ZNA- News Agency

ZNA- News Agency Kronika dhe raportime me mbulim nga terreni i Shqiperise dhe Rajonit.

Granit Xhaka pranon gabimin me certifikatën Covid, jashtë Kombëtares së ZvicrësKapiteni i Zvicrës, Granit Xhaka, nuk do ...
21/09/2026

Granit Xhaka pranon gabimin me certifikatën Covid, jashtë Kombëtares së Zvicrës

Kapiteni i Zvicrës, Granit Xhaka, nuk do t'i bashkohet kombëtares për ndeshjet e ardhshme të Ligës së Kombeve, pas zhvillimeve të fundit lidhur me një certifikatë vaksinimi kundër Covid-19.

Prokuroria e kantonit të Lucernës ka hapur një procedim për të sqaruar nëse janë kryer vepra penale që lidhen me sigurimin ose falsifikimin e dokumenteve të vaksinimit. Xhaka pritet të merret në pyetje në fillim të muajit tetor.

Vetë mesfushori shqiptar i Zvicrës ka reaguar publikisht duke pranuar gabimin dhe duke shpjeguar se në atë periudhë kishte pasur dyshime dhe frikë të fortë ndaj vaksinimit.

“Sigurova një vërtetim vaksinimi në vend që t'i sqaroja shqetësimet e mia përmes rrugëve të parashikuara. Sot e kuptoj qartë se kjo nuk ishte rruga e duhur. Ishte një gabim dhe më vjen keq”, deklaroi Xhaka.

Ai shtoi se merr përgjegjësinë për vendimin dhe se do të bashkëpunojë plotësisht me autoritetet.

Federata Zvicerane e Futbollit njoftoi se vendimi që kapiteni të mos marrë pjesë në grumbullimin e ardhshëm është marrë në marrëveshje me vetë futbollistin. Situata e tij në kombëtare do të rivlerësohet pas përfundimit të ndeshjeve ndërkombëtare.

Sipas raportimeve mediatike, nëse hetimi çon në akuza dhe më pas në një dënim për falsifikim dokumentesh, Xhaka mund të përballet me pasoja të rënda ligjore. Për momentin procedura penale vazhdon.

21/09/2026

Aktorja e njohur turke Afra Saraçoğlu, e njohur gjerësisht nga publiku shqiptar për rolin e Seyran në serialin “Yalı Çapkını”, është ndaluar në Aeroportin e Stambollit pas kthimit të saj nga jashtë vendit.
Ndalimi është kryer në kuadër të një hetimi për lëndët narkotike që përfshin disa emra të njohur të ekranit dhe showbiz-it turk.
Saraçoğlu ndodhej jashtë Turqisë kur ishte lëshuar urdhri për ndalimin e saj. Aktorja kishte deklaruar më herët se udhëtimi ishte planifikuar dhe se do të kthehej në vend për të dhënë deklaratën e saj dhe për të bashkëpunuar me autoritetet.
Pas mbërritjes në Stamboll, ajo është ndaluar nga autoritetet. Hetimet vijojnë, ndërsa në këtë fazë nuk ka një vendim që provon fajësinë e aktores.

Spanjë, sekuestrohen 2 ton kokainë në një velierë në Atlantik, mes të arrestuarve edhe një shqiptarAutoritetet spanjolle...
21/09/2026

Spanjë, sekuestrohen 2 ton kokainë në një velierë në Atlantik, mes të arrestuarve edhe një shqiptar

Autoritetet spanjolle kanë sekuestruar rreth 2.000 kilogramë kokainë në një velierë të kapur në det të hapur gjatë një operacioni kundër trafikut ndërkombëtar të drogës.

Operacioni u zhvillua nga Shërbimi i Mbikëqyrjes Doganore spanjolle, ndërsa katër persona u arrestuan. Sipas raportimeve të mediave spanjolle, mes të arrestuarve ndodhet edhe një shtetas shqiptar.

Hetimi dyshohet se ka nisur në Katalonjë dhe ka çuar në lokalizimin e velierës ndërsa ajo lundronte në ujërat e Atlantikut. Deri tani autoritetet nuk kanë bërë publike detaje të tjera mbi identitetin e të arrestuarve, origjinën e ngarkesës apo destinacionin përfundimtar të kokainës.

Forcat spanjolle të sigurisë kanë evidentuar prej vitesh përdorimin e të ashtuquajturave “narko-veliera” nga organizatat kriminale: mjete lundrimi në dukje turistike ose për argëtim, të cilat përdoren për transportimin e sasive të mëdha të kokainës përmes Atlantikut drejt Evropës.

Hetimet për rastin vijojnë.

21/09/2026

Kinë, dënime kapitale për krime të rënda ndaj fëmijëve: autoritetet flasin për “tolerancë zero”

Autoritetet gjyqësore në Kinë kanë konfirmuar zbatimin e dënimit me vdekje në disa raste të rënda që përfshijnë krime ndaj fëmijëve.

Sipas njoftimeve të Gjykatës Supreme të Popullit, dënimet kapitale janë miratuar pas shqyrtimit të çështjeve nga gjykata më e lartë e vendit, ndërsa autoritetet kineze kanë deklaruar se ndaj krimeve të rënda që cenojnë të miturit zbatohet një politikë e “tolerancës zero”.

Mes rasteve të bëra publike është ai i Yu Huaying, e dënuar për rrëmbimin dhe trafikimin e 17 fëmijëve. Ekzekutimi i saj u krye pasi dënimi me vdekje ishte miratuar nga Gjykata Supreme.

Autoritetet kineze kanë bërë publike edhe raste të tjera të dënimeve kapitale për vrasje dhe abuzime të rënda ndaj fëmijëve.

Megjithatë, informacionet për dënimin me vdekje në Kinë mbeten të kufizuara. Të dhënat e plota mbi numrin e ekzekutimeve nuk publikohen nga autoritetet dhe konsiderohen sekret shtetëror, ndaj verifikimi i pavarur i përmasave të fenomenit është i vështirë.

21/09/2026

Vritet 36-vjeçari shqiptar në Itali, u qëllua gjatë natës në një kantier ndërtimi

Një 36-vjeçar shqiptar ka mbetur i vrarë gjatë natës në Baldissero d’Alba, në Itali. Mediat italiane raportojnë se viktima është Gjovalin Lazri, prej vitesh banues në Torino.

Sipas të dhënave paraprake të hetimit, Lazri dyshohet se ishte pjesë e një grupi prej të paktën pesë personash që kishin hyrë gjatë natës në një pronë ku ndodheshin materiale ndërtimi, pajisje dhe mjete pune. Autoritetet po hetojnë dyshimin se qëllimi i tyre ishte vjedhja.

Në pronë ndodhej 35-vjeçari Roberto Mollo, i cili, pasi kishte dëgjuar zhurma, dyshohet se ka marrë armën dhe ka qëlluar disa herë në drejtim të personave që ndodheshin jashtë.

Pjesëtarët e tjerë të grupit janë larguar, ndërsa Lazri është goditur nga të shtënat. Ekipet e urgjencës kanë ndërhyrë në vendngjarje, por 36-vjeçari nuk ka mundur të mbijetojë.

Gjovalin Lazri jetonte prej vitesh në periferi të Torinos së bashku me partneren dhe fëmijën e tyre. Sipas avokates së familjes, Roberta Sisimbro, të afërmit e tij janë të tronditur nga ngjarja.

Mediat italiane raportojnë se Lazri kishte precedentë të mëparshëm për vepra penale kundër pasurisë. Avokatja e familjes ka deklaruar se kohët e fundit ai po përpiqej të rikthehej në një jetë normale, punonte rregullisht dhe administronte një lokal në Corso Taranto, në Torino.

Hetimet vijojnë për të rindërtuar plotësisht dinamikën e ngjarjes dhe për të përcaktuar përgjegjësitë.

20/09/2026

Artan Myrtaj është 44-vjeçari që u ekzekutua ditën e sotme me armë zjarri në qendër të Sarandës. Ai njihej ndyshe edhe me nofkën "Tani Ruzhdiut", dhe rezulton si i përfshirë në një ngjarje kriminale të ndodhur në 17 korrik 2025 në lagjen nr.4 të Sarandës, ku u plagosën me armë zjarri Ernest Lama dhe Gëzim Hajdaraj nga Kamza.

20/09/2026

Artan Murtaj rezulton me precedentë të mëparshëm penalë dhe ishte i përfshirë edhe në një ngjarje të ndodhur në korrik të vitit të kaluar, ku u plagosën me armë zjarri Ernest Lama dhe Gëzim Hajdaraj, nga Kamza.

Sipas hetimeve, autor i plagosjes dyshohet Ramadan Zoto, ndërsa Murtaj, Klaus Jacaj dhe Erjon Canaj akuzohen se e kanë ndihmuar autorin pas ngjarjes dhe gjatë largimit.

Pas kësaj ngjarjeje, në Sarandë nisi një seri episodesh të dyshuara hakmarrjeje. Me tritol u vra babai i Klaus Jacajt, Isuf Jacaj, ndërsa më herët ishte regjistruar edhe një rast i dëmtimit të pronës së Ramadan Zotos.

Për plagosjen e Lamës dhe Hajdarajt, në burg ndodhet Ramadan Zoto. Artan Murtaj dhe Klaus Jacaj, të akuzuar për “përkrahje të autorit të krimit”, janë liruar pak kohë më parë, ndërsa Erjon Canaj vijon të jetë në kërkim.

Murtaj ishte i dënuar edhe më herët për “vjedhje” dhe, sipas të dhënave të hetimit, njihej si përdorues i lëndëve narkotike

20/09/2026

Vritet me armë zjarri në qendër të Sarandës Artan Murtaj, 44 vjeç, i njohur si “Tani Ruzhdiut”. Atentati ndodhi në qendër të qytetit, ku dy persona të maskuar, të cilët lëviznin me motor, qëlluan me armë drejt Murtajt. Nga të shtënat mbeti i plagosur edhe një kalimtar i rastit, Xhevdet Skëndaj.

Artan Murtaj rezulton me precedentë të mëparshëm penalë dhe ishte i përfshirë edhe në një ngjarje të ndodhur në korrik të vitit të kaluar, ku u plagosën me armë zjarri Ernest Lama dhe Gëzim Hajdaraj, nga Kamza.

20/09/2026

Vrasje ne qender te Sarandes. Artan Myrtaj është vrarë me armë zjarri paraditen e sotme në Sarandë.
42-vjeçari ka mbetur i vdekur në vend, teksa autorë kanë qenë dy persona me skafandër që lëviznin me motor
Lajmi ne perditesim

19/09/2026

Matzounia është një grup muzikor grek që sjell tingujt tradicionalë të Epirit dhe Ballkanit. Në repertorin e tyre gjejnë vend edhe këngë e melodi tradicionale shqiptare, duke dëshmuar afërsinë e një trashëgimie muzikore që prej shekujsh ka udhëtuar përtej kufijve.
Një muzikë që nuk ka nevojë për përkthim. ❤️

Address

Tirana

Website

Alerts

Be the first to know and let us send you an email when ZNA- News Agency posts news and promotions. Your email address will not be used for any other purpose, and you can unsubscribe at any time.

Shortcuts

Share

Category