Syunik News

Syunik News Սյունիքից՝ վստահելի, անկախ և ստուգված լրատվություն

Հետևի՛ր՝ տեղեկացված լինելու համար
Telegram: t.me/syunik_news

14/06/2026

Սյունիքում փրկարարներն աշխատում են ուժեղացված ռեժիմով․ արձագանքել են բոլոր ահազանգերին

Սյունիքի մարզում շարունակվող առատ տեղումների հետևանքով առաջացած խնդիրների պայմաններում Սյունիքի մարզային փրկարարական վարչության տարածքային ստորաբաժանումներն աշխատում են արտակարգ ռեժիմով։

Ինչպես տեղեկացնում են պատասխանատուները, փրկարարները արձագանքել են օգնության կարիք ունեցող քաղաքացիների բոլոր ահազանգերին։ Կատարված աշխատանքների արդյունքում արգելափակումից դուրս է բերվել 5 մարդատար ավտոմեքենա, ինչպես նաև օգնություն է ցուցաբերվել ջրալցված տարածքներ ունեցող 4 սեփականատերերի։

Մեր Սյունիք Նյուզի թղթակիցը Կապանում տեղում տեսանկարահանել է իրավիճակը՝ արձանագրելով փրկարարների և քաղաքացիների իրականացվող աշխատանքները։

«Սյունիք Նյուզ»-ի տեղեկություններով՝ փրկարարների ուժեղացված ծառայությունը շարունակվելու է ողջ գիշերվա ընթացքում՝ հնարավոր նոր դեպքերին արագ արձագանքելու նպատակով։

⚠️ Հարգելի քաղաքացիներ, եթե առատ տեղումների հետևանքով հայտնվել եք արտակարգ իրավիճակում կամ օգնության կարիք ունեք, անմիջապես զանգահարեք 112 փրկարարական ծառայության հեռախոսահամարով։

Syunik News 📍 Սյունիքի մարզից օպերատիվ և վստահելի լրատվություն։

ԿԸՀ-ն հրապարակել է ընտրությունների վերջնական արդյունքներըԿենտրոնական ընտրական հանձնաժողովը հրապարակել է ընտրությունների ...
14/06/2026

ԿԸՀ-ն հրապարակել է ընտրությունների վերջնական արդյունքները

Կենտրոնական ընտրական հանձնաժողովը հրապարակել է ընտրությունների վերջնական արդյունքները։

Արդյունքների համաձայն՝ «Քաղաքացիական պայմանագիր» կուսակցությունը ստացել է 49,745 տոկոս ձայն, «Ուժեղ Հայաստան» կուսակցությունը՝ 23,271 տոկոս, «Հայաստան» դաշինքը՝ 9,923 տոկոս, իսկ «Բարգավաճ Հայաստան» կուսակցությունը՝ 3,989 տոկոս։

Այսպիսով, «Բարգավաճ Հայաստան» կուսակցությունը չի հաղթահարում օրենքով սահմանված 4 տոկոսի ընտրական շեմը և չի անցնում Ազգային ժողով։

Հրապարակված տվյալները համարվում են ընտրությունների վերջնական արդյունքները։

Թունավոր հոսքերը կրկին ներխուժել են Կապան․ դեղնանարնջագույն ջրերը հասել են քաղաքի կենտրոնԱյսօր՝ հունիսի 14-ին, Կապանում ...
14/06/2026

Թունավոր հոսքերը կրկին ներխուժել են Կապան․ դեղնանարնջագույն ջրերը հասել են քաղաքի կենտրոն

Այսօր՝ հունիսի 14-ին, Կապանում տեղացած հորդառատ անձրևից հետո Կավարտի հանքավայրի տարածքից եկող դեղնանարնջագույն ջրերը կրկին ողողել են քաղաքի փողոցները։
Ականատեսների փոխանցմամբ՝ հոսքաջրերը հասել են մինչև քաղաքի կենտրոնական հատվածներ՝ անցնելով դեպի Դավիթ Բեկի արձանի հարակից տարածք։ Քաղաքի որոշ հատվածներում, այդ թվում՝ կամրջի վրա, ջրերը կուտակվել են՝ առաջացնելով մեծ ջրափոսեր:

Տարիներ շարունակ յուրաքանչյուր հորդառատ անձրևից հետո նույն պատկերն է կրկնվում․ Կավարտի հանքավայրի տարածքից եկող դեղնավուն ջրերը տարբեր ճանապարհներով հասնում են քաղաքային միջավայր։ Բնապահպանական մտահոգությունն այն է, որ հանքային ապարների և պոչանքների միջով անցնող ջրերը կարող են պարունակել ծանր մետաղներ և այլ վտանգավոր նյութեր։

Մասնագետների կարծիքով՝ նման հոսքաջրերը ժամանակի ընթացքում խառնվում են մակերևութային և գրունտային ջրերին՝ դառնալով «դանդաղ գործողության ռումբ» շրջակա միջավայրի և մարդկանց առողջության համար։ Հատկապես մտահոգիչ է, որ խնդիրը կրկնվում է տարիներ շարունակ, սակայն դրա վերջնական լուծումը դեռևս տեսանելի չէ։

Բնակիչներն ակնկալում են, որ պատասխանատու կառույցները կկատարեն անհրաժեշտ ուսումնասիրություններ և կներկայացնեն հստակ պարզաբանումներ՝ ինչ բաղադրություն ունեն քաղաք հասնող այս ջրերը և ինչ ռիսկեր կարող են առաջացնել դրանք։

«Սյունիք Նյուզ»-ը պատրաստ է ներկայացնել նաև պատասխանատու կառույցների և հանքարդյունաբերական ընկերությունների մեկնաբանությունները թեմայի վերաբերյալ։

10/06/2026

Դուբայից ժամանած զբոսաշրջիկը Գորիսում ընտրել է «Հայի տուն» հյուրատունը․ ի՞նչն է նրան գրավել

ԳՇ պետը հաստատեց․ ադրբեջանցի զինվորականները Սյունիքում անտառներ են հատում և դիրքեր ունեն արգելոցումԱդրբեջանցի զինվորական...
09/06/2026

ԳՇ պետը հաստատեց․ ադրբեջանցի զինվորականները Սյունիքում անտառներ են հատում և դիրքեր ունեն արգելոցում

Ադրբեջանցի զինվորականները Սյունիքում դիրքեր ունեն և անտառներ են հատում:
ՀՀ ԶՈւ գլխավոր շտաբի պետ Էդվարդ Ասրյանը հաստատել է, որ ադրբեջանցի զինծառայողները տեղակայված են Սյունիքի Ներքին Հանդի հատվածում և «Զանգեզուր» կենսոլորտային համալիրի տարածքում։

Նրա խոսքով՝ ադրբեջանական կողմը դիրքերի և ենթակառուցվածքների կահավորման ընթացքում անտառահատումներ է իրականացնում պահպանվող արգելոցի տարածքում, իսկ հայկական կողմը փաստերը արձանագրում և փոխանցում է համապատասխան քաղաքական կառույցներին։

Ասրյանը նաև հայտարարել է, որ եթե քննարկվող տարածքները մտնում են Հայաստանի 29 743 ինքնիշխան տարածքի մեջ, ապա «ոչ մի միլիմետր հող չի հանձնվելու»։

08/06/2026

Ընտրությունների արդյունքներն ամփոփված են։

Ընտրությունների արդյունքում ՔՊ-ն ստանում է ձայների 49.81 տոկոսը։

Ուժեղ Հայաստանը 23.29 տոկոսով դառնում է գլխավոր ընդդիմադիրը։

Հայաստան դաշինքը 9.94 տոկոսով երկրորդ ընդդիմադիրն է։

Բարգավաճ Հայաստանը 4 տոկոսով չորրոդ ուժն է։

Սա նշանակում է, որ Քաղաքացիական պայմանագիրը միանձնյա՝ առանց կոալիցիա կազմելու, կառավարելու է Հայաստանը, բայց սահմանադրական մեծամասնություն չի ունենալու։

08/06/2026

Այս պահի դրությամբ ԿԸՀ-ն ամփոփել է 1924 տեղամասի արդյունքները

«Քաղաքացիական պայմանագիր» – 50,04%,
«Ուժեղ Հայաստան» դաշինք – 23,33%,
«Հայաստան» դաշինք – 9,85%,
«Բարգավաճ Հայաստան» կուսակցություն – 3.98%

Կուսակցություններին անցողիկ շեմը հաղթահարելու համար պետք է հավաքել ձայների 4%, դաշինքներին` 8%

07/06/2026

Կենտրոնական ընտրական հանձնաժողովը հրապարակել է Ազգային ժողովի ընտրությունների նախնական արդյունքները 110 տեղամասերից։

Առաջին հնգյակում են.

1.«Քաղաքացիական պայմանագիր» կուսակցություն — 57.14% (11,073 ձայն)

2. «Ուժեղ Հայաստան» դաշինք — 21.43% (4,152 ձայն)

3. «Հայաստան» դաշինք — 8.21% (1,590 ձայն)

4.«Բարգավաճ Հայաստան» կուսակցություն — 5.10% (988 ձայն)

5.«Միասնության թևեր» կուսակցություն — 2.52% (488 ձայն)

Տվյալները նախնական են և ներկայացնում են 110 տեղամասերի քվեարկության արդյունքները։

Մասնակցության աճ․ Գորիսում և Սիսիանում ընտրողների ակտիվությունը հասել է 53,81%-իժամը 17:00-ի դրությամբ ՀՀ-ում քվեարկել է...
07/06/2026

Մասնակցության աճ․ Գորիսում և Սիսիանում ընտրողների ակտիվությունը հասել է 53,81%-ի

ժամը 17:00-ի դրությամբ ՀՀ-ում քվեարկել է ընտրողների 48,9%-ը, մինչդեռ 2021 թվականի նույն ժամի դրությամբ մասնակցությունը կազմել է 38,2%։

Գորիս և Սիսիան համայնքներում ընտրողների մասնակցությունը հասել է 53,81%-ի։

Գորիսում ժամը 18:00-ի դրությամբ տեղամասերում ակտիվությունը շարունակվում է։

Syunik News

Տաթևում տեղի է ունեցել ողբերգական ավտովթար․ կա 3 զոհԱյսօր՝ հունիսի 7-ին, ժամը 16:15-ի սահմաններում, Տաթև համայնքում ողբե...
07/06/2026

Տաթևում տեղի է ունեցել ողբերգական ավտովթար․ կա 3 զոհ

Այսօր՝ հունիսի 7-ին, ժամը 16:15-ի սահմաններում, Տաթև համայնքում ողբերգական ճանապարհատրանսպորտային պատահար է տեղի ունեցել։
Նախնական տեղեկություններով՝ ավտոմեքենան դուրս է եկել երթևեկելի հատվածից և գլորվել ձորը։ Վթարի հետևանքով զոհվել են մեկ ընտանիքի երեք անդամներ, ևս մեկ քաղաքացի ծանր վնասվածքներով տեղափոխվել է Գորիսի բժշկական կենտրոն։

Ըստ առկա տեղեկությունների՝ զոհվածները Կապան համայնքի ղեկավարի տեղակալի եղբոր ընտանիքն է։

Դեպքի վայրում աշխատում են փրկարարներն ու իրավապահները։ Պատահարի հանգամանքները պարզվում են։

Address

Սյունիք
Goris

Website

Alerts

Be the first to know and let us send you an email when Syunik News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category