Zinat Radio - زینت راډیو

24/08/2025

د لوړو زده‌کړو وزارت په پکتیا پوهنتون کې د ۵۳ میلیون افغانیو په ارزښت دوه پروژې پرانیستې.

د لوړو زده‌کړو وزیر ندا محمد ندیم د دغو پروژو د چارو پرانیستې مراسمو ته وویل، یادو پروژو کې د پکتیا پوهنتون تدریسي روغتون لپاره د ۳۳ میلیون افغانیو په ارزښت د طبي تجهیزاتو پېرلو او د ۲۰ میلیون افغانیو په ارزښت د یوه محراب مسجد جوړولو چې په یوه وخت کې به د ۱۵۰۰ لمونځ کوونکو ظرفیت ولري، شاملیږي.

»د یادونې وړ ده چې د لوړو زده‌کړو وزیر وړمه ورځ لوګر پوهنتون کې هم د ۵۱ میلیون افغانيو په ارزښت د داخلي سړکونو جوړولو پروژه پرانیستې وه.

24/08/2025

اسراییل ویلي چې د پوځ یو قومندان یې تېره ورځ غزه کې د چاودېدونکو توکو له چاودنې وروسته وژل شوی.

د راپورونو پر اساس، د «اوري ګیرلیک» په نوم دغه پوځي قومندان یې د غزې سویل کې د اسراییل پوځ اړوند د چاودېدونکو توکو د چاودنې پرمهال چې څرنګوالی یې نه دی مالوم ووژل شو.

دې سره، په غزه کې د حماس پر وړاندې د جګړې او عملیاتو پرمهال د اسراییلي پوځ د تلفاتو شمېر ۴۶۰ ته رسیدلی دی.

24/08/2025

غزني کې د کابل ـ کندهار پر لویه‌لار د ټرافیکي پېښې پرمهال د ښځو او ماشومانو په ګډون ۱۱ کسانو ته مرګژوبله اوښتې.

د غزني د امنیې قومنداني ویاند خالد سرحدي وویل، پېښه نن (یکشنبه، سنبله دویمه) د کابل ـ کندهار پر لویه‌لار د غزني ښار د څلورمې امنیتي حوزې اړوند سیمه کې د دوو موټرو ترمنځ د ټکر له امله شوې.

د یادونې ده چې هېواد کې ډېری ټرافیکي پېښې د موټرچلوونکو بې‌احتیاطۍ او تېز سرعت په دلیل رامنځ ته کیږي چې تر ډېره په کې ملکي وګړو ته مرګژوبله اوړي.

24/08/2025

د افغانستان کرکټ بورډ د روان ۲۰۲۵ کال د شل اوریز اسیا جام سیالیو لپاره ۲۰ کسیز نوملړ اعلان کړ چې په کې ۱۷ لوبغاړي په عمومي او ۳ لوبغاړي په احتیاطي نوملړ کې اخیستل شوي.

افغانستان به د پیل لوبه کې له هانګ کانګ، دویمه لوبه کې بنګله‌دېش او درېیمه لوبه کې له سرېلانکا سره مخ شي.

21/08/2025

لوګر کې د ځانګړو ځواکونو له روزنیز مرکز څخه ۹۰ پولیس فارغ شول.

د کورنیو چارو وزارت اړوند د شکارکلا د ځانګړې قطعې مسوولان وایي چې فارغ شویو سرتېرو، د ځمکني تخنیک او درنو وسلو کارونې په برخو کې دوه میاشتنۍ مسلکي زده‌کړې ترلاسه کړې وي چې د یوې غونډې په ترڅ کې فارغ شول.
بشپړجزئیات د زینت راډیو په خبري ویب سایټ کې 👇

ده وویل، ځانګړي ځواکونه اوس پياوړې شوې دې او د دښمن پر وړاندې د هر ډول عملیاتو توان لري. د جوړې شوې غونډې په پای کې فارغ شویو ځانګړو پولیسو یو شمیر نظامي تمرینات هم ترس...

21/08/2025

د لوګر په درېیو ولسوالیو کې اوو ښوونځيو ته نوې ودانۍ جوړې شوې.

د لوګر د پوهنې ریاست وایي چې د ملګرو ملتونو د ماشومانو د ملاتړ صندوق(UNICEF) له لوري د دغه ولایت په درېیو ولسوالیو کې د شاوخوا ۷۵ میلیونه افغانیو په لګښت اوو ښوونځیو ته ودانۍ جوړې او ګټې اخيستنې ته وسپارل شوې.
بشپړ جزئیات د زینت راډيو په خبري ویب سایټ کې 👇

د یادونې ده، دوه میاشتې مخکې هم د ملګرو ملتونو د ماشومانو د ملاتړ صندوق(UNICEF) د لوګر په مرکز پل‌علم او یو شمېر لرو پرتو ولسوالیو کې اوو ښوونځيو ته ورته معیاري ودانۍ جوړ...

21/08/2025

د لوګر چارواکي: د عینکو کان لرغونو سیمو او اثارو ته دې پاملرنه زیاته شي.
د لوګر اطلاعاتو او فرهنګ ریاست ریيس مولوي فیض‌الله جوهري د عینکو کان له لرغونو سیمو او اثارو څخه لېدنې پرمهال وویل، د یاد کان ملکي او نظامي مسوولانو سره د لیدنې پرمهال د عینکو کان د استخرج او لرغونو اثارو د راسپړلو برخه کې باید اړونده مسؤولین لرغونو سیمو او اثارو ته پاملرنه وکړي.
بشپړ جزئیات د زینت راډیو په خبري ویب سایټ کې 👇

د ورکړل شویو معلوماتو له مخې، د عینکو کان د پروژې له پيل څخه تراوسه شاوخوا لس زره لرغوني اثار رایستل شوي او ډېری برخه یې د اطلاعاتو او فرهنګ وزارت ملي موزیم ته لېږدول ....

21/08/2025

لوګر؛ په ۲ ولسوالیو کې ۴ نوي مخابراتي سایټونه جوړېږي.
د لوګر د مخابراتو او معلوماتي ټکنالوژۍ ریاست مسوولان وایي چې د دې ولایت د مرکز په ګډون دوو ولسوالیو کې څلور نوي مخابراتي سایټونه جوړېږي.

بشپړ جزئیات د زینت راډیو په خبري ویب سایټ کې 👇

د یادونې وړ ده چې تر دې وړاندې هم د مخابراتو او معلوماتي ټکنالوژۍ ریاست په هلوځلو د نورو مخابراني شرکتونو په همکاري د څو نورو نویو مخابراني سایټونو جوړولو چارې پیل شو...

18/08/2025

لوګر کې د کرومایټو پروسس فابریکه پرانېستل شوه.
د لوګر مسوولان وايي، دغه فابریکه د یوه هېوادوال له لوري د ۱۴ میلیون افغانیو په شخصي لګښت پرانېستل شوه.
د لوګر د کانونو او پترولیم رئيس مولوي نقیب احمد فرقاني په دې اړه جوړو شویو مراسمو ته وویل، دغه فابریکه د «سور غر زابل» شرکت له لوري د شاوخوا ۱۴ میلیون افغانیو په لګښت د محمداغې ولسوالي په «شکار کلا» سیمه کې جوړه شوې.

د یادولو ده چې دامهال د لوګر د قیمتي ډبرو په پنځو کانونو د استخراج چارې پيل شوي چې د تېرو څو کالونو راهیسې سلګونه میلیون افغانۍ عواید د حکومت خزانې ته جمع شوي دي.

18/08/2025

لوګر کې سېلابونو ځاني او مالي زیانونه اړولي.

د لوګر ازرې ولسوالي کې د تېرې ورځې او شپې ورښتونو او سېلابونو خلکو ته د سر او مال دروند زیان اوړلی.
د ازرې ولسوالي یو شمېء اوسېدونکي وایي، د دغې ولسوالي په «برې چوترې» سیمه کې د سختو سېلابونو له امله یو کس مړ شوی او «اکبرخېلو» سیمه کې دوه کم عمره ځوانان د سېلابونو له امله ټپيان شوي دي.

د یادونې ده چې تېره د افغانستان د هوا پېژندنې ادارې د لوګر په ګډون د هېواد یو شمېر ولایتونو کې د سختو اورښتونو او سېلابونو وړاندوینه کړې وه.

13/08/2025

لوګر کې د ووشو لوبې غوره لوبغاړي وستایل شول.

په لوګر ولایت کې د ووشو لوبې د یوشمېر روزنیزو مرکزو د مسوولینو له لوري؛ هغه لوبغاړي وستایل شول، کوم چې د هیواد د اتو ولایتونو د لوبغاړو ترمنځ یې په ترسره شویو ووشو لوبوکې برخه اخیستې وه او له ځانه یې ښه وړتیاښودلې ده.

په لوګر ولایت کې د بُنیان گذاران ووشو کلپ مشر استاد خلیل الله توکلي او د ستانکزي ووشوکلپ مشر استاد محمداجمل ستانکزي زینت راډیو ته وویل، د ووشو اتلانو؛ په ترسره شویو سیالیو کې په لوړه حوصله او غوره مهارت د سیالانو پر وړاندې ویاړلی بری تر لاسه کړ.

د دوی په وینا دا لاسته راوړنه نه یوازې د دوی د زحمت، تمرین او ژمنتیا ثبوت دی، بلکې د هیواد د سپورت د پرمختګ لپاره یو نوی الهام او هیله هم ده.

د مسوولینو د معلوماتو له مې، د ووشو رزمې لوبې، چې د هیواد د اتو ولایتونو د لوبغاړو ترمنځ؛ تېره اونۍ په میدان وردګ ولایت کې جوړې شوې وې؛ په کې د لوګر ولایت د بېلابېلو ووشو کلپونو لسګونو لوبغاړو هم برخه اخیستې وه چې اتلولي یې ترلاسه کړې او ډک لاس خپل ولایت ته را ستانه شوي دي.
شفیع الله افغانزی – زینت راډيو.

10/08/2025

بې ساری نوښت؛
د لوګر یوه اوسېدونکي د لمریزې برېښنا د تولید سیسټم جوړ کړی.

د لوګر ولایت مرکز اړوند د پادخواب شانې د کلي یوتن اوسېدونکی انجنیر محمد اسماعیل هاشمي، د یوه بې ساري نوښت په پایله کې توانېدلی، چې د لمریزې برېښنا د تولید داسې یوه دستګاه "سیسټم" جوړ کړي؛ کوم چې کولای شي د نوې ټکنالوژۍ په کارولو سره د ۳۰۰ تختو لمریزو هندارو پرمټ ۲۵۰ کیلو واټه برېښنا تولید او شاوخوا سلو کورنیو ته اړینه برېښنا چمتوکړي.

ښاغلي هاشمي ویلي، چې یادې دستګاه "سیسټم" ته یې د (سټار پاور) نوم غوره کړی، چې په جوړولویې شاوخوا ۵۰ زره امریکایي ډالره لګښت راغلی او کولای شي، چې د برېښنا انرژۍ د پرځان بسیاینې او سیمییزې صنعتي ودې د پیاوړتیا پر لور ګټور ثابت شي.

د لوګر یوشمېر ولایتي مسؤلینو هم د نوموړي مخترع هڅې او د دې نوښت ستاینه کړې او دا یې په هیواد کې د انرژۍ د ځان بسیاینې لپاره د هغه د ژمنتیا او هڅو یوه بیلګه بللې ده.

مرستیال والي مولوي محمدانور دین پرور ډاډ ورکړی، چې د لوګر ولایت مشرتابه چمتو ده چې د نوښتګرو اشخاصو د نورو فعالیتونو لپاره زمینه برابره کړي.

ښاغلي دین پرور، د هیواد له سوداګرو او نورو صنعتکارانو هم غوښتي چې د لوګر په صنعتي پارک او نورو تولیدي مرکزونو کې له یاد عصري سیسټومه کار واخلي.

د یادونې وړ ده، چې د سټار پاور سیسټم یوه مهمه ځانګړتیا د بشپړ اتوماتیک چارې ترسره کول دي؛ کوم چې د لمریزې انرژۍ د بندیدو په صورت کې، سیسټم په اتوماتيک ډول واردې شوې برېښنا سره وصل کیږي، او د واردې شوې برېښنا د بندیدو په صورت کې، په اتوماتيک ډول جنراتوري بریښنا ته بدلیږي.

ویل کیږي دا پرمختللی نوښت په مختلفو شرایطو کې د بریښنا دوامداره ورکړه تضمینوي.

شفیع الله افغانزی – زینت راډیو

د لوګر ولایت مرکز اړوند د پادخواب شانې د کلي یوتن اوسېدونکی انجنیر محمد اسماعیل هاشمي، د یوه بې ساري نوښت په پایله کې توانېدلی، چې د لمریزې برېښنا د تولید داسې یوه دس....