Shqipëria do Bëhet

02/08/2025

2025, Dajt – Banorët vuajnë për pikën e ujit

Një tjetër shqetësim është ngritur nga zona e Dajtit në Tiranë, ku banorët e lagjes “Gërmadhë” po përballen prej kohësh me mungesën e ujit të pijshëm.

Një banor, Hamit Kodra, ka drejtuar një mesazh duke treguar vështirësitë e përditshme për të siguruar ujë për familjen e tij të madhe me 12 anëtarë, mes tyre 5 fëmijë. “Na duhet të endemi nëpër lagje të tjera të Tiranës për të mbushur bidonat, vetëm që të përballojmë nevojat minimale të shtëpisë,” – shprehet ai.

Ai thotë se i është drejtuar disa herë deputetit të zonës dhe administratorit të njësisë Dajt, por sipas tij, kërkesat janë injoruar dhe trajtuar me përbuzje. “S’di ku të kërkoj më të drejtat e mia. Ata kujdesen vetëm për pasurimin e vetes dhe familjarëve të tyre,” përfundon ai mesazhin.

Banorët e zonës kërkojnë ndërhyrje urgjente nga institucionet përgjegjëse për zgjidhjen e problemit të furnizimit me ujë, një nevojë bazë që prej vitesh mbetet e pazgjidhur në këtë pjesë të kryeqytetit.

02/08/2025

Korçë – Aksident në lagjen 4 të qytetit, mjeti del nga rruga dhe përmbyset, plagoset drejtuesi

Një aksident rrugor është shënuar pasditen e sotme në lagjen nr. 4 të qytetit të Korçës. Sipas informacioneve paraprake, drejtuesi i mjetit ka humbur kontrollin, duke dalë nga rruga dhe më pas mjeti është përmbysur.

Si pasojë, drejtuesi ka pësuar dëmtime dhe është dërguar me urgjencë në spitalin e Korçës, ku po merr ndihmën e nevojshme mjekësore. Policia ndodhet në vendin e ngjarjes dhe ka nisur hetimet për zbardhjen e plotë të rrethanave të aksidentit.

02/08/2025

Babai turk, nëna shqiptare: Policia procedon prindërit që dh*nonin vajzën në Korçë
7 hours ago

Një video tronditëse e publikuar nga JOQ ka shkaktuar reagime të forta në opinionin publik. Ngjarja ka ndodhur në zonën e Pazarit të Ri në Korçë ku një vajzë e vogël shihet duke qarë ndërsa prindërit e saj e tërheqin zvarrë në rrugë.

Në pamjet e publikuara, babai shihet duke e kapur vajzën për flokësh ndërsa nëna e mban nga krahu ndërkohë që vogëlushja duket e frikësuar.

Policia e Korçës ka identifikuar dhe proceduar penalisht në gjendje të lirë prindërit që shfaqen në video. Bëhet fjalë për një baba me origjinë turke dhe një nënë shqiptare, të dy me nënshtetësi holandeze.

Në dëshminë e tyre para uniformave blu, ata janë justifikuar duke thënë se vajza kërkonte me ngulm të blinte lodra dhe se nuk pranoi të ecte, ndaj janë “detyruar” ta tërheqin në atë mënyrë.

Denoncimi fillestar u bë nga një qytetar i cili pa gjithë situatën që nga brenda një qendre tregtare e deri te pazari. Ai tha se vajza kishte rreth 15 minuta që qante dhe po tërhiqej zvarrë në rrugë nga prindërit e saj.

“KORÇA BOOM”

01/08/2025

Ekzekutimi i Shkëlzen Kastratit në mes të Fierit, SPAK nuk gjen dot prova për dy të pandehur dhe kërkon pushimin e çështjes
Prokuroria e Posaçme njofton se i është drejtuar Gjykatës me kërkesë për pushimin e çështjes në ngarkim të shtetasve Silvio (Roland) Cara dhe Elmir Tufa, të marrë të pandehur si bashkëpunëtorë në vrasjen e Shkëlzen Kastratit në mes të Fierit, vite më parë.
Më datë 01.02.2021, rreth orës 10:00-11:00, në lagjen “Sheq i Madh”, Fier, te vendi i quajtur “rrotontua e Sheqit” është vrarë me armë zjarri shtetasi Shkëlzen Brahim Kastrati, i cili ka qenë duke udhëtuar me mjetin tip Benz me targa AA 871 AN.
Nga hetimet e kryera nga Prokuroria e Posaçme, referuar bisedave të realizuara nga përdoruesit e SkyECC të zhvilluara mes anëtarëve të një grupi të strukturuar kriminal, ka dalë në pah organizimi i këtyre shtetasve me qëllim realizimin e vrasjes së shtetasit Kelmend Kastrati, por kanë lajthitur në objekt dhe kanë vrarë shtetasin Shkëlzen Kastrati.
Gjatë hetimit janë evidentuar personat e interesuar dhe porositës, si dhe personat që janë angazhuar për lokalizimin e këtij shtetasi dhe ekzekutorët, ku njëri nga ekzekutorët është dënuar për këtë ngjarje me vendim penal të formës prerë nr. 62-2023-1137 (160), datë 04.04.2023, të Gjykatës së Rrethit Gjyqësor Fier.
Nga hetimi nuk u arrit të provohej që të pandehurit Silvio (Roland) Cara dhe Elmir Tufa të ishin bashkëpunëtorë të këtij grupi të strukturuar kriminal dhe të kishin marrë pjesë në realizimin e veprave penale.
Në mbështetje të neneve 328 pika 1 gërma “dh” dhe 329/a të të Kodit të Procedurës Penale, nga Prokuroria e Posaçme është kërkuar para gjyqtarit të seancës paraprake, pushimi i çështjes penale në ngarkim të të pandehurve Silvio (Roland) Cara dhe Elmir Tufa, në lidhje me procedimin penal nr.59/2 të vitit 2022, pasi nuk provohej që veprat penale për të cilat ata akuzohen, të jenë kryer nga këta të pandehur.
Për anëtarët e tjerë të grupit të strukturuar kriminal të identifikuar apo paidentifikuar nga ana jonë, të përfshirë në vrasjen me armë zjarri më datë 01.02.2021 të shtetasit Shkëlzen Kastrati, po vazhdojnë hetimet paraprake në lidhje me procedimin penal nr.59 të vitit 2022, nga i cili është ndarë dhe procedimi penal nr.59/2, i vitit 2022.

01/08/2025

01/08/2025

Në Shqipëri, deti është një pasuri natyrore e madhe, por peshku më i mirë shkon kryesisht në eksport, ndërsa në tregun vendas serviren prodhime deti të importuara nga vende si Kina, India, Pakistani, Indonezia, Gambia, Namibia, Bangladeshi, Kili, Egjipti, vende që në Europë shpesh shmangen për këtë kategori ushqimesh.

Sipas të dhënave zyrtare të Drejtorisë së Përgjithshme të Doganave, gjatë viteve 2023-2025, importet e prodhimeve të detit në Shqipëri janë në rritje: vetëm në vitin 2023 u importuan mbi 7.5 milionë kg, në vitin 2024 kjo sasi u rrit në mbi 8.6 milionë kg, dhe në gjashtëmujorin e parë të vitit 2025 u importuan mbi 5 milionë kg.

Në anën tjetër, peshku shqiptar eksportohet më tepër drejt vendeve të Bashkimit Europian, me Italinë, Norvegjinë dhe Serbinë si destinacionet kryesore. Në vitin 2023 u eksportuan mbi 5.3 milionë kg peshk, ndërsa në gjashtëmujorin e parë të 2025 sasia e eksportuar ishte afërsisht 3.6 milionë kg.

Këto të dhëna zyrtare tregojnë një paradoks të vërtetë pasi ndërsa peshku më cilësor shqiptar shkon jashtë, qytetarët konsumojnë peshk dhe fruta deti të importuar nga vende me standarde të diskutueshme, duke u privuar nga produktet e freskëta vendase.

01/08/2025

Policia e Elbasanit ka finalizuar operacionin policor të koduar “Booking”, që çoi në goditjen e një tjetër rasti të ushtrimit të prostitucionit në qytet.

Operacioni u zhvillua nga specialistët e Seksionit për Hetimin e Trafiqeve në drejtimin e Prokurorisë së Elbasanit, pas një hetimi disa ditor të kryer me metoda proaktive. Si rezultat, u zbulua një apartament i marrë me qira në lagjen “5 Maji”, i cili përdorej për ushtrimin e prostitucionit nga dy shtetase të huaja.

Në pranga ranë shtetaset nga Kazakistani, A. A., 34 vjeç dhe A. A., 27 vjeç, të cilat sipas Policisë ushtronin aktivitetin e kundërligjshëm në apartamentin e marrë me qira nga shtetasja R. Ç., 42 vjeçe, banuese në Elbasan. Kjo e fundit është proceduar penalisht në gjendje të lirë.

Gjatë kontrollit të ushtruar në banesë, u sekuestruan në cilësinë e provës materiale shuma parash në valuta të ndryshme, 3 aparate celularë dhe dokumentet personale të shtetaseve të arrestuara.

01/08/2025

31/07/2025

BE, gjurmë gishtash në kufi/ Fund i vulave në pasaporta, nga tetori nis sistemi biometrik! Preket edhe Shqipëria



Bashkimi Evropian do të nisë zbatimin e një sistemi të ri të hyrjes dhe daljes për qytetarët që nuk janë nga vendet e Unionit duke filluar nga data 12 tetor.
Ky sistem i avancuar, i njohur si EES – Entry/Exit System – do të regjistrojë të dhënat biometrike të udhëtarëve, përfshirë gjurmët e gishtërinjve dhe imazhin e fytyrës. Sipas asaj që raporton “The Guardian”, sistemi do të:
Zëvendësojë vulosjen manuale të pasaportave
Regjistrojë datën dhe kohën e hyrjes dhe daljes
Kapë të dhëna biometrike si gjurmët e gishtërinjve dhe imazhin e fytyrës (vetëm njëra nga këto)
Llogarisë automatikisht kohëzgjatjen e qëndrimit të lejuar
Sinjalizojë shtetet anëtare në rastet e qëndrimeve të tejzgjatura
Këto rregulla do të prekin edhe shtetasit e vendeve të Ballkanit Perëndimor: Shqipëria, Kosova, Maqedonia e Veriut, Bosnje dhe Hercegovina, Mali i Zi dhe Serbia, të cilët aktualisht gëzojnë regjim pa viza për hyrje të shkurtër në zonën Shengen.
Sistemi i ri, do të zëvendësojë vulosjen manuale të pasaportave dhe do të lejojë autoritetet kufitare të kontrollojnë automatikisht kohëzgjatjen e qëndrimit të lejuar për turistët dhe udhëtarët e biznesit.
Sistemi do të nisë së zbatuari gradualisht për gjashtë muaj dhe pritet të hyjë në funksionim të plotë në janar të vitit 2026.
Makineritë për marrjen e gjurmëve të gishtërinjve tashmë janë vendosur në disa pika kalimi, përfshirë terminalin Eurostar në Londër dhe Portin e Doverit.
Komisioni Evropian thotë se ky sistem do të rrisë sigurinë kufitare dhe do të përshpejtojë procesin për udhëtarët e rregullt.

28/07/2025

Alarm nga fshati Gërmadhe, Komuna Dajt: Banorët vuajnë mungesën e ujit të pijshëm

Një shqetësim i madh vjen nga banorët e zonës së quajtur Gërmadhe, në Komunën Dajt, Tiranë. Prej kohësh ata përballen me mungesë të theksuar të ujit të pijshëm, duke u detyruar të mbushin ujë me bidona nga zona të tjera, në kërkim të një çezme funksionale.

“Po vdesim për ujë në Gërmadhe. Rruga është problem më vete, por uji është bërë luks. Nuk ka furnizim, jemi të detyruar të shkojmë me kilometra për të mbushur disa bidona,” thuhet në një mesazh që ka mbërritur në redaksinë tonë.

Banorët kërkojnë zgjidhje urgjente nga autoritetet për këtë nevojë jetike, pasi mungesa e ujit po ndikon rëndë në jetesën e tyre të përditshme.

28/07/2025

Del video tjetër nga sherri ne Vlorë
Avokati i policit publikon videon

Meqë policia e shtetit nuk arriti të administronte pamjet filmike për të zbardhur ngjarjen e ndodhur në ambjentet e një lokali në qytetin e Vlorës dy ditë më parë, ku u dhunua një punonjës shumë I nderuar I policisë shtetit, atëherë po ja u vendos unë momentet e dhunës ushtruar ndaj policit.

Në video dallohen qartë personat që kanë dhunuar policinë, që në fakt nuk kanë qënë as dy as tre por 15 persona me mjete të forta.

Qytetarët janë bërë preha e një video të shkurtër të publikuar në media ku dallohet që është goditur .e shpulla një kamerier, por qëllimisht ëahtë fshehur pjesa tjetër e ngjarjes.

Pamjet që më kanë ardhur mua si avokat I policit janë tronditëse dhe dallohen qartë edhe dhunuesit e tij.

Prandaj policia e shtetit duhet të ndërhyj me ndalimin e dhunuesve dhe të zbardhë dinamikën e ngjarjes.

Kjo histori nuk do përfundoj këtu jo? Dhunuesit e policit që është në reanimacion të spitalit Vlorës do përgjigjen ligjërisht edhe pse janë miqtë e Kryeministrit dhe pushtetit tij.

28/07/2025

Plagoset me th një 25-vjeçar në Vlorë

Një 25-vjeçar është plagosur me thikë në lagjen “Pavarësia” në Vlorë, pranë një berberhaneje. I riu, M. Shaka, u godit pranë zemrës dhe ndodhet në sallën e operacionit. Dyshohet se konflikti ka ndodhur brenda ambienteve të berberhanes. Policia po heton për identifikimin e autorit.