23/04/2026
📚 DITA BOTËRORE E LIBRIT 📚
Sot është një ditë për të festuar fuqinë e fjalës së shkruar, botën e pafund të imagjinatës dhe udhëtimet që vetëm librat dinë të na dhurojnë.
Një libër është një derë e hapur drejt dritës, dijes dhe ëndrrave pa kufi. Le të ndalemi sot për t’i dhënë kohë leximit, për të prekur faqet që na mësojnë të shohim botën ndryshe.
Lexo. Mendo. Ëndërro. 🌿✨
Vallëzimi i librave!
Librat e kapakët e tyre me ngjyra,
Aty tek rafti mbledhur një ditë,
Çuditshëm, me nonën time me syza,
Fjaloseshin e tregonin historitë.
Kapak kuqi i thoshte nonës sime,
E mban mend kur më pate lexuar dikur,
Unë të tregoja udhën dhe shtigjet,
Ti doje të dije historinë për çdo gurë...
Ajo u fshinte pluhurat duke i ledhatuar,
Si nëpër festa, ato hapnin kapakët me ngjyra,
Gjithçka që kujtonte brenda tyre e shkruar,
Vallëzonin në memorjen e saj të çmuara!
Nuk mund ti ndante e as ti ndalte,
Fjalë, legjenda, histori të trishta e të ëmbla,
Sa herë kishte kërkuar nëpër ato rafte,
Ato vallëzonin ndër ëndrra të çmendura.
Çuditesha e vogël sa shumë nona ime i donte,
Kërkonte që t'mi linte kujtim një ditë,
Tani jam më e rritur, nuk jam më foshnje,
Vallëzimin e tyre edhe unë e ndjej në shpirt.
Gj. Sh
23 Prill 2026
