https://www.facebook.com/1067036600147191/

Ahsanullah Haseen, غونډۍ کلی, Jalalabad (2025)

26/10/2024

په ټولنیزو رسنیو ،غونډو ،مخامخ او مرکو کې کنایه (اشارې) شکل سره په شکل د اشکالو د یو مسلمان سپکول او زورول د اسلام له نظره ښکاره ظلم دی.او الله ج بیا ظالمانو ته هدایت نه کوي.
د یو انسان علمیت د هغه په خبرو کې او تربیه یی په عمل کې ښکاري نو هیله ده چې خپل علمیت او تربیه مثبته ثابته کړئ.

[سُوۡرَةُ الحُجرَات : 11]

اې مؤمنانو! نه دي نارينه پر نورو نارينه ؤ ملنډي وهي، كېدى شي چي هغوى له دوى څخه غوره وي. او نه دي ښځي په نورو ښځو ملنډي وهي، کېدای شي چي هغوى له دوى څخه غوره وي. پخپلو منځو كي يو د بل عیب مه لټوئ، او مه يو بل په بدو نومونو سره يادوئ. له ايمان راوړلو وروسته په فسق کي نوم پيدا كول ډېره بده خبره ده. كوم كسان چي دغه چار چلند پرېنږدي (توبه ونه باسي)، همغوى ظالمان دي.

08/08/2024

محمد ظاهر شاه بابا.
۱۹۳۳-۱۹۷۳(ز)۱۳۱۲-۱۳۵۲ ه ش
محمد ظاهر شاه د اعليحضرت محمد نادر شاه زوی په ١٢٩٣ هـ ش ١٩١٤ ز. کال، په کابل کي زېږېدلی .
د کابل د حبيبيې او استقلال په لېسو کي يې زده کړې وکړې. کله یې چې پلار فرانسه کې سفیر و د پلار سره فرانسې ته ولاړ او هلته يې په زده کړو پيل و کړ. د پوهني وزارت د وکيل په توګه یې هم کار کړی دی. د پلار تر مړيني وروسته په ١٣١٢ هـ ل کال کي د ۱۹ کلونو په عمر پاچا شو او د ١٣٥٢ هـ ل کال د سرطان تر ٢٥ نېټې پوري د افغانستان پاچا وو.
د بريښنا اکثریت بندونه.فارمونه.د اوبو مهارول.لويې لارې.د خرو اوښانو او کچرو په ځای عصري ترانسپورت.صحت. ښوونه او روزنه لوړې زده کړې.نړیوال مشروعیت که څه هم امان الله خان پدې اړه ورته لارې پرانیستې وې. بریښنا. داخلی تولیداتو باندې خودکفایی.مخابرات.ډاډمن امنیت او د بې شمیره لاسته راوړنو او اساس ايښودلو یوازني پاچا و.
لاندې انځور کې تاسې د هغه وخت د لارۍ فټنګ جنګلک مرکز کتلی شئ.

21/06/2024

په افغانستان کې د څرمنو وضعيت :
د څارويو روزنه او مالداري په افغانستان کې لرغونتوت لري،کله چې د څارويو ښکار کول مخ په کمښت شول،خلکو د څارويو په روزنه او د سيندونو په غاړو زراعت او اوسيدو شروع وکړه،هغه ژوند چې د چاپيريال تابع و،ختم شو.
اوس هم د سيندونو په غاړو او د غرونو په لمنو کې د څارويو ساتنې ښه شرايط موجود دي او هم په عصري ډول نن سبا زمونږ اکثره هېوادوال په فارمونو کې د حيواناتو اصلاحي شوي نسلونه روزل کیږي .
د افغانستان د وګړو ۱۶ په سلو کې کوچيان دي چې دوی د ژوند ټول ضرورتونه د حيواناتو د ساتنې او روزنې پواسطه پوره کوي.هم په ملي او شخصي عایداتو اغيز لري.
په اکثره هېوادونو کې د مثال په ډول زمونږ نږدې ګاونډيو هېوادونو کې د څارويو د وينې،هډوکو، کولمو،وړيو.وچغنو او پوستکو څخه په صنعتي برخو کې کار اخلي،بدبختانه دلته يوازې د غوښې څخه د خوراک په حيث کار اخستل کيږي او بس .په بعضې ځايونو کې د هډوکو او چرګانو پوستکو د جوشولو څخه د صابونو جوړولو لپاره ترې غوړ بیلوي او په صابون جوړولو کې ترې کار اخلي او بس ،د څرمنو وضعيت خو تاسې به خپله کتلې وي،چې د حيواناتو کولمو په شان قيمتي څرمني هم په ډيرانو پرتې دي،او دا حالت ټکان ورکوونکی دی.که خصوصي سکتور دا کار نه کوي ،ااا بايد د څرمنو پروسس لپاره داسې مرکزونو جوړ کړي،چې زمونږ داخل کې چې څومره پوستکي دي،د ويښتانو او څرمن څخه يې اعظمي استفاده وشي،دې سره به د بهرنيو څرمنو واردولو اندازه هم کميږي پیسې به مو بې ځایه نه مصرفیږي او هم به مو هېوادوالو ته د کار زمينه برابره وي.
ترتیب کوونکی: ښوونيار احسان الله حسين
خوږياڼو پوهنې امریت .
مسلکي پراختيا ټيم اجتماعياتو څانګې علمي او مسلکي غړی

تاسې باور وکړئ په انځور کې شته څرمنې د خځلو په شان غورځیدلې هر ځای کې پرتې دي.

03/06/2024

د کرکټ لوبو کوربه هیواد .

ګیانا . په رسمي ډول د ګیانا د کوپراتیف جمهوریت،
د جنوبي امریکا شمال ختیځ لوري ته پروت دی. د امریکا د برتانوي ویسټ انډیز د تاریخي اصلي ټاټوبي برخه وه. ګیانا یوه سیمه ییزه کلمه ده چې معنی یې د "ډیرو اوبو ځمکه" ده. جورج ټاون د ګیانا پلازمینه ده او د هیواد ترټولو لوی ښار هم دی. ګیانا په شمال کې د اتلانتیک بحر، په سویل او سویل لویدیز کې برازیل، لویدیځ ته وینزویلا، او ختیځ ته سورینام سره ګډه پوله لري. د 214,969km2 مساحت لري. ګیانا د سیمې له پلوه په جنوبي امریکا کې له یوراګوای او سورینام وروسته دریم تر ټولو کوچنی خپلواکه دولت دی، او په جنوبي امریکا کې د سورینا دویم تر ټولو لږ نفوس لرونکی خپلواک ایالت دی؛ دا د ځمکې پر مخ یو له لږ نفوس لرونکو هیوادونو څخه هم دی. دا د طبیعي استوګنې پراخه ډولونه او خورا لوړ جیو تنوع لري. دغه هیواد د امازون باراني ځنګل یوه برخه هم لري، چې په نړۍ کې تر ټولو لوی استوایی باراني ځنګل دی.

اقتصاد تر 1950 پورې. دا په 1966 کې خپلواکي ترلاسه کړه او په رسمي توګه په 1970 کې د دولت مشترکه هیوادونو کې یو جمهوریت شو. د برتانوي واکمنۍ میراث د هیواد په سیاسي اداره او متنوع نفوس کې منعکس کیږي، چې په کې هندي، افریقایي، هندي، چینایي، پرتګالي، او اروپایان شامل دي. مختلف څو نژادي ډلې.

ګیانا د سویلي امریکا یوازینی اصلي هیواد دی چیرې چې انګلیسي رسمي ژبه ده. په هرصورت، د نفوس ډیری برخه په انګلیسي میشته کریول ژبه ګیاني کریول، د لومړۍ ژبې په توګه خبرې کوي. ګیانا د انګلوفون کارابین برخه ده. دا د مینلینډ کارابین سیمې یوه برخه ده چې د نورو کیریبین هیوادونو سره قوي کلتوري ، تاریخي او سیاسي اړیکې ساتي او همدارنګه د کارابین ټولنې (CARICOM) لپاره د مرکزي دفتر په توګه خدمت کوي. په 2008 کې، هیواد د سویلي امریکا د متحده ایالاتو د اتحادیې د بنسټ ایښودونکي غړي په توګه شامل شو.

26/11/2023

‏هغه جورج مکلاورین لومړنی تور پوستی سړی دی چې په ۱۹۴۸ کال کې د اوکلاهوما په پوهنتون کې داخل شو، هغه اړ کړله شو چې د خپلو ملګرو سره لرې په یوه کونج کې کښېني.
مګر د هغه نوم په کالج کې د غوره دریو زده کونکو په توګه د ویاړ لیست کې پاتې دی.

دا د هغه خبرې دي:

"ځینې همکارانو ما ته داسې کتل لکه زه یو حیوان یم، هیچا ما سره خبرې نه کولې، د ښوونکو لپاره زه کله هم بهر نه وم راوتلې، دوی به زیات تره ډیر په ندرت سره زما پوښتنې ځواب کولې.
ما خپل ځان خپل ځانته دومره وقف کړ چې وروسته زما د ټیم ملګرو زما په لټه کې شو او ښوونکي زما پام نیولو ته اړ شول.
ما هم نور د دوی څخه ځان پټول پرېښودل ."

ښوونه او روزنه د وسلو په پرتله ډیر ځواک لري.

21/11/2023

‏د ا.ا ویاند وایي، د کرنې، اوبو لګولو او مالدارۍ او د اوبو او برېښنا وزارتونو د پرېکړې له مخې، له وچکالۍ سره د مبارزې په موخه د هېواد په ټولو ولسوالیو کې د اوبو بندونه جوړیږي.

09/11/2023

تیره ورځ ‏د نوامبر ۸ د ستر ټولواک سپه سالار سردار اعلیحضرت غازی محمد نادرشاه خان رحمت الله علیه د شهادت ۹۰ تلین سره سمون لري.
محمد نادر شاه ۱۹۲۹-۱۹۳۳ ز واکمنۍ دوره.
محمد نادر شاه په ١٢٦٢ هـ ل کال د حمل پر ٢١ يا د ١٨٨٣ م کال د اپريل پر ٩ زېږېدلئ دئ . د هغي پوهي په سبب چي په عسکري چارو کي يې درلوده د وخت د پاچا امير حبيب الله خان له خوا د دفاع د وزير په توګه و ټاکل شو . د امير حبيب الله خان تر مرگ وروسته د پاچا امان الله خان په دربار کي دنده تر سره کوله.په ١٣٠٣ هـ ل کال کي په فرانسه کي د افغانستان د سفير په توګه و ټاکل شو . په ١٣٠٥ هـ ل کال کي يې د سفارت څخه استعفی و کړه او هلته پاتي شو د کلکاني حبیب الله ۹ میاشتني واکمنۍ کابل له هر پلوه خراب او زیانمن کړ،او ۹ میاشتې یی په اړو دوړ کې تیري کړي،د افغانستان خلک له دې نظام څخه ناراضه وو،همغو و،چې محمد نادر خان د جنوبی جبهيی یو له فاتحینو او د اماني دوري سپاه سالار د ورور شاه ولي خان او خلکو په مرسته او همکارۍ د اکتوبر به ۱۵ (۱۹۲۹)ز کابل ته ننوت،نادر خان په یوه وینا کې داسې وویل! د خدای په فضل زه خپل ارمان ته ورسيدم زما هیله د هیواد د خلاصون او دا دی نن ورځ زما هیله تر سره شوه، زه د قدرت هیله من نه یم ،یوه لویه جرګه جوړوم ،تر څو هغوي خپل مشر وټاکي،پدې وخت کې حاضرینو په یو غږ وویل، چې لويي جرګي ته اړتیا نشته تاسې زموږ پاچا یاست او د مجلس غړیو وویل چې پدې جرګه کې د پخوانۍ لوي جرګې غړي شته،چې مجددی (نورالمشایخ) د نادر خان په سر پټکې کېښود او محمد نادر خان د افغانستان پاچا شو.
محمد نادر خان یو هوښیار او باتدبیره او اګاه شخصیت و، دافغانستان د دولت په سر کې ودریده،دهغه ورور محمد هاشم خان چې یو ډیر با انضباطه شخص و، د صدراعظم په توګه توظیف شو،د نادر شاه د پاچاهۍ په وخت زیربینایی اصلاحات رامنځته شول،دکابل پوهنتون جوړ شو، د ملي بانک بنسټ کېښودل شو،ادبي انجمن رامنځ ته شو،کلیزه (سالنامه ) چې د پاچا له نوښتونو څخه وه چاپ شوه،پاچا خپله د مطبعی له کارونو څارنه کوله ،نادرخان په خپله واکمني کي بیخ بنا کارونو تر څنګ په هېواد کې مرکزي حکومت ټنګ او امنیت رامنځته کړ،په ۱۹۳۰ ز کال کې شمال قومونه چې په کلکاني دوري کې یی ګټې تامین شوې و‎ي،شورش وکړ،په ۱۹۳۲ز کال ملا لیوني دحکومت په ضد بغاوت وکړ چې نادر خان یی په چټکۍ سره مخه ونیوله.نادر شاه د دیني علماو سره نیکې اړیکې درلودي او یو باکلتوره شخصیت و،چې یو مثال یی د ذده کوونکو په سینه د مډال لګول وه،محمد نادر شاه د ۴ کلنې دوري وروسته وکولای شول ،چې په هېواد کې امنیت راولي، محمد نادر پداسي حال کي چي د دلکشا په چمن کې د نجات د لېسې فارغانو ته يې شهادتنامې ور کولې د يوه زده کوونکي له خوا چي عبدالخالق نومېدئ په توپنچه و ويشتل شو، ١٣١٢ هـ ل د عقرب ١٦ نېټه مړ او تر ده وروسته يې زوی محمد ظاهر پاچا شو . روح دې ښاد وي.

26/09/2023

د تاريخ نړيواله کرښه :
International Date Line

د لومړي څل لپاره دوخت او تاريخ موضوع په ١٥١٩ او ١٥٢٢ ميلادي کلونو په موده کې د بحري علمي سفر کوونکو ته پيښه شوه .د څو ورځو سفر کولو وروسته هغوي د هفتې په ورځو کې تغير وليد .د بيړۍ عمله بيرته هسپانيې ته تاو شوه .او ډول ډول نظري يې ثبوت کړې دوئ وروسته دا خبره د يو عيسوي مشر پاپ ته وليکله .
د شلمي پيړۍ په لومړيو کې په ١٩١٧ م کال د دي موضوع د پاره په فرانسه کې يو کنفرانس جوړ شو چې د نړۍ د مهمو ملکونو نمائندګانو پکې برخه درلوده .دوی ټول يوې موافقې ته ورسيدل او دغه کرښه يې ر سمي او د دې موافقې وروسته به ټول ملکي او فوځي بيړۍ چلونکې خپل وخت د معياري و خت مطابق اعياروي .
د تاريخ نړيواله کرښه يو ه غيري حقيقي کرښه ده . چې د طوالنهار يا ګرينويچ دکرښي شاته د ١٨٠درجو په استقامت اوږده کږه وږه پرته ده .
که تاسې نقشې ته وګورئ د وخت نړيواله کرښه د بحرالکاهل په مينځ تيره شوې ده .د ځمکې په شمال کې د الاسکا او روسيې تر منځ په بيرنګ ابنا کې دا کرښه ختيځ لوري ته تاو شوې د بيرنګ آبنا څخه تيريږي . او لويديځ طرف د ه الويتين ټاپوګانو څخه تيريږي دا سيمي د الاسکا ايالت قلمرو دی.
بيا دا کرښه د دوه ميلو په اندازه د ډايومډي ټاپوګانو تر منځ تيريږي کوچني ډايو مډ ټايوګان د امريکا او لوی ډايومډ د روسي پورې مربوط دي .بيا په پيچلي ډول د کارابين په قلمرو کې ختيځ لوري ته ان د ١٥٠ درجو د طولالبلدو ته رسېږي .
په جنوبي برخه کې بيا ختيځ لوري ته تاو شوي ده ځکه (واليس) ،(فيوټونو) ، (فيجي ) او (ټانګو) د نوي زيلاند هېواد پوري مربوط او يو تاريخ لري مګر (سومو) ټاپو چې د ټانګو ټاپو ته مخامخ ختيځ طرف ته د نړيوالي کرښي هغه طرف ته پروت دي د دي نورو ټاپوګانو څخه ېې يوه ورځ مخکي تاريخ لري .
ولې دا کرښه مستقيماً د طولالبلد په ۱۸۰ درجه باندې نده رسم شوې؟ که چيرته مسقيماً رسم شوی وای د ځينو هېوادونو قلرونه د کرښې دواړو غاړو ته تقسيم کيدل بيا به يې په يو ولايت کې يو تاريخ او بله کې بل تاريخ و.په همدې خاطر د هغه هيواد قلمرونه يې يو طرف ته راوستي.
دا کرښه د کارتوګرافانو لخوا د نړۍ د نقشي په مخ ترسيم شوي ده او په اينده کې چې کومي نوي نقشي چاپ او جوړيږي هيڅوک نشي کولاى چې د دوه قومونو تر منځ مستقيم خط ترسيم کړي .
دا کرښه د ځينو مسافرينو د خفګان سبب ګرځي د مثال پتوګه د ټانګو د ټاپو څخه سومو ټاپو ته په هوا دوه ساعته لاره ده مګر په تاريخ کې يې يوه ورځ فرق دى .
ترتيب کوونکی: احسان الله حسين
دا مقاله ما په ۱۳۸۸ کال کې د کورنۍ دندې په حساب ژباړلې او ترتيب کړې وه.

Wikipedia® is a registered trademark of the Wikimedia Foundation, Inc., a non-profit organization.

Prepared and composed by Ahsanullah (Haseen.)
Nangarhar University.
Education faculty,
Department of History and Geography,

15/09/2023

تدريس او يونيفورم :
تدريس يوه عربي کلمه ده چې د تکرار او پوهې ورکولو په مانا ده ،په اصطلاح کې یوه دوه اړخیزه پروسه ده،چې د هغې په نتیجه کې ښوونکی خپله پوه او معلومات زده کوونکو ته لیږدوي.د پيدا ګوژۍ علماو، د پوهې تر لاسه کولو لپاره لاندې ۹ عناصر ښودلي دي. د دې علاوه ځينې نورې داسې خبرې دي چې د تدريس د يو عنصر عنصر وي،لکه: ښوونکي چې ميتود د ورځنې موضوع سره مطابق وټاکي.يا ښوونکی د خپل تدريس لپاره داسې ځای وټاکې چې زده کوونکي پکې په فزيکي او روانې لحاظ د خونديتوب احساس وکړي.
يونيفورم :د نظم او ډيسپلين او عالي کلتور ښکارندوی دي،نن سبا سل په سله د يونيفورم لرل ستونزمن دي،هغه زده کوونکي چې د يونيفورم وسه نلري،د ښوونځيو څخه بايد منع نشي.
بدبختانه د ښوونځيو امرانو يونيفورم حتی د تدريس لومړنيو موادو کتاب،قلم او کتابچې څخه هم غوره بللی دا د دوی د مسلکيتوب او د زده کړو د اصولو خلاف کار دی. بې يونيفورمه زده کوونکي ښوونځي ته هم نه پريږدي،
تدریس۹ عناصر ( بعدونه ) لري چې هغه عبارت دي له :
ښوونکی ،زده کوونکي ،درسي مواد ،هدف ،ميتود ،ځای ،وخت ،د محتوياتو اندازه او موضوع .
احسان الله حسین

12/09/2023

په نړۍ کې څومره هېوادونه شتون لري؟
اوس مهال په نړۍ کې تر ۲۲۲ پورې داسې سیمې شته چې هره يوه يې بيله بيله جغرافياوي،اقتصادي،کلتوري او سياسي ځانګړتياوي لري. په ځينو احصايو کې يې تر ۲۵۰ یی هم شمار اوړي، پدغو سیمو کې يوازي ۱۹۵ داسې نړيوال سياسي واحدونه دي چې هغه په ملګرو ملتونو او نورو هيوادونو کې دوه طرفه استازي او سفيران لري.
د ۱۹۵ خپلواکه هېوادونو له جملې څخه ۱۱ داسې هېوادونه شته چې اکثريت نور ګاونډيان او لوی صنعتي هیوادونه یې په رسميت نه پيژنې.
پاتې ۵۵ سيمې يا د نورو لويو هېوادونونه قلمرونه يا مستعمرې دي.
د ۲۲۲ سیمو نومونه ،موقعیت،مرکز او پولي واحدونه يې په کمینټ کې کتلی شئ.

06/09/2023

تورې پيسې او د هغې پريمنځل.

د پیسو پریمینځل چې په انګلیسي یې Money Laundering بولي هغه پروسه ده چې په وسیله یې تورې او چټلې په پاکو او قانوني پیسو بدلیږي. یعنې هغه پیسې چې له ناروا لارو څخه لاس ته راغلې وي د پریمینځلو څخه وروسته د قانوني پیسو په بڼه د پیسو مشروع جریان ته لار پیدا کوي. د پیسو وینځل مجرمینو ته دا چانس برابروي چې د هغوی د پیسو د ناروا سرچینو د رسوا کېدلو پرته هغوی په خلاص مټ له دغه پیسو څخه ګټه واخلي. پوهیږو چې د پیسو د لاس ته راوړلو دغه ناروا سرچینې د وسلو غیر قانوني خرڅلاو، قاچاق، تښتونې، بدلمنۍ، تروریزم او نورو څخه عبارت دي. که له دغه ناروا سرچینو څخه لاس ته راغلي تورې پیسې په اسانۍ سره ووینځل شي نو کاروباریان یې لا نور هم هڅول کیږي چې له امله یې د مشروع اقتصادي جریان سره د ناروا کاروبارونو موازي اقتصاد نور هم غښتلی کیږي.

د پیسو د پریمنځلو د مخنیوي په موخه په نړیواله کچه ځینې سازمانونه رامینځ ته شوي. د دغه سازمانونو د ټولګې څخه یو یې هم FATF یا Financial Action Task Force دی کوم چې د پیسو د وینځلو د مخنیوي په موخه رامینځ ته شوی. په ۲۰۰۴ زیږدیز کال کې د مالي څارنې موخه او د افغانستان بانک په چوکاټ کې د د افغانستان د مالي راکړو ورکړو د راپور ورکولو او تحلیل د یوې ځانګړې ادارې بنسټ کېښودل شو چې FinTRACA یا Financial Transactions Reports and Analysis Center of Afghanistan یې بولي. د دغه بنسټ دنده دا ده تر څو د افغانستان مالیاتي سیستم ته د غیر قانوني پیسو ننوتل او بیرون ته د تورو پیسو لېږدول وڅاري. د دغه څار په موخه نوموړی بنسټ له بیلابیلو سرچینو څخه معلومات لاس ته راوړي. ټول دولتي بنسټونه اړ دي چې د مالي راکړو ورکړو اړوند معلومات د دغه بنسټ په واک کې ورکړي. همدارنګه دغه بنسټ د ټاکلې اندازې څخه د ډېرو پیسو په راکړې ورکړې څارنه او د هغوی څخه مخنیوی کوي.

پیسې څه ډول پریمینځل کیږي؟

د پیسو د پریمینځلو ډیرې لارې چارې شته چې په ټولو یې دلته بحث کوو. هغه چاره چې افغانان ترې د پیسو په پریمینځلو کې ګټه اخلي په لویه پیمانه بهرنیو هیوادونو او مالیاتي پناه ځایونو په ځانګړي ډول متحده عربي اماراتو یا دوبۍ ته د نغدو پیسو لیږدول دي. مالیاتي پناه ځایونه هغه هیوادونه دي چې بانکونه یې د امانت ایښودونکو وګړو د پانګې اړوند معلومات چا ته نه ورکوي. په افغانستان کې هغه وګړي چې خپله پانګه یې د مالیاتو د ورکړې څخه پټه کړي وي او یا یې هم د ناروا لارو څخه لاس ته راوړي وي د ځمکې او یا هم هوا له لارې بهرنیو هیوادونو ته لیږدوي.
په دې وروستیو کې د پیسو د دغه ډول لیږد د مخنیوي په موخه د مالي راکړو ورکړو د راپور ورکولو او تحلیل د خپلواک بنسټ یا FinRACA له لوري د افغانستان په هوایي میدانونو کې ځانګړې ماشینونه او ډیټابیسونه ایښودل شي تر څو په غیر قانوني ډول لیږدیدونکې پیسې معلومې او د افغانستان بانک ته یې راپور ورکړي
د هیواد څخه د پیسو او پانګې د فرار بل وسیله دلته د حوالې سیستم دی چې د قانوني بانکې سیستم سره موازي فعالیت کوي او د ناروا لارو او مخدره توکو له لارې لاس ته راغلی پیسې بهر ته لیږدوي.

Ahsanullah Haseen

26/10/2024

08/08/2024

21/06/2024

03/06/2024

26/11/2023

21/11/2023

09/11/2023

26/09/2023

15/09/2023

12/09/2023

06/09/2023

Address

Telephone

Website

Alerts

Contact The Business

Shortcuts

Share

Category