21/07/2026
د پکتیا په زم زم خصوصي پوهنتون کې د یوولسمې فراغت دورې مراسم ترسره شول چې په ترڅ کې یې د انجینرۍ، اقتصاد، حقوق او سیاسي علومو له پوهنځیو څخه ۳۹ تنه زده کړیالانو ته د فراغت سندونه ورکړل شول.
د مراسمو په پیل کې د زم زم خصوصي پوهنتون رئیس نوماند پوهنیار محمد رشید عارف ګډونوالو ته ښه راغلاست وویل او د لوړو زده کړو، علمي ودې او د پوهنتونونو د رول په اړه یې خبرې وکړې.
نوموړي د علم د ترلاسه کولو ارزښت ته په اشارې وویل چې د هېواد پرمختګ د مسلکي او علمي کدرونو په روزنه پورې تړلی دی.
د پکتیا مرستیال والي ښاغلي مـ ـولوي محمد انور دین پرور فارغ شویو زده کړیالانو ته مبارکي وړاندې کړه او د دیني او عصري زده کړو پر یو ځای ترلاسه کولو یې ټینګار وکړ.
نوموړي وویل، د هېواد د ځانبسیاینې، پرمختګ او سوکالۍ لپاره د دواړو علومو زده کړه بنسټیز ارزښت لري.
ورپسې د پکتیا د علـ ـماوو شورا مرستیال مفـ ـتي امان الله د علم او زده کړو پر اهمیت خبرې وکړې او ویې ویل چې بې تعلیمه ټولنه د نوښت، پرمختګ او هوساینې پر ځای د ناپوهۍ او وروسته پاتې کېدو له ستونزو سره مخ کېږي.
د پکتیا د اطلاعاتو او کلتور رئیس ښاغلي مـ ـولوي فیض الله جوهري په اسلام کې د عصري علومو پر ارزښت خبرې وکړې او ویې ویل، اسلامي ټولنه د دیني علومو ترڅنګ عصري علومو ته هم اړتیا لري.
نوموړي زیاته کړه چې د هېواد د خپلواکۍ د ساتنې، اقتصادي ودې او پرمختګ لپاره باید په ټکنالوژۍ، صنعت او فابریکو کې پانګونه وشي او ځوانان د علم، قلم او د هېواد د دفاع په روحیه هېواد د نړۍ له سیالانو سره سیال کړي.
غونډه زده کړیالانو ته د بری لیکونو په ورکړې پای ته ورسیده.
