Shqipëria do Bëhet

14/09/2025

Ambasadori ukrainas në Shqipëri pëson infarkt, dërgohet me urgjencë në spital

Ambasadori i Ukrainës në Shqipëri, Volodymyr Shukrov, ka pësuar një infarkt gjatë qëndrimit të tij në Voskopojë. Ai është transportuar me urgjencë në spitalin e Korçës, ku sipas burimeve mjekësore gjendja e tij paraqitet e stabilizuar.

Megjithatë, për një trajtim më të specializuar, diplomati pritet të transferohet drejt Tiranës.

Burime nga policia konfirmojnë se Shukrov nuk ka qenë për vizitë zyrtare në qarkun e Korçës, por ndodhej së bashku me bashkëshorten e tij në Voskopojë për një vizitë turistike.

11/09/2025

11/09/2025

11/09/2025

Pas dorëheqjes nga kryesimi i Bashkisë Vlorë, Ermal Dredha u ka dërguar një mesazh bashkëpunëtorëve të tij.
Në mesazhin e shpërndarë menjëherë pas vendimit, ai shprehet:

“Kënaqësi të ju shërbeja, edhe pse nuk arrita t’ju zgjidhja të gjitha hallet. Faleminderit dhe më ndjeni që po e lë këtë rrugëtim në mes, por sinqerisht për mua ka qenë privilegj dhe kënaqësi t’ju shërbeja. Ju uroj më të mirën juve dhe familjeve tuaja, me shumë respekt, Ermali.”

Ky ishte mesazhi me të cilin Dredha iu drejtua vartësve të tij, duke e mbyllur kështu rrugëtimin në krye të Bashkisë së Vlorës.

10/09/2025

Shoku i Ibrahim Licit dhe makthi i Bajrëve, Barush Bregu, “hija” që ndjek çdo atentat në Shkodër! 39-vjeçari siguroi armët për masakrën me dy viktima dhe dy të plagosur

10/09/2025

Berat/ Finalizohet nga Seksioni për Hetimin e Krimeve Ekonomike dhe Financiare, në bashkëpunim me Forcën e Posaçme Operacionale, në drejtimin e Prokurorisë së Beratit, operacioni "Again".

Prodhoi dhe eksportoi drejt shtetit Kroat, perime me nivel të lartë preparati "Chlorfenapyr", si dhe me fatura fiktive blerjeje, vihet në pranga administratori i subjektit.

Në pranga dhe dy inspektorë të AKU Berat, pasi gjatë kontrollit që kanë kryer në këtë subjekt, kanë plotësuar praktikën në mënyrë fiktive.

Sekuestrohen perime të ndryshme të cilat dyshohet të jenë të kontaminuara me sasi preparati.

Specialistët e Seksionit për Hetimin e Krimeve Ekonomike dhe Financiare, në bashkëpunim me Forcën e Posaçme Operacionale dhe në drejtimin e Prokurorisë së Beratit, pas informacioneve të marra se në një subjekt grumbulloheshin dhe eksportoheshin perime, për të cilat kishte paligjshmëri në eksportim, organizuan punën dhe finalizuan operacionin "Again".

Gjatë operacionit u vunë në pranga 3 shtetas, konkretisht:

-M. Q., 40 vjeç, banues në Kuçovë, administrator i subjektit të grumbullimit dhe eksportimit të perimeve. Ky shtetas kishte prodhuar dhe më pas kishte eksportuar drejt shtetit Kroat, 8 tonë domate të cilat pas analizave të kryera kishin rezultuar me përbërje të lartë të preparatit "Chlorefenapyr", dhe ishin asgjësuar nga autoritetet kroate. Gjithashtu, për të shmangur përgjegjësisë ligjore ky shtetas ka përdorur fatura fiktive blerjeje nga fermerë të tjerë;

-R. L., 27 vjeç, banues në Tiranë dhe G. L., 25 vjeçe, banuese në Berat, të dy inspektorë të AKU Berat, pasi kanë kryer kontrolle në këtë subjekt dhe praktikat e mbajtura kanë rezultuar të plotësuara në mënyrë fiktive, duke mos bërë marrjen e mostrave të domateve që ndodheshin në magazinë dhe bllokimin e tyre, si dhe kanë marrë si të rregullta faturat fiktive të blerjeve nga shtetasi M. Q., duke tjetërsuar në këtë mënyrë faktet në lidhje me produktet e konstatuara me nivele të larta preparati.

Nga kontrolli i ushtruar në magazinën e shtetasit M. Q., u sekustruan perime të ndryshme dhe u morën mostra për analiza, pasi dyshohet se mund të jenë me përbërje të lartë preparatesh.

Materialet procedurale iu referuan Prokurorisë së Beratit, për veprime të mëtejshme.

09/09/2025

Dikur zërat e fëmijëve dhe jehona e ziles së shkollës i jepnin jetë Drizarit të Mallakastrës. Sot, qetësia e rëndë e braktisjes mbizotëron në korridoret bosh. Në oborrin e shkollës nuk dëgjohet më zëri i lojërave, por këmborët e bagëtive që kullosin aty ku dikur fëmijët mësuan shkrim e këndim. Nga 400 nxënës që kishte dikur, sot janë vetëm pesë fëmijë – tre në klasë të tretë dhe dy në kopsht.
Shkolla dikur ishte zemra e fshatit. Korridore plot me nxënës, klasa të mbushura me zhurmë, dërrasat e mbuluara me shkrime, mësues që përballeshin me gjallërinë e qindra fëmijëve.
Sot, e njëjta shkollë ka dyer dhe dritare të thyera, muret të çara dhe pa xhama. Në vend të nxënësve, bagëtitë kanë zënë oborrin. Në një klasë të vetme, pesë fëmijë përpiqen të mësojnë, të rrethuar nga heshtja që rëndon mbi çdo bankë bosh.

Banorët tregojnë se emigracioni dhe braktisja kanë shuar jo vetëm shkollën, por edhe fshatin. “Dikur këtu kishte jetë, kishte familje. Sot, rinia është larguar, fëmijët janë larguar, e ne kemi mbetur vetëm të moshuarit,” thotë një banor i moshuar me dhimbje në zë.
Por muret e shkollës flasin më shumë se njerëzit. Ato mbajnë ende mesazhe të gdhendura nga duart e nxënësve të dikurshëm: “Rroftë kombi shqiptar,” “Jam krenar që jam shqiptar,” dhe më e forta nga të gjitha: “Vdekje tradhtarëve.”
Kjo thirrje e fundit sot merr një kuptim tjetër. Tradhtarët ndoshta nuk janë vetëm individë, por një sistem i tërë që e ka lënë fshatin pa fëmijë, pa të ardhme, pa shpresë. Tradhtia është moskujdesi, indiferenca, mungesa e vizionit.
Drizari po shuhet. Me të po shuhet një brez i tërë, një kulturë, një jetë që nuk kthehet më. Pyetja është e thjeshtë dhe therëse: A është kjo e ardhmja e fshatrave shqiptare? A është ky realiteti që do t’u lëmë brezave të ardhshëm?
Sepse fëmijët e Drizarit nuk janë fajtorët. Ata janë viktimat e një sistemi që i ka braktisur. Dhe çdo derë e mbyllur, çdo bankë e boshatisur, është një akuzë e hapur ndaj atyre që mbajnë përgjegjësi.

Drizari, një fshat që po shuhet. Nga 400 nxënës, sot shkolla ka vetëm 5 fëmijë.Dikur zërat e fëmijëve dhe jehona e ziles së shkollës i jepnin jetë Drizarit t...

08/09/2025

Dhjetëra punonjës të Bankers Petroleum protestuan sot para zyrave të kompanisë në Marinzë, të thirrur nga Sindikata e Sektorit të Hidrokarbureve.Me pankarta ...

08/09/2025

Vrasja me dy viktima dhe dy të plagosur në Shkodër
Të lënduarit janë transportuar me urgjencë në spital, ndërsa në vendngjarje humbi jetën Armando Pali, punonjësit i IKMT-së.
Ndërsa viktimë e dytë e këtij atentati mbeti 31-vjeçari Liridon Kraja (Lushi), i cili ndërroi jetë prej plagëve të marra në spital. Ndërkohë, të plagosur mbetën Erogen Vaso (Brajoviq), vëllai i të arrestuarit Denis Brajoviç dhe kamerierja e lokalit, Meri Kaceri, të cilët po marrin ndihmë mjekësore.

Ndërkohë është vënë në pranga edhe autori i ngjarjes, Ragip Gila, i cili tentoi të arratisej në zonën dhe gjatë tentativës për arratisje u aksidentua. Policia bëri gjithashtu me dije se pas disa minutash ndjekjeje, është bërë e mundur edhe kapja e autorit Ragib Bila dhe është sekuestruan një armë zjarri automatike.

07/09/2025

Natën e 7-8 shtatorit 2025, miliona njerëz nëpër botë kanë pasur mundësinë të vëzhgojnë një eklips të plotë hënor mahnitës, të njohur si Hëna “e përgjakur”.
Ky fenomen qiellor është i jashtëzakonshëm për kohëzgjatjen e tij, duke u klasifikuar si një nga eklipset më të gjata hënore të dekadës. Faza e plotësisë, ku Hëna zhytet plotësisht në hijen e Tokës dhe ndriçohet me një të kuqe të thellë, ka zgjatur plot 82 minuta, një gjatësi e pazakontë që ka mundësuar që vëzhguesit të shijojnë këtë fenomen magjepsës për më shumë kohë se zakonisht.

Ky ngjarje astronomike e jashtëzakonshme është e lidhur me lëvizjen e ngadaltë të Hënës pranë apogjeut të saj, momenti kur Hëna është më larg Tokës, dhe kalimin e saj të plotë nëpër umbrën e Tokës, që është pjesa më e errët e hijes. Rachel Dutton, një anëtare e Shoqërisë Mbretërore Astronomike, e shpjegon se drita e kuqe që vëzhguesit shohin rreth Hënës është rezultat i shpërndarjes së dritës nga atmosfera e Tokës, e cila vepron si një prizëm, duke krijuar këtë efekt të mrekullueshëm.

“Nëse do të ishim një planet pa atmosferë, Hëna do të dukej sikur errësohet, por në vend të kësaj ajo lëviz në atë zonë me hije të kuqe dhe na jep atë ngjyrë të mrekullueshme”, ka thënë Dutton. Kjo natë e veçantë ofroi mundësinë për të shijuar një nga fenomenet më të bukura natyrore të qiellit, duke bërë që eklipsi i Hënës të mbetet një kujtim i paharrueshëm për të gjithë ata që ishin në gjendje ta ndjekin këtë ngjarje astronomike.

06/09/2025

Nuredin Dumani dërgohet me urgjencë në spital, njoftohet SPAK

Dëshmitari i drejtësisë, Nuredin Dumani, është dërguar me urgjencë në spital pas komplikacioneve shëndetësore. Ai ka shfaqur fillimisht probleme me takikardi dhe më pas vështirësi në frymëmarrje. Për transportimin e tij janë angazhuar forcat speciale të burgjeve dhe RENEA, ndërsa në dijeni për ngjarjen është vënë edhe SPAK. Gjendja e tij shëndetësore po monitorohet nga mjekët.