Goris Today

31/07/2025

31/07/2025

🟧❗️Հաղորդագրություններ կեղծ էջերից. «Հայփոստը» զգուշացնում է

🔸Կեղծ էջերից հաղորդագրություններ են ուղարկում հաճախորդների անձնական տվյալները կորզելու նպատակով: Այս մասին հայտնում է «Հայփոստը»՝ նշելով, որ ընկերությունն այս հաղորդագրությունների հետ որևէ առնչություն չունի:

🔸Ընկերությունից հիշեցնում են, որ «Հայփոստի» հաճախորդներն առաքանու մասին հաղորդագրություն են ստանում պաշտոնական հեռախոսահամարից, երբ իրենց առաքանին փոստային բաժանմունքում է:

▫️Հաղորդագրության մեջ կցվում է նաև պաշտոնական հղում, որի միջոցով կարող են առաքում պատվիրել: «Հայփոստի» ծառայությունների ու առաջարկների վերաբերյալ տեղեկություններ ստանալու համար հորդորում ենք օգտվել բացառապես պաշտոնական աղբյուրներից»,- ասված է հայտարարության մեջ:

31/07/2025

🟧Մեղրիում գտնվող պետական գույքը կօտարվի դասական աճուրդով

🔸Կառավարությունն ընդունել է «Պետական գույքն օտարելու մասին» որոշում, որով առաջարկվում է Պետական գույքի կառավարման կոմիտեին ամրացված, պետական սեփականություն հանդիսացող՝ Սյունիքի մարզի Մեղրի քաղաքի Մ. Օհանջանյան փողոց 4/1 հասցեում գտնվող՝ շուկայական արժեքին մոտարկված 68 927 673 ՀՀ դրամ կադաստրային արժեքով գույքն օտարել դասական աճուրդով:

🔸Որոշմամբ գնորդը պարտավորվում է վճարել նաև գույքի արժեքի որոշման ծառայությունների վճարը՝ 526 464 ՀՀ դրամը:

31/07/2025

🟧Գորիսի պետական համալսարանում շարունակվում են վերանորոգման աշխատանքները

🔸Գորիսի պետական համալսարանում այս տարի ևս իրականացվում են մասնակի վերանորոգման աշխատանքներ, որոնք ուղղված են ուսումնական միջավայրի բարելավմանը։ Վերանորոգվում են ԳՊՀ թիվ 1 և թիվ 2 մասնաշենքերը՝ բուհի ֆինանսական միջոցների հաշվին։

🔸Փոխվում են մասնաշենքերի պատուհանները, իրականացվում են ներքին շինարարական բարելավումներ, որոնք կբարձրացնեն շենքերի էներգախնայողությունը և կստեղծեն ավելի հարմարավետ պայմաններ ուսանողների և դասախոսների համար։

🔸Շինարարական աշխատանքներն իրականացնում է մրցույթով հաղթած «Արտլայն քոնսթրաքշն» ՍՊԸ-ն, իսկ նախագծանախահաշվային փաստաթղթերը կազմվել են «ԱՏԼՍ» ՍՊԸ-ի կողմից։

©️ Գորիսի պետական համալսարան

31/07/2025

🟧👏Ջենիֆեր Լոպեսը Հայաստանում համերգով հանդես է գալիս Սնուփ Դոգի փոխարեն

🔸Ջենիֆեր Լոպեսը Հայաստանում համերգով հանդես է գալիս Սնուփ Դոգի փոխարեն:

🔸Կառավարությունն այսօրվա նիստում չզեկուցվող հարցերի շարքում հաստատել է «Համաշխարհային աստղի հայաստանյան հյուրախաղեր» երաժշտական նախագծում «Snoop Dogg» բառերը «Ջենիֆեր Լոպես» բառերով փոխարինելու որոշումը։

🔸Հիշեցնենք, որ կառավարությունը 2,318 մլրդ դրամ էր հատկացրել ռեփեր Սնուփ Դոգի համերգը Երևանում կազմակերպելու համար: Համերգը պետք է տեղի ունենար 2023-ի սեպտեմբերի 23-ին «Հրազդան» մարզադաշտում, համերգն այնուհետև տեղափոխվեց 2024 թվականին, որը հետագայում չեղարկվեց։

🔸Հիշեցնենք նաև, որ ամիսներ առաջ ԿԳՄՍ նախարար Ժաննա Անդրեասյանը, անդրադառնալով Երևանում Ջենիֆեր Լոպեսի կայանալիք համերգին, ասել էր. «Այս պահին ես որեւէ բան չունեմ ձեզ այս թեմայով ասելու, որովհետեւ եղել են հայտարարություններ, մնացածը ցույց կտա ընթացքը»:

🔸Հարցին, թե պետությունը մասնակցություն ունի՞ այս համերգի կազմակերպչական գործընթացին, նա պատասխանել էր․ «Պետությունն ի սկզբանե կազմակերպման գործընթացին մասնակցություն չունի, մեր քաղաքականությունն է խրախուսել միջազգային աստղերի հյուրախաղերը Հայաստանում, որոնք օգնում են, որպեսզի Հայաստանն այդ առումով դառնա գրավիչ հարթակ եւ զբոսաշրջային ուղղություն։ Բայց ինչ վերաբերում է ձեր նշած կոնկրետ դեպքին, ապա ես այս թեմայով որեւէ մեկնաբանություն չունեմ»։

🔸Մրցակցության պաշտպանության հանձնաժողովը 2024 թվականի փետրվարի 4-ի թիվ 55-Ա որոշմամբ կարճել է Կրթության, գիտության, մշակույթի և սպորտի նախարարության նկատմամբ Սնուպ Դոգի համերգի կազմակերպման նպատակով «Դոպինգ Սփեյս» ընկերությանը պետական օժանդակության տրամադրման առնչությամբ հարուցված վարույթը։

🔸 «Դոպինգ Սփեյս» ընկերությունից հայտնել էին, որ համերգի չեղարկումից առաջ կատարվել էին որոշ չվերականգնվող ծախսեր, ներառյալ՝ արտիստին վճարված հոնորարը, սակայն Սնուփ Դոգը համերգի համար ստացած հոնորարը հետ է վերադարձրել։

31/07/2025

🟥❗️Սյունիքում հաշմանդամ մորը չխնամելու նպատակով որդին կնոջ հետ խեղդել է նրան և օրեր անց թաղել դաշտում

🔻Հուլիսի 21-ին ՀՀ Ներքին գործերի նախարարության ոստիկանության քրեական ոստիկանության գլխավոր վարչության և նույն գլխավոր վարչության Սյունիքի մարզային քրեական վարչության ծառայողները զարհուրելի և դաժան հանցագործություն են բացահայտել, հաղորդում է Shamshyan.com–ը։

🔻Սյունիքի մարզային քրեական վարչությունում օպերատիվ տվյալներ են ստացվել, որ 2014 թվականի նոյեմբերին Հայաստանի մարզերից մեկում բնակվող 59-ամյա տղամարդը իր 35-ամյա կնոջ հետ կատարել են այդ զարհուրելի արարքը։

🔻Տղամարդը իր մորը՝ Արցախի Հանրապետության 76-ամյա բնակչին, ով առողջական խնդիրներ ու հաշմանդամության կարգ է ունեցել, խնամելու պարտականությունից ազատվելու նպատակով կնոջ հետ բարձով խեղդել են, ապա 4 օր անց թաղել են գյուղին հարակից դաշտում։

🔻Դեպքի փաստով փաստաթղթեր են ձևակերպվել, որոնք փոխանցվել են ՀՀ քննչական կոմիտեի Սյունիքի մարզային քննչական վարչություն, որտեղ էլ «սպանություն» հատկանիշներով նախաձեռնվել է քրեական վարույթ։

🔻Կայքի տեղեկություններով՝ տղամարդը քրեական ոստիկանների կողմից հայտնաբերվել, ներկայացվել է քննչական վարչություն, որտեղից էլ քննիչը միջնորդություն է ներկայացրել դատարան և դատարանը բավարարել է քննիչի միջնորդությունը ու կասկածյալի նկատմամբ երկամսյա կալանքի որոշում կայացրել։

31/07/2025

🟧 Անցակետ, թունել, սահմանամերձ գյուղեր․ նախագահ Խաչատուրյանի այցը Սյունիք

🔸Սյունիքի մարզ այցի շրջանակում Հանրապետության նախագահ Վահագն Խաչատուրյանն այցելել է Ճակատեն և Ներքին Հանդ համայնքներ։ Անմիջական մթնոլորտում նախագահը զրուցել է բնակիչների հետ, հետաքրքրվել գյուղերի վիճակով, ծանոթացել առկա խնդիրներին և պատասխանել բարձրացված հարցերին։

🔸Նախագահը հետաքրքրվել է նաև վերջին շրջանում սահմանամերձ համայնքներում կառավարության կողմից իրականացվող ընթացիկ և նախատեսվող ծրագրերի կատարման ընթացքի մասին։Վահագն Խաչատուրյանն այցելել է նաեւ զորամաս, ծանոթացել զինծառայողների կեցության և զորամասի ընդհանուր պայմաններին։

🔸Այցի շրջանակում Հանրապետության նախագահը պարգևատրել է ծառայության ընթացքում բարձր պատրաստականություն ցուցաբերած մի շարք զինծառայողների։ Վահագն Խաչատուրյանը նաեւ այցելել է հայ-իրանական սահմանին գտնվող Մեղրիի անցակետ, տեղում ծանոթացել է մաքսակետի գործունեությանը, ինչպես նաև Հյուսիս-Հարավ ճանապարհային ծրագրի շրջանակում կառուցվող թունելում իրականացվող շինարարական աշխատանքների ընթացքին։

🔸Հիշեցնենք, որ Վահագն Խաչատուրյանը Սյունիքի մարզ մեկնել էր եռօրյա այցով։ Պատասխանատուների հետ կայացած խորհրդակցության ժամանակ էլ նշել էր, որ Սյունիքի դարպասների բացումը կարող է զարգացման մեծ հնարավորություններ ստեղծել մարզի համար։

31/07/2025

📢 ՀԱՅՏԱՐԱՐՈՒԹՅՈՒՆ📢 #ԳՈՐԾԿԱ

📍 Գորիս քաղաքի կենտրոնում գործող խանութում անհրաժեշտ էվաճառողուհի։

📲 Հարցերի դեպքում զանգահարել 077 241902 հեռախոսահամարին:
➖➖➖➖➖➖➖➖➖➖➖➖➖➖➖
⚠️❗️ ® ՈւՇԱԴՐՈւԹՅՈւՆ
✅ Սույն նյութը համարվում է գովազդ:
✅ Մեկնաբանություններում ➕ նշան չդնել։
✅ Բացի նշված ինֆորմացիայից խմբագրությունն այլ տեղեկատվության չի տիրապետում:
✅ Մեկնաբանություններում և անձնական նամակով հարցեր չգրել:
✅ Հարցերի համար նշված է հեռախոսահամար: