Mega Shqip

11/05/2025

Zohran Mamdan, kryebashkiaku i ri i New York-ut, është bërë viral pasi pozoi duke bërë shqiponjën përkrah fotografit shqiptar Erzen Gashi.

Gashi tregon se gjesti erdhi natyrshëm gjatë një takimi me komunitetin shqiptar:
“E ka parë që shqiptarët e bëjnë kështu dhe i thashë ‘a po e bëjmë shqiponjën për një foto?’ – e pranoi menjëherë, me buzëqeshje", u shpreh Gashi.

Mamdan, 34-vjeçar me prejardhje afrikano-indiane, është i pari kryebashkiak mysliman i New York-ut dhe fitorja e tij u cilësua si një fitore historike në SHBA.

11/04/2025

🧢 Hiqej si drejtor policie!

20-vjeçari nga Kamza, Ervis Brasha, u arrestua pasi u kap i veshur me uniformë policie, me stema e grada zyrtare, madje u jepte urdhra edhe efektivëve në Portin e Durrësit.

Në shtëpi i gjetën identitete të falsifikuara, armë sportive, uniforma e kapele policie.

Dyshohet se ka përfituar para duke u shtirur si polic dhe se mund të jetë përdorur nga grupe kriminale për veprime të paligjshme.

Rasti është nën hetim nga Prokuroria e Tiranës.

11/04/2025

Kim Kardashian ka pranuar se Inteligjenca Artificiale i ka kushtuar shtrenjtë përpjekjet për t’u bërë avokate.

Në një intervistë me Vanity Fair, 45-vjeçarja tha se përdor shpesh ChatGPT për “këshilla ligjore”, por programi ia ka prishur provimet duke dhënë përgjigje të gabuara.

“E pyes, më jep gabim, dështoj dhe pastaj më flet si terapist që të besoj tek vetja,” u shpreh ajo me humor.

Teyana Taylor, bashkë-ylli i saj në “All Fair”, e quajti marrëdhënien e saj me AI-në “miqësi toksike”, ndërsa Kim pranoi:

“Po, është një mik-armik i vërtetë. Unë bëj screenshot dhe i dërgoj në grupin tim, sepse s’mund ta besoj si më flet kjo gjë.”

11/03/2025

Neda Balluku, moderatorja e njohur, i ka dhënë fund martesës dhjetë vjeçare me Ogren Ballukun, vëllain e ministres Belinda Balluku, duke kërkuar zyrtarisht divorcin në gjykatë, raportohet në media.

Neda ka kërkuar këtë të hënë në gjykatë divorcin nga Orgen Balluku, teksa kohët e fundit marrëdhënia e tyre ka qenë në krizë, sipas VoxNews.

Ata u njohën në vitin 2010, kur të dy ishin konkurrentë të spektaklit Big Brother Albania. Një prej çifteve më të përfolur në atë kohë, Neda dhe Ogreni vendosën të martoheshin në vitin 2015. Nga kjo martesë kanë ardhur në jetë dy djemtë, Serzh dhe Zai dhe një vajzë.

Ndonëse jeta e tyre ka qenë kryesisht private, Neda nuk ka ngurruar herë pas here të rrëfejë në media momente të veçanta nga ky rrugëtim.

E mediat rozë shpesh i kanë cilësuar si një ndër çiftet e ekranit që i kanë rezistuar kohës.

11/02/2025

Përcillet për në banesën e fundit Fatos Nano

11/01/2025

Faruk Fatih Ozer, drejtori ekzekutiv i bursës së kriptomonedhave të falimentuar Thodex, është gjetur i vdekur në qelinë e tij në burgun e Tekirdagut, në perëndim të Turqisë. Lajmi u konfirmua nga transmetuesi shtetëror TRT, sipas të cilit po zhvillohet një hetim për të zbuluar shkaqet e vdekjes.

Sipas burimeve të para, autoritetet po shqyrtojnë mundësinë që Ozer të ketë kryer vetëvrasje, ndërsa pritet që autopsia të sqarojë rrethanat e plota të ngjarjes, shkruan Bloomberg.

Ozer ishte dënuar në vitin 2023 me 11,196 vjet burg, pas një prej skandaleve më të mëdha financiare në historinë e Turqisë. Ai u shpall fajtor për mashtrim të gjerë dhe organizim kriminal, pasi mijëra investitorë humbën paratë e tyre pas kolapsit të bursës së kriptomonedhave Thodex.

I lindur në vitin 1994, Ozer themeloi platformën Thodex në vitin 2017, por në prill 2021 ajo u mbyll papritur, duke shkaktuar panik te investitorët.

Pas mbylljes së bursës, ai u arratis në Shqipëri, ku u arrestua disa muaj më pas në Durrës, pas një kërkimi ndërkombëtar. Në vitin 2022, gjykata shqiptare vendosi ekstradimin e tij në Turqi, ku më pas u dënua me burgim ekstremisht të gjatë, bashkë me disa bashkëpunëtorë të tij.

10/31/2025

Ka ndërruar jetë këtë të premte, 31 tetor, ish-kryeministri i Shqipërisë, Fatos Nano.

Ish-kreu i Partisë Socialiste ndodhej në reanimacion prej 12 ditësh në një spital në kryeqytet.

73-vjeçari, i cili u shkëput nga politika në vitin 2005, ka qenë kryeministër gjatë (1991, 1997-1998 dhe 2002-2005).

10/31/2025

Kur edukimi shkon deri në detaj...

10/30/2025

Na ishte një kohë kur ndihmonim njëri-tjetrin pa interes!

10/28/2025

10/28/2025

Ditë e zezë në Shqipëri.
Katër lajme, katër jetë të humbura, një vend që po mpaket nga dhuna.
• Në Vlorë, një makinë i mori jetën një 17-vjeçari.
• Në Berat, një burrë 42 vjeç u vra me thikë në Kalanë e qytetit.
• Në Tiranë, një picajol vrau kuzhinierin e lokalit.
• Në Durrës, një djalë vrau babain e vet me thikë.

Këto s’janë thjesht lajme. Janë pasqyra e një shoqërie që po çahet nga brenda.
Jeta s’ka më vlerë, durimi ka mbaruar, dhe çdo konflikt po përfundon në tragjedi.

Nuk mjafton të themi “mos dëgjojmë më lajme të tilla”.
Duhet të pyesim veten: çfarë po ndodh me ne? Ku humbi arsyeja, njerëzillëku, frika nga Zoti, frika nga ligji?

Sepse nëse vazhdojmë kështu, nesër titulli mund të jetë për dikë që njohim.

10/26/2025

🥹😍