https://www.facebook.com/709971915816621/

A News Dega Kavajë, Kavajë (2025)

25/01/2025

🔹Arnold Kariqi “asi nën mëngë” i Sali Berishës për Kavajën!

Partia Demokratike ka njoftuar zyrtarisht nisjen e proçesit të Primareve për përzgjedhjen e kandidaturave për deputet në zgjedhjet e 11 Majit. Kryedemokrati Sali Berisha ka vijuar kështu standartin e vendosur prej kuvendit kombëtar të 11 Dhjetorit në Air Albania, e cila përcaktonte qartë se tashmë emrat përfaqësues të çdo niveli nga kryetar bashkie, partie por edhe për deputet i vendos antarësia nëpërmjet votës! Lideri i opozitës Sali Berisha në çdo dalje të tij e ka vendosur theksin tek figurat e reja dhe ato publike si formacioni i ri që Partia Demokratike do ti ofrojë qytetarëve si alternativa kryesore e fitores për të sjellë rrotacionin politik në vend. Njëri prej emrave që spikat dukshëm në qarkun e Tiranës është pikërisht Arnold Kariqi. Gazetari dhe moderatori i Syri TV i cili prej më shumë se një dekade vijon të japë kontributin e tij edhe në strukturat më të larta të PD. Kariqi vjen nga baza e kësaj partie, ndonëse i ri në moshë, karriera e tij në këtë forcë politike nis prej moshës 16 vjeçare duke u angazhuar në seksionet dhe grupseksionet e PD. Më pas, Arnold Kariqi ka mbajtur një sërë detyrash, si Sekretar i Përgjithshëm i FRPD Kavajë, më vonë zgjidhet prej 6 vitesh kryetar i FRPD Kavajë i cili udhëhoqi të rinjtë në fitoren e Bashkisë së këtij qyteti në zgjedhjet e vitit 2017, vijon me anëtar kryesie në PD, kandidoi për kryetar të Forumit Rinor të Partisë Demokratike të Shqipërisë duke zënë vendin e dytë dhe më pas nëpërmjet votës në Kuvendin Kombëtar arriti të zgjidhej anëtar i Këshillit Kombëtar të Partisë Demokratike! Arnold Kariqi ishte tek të vetmit eksponentë të rëndësishëm të PD Kavajë i cili mbështeti hapur dhe organizoi foltoren e Sali Berishës në tetor të vitit 2021 në pallatin e kulturës “Kavaljon”!
Kariqi është emëruar së fundmi nga kryedemokrati Berisha edhe si pjesë e grupit të punës në qarkun e Tiranës për organizimin e PD për zgjedhjet e 11 Majit.
Jeta politike e tij është ndërthurur edhe me atë mediatie ku prej 4 vitesh ai spikat me profesionin e tij si gazetar dhe moderator në Ora News e së fundmi në Syri TV.
E tashmë, sipas burimeve konfidenciale të redaksisë tonë, Arnold Kariqi do të jetë në krye të një tjetër sfide, atë të kandidatit për deputet të Kavajës në parlamentin e ardhshëm të Shqipërisë!

©️Syri Kavajës

17/01/2025

Berisha nga Kavaja: Pa guximin e ambasadorit Walker, ndoshta historia e Kosovës nuk do ishte kjo që është sot. Nderimi i Kavajës për çdo njeri që ka luftuar dhe lufton për lirinë, është një nder i veçantë!

Në ceremoninë e dekorimit të organizuar nga Bashkia Kavajë dhe Shoqata e të Përndjekurve Anti-Komunistë, kryetari i Partisë Demokratike Sali Berisha u shpreh se ambasadori William G.Walker është jo vetëm një hero i Kosovës, por është një hero i Shqipërisë dhe hero i çdo shqiptari, pasi ai ka bërë për lirinë kombëtare, si individ, ka dhënë një kontribut që shqiptarët nuk i dalin borxhit kurrë.

‘Masakra e Raçakut, në njëfarë mënyre falë këtij burri që kemi ne sot, ishte rasti kur flijimi i 45 burrave, grave, fëmijë, u shndërrua në dritë lirie për mbarë Kosovën dhe kombin shqiptar’- u shpreh Berisha.

Gjatë fjalës së tij në ceremoninë e dekorimit të organizuar nga Bashkia Kavajë dhe Shoqata e të Përndjekurve antikomuniste, kryedemokrati Sali Berisha u shpreh se Kavaja është një qytet i veçantë me njerëz punëtorë dhe të ndershëm. Berisha i tregoi ambasadorit Walker dhe pak nga historia e Kavajës dhe të rinjve shqiptarë.

‘Kavaja është një qytet shumë i veçantë, është një qytet i njerëzve punëtorë, të thjeshtë, të mençur dhe të ndershëm. Është një qytet i njerëzve të besimit tek Zoti. Shumicë janë sunitë, por ka një komunitet të nderuar ortodoks që shkojnë në harmoni të plotë’, theksoi gjatë fjalës së tij, lideri i opozitës, Sali Berisha.

Kryetari i Partisë Demokratike, Sali Berisha gjatë fjalës së tij të mbajtur në ceremoninë e dekorimit të organizuar nga Bashkia Kavajë dhe Shoqata e të Përndjekurve Anti-Komunistë, nuk ka lënë pa përmendur edhe dy gazetarë të njohur shqiptarë që jetojnë e veprojnë në Amerikë, Beqir Sina dhe Ilir Ikonomi, për kontributin e dhënë për Shqipërinë dhe Kosovën.

‘I dashur kryetar i bashkisë, ke përzgjedhur të nderosh sot edhe personalitete të shquara të shqiptarëve jashtë vendit, Ilir Ikonomin, Beqir Sinën. Ilir Ikonomi është një nga gazetarët, publicistët, por edhe në fakt edhe historianët më të shquar të vendit.

Zëri i Amerikës luajti një rol të jashtëzakonshëm në përmbysjen e diktaturës komuniste si burim i vetëm informimi e inkurajimi i shqiptarëve’, theksoi kryetari i PD-së, Sali Berisha gjatë fjalës së tij.

06/12/2024

DENONCIMI I ALBANIAN PRESS/ “Paratë rrush e kumbulla”/ Kryetari i Bashkisë së Kavajës tender 237 mijë euro për festa!

Institucionet shtetërore janë vënë në “garë” për organizimin e festave. Pas super tenderit të FSHZH-së, që akordoi 3.3 milionë euro për “tallava” në gjithë Shqipërinë, radha i ka ardhur Bashkisë së Kavajës, bashki e cila drejtohet nga demokrati Fisnik Qosja. Megjithëse është 36-vjeçar, Fisniku nuk po sillet siç ka edhe emrin, por si një “adoleshent”, duke shpenzuar edhe ato pak para të mbledhura nga taksat e banorëve të Kavajës. Veprimet e tij duket se kanë qenë në konflikt të hapur interesi, ku fillimisht futi në punë të gjithë fisin, ndërkohë pasi sistemoi edhe kushërinjtë dhe krushqit, ai futi në punë edhe “kolegët” berber. Tashmë po mendon edhe për festa dhe dekore, vendimmarrje aspak profesionale, pasi me këto para ai mund të bënte dhjetëra punë publike.

Qosja po sillet njësoj si kolegët e tij socialistë, ata të cilët janë denoncuar me të drejtë nga opozita për shpenzime marramëndëse dhe për propagandë. Por, nëse socialistët janë mjeshtra propagande, përse Fisniku i Kavajës po ndjek shembullin e tyre?! Sipas dokumenteve që disponon “VoxNews”, “adoleshenti” i Bashkisë së Kavajës ka urdhëruar hapjen e tenderit me objekt “blerje materiale për aktivitete zyrtare, festive dhe promovuese për nevojat të Bashkisë Kavajë”. Tendera të tillë bëhen edhe nga bashki të tjera, të majta apo edhe ato pak të djathta, por vlera e kësaj procedure në Kavajë është shumë e lartë. Qosja ka akorduar një shumë prej 23.415.060 lekë pa TVSH ose 237,186 euro pa TVSH.

Mësohet se tenderi u zhvillua në datë 11 nëntor 2024, ndërsa në dokumentet shoqëruese është edhe sasia dhe grafiku i lëvrimit të mallrave. Qosja kërkon panele për kënd të fotografive, strukturë me këmbëza vetëqëndruese e veshur me imazh të aktivitetit, printime, tapete ceremoniale, etj. Qosja po mendon edhe për imazhin e tij, teksa ka kërkuar 12 foltore me qira e veshur me imazh të aktivitetit në të gjithë sipërfaqen e saj. Ai kërkon edhe flamuj ceremonial, dekorime festive metalike apo edhe printim dhe forma me ndriçim led neon ose dynamik sipas rastit, të montuara në Bulevardin Qendror nga shtylla në shtyllë. Kërkon 520 copë banera të ndryshëm, 25 m2 punime me shkrime të ndryshne 3D me ndriçim LED, të caktuara nga Bashkia e Kavajës. Specifikime konkrete, duke qenë se “hallet” përfunduan në Kavajë dhe tashmë është radha e festave. Kërkohen edhe tenda 1600 m2 për aktivitete me strukturë alumini vetëqëndruese me mbulim të bardhë ose transparent në përmasa. Madje, edhe pjesa e sipërme dhe ballore të pajisura me tavolinë dhe karrige me qira. Kërkohen 1500 copë karrige. Për fushatë apo aktiviteve zyrtare?!

©Copyright Vox News

30/04/2024

Berisha: Altin Dumani dhe Kraja i Sigurimit të Shtetit janë dy ndër kriminelët më të rrezikshëm të drejtësisë shqiptare!

Miqtë e mi, Altin Dumani dhe Kraja i Sigurimit të Shtetit janë dy ndër kriminelët më të rrezikshëm të drejtësisë shqiptare.
Arben Kraja kishte nip e mbesë, mace e mi të punësuar në bashki dhe mbante dosjen e hetimit të Erion Veliajt, gjersa 3 javë më parë, kur do dërgohej në gjykatë, dha dorëheqjen se u kujtua se ishte në konflikt interesi.
Të dashur miq, prandaj thotë Erion Veliaj se sot unë isha te kolegët.
Ishte inspektori i Spakut ky.
Sot unë isha si bashkëpunëtor.
Tani do t’ia themi dy fjalë: o hajdut, ata që i pe ti te bashkia, e çojnë bashkinë në supe, siç çuan barrikadën dhe ty të varin në shtyllën e turpit të historisë.
Ata nuk presin zgjidhje nga bashkëkolegët e tu hajdutë si ty, kriminelë si ty, Duman, Kraja dhe kompani.
Jo mo jo. Shqipëria është e jona. Fatin e Shqipërisë e kemi ne.
Ju jeni llumi i saj, do merrni atë që meritoni.
Të dashur miq, në historinë e kësaj beteje pa kthim, kjo ditë shënon një ditë fitoreje.
Një ditë frymëzimi të pashterrshëm.
Një ditë ngadhënjimi të shpirtit tonë të pamposhtur.
Por shënon vetëm një prag nga i cili do hidhemi në beteja më të fuqishme, për fitore më të mëdha, për fitoren përfundimtare.
Dhe jo vetëm me kryehajdut Erion Veliajn, por edhe me kryehajdutët e tjerë, por edhe me kolegët e tij, hajdutë si ai.
Shqipëria nuk u lihet në dorë hajdutëve.
Nuk u lihet në dorë tradhtarëve.
Fati na përket ne.
Ne do marrim fatin tonë në dorë.
Fatin e Shqipërisë.
Të ardhmen tonë.

Address

Kavajë

Website

facebook.com

Alerts

Be the first to know and let us send you an email when A News Dega Kavajë posts news and promotions. Your email address will not be used for any other purpose, and you can unsubscribe at any time.

A News Dega Kavajë