TVA News, Tirana (2025)

23/07/2025

Si e komentoni pjesëmarrjen e komunitetit LGBTQ në këtë protestë?

23/07/2025

Ka mbërritur në Tiranë i shumëkërkuari Denis Bajri, alias Bajroviç, i akuzuar për vrasjen e mikut të tij Gjin Ndojit më 9 gusht 2020, me urdhër të “mbretit të kumarit” Ervis Martinaj., Bajri ka mbërritur pasditen e sotme në Rinas, nën masa të rrepta sigurie ku duket aeroporti u blindua nga forcat speciale, përfshirë RENEA-n.

Ndaj tij është vendosur masa e sigurisë “arrest me burg” në kuadër të operacionit “Metamorfoza”, pas përgjimeve në rrjetin e komunikimit të koduar “SkyECC”, ku ai shfaqet në kontakte të drejtpërdrejta me Ervis Martinajn.

Bajri ka qenë subjekt i OFL-së, ndërsa është hetuar për “shtrëngim me anë të kanosjes për dhënie pasurie”, kryer në bashkëpunim dhe në kuadër të një grupi të strukturuar kriminal, si dhe për vepra penale të kryera nga organizatë kriminale, sipas njoftimit të Policisë së Shtetit.

Ai ishte arrestuar si pjesë e grupit “Bajri” në Shkodër, por në vitin 2019 u lirua nga Gjykata e Shkallës së Parë në Tiranë dhe iu vendos masa “arrest shtëpie”.

Bajri dyshohet si ekzekutor i Gjin Ndojit (Boriçit), vrasje e ndodhur në Shkodër më 9 gusht 2020. Sipas zbërthimeve të komunikimeve në “SkyECC” nga autoritetet franceze, vrasja ishte organizuar nga Behar Bajri, ndërsa Denis Bajri u vendos në rolin e ekzekutorit. Pas vrasjes, Bajri i shkroi Beharit “kryvi” të njëjtin mesazh më pas ia dërgoi edhe Ervis Martinajt.

Pas këtij krimi, biznesmeni Pëllumb Gjoka dyshohet se ishte porositësi, duke e kërkuar vrasjen përmes Behar Bajrit, i cili më pas ia kaloi Denisit. Më vonë, Gjoka kërkoi dhe vrasjen e ish-punonjësit të burgut, Kleanth Musabelliu, i cili fatmirësisht mbijetoi. Behar Bajri dhe Gjin Boriçi ishin miq, dhe pas vrasjes, Behari mori pjesë në varrim.

23/07/2025

Meriton Mjekiqi dhe i vëllai, Rinori, janë arrestuar ditën e djeshme nga Policia e Kosovës, në lidhje me një ngjarje të ndodhur më 11 korrik, e cila mori përmasa të rënda. Të dy akuzohen për dhunë fizike me pasoja të rënda ndaj një shtetasi, i cili aktualisht ndodhet në spital nën kujdes intensiv.

Sipas burimeve zyrtare, dy vëllezërit ishin larguar nga vendngjarja menjëherë pas konfliktit dhe kanë qëndruar në arrati për më shumë se një javë. Megjithatë, më 22 korrik, rreth orës 15:00, ata janë paraqitur vetë në Stacionin Policor të Obiliqit, ku janë marrë në pyetje në prani të avokatëve të tyre.

Në raportin 24-orësh të policisë së Kosovës, konfirmohet se Mjekiqi dhe i vëllai janë ndaluar zyrtarisht pas hetimeve të kryera mbi incidentin. Motivet që çuan në përplasjen e dhunshme mes palëve mbeten ende të paqarta, ndërsa ngjarja ka marrë vëmendje të gjerë në mediat vendase.

23/07/2025

Kryebashkiaku i Kolonjës, Erion Isai, ka zgjedhur të dalë në skenë jo atë të punëve publike, por të poezisë. Në një video të shpërndarë së fundmi, ai shfaqet duke recituar plot ndjesi një nga poezitë e Dritëro Agollit, në një atmosferë romantike që vjen pas divorcit të tij. Një performancë ndryshe, ndoshta për të treguar se edhe kur Kolonja ka shumë halle, shpirti poetik i drejtuesit të saj mbetet një ‘frymëzim’ për të.

Por ndërsa kryetari gjen kohë për art, qytetarët e Kolonjës i kujtojnë se sistemi i vaditjes nuk rregullohet me vargje dhe se rrugët nuk asfaltohen me metafora. Teksa kjo video nuk ka shpëtuar pa u komentuar nga qytetarët e kolonjës të cilët i kërkojnë kryetarit të tyre të lërë në një anë romancën dhe të rregulloj sistemin e vaditjes.

Ironikisht, i vetmi ujë që qarkullon lirshëm në Kolonjë duket se është ai i ndjeshmërisë së Isait.
Dhe pas anglishtes “perfekte”, duket se z. Isai po teston një tjetër talent në fushën e muzikës.

23/07/2025

Një aksident me pasoja fatale ka ndodhur mesditën e sotme në zonën e quajtur “Antena”, në Bulqizë, ku një automjet ka dalë nga rruga për shkaqe ende të paqarta.

Si pasojë e përplasjes, kanë ndërruar jetë dy persona: Destan Gjeta dhe Burhan Gjoka. Një tjetër pasagjer, me inicialet A.GJ, ka mbetur i plagosur rëndë dhe është transportuar me urgjencë drejt Spitalit të Traumës në Tiranë, për trajtim të specializuar.

Grupet hetimore ndodhen në vendngjarje dhe po punojnë për të zbardhur shkaqet dhe rrethanat e aksidentit.

Bulqizë/Informacion paraprak:

Rreth orës 14:15, në vendin e quajtur "Antena", në Qafë-Buall Bulqizë, një automjet tip "Nisan", ka dalë nga rruga. Si pasojë e këtij aksidenti, kanë humbur jetën shtetasit B.Gj., dhe D.Gj, si dhe ka mbetur i dëmtuar dhe po transportohet në spital për ndihmë mjekësore shtetasi A.Gj.

Grupi hetimor ndodhet në vendngjarje dhe po punon për zbardhjen e rrethanave të këtij aksidenti.

23/07/2025

Më në fund, KQZ i ka dhënë “Shqipëria Bëhet”. Në rolet kryesore: Adriatik Lapaj dhe Endri Shabani, dy rivalë që konkurruan, u tërhoqën, u penduan, e më pas u përplasën për një mandat, çdo gjë tani ka përfunduar.

Pas një gare që u kthye në një farsë procedurash, debate juridike dhe statuse rrjetesh socialee kërcënime KQZ ka vendosur që mandatin ta marrë Kleana Xhuveli e katërta në listën e mbyllur të kësaj force politike dhe, kushërira e kryetarit Adriatik Lapaj.

Kërkesa e Lapajt për të marrë vetë mandatin u rrëzua nga Celibashi me arsyetimin se dorëheqja paraprake nga kandidimi ishte jashtë kornizës ligjore.

Në një dalje publike kjo e fundit ka theksuar se do ta përfaqësojë mandatin denjësisht, deri sa të shkojë tek Adriatik Lapaj, më i votuari i listës së hapur.

23/07/2025

Një ngjarje e rëndë me pasojë humbjen e jetës ka ndodhur në vendin e njohur si “Gjiri i Filikut”, një destinacion gjithnjë e më i frekuentuar nga të rinjtë aventurierë dhe turistët e huaj.

Sipas burimeve zyrtare, dyshohet se gjatë një zbritjeje me litar nga shkëmbi, ka rënë aksidentalisht një shtetase holandeze, e identifikuar me inicialet M. B., vetëm 23 vjeçe. Menjëherë pas incidentit, asaj iu dha ndihma e parë mjekësore dhe u transportua nga forcat e Policisë Kufitare. Por, për fat të keq, për shkak të plagëve të rënda, ajo ndërroi jetë gjatë rrugës për në spital.

Ngjarja tragjike ka pasur pasoja edhe për një tjetër turiste, një shtetase franceze 18-vjeçare me inicialet J. L., e cila ndodhej në afërsi në momentin kur ndodhi rrëzimi. Ajo ka pësuar lëndime si pasojë e rrëshqitjes së disa gurëve dhe aktualisht po trajtohet në spital jashtë rrezikut për jetën.

Autoritetet kanë nisur hetimet për të zbardhur rrethanat e sakta të kësaj ngjarjeje tragjike.

Himarë/Informacion paraprak:

Në vendin e quajtur “Gjiri i Filikur”, dyshohet se gjatë zbritjes nga shkëmbi me litar, është rrëzuar aksidentalisht shtetasja holandeze M. B., 23 vjeçe, të cilës iu dha ndihma e parë mjekësore dhe u transportua me ndihmën e Policisë Kufitare, por për shkak të dëmtimeve të marra ka ndërruar jetë.

Gjithashtu, si pasojë e rrëshqitjes së disa gurëve në momentin e ngjarjes, është dëmtuar dhe po merr ndihmë mjekësore në spital, shtetasja franceze J. L., 18 vjeçe, e cila ndodhej në afërsi.

Grupi hetimor vijon veprimet për zbardhjen e plotë të rrethanave të ngjarjes.

23/07/2025

Një ngjarje e rëndë është regjistruar mbrëmjen e djeshme rreth orës 22:30 në ambientet e kompleksit “Delijorgji” në Tiranë, ku është dhunuar rëndë pronari i restorantit “Tokyo”, biznesmeni Laert Kasaj.

Sipas burimeve për JOQ Albania, Kasaj është sulmuar nga disa persona, të cilët dyshohet se janë të lidhur me pronarët e barit “Stockholm”, që ndodhet përballë kompleksit. Shkaku i përplasjes dyshohet të jetë një denoncim i bërë nga Kasaj lidhur me zaptimin e hapësirave publike dhe përdorimin e tendave nga bizneset e zonës.

Denoncimi i supozuar dyshohet se ka shkaktuar përplasjen mes palëve, që përfundoi me dhunë fizike të rëndë ndaj biznesmenit.

Në rrjet po qarkullojnë edhe foto të Kasajt pas sulmit brutal, ku duken qartë shenjat e dhunës që ka pësuar. Policia ka shpallur në kërkim shtetasit F. K., 31 vjeç, dhe O. K., 30 vjeç. Punohet për kapjen e tyre dhe dokumentimin e plotë të ngjarjes.

23/07/2025

Arrestohet në Dubai Denis Bajri, i dyshuar për vrasjen e Gjin Ndojit, pritet ekstradimi në Shqipëri

Denis Bajri, një nga emrat e përfshirë në megaoperacionin “Metamorfoza”, është arrestuar në Dubai të Emirateve të Bashkuara Arabe. Ai ishte shpallur në kërkim për vrasjen e Gjin Ndojit, ngjarje e ndodhur më 9 gusht të vitit 2020 në Vaun e Dejës.

Bajri dyshohet se e ekzekutoi viktimën me breshëri kallashnikovi, vetëm pak metra larg automjetit tip BMW që Ndoji kishte marrë me qira. Ky i fundit njihej edhe me mbiemrin Boriçi.

Ngjarja u zbardh përmes përgjimeve të dosjes “Metamorfoza”, ku sipas SPAK, del se vrasja është urdhëruar nga Ervis Martinaj. Sipas hetimeve, Martinaj ka kontraktuar Denis Bajrin dhe Behar Bajrin për të kryer ekzekutimin. Në këmbim të eliminimit të Ndojit, Martinaj do të garantonte vrasjen e një tjetër personi, Kleant Musabelliu.

Gjithashtu, nga komunikimet e përgjuara, rezulton se arma e përdorur nga Denis Bajri kishte pësuar bllokim në fillim, por më pas ai arriti ta qëllonte viktimën me breshëri automatiku.

Arrestimi i 36-vjeçarit është kryer në bashkëpunim me autoritetet vendase në Dubai, dhe pritet që procedurat për ekstradimin e tij drejt Shqipërisë të finalizohen gjatë ditës së sotme.

22/07/2025

Sipas studimeve në fushën e psikologjisë zhvillimore, edhe foshnjat e porsalindura të cilat nuk kanë ende asnjë përvojë apo njohuri për rreziqet tregojnë shenja të qarta shqetësimi kur përballen me zhurma të forta të papritura ose kur vendosen në sipërfaqe që simulojnë një rënie. Reagimet përfshijnë rritje të rrahjeve të zemrës, stepje, të qarë apo shmangie të kontaktit me sy ndaj burimit të frikës.

Këto fakte tregojnë se disa frikëra janë të lindura, pjesë e një mekanizmi instinktiv mbijetese. Por frikërat e tjera më të zakonshme si frika nga merimangat, folja në publik, errësira apo refuzimijanë të mësuara me kalimin e kohës, përmes përvojave personale, ndikimit të familjes, mediave dhe kushteve sociale.

Këto lloj frikërash “të fituara” ruhen në një strukturë të veçantë të trurit, të quajtur amigdala, dhe formësohen nga kujtesa emocionale dhe historia individuale. Me fjalë të tjera, ndonëse lindim me disa mekanizma për të na mbrojtur nga rreziku, shumicën e frikërave i krijon vetë jeta.

22/07/2025

Gjykata e Lartë ka rrëzuar rekursin e ish-efektivit të Forcave Operacionale, Jeton Lami, duke lënë të pandryshuar vendimin e Gjykatës së Lezhës për dënimin me 2 vite e 10 muaj burgim për shpërdorim detyre. Lami kërkoi që çështja të rishikohej në instancën më të lartë të drejtësisë, por përpjekja e tij u refuzua përfundimisht.

Lami u arrestua pas publikimit të një videoje ku shihej duke shoqëruar Ervis Martinajn i shpallur në kërkim ndërkombëtar dhe i zhdukur në mënyrë misterioze në gusht të vitit 2022. Vendimi i Gjykatës së Lartë vjen pasi edhe Apeli i Juridiksionit të Përgjithshëm kishte lënë në fuqi dënimin e dhënë në shkallën e parë.

Martinaj, i cili prej kohësh ishte pjesë e hetimeve për disa ngjarje kriminale, u përfshi në një dosje ku Nuredin Dumani e akuzonte se kishte ofruar 500 mijë euro për eliminimin e rivalit të tij, Endrit Dokle. Familja e Martinajt e denoncoi zhdukjen e tij, por fati i tij mbetet ende i panjohur.

22/07/2025

Një denoncim i pazakontë ka mbërritur në redaksinë tonë nga një vajzë që po pushon në kompleksin Green Coast. Ngjarja që ajo ndan nuk është një incident tragjik apo konflikt fizik por një shembull domethënës i asaj që shumë qytetarë përjetojnë gjatë pushimeve abuzimi i hapur me çmimet.

Vajza tregon se shkoi të blinte dy akullore të vogla, vetëm nga 50 gram secila. Por kur i erdhi radha të paguante, fatura ishte sa për një darkë në restorant: 22 mijë lekë të vjetra. Pra, 10 mijë lekë për një akullore të vogël siç shkruhet dhe në faturë. Ndërkohë që, e njëjta akullore 500 gramë në Tiranë kushton vetëm 1350 lekë.

Ky krahasim tregon më shumë se sa një dallim çmimi. Tregon një realitet ku pushuesit në bregdet nuk po paguajnë për cilësinë apo shërbimin por po ndëshkohen thjesht sepse kanë zgjedhur të pushojnë. Dhe ky nuk është më turizëm, është shfrytëzim.

Ndërsa autoritetet heshtin, çmimet në Jug po rriten pa fre dhe pa kriter.

Mesazhi i qytetares:

Pershendetje dua te ju informoj diqka ..mundem? jemi ketu ne green coast tek hoteli dhe me shokoj nje gje..per 2 akullore ne pllastik dmth, paguam 22000 lek..esht jo normale..

TVA News

23/07/2025

23/07/2025

23/07/2025

23/07/2025

23/07/2025

23/07/2025

23/07/2025

23/07/2025

23/07/2025

22/07/2025

22/07/2025

22/07/2025

Address

Website

Alerts

Contact The Business

Shortcuts

Share

Category