Utmanzai News اتمانزی نيوز

Utmanzai News اتمانزی نيوز Utmanzai News is Afghanistan's Tv channel !
(1)

هندي رسنیو راپور ورکړی، چې کرن یادف په کابل کې د دغه هېواد د سفارت د شارژډافیر( چارسمبالي ) په توګه ټاکل شوی دی.نوموړی ل...
23/10/2025

هندي رسنیو راپور ورکړی، چې کرن یادف په کابل کې د دغه هېواد د سفارت د شارژډافیر( چارسمبالي ) په توګه ټاکل شوی دی.

نوموړی له ۲۰۱۴ کال راپدېخوا د هند په بهرنیو چارو وزارت کې د ډیپلوماټ په توګه دنده ترسره کوي او د کابل د سرپرست سفیر په توګه له ټاکل کېدو مخکې یې په مالډیف او سریلانکا کې سفارتي دندې ترسره کړې دي.

هند تېره ورځ په کابل کې خپل تخنیکي ماموریت د سفارت کچې ته لوړ کړ.

21/10/2025

کابل نسبتاً يوې شديدې زلزلې
ولړزاوه.

#تازه‌خبرد هند بهرنیو چارو وزارت په یوه خبرپاڼه کې ویلي، کابل کې یې خپله ډیپلوماټیکه استازولي د سفارت تر کچې لوړه کړه ا...
21/10/2025

#تازه‌خبر
د هند بهرنیو چارو وزارت په یوه خبرپاڼه کې ویلي، کابل کې یې خپله ډیپلوماټیکه استازولي د سفارت تر کچې لوړه کړه او دغه ګام افغانستان سره د اړیکو پراختیا لپاره د نوې ډیلي د ژمنتیا څرګندونه کوي.

خبرپاڼه کې راغلي چې کابل کې به د هند سفارت له افغانانو سره په بېلابېلو برخو کې همکارۍ پراخې کړي.

کرېکت بورډ وايي، د دغه بورډ عمومي رییس، میرویس اشرف او ملي لوبغاړو، هر یو؛ رحمت شاه، ظاهر خان پکتین، فرید ملک او شبیر نو...
21/10/2025

کرېکت بورډ وايي، د دغه بورډ عمومي رییس، میرویس اشرف او ملي لوبغاړو، هر یو؛ رحمت شاه، ظاهر خان پکتین، فرید ملک او شبیر نوري، په ګډه د پکتیکا قربانیانو ته دعا کړې ده.

هغوی پکتیکا ته په سفر کې د شهیدانو له کورنیو سره همدردي وکړه او هغوی ته یې تسلیت وړاندې کړ.

ښاغلي اشرف و ویل، "د ځوان لوبغاړو هیلې خاورې شوې، دوی به د ودان افغانستان لپاره له شک پرته ډېرې هیلې درلودې چې د انسانیت او سوکالۍ دښمنانو یې ټولې هیلې له خاورو سره خاورې کړې."

د ننګرهار ولايت رسنيو دفتر په يوه خبرپاڼه کې ویلي، د ننګرهار ولايت مرکزي محبس کې د سره صلیب نړيوالې کمېټې د ۳.۶ ميلیونه ...
21/10/2025

د ننګرهار ولايت رسنيو دفتر په يوه خبرپاڼه کې ویلي، د ننګرهار ولايت مرکزي محبس کې د سره صلیب نړيوالې کمېټې د ۳.۶ ميلیونه افغانيو په لګښت د پايوازانو ځای جوړ او د ښځينه محبوسينو خونې ترميم شوې.

د زندانونو چارو د سمون رئيس د يادو پروژو د ګټې اخیستنې په مراسمو کې د سره صليب نړيوالې کمېټې له مسئولينو مننه وکړه او زندانيانو لپاره يې د مناسب چاپريال برابرول مهم، انساني او حقوقي مسئوليت وباله.

نوموړي له يادې ادارې څخه په محبس کې د نورو پروژو د پلې کولو غوښتنه هم وکړه.

د افغانستان اسلامي امارت دفاع وزارت پر اېکس لیکلي، په ۲۱۵ عزم قول اردو کې یې ۵۰ عرادې هاموې ټانکونه ترمیم کړي دي. د وزار...
21/10/2025

د افغانستان اسلامي امارت دفاع وزارت پر اېکس لیکلي، په ۲۱۵ عزم قول اردو کې یې ۵۰ عرادې هاموې ټانکونه ترمیم کړي دي.

د وزارت په وینا دغه هاموې ټانکونه اوس ګټې اخیستنې ته چمتو دي.

تر دې وړاندې هم د دغې قول اردو د حمایه کنډک ورکشاپ تخنیکي او مسلکي پرسونل سلګونه بېلابېل ډول وسایط ترمیم کړي دي.

اسلام اباد کې د تر هګرۍ ضد محکمې پکتیکا کې د پاکستاني الوتکو د بمبار غندلو وروسته د پښتون ژغورنې غورخنګ د مشر منظور پښتی...
21/10/2025

اسلام اباد کې د تر هګرۍ ضد محکمې پکتیکا کې د پاکستاني الوتکو د بمبار غندلو وروسته د پښتون ژغورنې غورخنګ د مشر منظور پښتین د نیولو امر کړی دی.

د محکمې د پرېکړې پر اساس، د پښتين تر نیولو وروسته به د نوموړي په تړاو هېڅ ډول ضمانت نه منل کيږي.

د افغانستان اسلامي امارت د ملي دفاع وزیر، مولوي محمد یعقوب مجاهد د خبریالانو د هغې پوښتنې په ځواب کې چې څه تضمین موجود د...
19/10/2025

د افغانستان اسلامي امارت د ملي دفاع وزیر، مولوي محمد یعقوب مجاهد د خبریالانو د هغې پوښتنې په ځواب کې چې څه تضمین موجود دی چې پاکستان به بیا برید نه کوي او یا به هوکړه نه نقض کوي، و ویل هغوی د دوو نورو هېوادونو په مخ کې ژمنه کړې ده.

د ملي دفاع وزیر، زیاته کړه چې که د هغوی له لوري هر ډول برید کیږي، دوی ورته اقدامات کوي.

ښاغلي مجاهد څرګنده کړه چې، هوکړه شوې د دواړو هېوادونو ترمنځ سوداګري به نورمال حالت ته را وګرځي.

مجاهد و ویل، افغانستان خپلو ګټو ته په کتو د پاکستان په ګډون له ټولو هېوادونو سره ښې اړیکې پالي ځکه یو خپلواک هېواد دی.

هغه د کډوالو د موضوع په اړه و ویل، د افغان کډوالو په اړه مو خبرې وکړي چې باید انساني چلند ورسره وشي.

19/10/2025

اتمانزی نيوز د وټساپ چينل هم درسره تعقيب کړئ،او د افغانستان او نړۍ له تازه پېښو خبر شئ.

د افغانستان اسلامي امارت بهرنیو چارو وزارت دویم سیاسي رییس، ذاکر جلالي له پاکستان سره د اوربند د هوکړې په تړاو اېکس پوسټ...
19/10/2025

د افغانستان اسلامي امارت بهرنیو چارو وزارت دویم سیاسي رییس، ذاکر جلالي له پاکستان سره د اوربند د هوکړې په تړاو اېکس پوسټ کې لیکلي، افغانستان له پیله په همدې دریځ و چې خاوره به یې د نورو په ضد نه کارول کیږي.

هغه زیاته کړې چې اوس هم لومړی نقض د پاکستان له لوري وشو چې افغان حریم ته راننوتل.

ښاغلي جلالي ویلي، د ملي دفاع وزیر په مشرۍ د پلاوي استول په خپله ښيي چې د افغانستان اسلامي امارت له خپلې خاورې د دفاع ترڅنګ د مسئلې ډيپلوماټیک حل کې هم جدي وو او ډيپلوماټيک بری هم خپل کړی دی.

هغه ویلي، ښه ده چې پاکستاني لوري هم د منځګړو په حضور کې دا ژمنه کړې وي چې لاسوهنه به نه کوي.

د افغانستان اسلامي امارت ویاند، ذبیح الله مجاهد تایید کړه چې افغانستان او پاکستان ترمنځ د دوحې مذاکرات د یوه هوکړه لیک پ...
19/10/2025

د افغانستان اسلامي امارت ویاند، ذبیح الله مجاهد تایید کړه چې افغانستان او پاکستان ترمنځ د دوحې مذاکرات د یوه هوکړه لیک په لاسلیک سره پاېته ورسېدل.

مجاهد زیاته کړې چې د دوه اړخیزې هوکړې لمخې دواړو لورو سولې، متقابل درناوي او د ګاونډیتوب ښو اړیکو ته پر ژمنتیا ټينګار کړی دی.

په خبرپاڼه کې راغلي پریکړه وشوه چې دواړه هېوادونه به یو د بل پر وړاندې د دوښمنۍ هیڅ عمل نه ترسره کوي او نه به د هغو ډلو د بریدونو ملاتړ کیږي چې د پاکستاني حکومت خلاف دي.

د افغانستان اسلامي امارت ویاند، د قطر او ترکیې له منځګړیتوب هم مننه کړې ده.

د افغانستان اسلامي امارت د دفاع وزیر مولوي محمد يعقوب مجاهد په مشرۍ يو لوړ پوړی پلاوی نن (شنبه) له پاکستاني لوري سره د خ...
18/10/2025

د افغانستان اسلامي امارت د دفاع وزیر مولوي محمد يعقوب مجاهد په مشرۍ يو لوړ پوړی پلاوی نن (شنبه) له پاکستاني لوري سره د خبرو لپاره دوحې ته رسيدلی.

دفاع وزارت په یوه خبرپاڼه کې ویلي، دغه پلاوي کې چې د اسلامي امارت د استخباراتو رییس عبدالحق وثیق هم شامل دی، له پاکستان پلاوي سره به د کابل او اسلام اباد ترمنځ د وروستیو ترینګلتیاو پر حل خبرې وکړي.

Address

Jalalabad

Telephone

+93784734315

Website

Alerts

Be the first to know and let us send you an email when Utmanzai News اتمانزی نيوز posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Utmanzai News اتمانزی نيوز:

Shortcuts

Share

Category