مليون دولار ...
19/09/2025

صحيت لقت 24 مليون في حسابها! 😳..محامية أسترالية عمرها 24 سنة، في يوم عادي جدًا فتحت حسابها البنكي ولقت 24.5 مليون دولار دخلوا ليها بالغلط من البنك.

تخيّل المنظر دا…
إنت لو صحيت ولقيت في حسابك مبلغ زي دا (مليون أو أكتر) أول حاجة تعمل بيهو شنو؟

الخيارات:
A- تسحب سريع وتشتري بيت
B- تفتح مشروع العمر
C- تسافر وتعيش حياتك
D- حاجة مختلفة

أحكي لينا حتعمل شنو؟ ومنشن 3 من أصحابك نشوف ردودهم..

عموماً، البت اتصلت بالبنك ورجّعت القروش.😐

شكراً 😊..شكراً لكل زول رسل لينا عشان يشكرنا أو يعبر عن امتنانه تجاه المحتوى أو طريقة التقديم 💛رسائل زي دي منكم بتخلينا س...
19/09/2025

شكراً 😊..شكراً لكل زول رسل لينا عشان يشكرنا أو يعبر عن امتنانه تجاه المحتوى أو طريقة التقديم 💛
رسائل زي دي منكم بتخلينا سعداء شديد إنه إحنا قادرين نقدم ليكم حاجة مفيدة.

وتعبيراً عن امتنانا ليكم، أي فكرة تكتبوها هنا حنحاول ننفذها 👏
وطبعاً حنذكر اسم صاحب الفكرة الرهيبة لما ننشر البوست!

مبتكر فعلي ولا بس مبدع!😐 ..في فرق كبير بين الإبداع والإبتكار.مثلا الإبداع انك تجيب أفكار جديدة واستثنائية… لكنها تبقى عل...
18/09/2025

مبتكر فعلي ولا بس مبدع!😐 ..في فرق كبير بين الإبداع والإبتكار.

مثلا الإبداع انك تجيب أفكار جديدة واستثنائية… لكنها تبقى على الورق( بلا فائده).

الإبتكار هو نفس الأفكار تتحول لواقع عملي وتجيب نتيجة ملموسة… يعني تطلع قروش وفايدة حقيقية 💰

أغلب الناس عندهم أفكار… بس بيقفوا عند الكلام.
قليل منهم بس اللي ينفذ ويحول أفكاره لابتكار يجيب أرباح.

بتالي لو انت مبدع وعايز تتحول لمبتكر، علق بكلمة "مبتكر" وحنرسل ليك الخطوات .

باعت التمرة بتلاتة دراهم!! ..القصة بتبدأ ببنت إماراتية نزلت السعودية وكانت بتمشي في سوق التمر، لقت تمر رخيص شديد.سألت: "...
17/09/2025

باعت التمرة بتلاتة دراهم!! ..القصة بتبدأ ببنت إماراتية نزلت السعودية وكانت بتمشي في سوق التمر، لقت تمر رخيص شديد.
سألت: "ليه رخيص؟"
البائع قال ليها: "مسيخ.. ما في طعم، الناس ما دايرا".

البنت ما هظرت واتحمست… اشترت عشرة كيلو (متحمسة شديد). والبائع خشمه أسبوعين ما قفل من السعاده 😁
رجعت الإمارات، عملت ليه تغليف شيك وقالت:
"دا تمر صحي لناس الدايت والسكري".

والحصل؟ بقت تبيع التمرة الواحدة بتلاتة دراهم (البنت قادرة).🙂

والمستفاد شنو؟ الناس بتشتري الفكرة والقيمة المضافة قبل المنتج.

آخر شي: هل في حاجة عندها قيمة قدامكم… لكن الناس ما مقدرها؟!

تحدي المليار سوداني..لو عندك فكرة مشروع بتفتكر ممكن تجيب أرباح توصل مليار سوداني.. أكتبها في الكومنتات. أي مجال مفتوح: ز...
17/09/2025

تحدي المليار سوداني..لو عندك فكرة مشروع بتفتكر ممكن تجيب أرباح توصل مليار سوداني.. أكتبها في الكومنتات.

أي مجال مفتوح: زراعة – صناعة – تجارة – تقنية – أي فكرة عندك
أوضح لينا في ليه فكرتك ممكن تنجح

⭕ أحسن فكرة حنختارها ونعمل ليها دراسة جدوى كاملة وننشرها مجانا.

السؤال: شنو فكرتك البتخلي مشروعك يوصل مليار؟!

كيف تتحول لي مستثمر ناجح؟! برمج عقلك!🤷🏽‍♂الموضوع ما قروش كتيرة.. الموضوع كيف مخك شغال!!. حتى لو جاك مليار، ممكن تصرفو كل...
16/09/2025

كيف تتحول لي مستثمر ناجح؟! برمج عقلك!🤷🏽‍♂
الموضوع ما قروش كتيرة.. الموضوع كيف مخك شغال!!. حتى لو جاك مليار، ممكن تصرفو كله في أسبوع!

مثلا..مو إبراهيم (أكبر مستثمر سوداني ناجح في العالم 🌍)..ما بدأ بملايين، لكن فهم قاعدة واحدة:
"كل جنيه لازم يشتغل ويجيب ليك جنيه تاني"

السر في 3 حاجات الناس غالباً ما عارفاها:
1️⃣ دوّر أرباحك بسرعة: أي جنيه يطلع من مشروع لازم يخش مشروع تاني.
2️⃣ استثمر في أصول منتجة: أرض، معدات، مشاريع بتجيب دخل مستمر.
3️⃣ العلاقات أهم من القروش: شبكة قوية بتفتح ليك فرص ما كنت متخيلها.

🎁 هدية لمتابعين الصفحة:
اكتب كلمة مليار في التعليقات، وحنرسل ليك خطة تخلي المليار يشتغل ويزيد مع الأسباب.

لو جاتك 1,000,000,000 جنيه سوداني( مليار) فجأة… مستهلك 😬 ولا مستثمر؟!تخيل معاي القروش دي جاتك فجأة، بغض النظر عن المصدر...
16/09/2025

لو جاتك 1,000,000,000 جنيه سوداني( مليار) فجأة… مستهلك 😬 ولا مستثمر؟!

تخيل معاي القروش دي جاتك فجأة، بغض النظر عن المصدر (حافز شغل - هدية - مرتب - ورثة …)

حتعمل بيها شنو؟

1️⃣ أشتري التلفون اللي نفسي فيه 😭
2️⃣ أعزم أصحابي على طقة ظريفة أو نطلع رحلة.
3️⃣ أخليها ساكت في البنك .
4️⃣ نص تشغلها ونص تاكلها .

علق بالرقم وحنوريك إذا عقليتك مستهلكة ولا مستثمرة ..


هل ممكن تكون ذنوبك سبب في إنك ما بتتوفق في شغلك أو مشروعك؟! في حديث بيقول: "إن الرجل ليُحرم الرزق بالذنب يصيبه" ..يعني م...
15/09/2025

هل ممكن تكون ذنوبك سبب في إنك ما بتتوفق في شغلك أو مشروعك؟! في حديث بيقول: "إن الرجل ليُحرم الرزق بالذنب يصيبه" ..

يعني مرات تلقاك عامل كل حاجة صاح في مشروعك 👌 لكن برضو ما في مبيعات، وما عارف السبب شنو!

ممكن يكون دا ابتلاء عادي، وممكن برضو يكون ذنب عملتو وإنت ما واعي ليهو.
بالتالي حاول: (استغفر - تصدق - وباختصار راجع علاقتك مع ربنا.)
وربنا يرزقنا جميعاً الرزق الحلال ويوفقنا 🤲

هل حصل فكرت كدا؟!

Address

Sharjah
00000

Telephone

+971521897097

Website

Alerts

Be the first to know and let us send you an email when رويال إكسباند - Royal Expand posts news and promotions. Your email address will not be used for any other purpose, and you can unsubscribe at any time.

Shortcuts

Share

Category