03/08/2025
تورخم له لارې هېواد ته د بهرنیو سیلانیانو ۱۶ کسیزه ډله راغله!
د افغانستان ختیځ تورخم بندر له لارې د بهرنیو سیلانیانو یوه ۱۶ کسیزه ډله هېواد ته داخله شوه. دا ډله چې د بېلابېلو هېوادونو تابعیت لري، د افغانستان د تاریخي، فرهنګي او طبیعي ښکلاوو د نندارې په موخه راغلې ده.
د ننګرهار ولایت چارواکي وايي، دغه سیلانیان به د هېواد په بېلابېلو ولایتونو کې تاریخي ځایونه، لرغوني آثار، موزیمونه، د طبیعت ښکلي سیمې او د خلکو دودیز ژوند له نږدې وګوري. د دوی لپاره لازمي امنیتي تدابیر نیول شوي او د دولت له خوا هرکلی ورته شوی دی.
مسؤولین زیاتوي، چې د بهرنیو سیلانیانو راتګ د افغانستان د مثبت نړیوال تصویر د پیاوړتیا ترڅنګ، د سیاحت سکتور د بیا احیاء او اقتصادي ودې لپاره مهم ګام ګڼل کېږي.
یاده ډله به له کابل، بامیان، هرات، کندهار او ځینو نورو ولایتونو څخه لیدنه وکړي.
#مليتلویزیون
