Zhagh Radio - ږغ راډیو

Zhagh Radio - ږغ راډیو Contact information, map and directions, contact form, opening hours, services, ratings, photos, videos and announcements from Zhagh Radio - ږغ راډیو, Radio Station, Helmand, Lashkar Gah.

ږغ راډیو یوه خپلواکه، خصوصي او بې طرفه رسنۍ ده، چي په هلمند ولایت کي د 2014 مېلادي کال راهیسي فعالیت لري.
چي ټولني ته د باتجربه او مسلکي کارمندانو په مټ مختلفي اسلامي، علمي، معلوماتي، روغتیایي، ورزشي او تفریحي خپروني وړاندي کوي.

23/06/2025

هرات کې د زیارتجاه جامع په اړه زموږ لنډ ویډیویي معلومات!

Zhagh Radio - ږغ راډیو

22/06/2025

د پاکستان لومړي وزیر د ایران ولسمشر سره ټیلیفوني خبرو کې پر ایران د امریکا هوايي بریدونه غندلي او دا یې له نړیوالو قوانیو سرغړونه بللې ده.

Zhagh Radio - ږغ راډیو

د ۱۴۰۴ کال لپاره د ږغ راډیو کاري ټیم تشکیلاتي چارت!په بېلابېلو برخو کې زموږ مسلکي، ژمن او زحمت‌کښ ټیم ستاسو د خدمت لپاره...
22/06/2025

د ۱۴۰۴ کال لپاره د ږغ راډیو کاري ټیم تشکیلاتي چارت!

په بېلابېلو برخو کې زموږ مسلکي، ژمن او زحمت‌کښ ټیم ستاسو د خدمت لپاره هر وخت چمتو دی.

تاسو چې هره ورځ د ږغ راډیو ۹۱.۰ FM له لارې او همداراز زموږ د فیسبوک له‌پیج څخه ښایسته، باثباته او اغېزمنې خپرونې اورئ او ګورئ دا ټول د همدغو ویاړلو همکارانو د هڅو، ژمنتیا او رښتینې مینې پایله ده.

موږ ویاړو چې داسې یو همغږی او پیاوړی ټیم لرو، چې ږغ راډیو یې د خلکو د باور هنداره ګرځولې ده.

ږغ راډیو – د حقایقو هنداره
Zhagh Radio - ږغ راډیو

متقي په استانبول کې د پاکستان د بهرنیو چارو له وزیر سره لیدلي:د افغانستان د بهرنیو چارو سرپرست وزیر مولوي امیرخان متقي پ...
22/06/2025

متقي په استانبول کې د پاکستان د بهرنیو چارو له وزیر سره لیدلي:

د افغانستان د بهرنیو چارو سرپرست وزیر مولوي امیرخان متقي په استانبول کې د پاکستان د بهرنیو چارو له وزیر اسحاق ډار سره کتلي دي. دواړو لورو د دوه اړخیزو اړیکو، سیمه‌ییزو پروژو، سوداګرۍ او ټرانزیټ پر پراختیا خبرې کړې دي. همداراز، هغوی د افغانستان، پاکستان او چین ترمنځ د درې اړخیزو خبرو اترو پر راتلونکې غونډه هم بحث کړی، چې ټاکل سوې ده ژر په کابل کې ترسره سي.

Zhagh Radio - ږغ راډیو

د روسیې امنیت شورا: ځینې هېوادونه چمتو دي ایران ته اټومي وسلې انتقال کړي:دروسیې د ملي امنیت شورا مشر نیکولای پاتروشیف وی...
22/06/2025

د روسیې امنیت شورا: ځینې هېوادونه چمتو دي ایران ته اټومي وسلې انتقال کړي:
دروسیې د ملي امنیت شورا مشر نیکولای پاتروشیف ویلي، چې داسې هېوادونه سته چې چمتو دي ایران ته اټومي وسلې ورکړي. نوموړي دا څرګندونې د یوې امنیتي غونډې پر مهال وکړې، خو د دغو هېوادونو نومونه یې نه دي څرګند کړي.
دا څرګندونې پر داسې مهال کېږي چې د ایران او لوېدیځو هېوادونو تر منځ د اټومي پروګرام پر سر شخړې زیاتې سوې دي.

Zhagh Radio - ږغ راډیو

22/06/2025

د «وعده صادق ۳» عملیاتو شلمه څپه؛ ایران د خیبرشکن توغندي کارونه اعلان کړه

د ایران د پوځ ویاند اعلان وکړ چې د «وعده صادق ۳» عملیاتو شلمه څپه پیل سوې ده. نوموړي وویل چې په دغه پړاو کې، لومړی ځل د اسراییلو پر وړاندې «خیبرشکن» نومی بالیستیک توغندی وکارول سو. د ویاند په وینا، دا عملیات د اسراییلي اهدافو پر ضد ترسره سوي، چې پکې د بن ګورین هوایی ډګر، د اسراییلو د بیولوژیکي څېړنو مرکز، او د هغوی بدیل کنټرول او قومندې مرکزونه هدف ګرځول سوي دي.

د یادونې وړ ده چې «خیبرشکن» د ایران له پرمختللو بالیستیکي توغندیو څخه ګڼل کېږي، چې د اوږده واټن د برید ظرفیت لري او د دفاعي سیستمونو له تېري تېرېدلی سي.

Zhagh Radio - ږغ راډیو

حامد کرزی: د ایران پر اټومي تاسیساتو د امریکا برید د نړیوالې سولې خلاف عمل دی:د افغانستان پخواني ولسمشر حامد کرزي د امری...
22/06/2025

حامد کرزی: د ایران پر اټومي تاسیساتو د امریکا برید د نړیوالې سولې خلاف عمل دی:
د افغانستان پخواني ولسمشر حامد کرزي د امریکا له‌خوا د ایران پر اټومي تاسیساتو برید ته په غبرګون کې ژوره اندېښنه څرګنده کړې ده. نوموړي دغه برید د ملګرو ملتونو د منشور، د اټومي وسلو د نه‌خپرېدو تړون، او نړیوالو اصولو خلاف بللی دی. کرزي له ایران سره د خواخوږۍ ترڅنګ ټینګار کړی چې دا ډول اقدامات د سیمې د جګړو د پراخېدو، او نړیوالې سولې او امنیت د ګواښ سبب کېږي. نوموړي زیاته کړې چې د ایران اټومي مسایل باید له زور پرته، د نړیوالو مشروعو لارو چارو له مخې حل شي، او امریکا دې د دیپلوماسۍ او سوله‌ ییزو میکانیزمونو څخه کار واخلي.

Zhagh Radio - ږغ راډیو

22/06/2025

په خوست کې د ۳۰ لوبډلو ترمنځ د والیبال سیالۍ پیل سوې:

د خوست د مرکز اړوند لټکو نصیب لوبغالي کې د والیبال ولایتي سیالۍ د ۳۰ لوبډلو ترمنځ پیل سوې. دغه سیالۍ د خوست ورزشي امریت له لوري د والیبال فدراسیون تر چتر لاندې تنظیم سوې دي.

د سیالیو پرانیستونکې لوبه د تڼیو او دلپوريو لوبډلو ترمنځ ترسره شوه، چې پکې د تڼیو لوبډلې د ۳۵ پر وړاندې د ۲۵ نمرو په توپیر خپل سیال مات کړ او بریا یې خپله کړه.

د مسئولینو په وینا، د دې سیالیو هدف د لوبغاړو ترمنځ د استعدادونو راڅرګندول، د لوبډلو ترمنځ اړیکو پیاوړتیا، او د ورزشي کدرونو روزنه ده. ټاکل سوې دا سیالۍ به یوه نیمه میاشت دوام وکړي.

Zhagh Radio - ږغ راډیو

22/06/2025

د کندهار ولایت د ادارو له‌خوا جوړې سوې ګډې کمېټې د بې‌کیفیته تېلو، عام تېلو د سوپر ۹۲ په نوم پلور او د خودسره قېمتونو له امله یو شمېر تېلو پمپونه وتړل.
نن د تېل پلورونکو اتحادیې سره د ښاروالۍ په دفتر کې تر ناستې وروسته پرېکړه وسوه چې له دې وروسته به یوازې د نفت او ګاز دولتي شرکت له اجازې سره سوپر ۹۲ خرڅېږي. د پټرولو او ډيزل نوی قیمت هم اعلان سوه،او کمېټه به دوامداره نظارت کوي.

Zhagh Radio - ږغ راډیو

ایران د «وعده صادق ۳» په عملیاتو کې حیفا او تل‌ابیب په نښه کړي:ایراني رسنیو راپور ورکړی چې سپاه پاسداران نن سهار د «وعده...
22/06/2025

ایران د «وعده صادق ۳» په عملیاتو کې حیفا او تل‌ابیب په نښه کړي:
ایراني رسنیو راپور ورکړی چې سپاه پاسداران نن سهار د «وعده صادق ۳» عملیاتو ۲۰مه څپه پیل کړې، چې په ترڅ کې نږدې ۳۰ توغندي ویشتل سوي دي. د تسنیم خبري آژانس په وینا، بریدونه عمدتاً د اسرا*یلو حیفا او تل‌ابیب ښارونه په نښه کړي، چې له امله یې درانه زیانونه اوښتي. ویل کېږي چې یو شمېر توغندي حیفا ښار ته هم رسیدلی دي، او ځینې نور توغندي په تل‌ابیب کې خپلو ټاکلو هدفونو ته رسېدلي دي.

Zhagh Radio - ږغ راډیو

فلای دوبۍ د کابل–دوبۍ الوتنې له دوو څخه درېیو ته ډېرې کړې:فلای دوبۍ هوایي شرکت په یوه لنډه خبرتیا کې اعلان کړی، چې له را...
22/06/2025

فلای دوبۍ د کابل–دوبۍ الوتنې له دوو څخه درېیو ته ډېرې کړې:
فلای دوبۍ هوایي شرکت په یوه لنډه خبرتیا کې اعلان کړی، چې له راتلونکې چهارشنبې، د جون ۲۵مې نېټې څخه به د کابل او دوبۍ ترمنځ خپلې ورځنۍ الوتنې له دوو څخه درېیو ته زیاتې کړي.

شرکت ویلي، د الوتنو د زیاتوالي علت د مسافرو شمېر ډېرېدل دي.

په دې سره به د اماراتو او کابل تر منځ د ورځنیو الوتنو ټول شمېر اووه ته ورسیږي، چې د مسافرو د تګ راتګ لپاره به لا ډېر سهولتونه رامنځته سي.

Zhagh Radio - ږغ راډیو

افغانستان له روسیې، چین او ایران سره د ګډو بانکونو د جوړېدو خبرې پیل کړې:د اقتصاد وزارت مسلکي مرستیال عبداللطیف نظري ویل...
22/06/2025

افغانستان له روسیې، چین او ایران سره د ګډو بانکونو د جوړېدو خبرې پیل کړې:

د اقتصاد وزارت مسلکي مرستیال عبداللطیف نظري ویلي، چې د بانکي بندیزونو او پر ډالرو د اتکا کمولو په موخه، افغان حکومت له روسیې، چین او ایران سره د ګډو بانکونو د جوړېدو خبرې پیل کړې دي.

نوموړي دا ګام د اقتصادي فشارونو د کمولو او د نړیوالو تعاملاتو د پراخېدو لپاره مهم بللی دی.

نظري زیاتوي، چې افغانستان چمتو دی د اقتصادمحوره سیاست له لارې د سیمې د اقتصادي بیارغونې په بهیر کې فعاله ونډه واخلي.

Zhagh Radio - ږغ راډیو

Address

Helmand
Lashkar Gah
0039

Telephone

+93703336648

Website

Alerts

Be the first to know and let us send you an email when Zhagh Radio - ږغ راډیو posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zhagh Radio - ږغ راډیو:

Shortcuts

Share

Category