22/09/2025
په کندهار کې د افغان ټیلکام وایفای خدمتونه بېرته فعاله شو. د کندهار مخابراتو او معلوماتي ټکنالوژۍ رییس نورالله نوري آریانا نیوز ته ویلي، چې په دې ولایت کې د افغان ټیلکام د وایفای خدمتونه بېرته فعال شوي دي.
د نوموړي د څرګندونو له مخې، د بانکونو په ګډون یو شمېر ادارې او دفترونه له دې شبکې سره نښلول شوي او خپلې ورځنۍ چارې پرمخ وړي.
نوموړي زیاته کړې؛ دغه انټرنیټ د نوري فایبر له لارې نه، بلکې د پواینټ ټو پواینټ له لارې فعال شوی دی.
د پوائنټ ټو پوائنټ (P2P) انټرنیټ سیسټم یو بېسیم او ځانګړې شوې اړیکه ده، چې دوه یا ډېر ځایونه په مستقیم او خوندي ډول د راډیو څپو له لارې؛ پرته له دې، چې کیبل یا عامه انټرنیټ کارولو ته اړتیا ولري، سره نښلوي.
#آریانانیوز #افغانستان #کندهار #پواینټ ټو پواینټ #نوري فایبر
