04/08/2025
CCTV څه شی ده؟
د CCTV پوره معنا Closed Circuit TV ده. چې د CCTV کېمرو په واسطه کولای شو په Digital بڼې سره د یو کور، کمپنۍ، ښار، سړک، نظامي او دولتي ځایونو، سوداګریزو کمپنیو، هسپتالونو، هوايي ډګرونو، مارکېټونو، تعلیمي مراکزو او داسې نورو ځایونو امنیت خوندي کړو.
په دې برخه کې به مونږ او تاسې دا زده کوو چې کوم کوم سرټېفېکټ په CCTV کې موجود دي. لکه تاسې ته بهتره معلومه ده چې مختلفې کمپنۍ د خپلو تولیداتو لپاره خپل خپل سرټېفېکټې یا کورسونه یا برنامې لري، لکه Cisco د خپلو ډیوایسونو لپاره خپل سرټېفېکټ لري، مایکروسافټ د خپلو تولیداتو لپاره د سافټویر په برخه کې خپل سرټېفېکټ یا کورسونه لري، Mikrotik د خپلو ډیوایسونو په برخه کې خپل سرټېفېکټ لري او داسې نور. همدغسې په CCTV کېمرو کې هم مختلفې کمپنۍ خپلې برنامې یا سرټېفېکټې لري. لکه څنګه چې Cisco، Microsoft، Juniper، Microtik او داسې نورې کمپنۍ له Basic څخه تر Advance لېول پورې یا له Entry څخه تر Expert لېول پورې سرټېفېکټ یا کورسونه لري همدغسې په CCTV کېمرو کې هم له Basic یا ابتدا څخه تر Advance لېول پورې سرټېفېکټ یا کورسونه شتون لري.
په CCTV کېمرو کې مختلفې کمپنۍ لرو چې هره کمپني خپل خپل سرټېفېکټ لري، چې مشهورترینې کمپنۍ چې په بازار کې کار کوي او سرټېفېکټ ارایه کوي په نړیوال بازار او بلحصوص په اسايايي بازار کې شهرت لري هغه دوه کمپنۍ دي چې یو Dahua , YVisionاو بله HIKvision ده.
خو مونږ او تاسې د CCTV په بخش کې د یوې مشهورې کمپنۍ په سرټېفېکټو باندې بحث کوو چې دغې کمپنۍ ته Yvision وايي. Yvision چې د CCTV کېمرو په بخش کې یوه مشهوره چینايي کمپني ده د CCTV په بخش کې درې لېول لري چې دغه درې لېول په لاندې ډول دي.
اول. YCSA (Yvision Certified Security Associate)
د CCTV په بخش کې د Yvision کمپنۍ اولین سرټېفېکټ ده یا دغه سرټېفېکټ د پیل او یا بنسټ کچه ده او هغه کسان چې د اول ځل لپاره CCTV زده کوي نو د هغوی لپاره Yvision دغه سرټېفېکټ توصیه کوي.
په دې سرټېفېکټ کې د CCTV ابتدایه او بنسټیز مسایل شامل دي لکه د مثال په ډول.
IP Camera
Analog Camera
NVR او DVR
ډي وي ار DVR او NVR څه شی دي او څنګه کار کوي.
د DVR, NVR او کېمرو وصل کول او په DVR, NVR کې د کېمرو لپاره ابتدایه تنظیمات.
د نېټورک ابتدایه مسایل لکه IP address او Sub netting
په لنډ ډول په دې سرټېفېکټ کې د امنیتي تجهیزاتو د بنسټیز کار او اصول زده کول دي.
دوهم. YCSE (Yvision Certified Security Engineer)
د CCTV په بخش کې دغه سرټېفېکټ د هغه تخنیکي کار کوونکو لپاره ده چې غواړي د ابتدایه کچې څخه لوړې زده کړې وکړي یعنې دوهم سرټېفېکټ ده، خو کله چې څوک دغه کورس یا سرټېفېکټ لولي نو اول يې باید YCSA ویلي وي.
په دې سرټېفېکټ کې د CCTV او شبکه يي سېستمونو پرمختللي تنظیمات لوستلی کیږي.
دریم. YCSP (Yvision Certified Security Professional)
دغه سرټېفېکټ په مسلکي لېول باندې ده که چېرته دغه سرټېفېکټ د نورو سره تکمیل کړی نو تاسې به د CCTV په بخش د Yvision په لېول باندې د CCTV سېسټم مسلکي اېنجېنر شی او وبه کولای شی چې هم کوچنی او هم لویې پروژې پکې ترسره کړی، او یا به تاسې مسلکي CCTV اېنجېنر شی.
👈 د ډېجېتلي امنیت لپاره د Yvision کمپنۍ وسایل
هغه وسایل چې دغه کمپني يې د ډېجېټلي امنیت لپاره جوړوي ډېر زیات دي چې ځینې مشهور يې په لاندې ډول دي.
اول. Analog کېمرې یا دې کېمرو ته HDCVI کېمرې هم ویل کیږي چې د Coaxial کېبل له لارې تصویر انتقالوي هغه هم په لوړ کفیت سره.
دوهم. IP Base کېمرې چې د IP address په بنیاد باندې کار کوي او د شبکې یا نېټورک سره وصل کیږي چې تصویر HD او 4K کفیت سره انتقالوي.
دریم. PTZ کېمرې چې د څرخېدو یا تاوېدو وړتیا لري چې کولای شي ښکته، پورته او څلورو خواته ته تاوو شي او د ډېر Zoom کولو ضرفیت هم لري.
څلورم. Thermal کېمرې
دا داسې کېمرې دي چې د تودوحې په بنیاد باندې کار کوي چې هم په شپه او دود یا لوګیو کې کار کولای شي.
پنځم. Body-Worn Cameras
دا د بدن اغوستلو کېمرې دي چې د پولېسو او امنیتي کارډانو لپاره کارول کیږي.
شپږم. د Analog کېمرو لپاره د وېډیو ثبت کولو رېکارډر چې نوم يې DVR ده چې په دغه DVR کې د Analog کېمرو ټول تنظیمات کیږي.
اووم. د IP کېمرو لپاره د وېډیو ثبت کولو رېکارډر چې نوم يې NVR ده.
اتم. د XVR رېکارډر جوړول چې هم د Analog او هم د IP کېمرو لپاره کارول کیږي یعنې د Analog او IP کېمرو لپاره ګډ کار کوي.
نهم. د تګ راتګ کنټرول کوونکې وسایلو جوړول لکه د ګوتې نشان پېژندونکې وسایل، د هویت کارت پېژندنې وسایل، د مخ پېژندنې سېسټمونه، هوښیارې دروازې او لاکونه، د کارکوونکو د وخت ثبت کولو وسایل او داسې نور.
لسم. د Alarm سېسټمونو جوړول لکه د غلا ضد سېنسرونه، یعنې کله چې دروازه او یا کړکی خلاصیږي نو سمدستي يې حس کوي او اواز کوي.
یولسم. د حرکت معلومولو یا حس کولو وسایل جوړول یعنې کله چې یو څوک حرکت کوي نو حرکت حس کوي او اواز کوي.
دولسم. د اور کشف کوونکې وسایل یعنې کله چې اور ولګیږي اوازه کوي.
دیارلسم. په مصنوعي ځېرکتیا یا AI باندې سمبال وسایل جوړول لکه د موټر نمبر پلېټ لوستل او معلومول، د خلکو د شمېرولو AI وسایل، د ګڼې ګونې څارنې وسایل، د شکمنو حرکتونو او چلندونو پېژندل او څارلو AI ډیوایسونه یا وسایل جوړول او داسې نور.
څوارلسم. د هوايي ډګرونو، نظامي ځایونو او نور مهمو ځایونو لپاره امنیتي سکېنرونو جوړول چې وسله، مخدره مواد او نور شیان پېژني او داسې نور...
