عروج راډيو

عروج راډيو Verified

د پښتون ژغورنې غورځنګ مشر منظور پښتین د ډېورنډ فرضي کرښې ها غاړې او پکتیکا کې د پاکستان پوځي رژیم د تېرې شپې (جمعې) برید...
18/10/2025

د پښتون ژغورنې غورځنګ مشر منظور پښتین د ډېورنډ فرضي کرښې ها غاړې او پکتیکا کې د پاکستان پوځي رژیم د تېرې شپې (جمعې) بریدونه د "ترهګرۍ څرګنده بڼه" بللې ده.
منظور پښتین ویلي، د پاکستان پوځي رژیم د کرښې دواړو غاړو ته د ترهګرۍ ضد عملیاتو په نوم "ترهګرۍ" ته مخه کړې او له ټولو خلکو یې غوښتي چې د دغو "ظلمونو" خلاف غږ پورته کړي.

د پاکستان پوځي رژیم له لوري پکتیکا کې د شهید شویو کسانو د جنازې مراسم. د پېښې عیني شاهدان او ژوبل شوي ځينې کسان وايي چې ...
18/10/2025

د پاکستان پوځي رژیم له لوري پکتیکا کې د شهید شویو کسانو د جنازې مراسم. د پېښې عیني شاهدان او ژوبل شوي ځينې کسان وايي چې د پاکستان پوځي رژیم له لوري د تېرې شپې بریدونو قربانیان ملکیان او د کرکټ هغه لوبغاړي وو چې په ښرنه کې تر یوې لوبې وروسته په ارګون ولسوالۍ کې په یوه کور کې سره راټول شوي وو.

د فراه ولایت په اناردرې ولسوالۍ کې د شاوخوا یو میلیون ډالرو په ارزښت شپږ پراختیایي پروژې د ملي سوداګرو او د یوه خیریه بن...
18/10/2025

د فراه ولایت په اناردرې ولسوالۍ کې د شاوخوا یو میلیون ډالرو په ارزښت شپږ پراختیایي پروژې د ملي سوداګرو او د یوه خیریه بنسټ په مالي ملاتړ پلې شوې دي. د دغو پروژو د پرانیستې په مراسمو کې د اطلاعاتو او کلتور وزارت د خپرونو معین مهاجر فراهي ویلي، حکومت د پانګه‌والو، سوداګرو او صنعتکارانو ملاتړ ته دوام ورکوي، څو د هېواد د سوکالۍ او بنسټیزو چارو په پرمختګ کې رغنده ونډه واخلي.

خلیلزاد: پاکستان اوربند مات کړی او پر افغانستان یې بریدونه کړي.د افغانستان لپاره د امریکا پخواني ځانګړي استازي زلمي خلیل...
18/10/2025

خلیلزاد: پاکستان اوربند مات کړی او پر افغانستان یې بریدونه کړي.
د افغانستان لپاره د امریکا پخواني ځانګړي استازي زلمي خلیلزاد پر اېکس لیکلي چې قطر وتوانېد دواړه هېوادونه، افغانستان او پاکستان، قانع کړي چې ۴۸ ساعته اوربند وغځوي، خو پاکستان دغه اوربند مات کړ. هغه د پکتیکا د تېرې شپې برید ته په اشارې ویلي چې پاکستان ته دا د منلو وړ نه ښکاري چې جګړه‌ځپلی افغانستان په سوله کې عادي ژوند وکړي. خلیلزاد قطر یو رښتینی منځګړی بللی او پوښتنه یې کړې چې آیا پاکستان رښتینی ګاونډی دی که نه، او که وي نو باید پر افغانستان بریدونه بند کړي.

افغان ځواکونو په انتقامي برید کې ګڼ شمیر پوځیان وژلي.افغان ځواکونو همدا مهال د پکتیکا سره په فرضي کرښه د پاکستاني ملیشو ...
17/10/2025

افغان ځواکونو په انتقامي برید کې ګڼ شمیر پوځیان وژلي.
افغان ځواکونو همدا مهال د پکتیکا سره په فرضي کرښه د پاکستاني ملیشو دوه پوستې نیولي وسایل،اسلحي ترلاسه کړي او ګن شمیر پوځیان یې وژلي

#تازه‌خبر د افغانستان کرېکټ بورډ کې سرچينو رسنیو ته ویلي چې پر پکتيکا د پاکستان پوځي رژيم په بمباریو کې د کلبونو په کچه...
17/10/2025

#تازه‌خبر

د افغانستان کرېکټ بورډ کې سرچينو رسنیو ته ویلي چې پر پکتيکا د پاکستان پوځي رژيم په بمباریو کې د کلبونو په کچه د کرېکټ اته لوبغاړي شهیدان شوي او څلور نور ټپیان دي.
دغه لوبغاړي د لوبو له پای وروسته د پکتیکا له مرکز ښرنې، ارګون ولسوالۍ ته ستانه شوي و او همالته پرې بمبار شوی دی.
د دې خبر د نورو جزییاتو لپاره د طلوع‌نیوز ټولنيزې پاڼې وڅارئ.

#تازه‌خبر سرچينې رسنیو ته وايي، د پکتیکا په ارګون او برمل ولسوالیو کې د پاکستان پوځي رژیم په هوايي بريدونو کې د دوو ماش...
17/10/2025

#تازه‌خبر
سرچينې رسنیو ته وايي، د پکتیکا په ارګون او برمل ولسوالیو کې د پاکستان پوځي رژیم په هوايي بريدونو کې د دوو ماشومانو په ګډون شپږ ملکیان شهیدان شوي او اووه نور ټپيان دي.
د سرچينې په خبره، په ټپیانو کې شپږ ښځې هم شاملې دي.

يوې ځايي سرچينې رسنیو ته وويل چې نن شپه ۸:۳۵ دقیقې د پکتیکا ولایت ارګون ولسوالۍ اړوند خاندار کلي کې د «غازي» په نوم د يو...
17/10/2025

يوې ځايي سرچينې رسنیو ته وويل چې نن شپه ۸:۳۵ دقیقې د پکتیکا ولایت ارګون ولسوالۍ اړوند خاندار کلي کې د «غازي» په نوم د يو قصاب په کور د پاکستان ډرون الوتکو بمبار کړی.
سرچینې وویل چې ډرون درې بريدونه کړي چې يو د همدې قصاب په کور او بل په يو بل خالي کور شوی.
اسلامي امارت تر اوسه په دې اړه څه نه دي ویلي.
دا په داسې حال کې ده چې د راپورونو له مخې، د دواړو هېوادونو تر منځ اوربند، دوحه کې د خبرو تر پایه غځول شوی دی. ځینو سرچینو ویلي چې د پاکستان پلاوی دوحې ته رسېدلی او ټاکل شوې چې افغان پلاوی هم ورشي.

د ا.ا ویاند ویلي، چې د پاکستاني اړخ په غوښتنه او ټینګار به نن ماښام له ۵ نیمو بجو وروسته د دواړو هېوادونو تر منځ اوربند ...
15/10/2025

د ا.ا ویاند ویلي، چې د پاکستاني اړخ په غوښتنه او ټینګار به نن ماښام له ۵ نیمو بجو وروسته د دواړو هېوادونو تر منځ اوربند پلی شي. هغه ویلي افغان حکومت هم خپلو ټولو ځواکونه ته هدایت کړی، چې وروسته له ۵ نیمو بجو څخه تر هغه وخته چې چا تجاوز نه وي کړی اوربند مراعات کړي.

پر ډيورنډ فرضي کرښه د نښتو د پوښښ لپاره د پکتيا ملي ټلويزيون خبريالان سیمې ته تللي وو چې د پاکستاني پوځيانو له لوري پرې ...
15/10/2025

پر ډيورنډ فرضي کرښه د نښتو د پوښښ لپاره د پکتيا ملي ټلويزيون خبريالان سیمې ته تللي وو چې د پاکستاني پوځيانو له لوري پرې هوايي او ځمکنی بريد شوی دی.
په دغو بریدونو کې د عبدالغفور عابد په نوم يو خبريال شهيد او د تواب ارمان په نوم بل ټپي شوی دی.
د خوست د والي ویاند، مستغفر ګربز وايي، دغه خبریالان د ځاځي میدان ولسوالۍ ته د خلکو وضعیت اخیستنې په موخه تللي وو، چې د راپور جوړولو پر مهال د پاکستاني له لوري په قصدي توګه هدف ګرځول شوي دي.

د اسلامي امارت ویاند، ذبیح‌الله مجاهد پر خپله اېکس‌پاڼه لیکلي، د کابل ښار په مربوطاتو کې د تیلو یو ټانکر چاودلی چې له ام...
15/10/2025

د اسلامي امارت ویاند، ذبیح‌الله مجاهد پر خپله اېکس‌پاڼه لیکلي، د کابل ښار په مربوطاتو کې د تیلو یو ټانکر چاودلی چې له امله یې یوه اور لګیدنه را منځته شوې ده.
هغه لیکلي، څوک دې تشویش نه کوي.

د بغلان په مرکز پلخمري ښار کې سلګونو کسانو د پاکستان د وروستیو هوایي بریدونو او د افغانستان د هوايي حریم د نقض پر ضد سول...
15/10/2025

د بغلان په مرکز پلخمري ښار کې سلګونو کسانو د پاکستان د وروستیو هوایي بریدونو او د افغانستان د هوايي حریم د نقض پر ضد سوله‌ییز لاریون کړی.
لاریون کوونکو د پاکستان وروستۍ کړنې د افغانستان پر ملي حاکمیت ښکاره تېری بللی او له نړۍوالو سازمانونو یې غوښتنه کړې چې د اسلام‌اباد د پوځي اقدام په اړه خپل دریځ څرګند کړي.
ګډونوال چې دیني عالمان، قومي مشران، ځوانان او مدني فعالان پکې شامل وو، و ویل چې د افغانستان ولس د سولې غوښتونکی دی، خو د خپلې خاورې او خپلواکۍ دفاع یې ملي مسوولیت ګڼي.

Address

Fourth District, End Of Bank-e-Zarati Road, Urooj FM & Nanagarhar Institute Main Office
Farah

Telephone

+93703707172

Website

Alerts

Be the first to know and let us send you an email when عروج راډيو posts news and promotions. Your email address will not be used for any other purpose, and you can unsubscribe at any time.

Contact The Business

Send a message to عروج راډيو:

Shortcuts

Share

Category