Soola Arman Radio / سوله ارمان راډیو

25/08/2025

د خېبر پښتونخوا د هنګو په توره وړۍ سیمه کې وسله‌ والو پر یوه پوځي کلا برید کړی، چې درې پاکستاني پوځیان پکې وژل شوي او ۱۵ نور ټپیان شوي دي.

چارواکي وايي، د پوځ په ځوابي ډزو کې څلور وسله‌ وال وژل شوي او پنځه نور ټپیان دي.

تر اوسه د دې برید مسوولیت هېڅ ډلې نه دی منلی.

سیمه‌ ییزو سرچینو ویلي، په دې نښته کې یو ملکي کس هم وژل شوی دی.
Soola Arman Radio / سوله ارمان راډیو

25/08/2025

اوکرایني ځواکونو د روسیې پر اټومي بټۍ ډرون برید کړی چې له امله یې په سیمه کې اورلګېدنه رامنځته شوې ده. د راپورونو له مخې، په دې بریدونو کې د کرسک سیمه په نښه شوې ده.

رویټرز وایي، پرون د روسیې پر بېلابېلو برخو نږدې ۱۰۰ ډرون بریدونه ترسره شوي، خو د مرګ ژوبلې په اړه یې تر اوسه څه نه دي ویل شوي.

د اټومي انرژۍ نړیوال اژانس ټینګار کړی چې د جګړې پر مهال باید اټومي تأسیسات خوندي وساتل شي.
Soola Arman Radio / سوله ارمان راډیو

25/08/2025

25/08/2025

د ننګرهار په سرخ رود ولسوالۍ کې د یوې کورنۍ د ۶ غړو د وژل کېدو اصلي علت څه دی او چا دا کار ترسره کړی؟
له ډېرو ناویلو مو دلته خبروو!

24/08/2025

ځایي چارواکي وایي، د پاکستان په کراچۍ ښار کې یې څلور پولیس د غلا په تور نیولي دي.

د معلوماتو له مخې، یادې ډلې د فولادو له یوې فابریکې څخه د سامان غلا کوله چې د نورو پولیسو له لوري نیول شوې دي.

مسوولین زیاتوي، چې د نیول شویو پولیسو څخه تر ۵۵ کیلوګرامو ډېر مس هم ترلاسه شوی دی.
Soola Arman Radio / سوله ارمان راډیو

24/08/2025

د افغانستان بانک اعلان کړی چې د افغانیو ارزښت د تېرو څلورو کلونو په لړ کې د بهرنیو اسعارو په ځانګړي ډول د ډالر پر وړاندې شاوخوا ۲۱ سلنه لوړ شوی دی.

د بانک ویاند حسیب‌ الله نوري وایي، د دې بدلون اصلي لامل د اغېزمنو پولي تګلارو عملي کول دي، چې د اسعارو په بازار کې یې د بې‌ ثباتۍ مخه نیولې ده.

نوري وایي، له نړیوالو مالي بنسټونو سره یې اړیکې پراخې شوې،چې دا به د افغانستان د اقتصاد په ټینګښت کې مهم رول ولوبوي.
Soola Arman Radio / سوله ارمان راډیو

24/08/2025

د مالیې وزارت د تقاعد د حقوقو رئیس محمد رحماني وايي، په لومړي پړاو کې به د نهو ادارو متقاعدین د یوې میاشتې په موده کې خپل تقاعدي حقوق ترلاسه کړي.

رحماني زیاتوي، د متقاعدینو د اسانتیا لپاره د تقاعد په لوی ریاست کې ځانګړې څانګې جوړې شوې، څو اړوندې چارې په هماغه ځای کې ترسره شي او متقاعدین له منډو ترړو خلاص شي.

هغه وايي، ټول متقاعدین په پنځو کټګوریو ویشل شوي چې په لومړۍ کټګورۍ کې هغه کسان شامل دي چې اسناد یې بشپړ او تصدیق شوي دي.

Soola Arman Radio / سوله ارمان راډیو

24/08/2025

د المان د کورنیو چارو وزیر الیکزاندر دوبریند ویلي، د افغان کډوالو د منلو بهیر ژر نه شي ترسره کېدای، ځکه امنیتي څېړنې وخت غواړي.

هغه د ځنډ په اړه نیوکې رد کړې او ټینګار یې کړی، نه غواړي کډوال د جدي څېړنو پرته ومني او امنیتي اندېښنې له پامه وغورځوي.

دوبریند خپلو مامورینو ته ویلي چې د کډوالو د منلو پر مهال دې ټول امنیتي موضوعات په پام کې ونیسي. د ده په خبره، دا بهیر کېدای شي څو میاشتې دوام وکړي.
Soola Arman Radio / سوله ارمان راډیو

24/08/2025

په اعلان شوې لوبډله کې راشد خان(لوبډلمشر)، رحمان الله ګربز، ابراهیم ځدران، درویش رسولی، صدیق الله اتل، عظمت الله عمرزی، کریم جنت، محمد نبي، ګلبدین نایب، شرف الدین اشرف، اسحاق، فرید احمد ملک، مجیب الرحمن، نوراحمد لکڼوال، غضنفر، فضل الحق فاروقي او نوین الحق شامل دي.

سربېره پر دې بیا ننګیال خروټی، عبدالله او وفیع الله د احتیاطي لوبغاړو په توګه په نوملړ کې ځای پر ځای شوي دي.
Soola Arman Radio / سوله ارمان راډیو

24/08/2025

شاپور حسن‌ زوی پر الهام عمر هوتکي سختې نیوکې کړې او هغه یې په خپلو خبرو کې «نړیوال غل» بللی دی.

نوموړي ویلي: «الهام هوتکي خپله یو نړیوال غل دی او د افغان ملت وینې یې څکلي دي. ځان دې سپین چرګ نه جوړوي، که نه نو ټول اسناد یې افشا کوم.»

الهام هوتکي بیا څو ورځې وړاندې ویلي و، د جمهوریت پر مهال فساد دومره پراخ شوی و چې بوی یې هر چاته رسېده او د اردو د سرتېرو د معاشونو څرک نه لګېده.
Soola Arman Radio / سوله ارمان راډیو

23/08/2025

پخواني پاکستاني چټک توپ‌ اچوونکي شعیب اختر ویلي، باور لري چې د اسیا جام لپاره به د پاکستان په لوبډله کې درې بدلونونه راشي.

هغه ټینګار کړی، که دا بدلونونه ونه شول دی حاضر دی چې خپل نوم بدل کړي.

اختر زیاتوي، د لوبډلې په جوړښت کې بدلون اړین دی څو پاکستان وکولای شي په راتلوونکو سیالیو کې ښه نتیجه ترلاسه کړي.
Soola Arman Radio / سوله ارمان راډیو