Botimet Papirus

16/08/2026

Nëse një është pak, atëherë një pirg librash përpara jush.
Ju ftojmë të gjeni historinë që duhet të lexoni këtë të diel!

Zbuloni më shumë duke eksploruar katalogun e plotë të shtëp*së sonë botuese!
❤️

12/08/2026

Liroi duart, e çoi Leoninë te pianoja, ra përpara saj në gjunjë me njërën këmbë të nxerrë përpara, hapi kapakun dhe luajti sikur ta kishte ushtruar jo më larg se dje, kohën e dytë të Sonates Nr.8 për piano të Bethovenit, Pathétique. Pianoja ishte një instrument fringo i ri, e papërdorur, telat nuk ishin mësuar ende me tensionin dhe ishin qartas të çakorduara, por ishte Bethoveni, ndoshta ngushëlluesi më i madh nga të gjithë.
Hanesi luante me sy të mbyllur, dëgjonte frymëmarrjen e së panjohurës bri tij. Shpejt ndjeu një dorë në shpatulla dhe
majat e gishtërinjve që kërkonin klavikulën e tij.
Në atë pak kohë që sonata jehoi nëpër dhomën e
zbrazët, Hanesi dhe Leoni nuk ishin më vetëm.

Për Polinën- Takis Wunger
1200 Lekë
Porosit online ne web, Instagram dhe Facebook!

Porosit online

04/08/2026

Reforma territoriale dhe katër tipologjitë e shtypjes politike në Shqipëri

Në librin tim "Shoqëria Piramidale" (Botimet Papirus), të botuar pak vite më parë argumentoj teorikisht dhe me argumenta praktike se :

1. Bashkitë e mëdha janë institucione që bëjnë të mundur që ndërtuesit e mëdhenj të sundojnë qytetarin!

2. Futja e popullsive periferike brenda administratës së bashkisë së qytetit të madh është mënyra që popullsia e qendrës urbane të sundojë dhe shfrytëzojë popullsinë që jeton në periferi. U merr taksa dhe nuk u jep investimet e duhura!

3. Heqja e komunave dhe futja e popullsive rurale brenda administrimit të bashkisë urbane është mekanizmi kur popullsia urbane sundon dhe shfrytëzon popullsinë rurale, fshatarësinë!

4. Organizimi bashkiak bën që ndërtuesit të sundojnë qytetarët, qytetarët e qendrës të sundojnë ata që banojnë në periferi, popullsitë urbane të shtypin ato rurale, kuptohet që të gjithë të shtypurit s'kanë rrugë tjetër veçse të ikin nga sytë këmbët! Ata që mbesin në Shqipëri përzënë ata që ikin!

Këto janë katër shtresat e shfrytëzimit dhe shtypjes politike në Shqipëri!

I di komisioni i reformës territoriale këto apo jo???

04/08/2026

Revolta e të ndenjurave

Kam parë gjënë e bukur që popullsia, qytetarët, e bashkive, që do të maznikohen protestojnë! Fantastike!

Kam parë gjënë e shëmtuar te fjalimet e kryetarëve të këtyre bashkive që më kanë bërë të kem të përzjera.

E para, kam dëgjuar ndonjë që ka thënë se na ra si bombë, nuk dinim gjë, nuk e mendonim. Kjo tregon se sa është konsultuar komisioni pushtet-opozitë me këto bashki, lëre më me popullsinë e tyre. Zero.

E dyta, kam dëgjuar që në ndonjë vend thërrasin : Ku janë deputetët? Pse more tani e gjete ti të bësh konsultimin me deputetët? Ja pra marrëdhënia e deputetëve me pushtetin lokal, dhe me interesat e elektoratit! Elektorati në rrugë deputetët nuk ndihen! A tregon se ata përfaqësojnë apo marrin rrogat kot?

E treta, kur ndonjëri thotë se ne në shumicë jemi socialistë! Po pse more kaqol vetëm i socialistëve je ti, apo i të gjithë qytetarëve të Bashkisë.

E katërta dhe më e shëmtuara kur ngrenë vetëm këtë shqetësim. Nuk interesohen veçse mos prishet bashkia, pra t'u iki posti! Kurse fakti i demokracisë lokale, i përfaqësimit të vullnetit, i marrëdhënieve mes pushtetit lokal dhe atij qendror as u intereson.

Qytetarët nëse duan t'i ruajnë bashkitë, gjëja e parë të distancohen nga kryetarët që mbrojnë karriken ku kanë ulur të ndenjurat!

Nuk i kanë tradhëtuar vetëm deputetët, jooo, edhe kryetarët e bashkive që shohin se u ikën karrigia!

02/08/2026

-Epoo, mirë pra, do të të them një sekret… - i përgjigjet mami.

Përmes historive të thjeshta, dashuria dhe kujdesi nuk kanë qenë rrëfyer kaq bukur asnjëherë më parë.

Me një gjuhë të thjeshtë, të ngrohtë dhe të kuptueshme, autorja Astrid Desbordes na dërgon në botën e vogëlushëve, ku dashuria prindërore mbetet e pandryshueshme pavarësisht gabimeve, sjelljeve apo ndryshimeve që shoqërojnë procesin e rritjes së fëmijës. Librat nxjerrin në pah rëndësinë e komunikimit dhe të këshillave në formimin e personalitetit dhe vetëbesimit të fëmijës.

Përmbajtja dhe kuptimi i mesazheve vijnë në një proces të lehtësuar nëpërmjet ilustrimeve nga Pauline Martin.

“Babi më ka thënë” dhe “Të dua përgjithmonë” nga Astrid Desbordes dhe Pauline Martin në të gjitha libraritë.

Porosit online në web, në Instagram dhe Facebook!
1000 Lekë

27/07/2026

Budallepsje!

Tregonte Plutarku një histori të ardhur nga Roma e Lashtë:

Dikush po shihte sesi një ushtri po bëhej gati të luftonte një tjetër.

Dhe pyet dikë mes luftëtarëve:

"More këtu shoh që ka ushtarë këmbësorë, harkëtarë, oplitë. Po t'i çfarë je?"

I pyeturi iu përgjigj:

"Unë nuk di të bëj asgjë nga këto, por jam komandanti i tyre, unë i urdhëroj ata!"

S'dinte të ushtronte asnjë nga artet e luftimit.
-----
Më bëri të pyes veten:

More ka shkolla për t'u bërë mjek, inxhinjer, aktor estrade, guzhinjer, berber, informaticien, historian, por pyes:

a ka ndonjë shkollë për t'u bërë deputet, ministër, kryetar bashkie, drejtor, nëpunës, drejtues partie.

Mos duhet që vendimet të merren nga poshtë lart dhe jo nga maja e piramidës poshtë drejt bazës së saj !

Në një shoqëri piramidale ndodhin dy dukuri fatkeqe:

Ai që është lart mendon në vend të atyre që ka poshtë dhe iu anestizon këtyre shqisat, mendjen, shpirtin.

Dhe e dyta, ai më lart nuk i di si zgjidhen problemet e jetës poshtë sepse nuk mund të jetë i gjithëditur!

Në këtë mënyrë atrofizohet mendja e të gjithë shoqërisë!

Me një fjalë budallallepsemi!

23/07/2026

Nuk thoshte kot Tokëvili i mënçur në shekullin e 19-të se pushteti qendror është produkt i Mbretit, kurse pushteti lokal është vepër hyjnore e Zotit.

Prekja e pushtetit lokal nga klasa politike është mëkat ndaj Zotit, prandaj vijnë gjëmat!
-----
Mos e merrni si ekzagjerim: E kam shumë seriozisht!

Pse bien zjarret nëpër pyeje, kodra, e livadhe?

Sepse nuk ka komuna!

Pse boshatiset territori nga popullsia?

Sepse nuk ka komuna!

Pse mbillen rrënjë kanabisi?

Sepse nuk ka komuna.

Pse vihen gardhe që ndajnë bregdetin në furriqe?

Sepse nuk ka komuna.

Pse bëhen lëmsh dokumentet e pronave?

Sepse s'ka komuna.

Pse janë bërë për ibret rrugët dytësore?

Sepse nuk ka komuna.

Pse ai që ka pushtetin në Kuvend e ka edhe në pushtetin lokal?

Sepse nuk ka komuna.

Pse dhjetëra kryebashkiakë kanë probleme me drejtësinë?

Sepse nuk ka komuna?

Pse ka papunësi rurale?

Sepse nuk ka komuna!

Pse rendimentet në bujqësi janë si në Mesjetë?

Sepse nuk ka komuna.

Edhe gënjeni se e doni si në Evropë. Por, në Evropë, edhe një fshat me pesë banorë ka komunë.

Dhe në komision qeveria dhe opozita luajnë kungulleshkash:

Pse 80 komuna?
Po sa?
81!
Pse 81?
Po sa?
115?
Pse aq?
Sepse!
Sepse kaq!
Pse se?
Pse pse se?

Pse është nxehtë në Tiranë, pse qarkullimi është i bllokuar, pse s'ka vende parkingu, pse ajri të merr frymën nga ndotja, pse është p*s, plot plehra?

Sepse në vend të komunave, ka një mega Komitet Ekzekutiv.

18/07/2026

Të gjithë mund të dyshohemi se kemi motive për ta grabitur tjetrin!!!

Tristani pati parasysh bisedën me Astrit Toskën, policin, atë ditë në drekë te ëmbëltore “Sulltan Bakllava”.

Ai e pyeste për të gjithë ata që kishin pasur çelësin e apartamentit të tij në duar, qoftë edhe për pak kohë. A kishin motiv për ta plaçkitur atë?

Pa dashje kishte rezultuar se të gjithë mund të kishin pasur një motiv për ta plaçkitur dhe vjedhur njëri-tjetrin, për t’i çarë me sëpatë dyert e apartamenteve njëri-tjetrit, për t’i marrë gratë njëri-tjetrit, për t’i hedhur helmin në kafe njëri-tjetrit, për ta fyer, sharë, goditur njëri-tjetrin.

Të gjithë qenkemi të dyshimtë për njëri-tjetrin.

Në një gjykatë hyjnore, ne të gjithë dalim fajtorë, sepse motivet për ta shkatërruar njëri-tjetrin i kemi të gjithë! I vinte edhe për të qeshur edhe ndjehej keq.

“Ja, ky që hyn në zyrën time pa teklif, madje duke folur në telefon me dikë tjetër, ky që e mbaj si mik prej dhjetë vjetësh, bashkë me atë tjetrin që më mbanin me llafe te kafe – Kulla, natën e plaçkitjes së apartamentit tim, a janë ata të dyshimtë?

Përse jo?

Mënyra sesi më nxorën jashtë shtëpie, si i zvarritnin kot bisedat atë mbrëmje, a nuk ishte një taktikë që ta linte vjedhësin në apartamentin tim të bënte gjithçka donte?

Kush mund ta përjashtojë këtë? Astrit Toska do të më pyeste me këtë rast:

“A kanë ata motiv për ta bërë këtë, pra për të qenë bashkëpunëtorë në plaçkitjen tënde?”

Si do t’i përgjigjesha?

Kanë more, si nuk kanë! Ose për të qenë më i saktë do të thosha se nuk përjashtohet të kenë. Nuk vendos dorën në zjarr se nuk kanë.

Motivet?

Xhelozi se një kolegu i tyre mori një trashëgimi të majme financiare që e çlironte nga detyrimi për të punuar. Kishte një apartament shumë më të bukur dhe luksoz sesa të tyret. Mbase sepse janë xhelozë që kisha marrë këtë projektin studimor për rastin e murgut Martin, kanë dashur të më ulin hundën. Por, edhe ndoshta kanë dashur të marrin hak për ndonjë pakujdesi që diku mund të kem treguar ndaj tyre. Kushedi! Pastaj, a nuk ankoheshin ata për pagat e vogla?”

Ndjeu se kishte ikur larg në arsyetime që nuk ishte i zoti t’i ndiqte shpirtërisht pavarësisht se logjikisht i dukeshin të pakundërshtueshme.

18/07/2026

17/07/2026

Do të doja ta shkruaja atë që do të pasojë
pa emocione, si një ngjarje e treguar nga një
person indiferent ndaj kontekstit, pasojave,
domethënieve; një person i lidhur vetëm me
faktet, me rrjedhën e atyre fakteve.
Do të doja ta shkruaja atë që do të pasojë
duke gjetur distancën e duhur, por më çfarë
njësie matet distanca në një libër?
Me muaj, me vite? Me dije, me njohuri, me eksperiencë?