Bulqiza ime

13/12/2025

Pas raportimeve në media për çarjen që kishte shfaqur traseja e rrugës së Arbrit, pranë tunelit të Murrizit, kompania konçesionare “Gjoka Konstruksion” ka ndërhyrë për riparimin e segmentit të dëmtuar. Duke përfshirë edhe nënshtresat, në përpjekje për të përmirësuar stabilitetin e karrexhatës. Deformimet në segmentin e Xibrit janë shfaqura që nga ndërtimi, duke e bërë këtë zonë potencialisht të pasigurt dhe shkak për aksidente. Rruga e Arbrit nuk ka mbushur ende një vit nga përfundimi i ndërtimit, dhe disa segmente të saj kanë pësuar rrëshqitje të trasesë ose të skarpateve. Edhe tuneli i Murrizit ka shfaqur deformime në trupin e rrugës.

13/12/2025

Dy shtetase nga Kolumbia u arrestuan, ndërsa një 22-vjeçar nga Burreli u procedua penalisht, pasi dyshohet se ishin përfshirë në ushtrimin e prostitucionit në një apartament me qira në zonën e Shkëmbit të Kavajës, Durrës. Rasti, i goditur nga Policia, nxjerr në pah një fenomen në rritje në Shqipëri: prostitucioni i organizuar që zhvillohet në apartamente private dhe përmes platformave online, larg syrit të publikut.

Dy shtetase nga Kolumbia janë arrestuar në Durrës, pasi akuzohen se kishin marrë me qira një apartament në zonën e Shkëmbit të Kavajës dhe e kishin përshtatur për ushtrimin e aktivitetit të prostitucionit. Në të njëjtin hetim, një shtetas shqiptar është proceduar penalisht në gje...

13/12/2025

Të dhënat e prokurimeve tregojnë se Bulqiza hyn në dimër pa kontratë aktive për pastrimin e borës, pasi tenderi me fond mbi 4.1 milionë lekë u anulua. Ndërkohë, Bashkia Dibër ka lidhur kontratë për mirëmbajtjen rutinë dhe dimërore të rrugëve për sezonin 2025–2026, me vlerë rreth 5 milionë lekë. Në Mat dhe Klos nuk ka procedura tenderuese, pasi bashkitë i menaxhojnë ndërhyrjet me mjetet e tyre, kjo edhe për shkak të terrenit dhe problemeve më të kufizuara gjatë dimrit.

Ndërsa dimri ka ardhur dhe zonat malore të qarkut Dibër përballen çdo vit me probleme serioze të qarkullimit për shkak të borës, të dhënat zyrtare të prokurimeve tregojnë një situatë të ndryshme nga një bashki në tjetrën për mirëmbajtjen dimërore të rrugëve administrative. Ed...

12/12/2025

Punonjësit e terrenit në Agjencinë e Funksioneve të Transferueshme në Bulqizë, të cilët kryejnë detyra fizike të lodhshme si pastrimi, mirëmbajtja e rrugëve dhe ndërtesave publike, do të vazhdojnë të marrin paga minimale, të rritur pak nga shtesa për natyrë pune në 44,000 Lekë neto për muaj. Kjo kategori, megjithëse është shtylla kryesore e funksionimit të shërbimeve publike vendore, mbetet në fund të hierarkisë paguese. Për vitin 2026, shpenzimet neto për pagat e stafit të AFT-së llogariten rreth 755,000 euro në vit, ndërsa Bashkia Bulqizë shpenzon 2.1 milionë euro për pagat e administratës. Në total, vetëm për pagat neto, të dy institucionet do të shpenzojnë rreth 2.85 milionë euro.

Në mbledhjen e fundit të Këshillit Bashkiak të Bulqizës u miratua struktura e pagave për Agjencinë e Funksioneve të Transferueshme (AFT) për vitin 2026. Sipas dokumenteve zyrtare, brenda AFT-së ka një hendek mes pozicioneve drejtuese dhe punonjësve të vijës së pare në terren. Adminis...

12/12/2025

Sipas të dhënave të përmbledhura nga dokumenti zyrtar “Rregjistri i Lejeve Minerare 2023”, në katër bashkitë e qarkut Dibër rezultojnë gjithsej 179 leje minerare aktive, duke e renditur këtë rajon ndër zonat me shfrytëzimin më të lartë minerar në vend. Pjesa dërrmuese e lejeve përqendrohet në Bashkinë Bulqizë, e cila numëron 133 leje, një tregues i rolit të saj dominues në industrinë e kromit dhe burimeve të tjera minerare. Pas Bulqizës vjen Bashkia Klos me 27 leje aktive, me aktivitet të konsiderueshëm në nxjerrjen e materialeve ndërtimore dhe mineraleve të tjera, gjithashtu edhe krom. Ndërkohë, Bashkia Mat rezulton me 10 leje, ndërsa Bashkia Dibër ka 9 leje aktive, kryesisht të lidhura me gurët dekorativë dhe materialet e përpunimit bazë.

Të gjitha minierat dhe metalurgjitë në vend, qoftë ato aktive apo të mbyllura dhe të trashëguara pas vitit 2000, do t’i nënshtrohen një procesi të gjerë monitorimi mjedisor gjatë periudhës 2026-2028. Projekti, i cili është pjesë e dokumentit të rishikuar të programit buxhetor afa...

11/12/2025

Pagat e Bashkisë Bulqizë 2026 tregojnë një ndarje midis stafit drejtues dhe atij mbështetës:
✅Grupi me paga mbi 98,000 deri në 240,000 lekë: 51 persona - kryesisht me rol menaxherial dhe politik/funksional (Kryetari, Zv. Kryetari, Drejtorët, Sekretari i Përgjithshëm, Administratorët e njësive, etj.).
🛑Grupi i ulët (≤ 98,000 lekë): Numër i madh punonjësish (238 persona) me paga më të ulëta, kryesisht me rol zbatues, specialist dhe mbështetës (Specialistë, Edukatorë, Punonjës Zjarrfikës, Sanitarë, Kujdestare, etj.).

Kalkulimi i pagave vjetore (pa përfshirë shtesat dhe kontributet shoqërore) tregon se buxheti total i ndarë për pagat bazë të 289 punonjësve është mbi 200 milionë Lekë ose afro 2.1 milionë euro. Këtu duke përjashtuar Agjencinë e Funksioneve të Transferueshme që ka 130 punonjës dhe është në varësi të Bashkisë Bulqizë.

Lexo më shumë: https://www.bulqizaime.al/keshilli-bashkiak-i-bulqizes-miraton-pagat-per-419-punonjes-drejtuesit-paguhen-maksimalisht/

11/12/2025

Këshilli Bashkiak i Bulqizës miratoi numrin e punonjësve dhe nivelin e pagave në bashki për vitin 2026. Sipas paraqitjes, struktura e pagave mbetet e njëjtë me atë të miratuar më herët nga këshilli, pa ndryshime në numër apo kategori.

Të dhënat e prezantuara në mbledhjen e Këshillit Bashkiak, tregojnë një strukturë të ndarë në dy blloqe kryesore: një grup punonjësish me paga të larta dhe një numër shumë të madh punonjësish mbështetës me paga mesatare ose minimale, duke reflektuar një peshë disproporcionale financiare në nivelin drejtues.

Këshilli Bashkiak i Bulqizës miratoi numrin e punonjësve dhe nivelin e pagave në bashki për vitin 2026. Sipas paraqitjes, struktura e pagave mbetet e njëjtë me atë të miratuar më herët nga këshilli, pa ndryshime në numër apo kategori. Të dhënat e prezantuara në mbledhjen e Këshilli...

10/12/2025

Veap Halili, një nga të paktët përfaqësues aktivë të opozitës në Këshillin Bashkiak të Bulqizës – i vetmi që nuk ka munguar në asnjë seancë, ndërsa pjesa tjetër e këshilltarëve opozitarë thuajse janë tërhequr – mbajti sot një qëndrim kritik ndaj mënyrës si po trajtohet çështja e lëvizshmërisë së mjeteve të udhëtarëve.

Halili theksoi se prej muajsh ka kërkuar informacion të detajuar nga Bashkia mbi të gjitha vendimet dhe projektvendimet që lidhen me funksionimin e linjave urbane e ndërqytetase, por nga 20 pika të kërkuara, vetëm tre kanë marrë përgjigje. Ai iu kundërpërgjigj akuzave për konflikt interesi duke sqaruar se nuk ka asnjë lidhje me sektorin e transportit dhe se kërkesa e tij është vetëm për zgjidhjen e problemeve të qytetarëve dhe bizneseve të zonës, të cilat – sipas tij – janë lënë të bllokuara që prej ndërtimit të vendqëndrimit aktual.

Halili theksoi se përgjegjësia kryesore i takon administratës bashkiake dhe kryetares, e cila duhet të japë zgjidhje për situatën, ndërsa theksoi se qyteti ka nevojë për disa stacione ndalimi në zona të ndryshme kjo për të siguruar qarkullim normal dhe mbështetje për bizneset e ngritura prej dekadash. Ai kërkoi që vendimmarrja të bëhet mbi baza studimore dhe ligjore, jo sipas interesave të ngushta, duke theksuar se qytetarët presin zgjidhje konkrete nga institucionet.

10/12/2025

Rasti tragjik i 15-vjeçarit Erjon Boba, i cili humbi jetën pas plagosjes me thikë në Durrës, ka tronditur opinionin publik dhe ka hapur diskutime për sigurinë e të miturve, ndikimin e rrjeteve sociale dhe mungesën e mekanizmave mbrojtës në shkolla dhe komunitet. Ngjarja, e cila pason episode të tjera të ngjashme në një hark të shkurtër kohor, ka nxitur kërkesa për analiza profesionale dhe masa të menjëhershme. Për të kuptuar më mirë se si faktorët psikologjikë, socialë dhe teknologjikë ndikojnë tek adoleshentët dhe çfarë duhet të ndryshojë për të parandaluar ngjarje të tilla, Bulqizaime.al zhvilloi një intervistë me Renisa Beqirin, Psikologe Klinike. Në këtë bisedë, Beqiri analizon presionin social online, normalizimin e dhunës, shenjat paralajmëruese që shpesh neglizhohen nga familjet dhe shkollat, sfidat e shërbimeve psiko-sociale dhe rolin e institucioneve pas rasteve të rënda si ai i Erjonit.

Rasti tragjik i 15-vjeçarit Erjon Boba, i cili humbi jetën pas plagosjes me thikë në Durrës, ka tronditur opinionin publik dhe ka hapur diskutime për sigurinë e të miturve, ndikimin e rrjeteve sociale dhe mungesën e mekanizmave mbrojtës në shkolla dhe komunitet. Ngjarja, e cila pason epis...

10/12/2025

Gjatë debatit në sallën e Këshillit Bashkiak, përfaqësuesi i biznesit, Myfit Duriçi, ngriti shqetësime lidhur me situatën e qarkullimit të mjeteve dhe mungesën e një stacioni ndalimi për udhëtarët. Ai tha se konflikti që po paraqitet prej vitesh nuk ekziston realisht, por është krijuar artificialisht nga vetë institucionet, teksa për qytetarët dhe bizneset problemi është i qartë: nevoja për pika ndalimi ku pasagjerët të hipin dhe zbresin lirshëm. Duriçi theksoi se në asnjë qytet tjetër nuk ndalohet qarkullimi i mjeteve të udhëtarëve në këtë mënyrë, duke e cilësuar situatën “absurde” dhe të papranueshme. Ai shtoi se bizneset nuk kundërshtojnë terminalin ekzistues, por kërkojnë të hapen edhe pika të tjera ndalimi në unazë, pranë spitalit dhe zonave të tjera të qytetit, pasi mungesa e tyre po dëmton rëndë lëvizjen dhe aktivitetin ekonomik. Sipas tij, çështja është thjesht një interes publik dhe jo konflikt mes grupeve, ndërsa kërkoi nga këshilli që të ndalojë "ngatërrimin e situatës" dhe të marrë një vendim që i shërben gjithë qytetit.

10/12/2025

Mbledhja e Këshillit Bashkiak të Bulqizës, e zhvilluar sot më 10 dhjetor, dështoi sërish të marrë vendim për pikën 2 të rendit të ditës, e cila lidhej me riorganizimin e vendqëndrimit dhe lëvizshmërisë së automjeteve të transportit të udhëtarëve. Kjo mbledhje ishte një përsëritje e seancës së datës 4 dhjetor, e cila u ndërpre pas një konflikti të lindur në sallë mes përfaqësuesve të kompanisë që administron stacionin e automjeteve dhe familjarëve të tyre nga njëra anë, dhe këshilltarëve.

Përfaqësuesit e shoqërisë që administron vendqëndrimin akuzuan gjatë seancës disa këshilltarë se po shtyjnë përpara hapjen e stacionit të ri për interesa personale. Sipas tyre, disa anëtarë të këshillit kanë lidhje të drejtpërdrejta me biznese në zonën ku propozohet stacioni, çka – sipas shoqërisë – po ndikon në mënyrë të njëanshme procesin vendimmarrës. Këto akuza u kundërshtuan nga këshilltarët, të cilët u shprehën se kërkesa e tyre synon vetëm lehtësimin e qarkullimit në qytet dhe mbrojtjen e interesit publik.

Pika e diskutuar parashikonte tre propozime:
1. Caktimin e një vendqëndrimi provizor për urbanët për shkak të kushteve të vështira atmosferike;
2. Ndryshimin e lëvizshmërisë së automjeteve 8+1 dhe rishikimin e tabelave të qarkullimit për të shmangur përdorimin e vetëm një rruge;
3. Krijimin e një stacioni të ri për udhëtarët në hyrje të zonës së gjimnazit.

Çështja ka vite që shkakton përplasje në Bulqizë, që prej vitit 2016 kur kompania aktuale mori administrimin e vendqëndrimit të mjeteve të udhëtarëve. Sipas tregtarëve dhe një grupi këshilltarësh, bllokimi i disa rrugëve të qytetit për qarkullimin e mjeteve ka dëmtuar bizneset e zonës dhe ka kufizuar lirinë e lëvizjes në qytet. Ata kërkojnë hapjen e rrugëve alternative dhe një stacioni të ri pranë gjimnazit, duke argumentuar se vendimi aktual favorizon vetëm një grup të caktuar.

Në të kundërt, përfaqësuesit e kompanisë në sallë kërkuan që sensi i lëvizjes së automjeteve të mos ndryshohet dhe të mos miratohen stacione të reja, duke pretenduar se çdo ndryshim bie ndesh me kontratën e tyre me bashkinë.

Debatet e ashpra mes palëve bënë që edhe sot këshilli të shtyjë votimin, për të shmangur përplasje të tjera dhe për të qetësuar situatën. Pavarësisht rëndësisë së çështjes dhe tensioneve të vazhdueshme që ajo ka shkaktuar ndër vite, kryetarja e Bashkisë Bulqizë, Festime Mjeshtri, nuk ishte e pranishme në seancë.
Në sallë morën pjesë edhe disa pronarë biznesesh të zonës, të cilët pretendojnë se janë dëmtuar drejtpërdrejt nga mungesa e një stacioni funksional për udhëtarët dhe nga bllokimi i qarkullimit në lagjen ku ushtrojnë aktivitetin prej dekadash.

07/12/2025

Gjykata e Shkallës së Parë të Juridiksionit të Përgjithshëm Dibër, pas vlerësimit të materialeve të paraqitura nga Prokuroria, ka konfirmuar ligjshmërinë e arrestimit në flagrancë të Klajdi Llesh*t.

Një 21-vjeçar nga Bulqiza, Klajdi Lleshi, është vënë në pranga pas një operacioni të Policisë së Durrësit, në bashkëpunim me strukturat në Tiranë dhe Bulqizë, si i dyshuar për një sërë vjedhjesh automjetesh të kryera gjatë javëve të fundit në Durrës dhe në qarkun e Dibrë...