Goris Today

07/09/2026

📢 ՀԱՅՏԱՐԱՐՈՒԹՅՈՒՆ📢 #ՎԱՐՁՈՎ

🔸Գորիսի Անկախության փողոցում վարձով է տրվում 180 քառակուսի մետր մակերեսով տարածք:

✅Տարածքը հիմնանորոգված է, առկա է 🚽սանհանգույց և 🧑‍🍳խոհանոց:

📲 Տեղեկությունների համար զանգահարել 094 584017‬ հեռախոսահամարին:

🏤 Հասցե՝ Գորիս, Անկախության 94

07/09/2026

📢 «MARYSHOK»-Ը ՀՐԱՎԻՐՈՒՄ Է ԱՇԽԱՏԱՆՔԻ

🥟 «MaryShok» կիսաֆաբրիկատների արտադրամասը ընդլայնում է իր աշխատանքային թիմը և աշխատանքի է հրավիրում պատասխանատու, աշխատասեր, բարեխիղճ և պարտաճանաչ աշխատակցուհու։

👩‍🍳 Աշխատանքը նախատեսված է կիսաֆաբրիկատների արտադրամասում, որտեղ կարևոր են աշխատասիրությունը, կարգապահությունը, մաքրության պահպանումը և թիմում արդյունավետ աշխատելու կարողությունը։

📲Աշխատանքի վերաբերյալ մանրամասների համար հետաքրքրված անձինք կարող են զանգահարել՝

📞 (099) 996121
📞 (077) 336121

07/09/2026

🟧 Հյուսիս-հարավ․ Քաջարան–Ագարակ 32 կմ ճանապարհի շինարարական աշխատանքները՝ լուսանկարներով

🔸Հյուսիս-հարավի Քաջարան-Ագարակ 32կմ երկարությամբ ճանապարհի շինարարության ընթացքը՝ լուսանկարներով։

🔸Քաջարան-Ագարակ ճանապարհահատվածի (Ագարակ-Վարդանիձոր-Քաջարանի նախատեսվող թունելի մուտք) կառուցումը ֆինանսավորվում է Հայաստանի Հանրապետության և Կայունացման և զարգացման եվրասիական հիմնադրամի միջոցներով:

🔸Ծրագրի պատվիրատուն «Ճանապարհային դեպարտամենտ» հիմնադրամն է։

07/09/2026

🏨 ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

✨ «THE HOUSE HOTEL» հյուրանոցը համալրում է իր թիմը և աշխատանքի է հրավիրում ադմինիստրատորների՝ ցերեկային և գիշերային հերթափոխով։

👩‍💼 Պաշտոն՝ Ադմինիստրատոր
🕐 Աշխատանքային գրաֆիկ՝ ցերեկային և գիշերային հերթափոխեր

📌 Թեկնածուներից ակնկալվում է պատասխանատվություն, բարեհամբույր վերաբերմունք հյուրերի նկատմամբ, հաղորդակցվելու կարողություն և աշխատանքային պարտականությունները բարեխղճորեն կատարելու պատրաստակամություն։

📍 Հասցե՝ Գորիս, Արցախյան խճուղի 30

📞 Մանրամասների և դիմելու համար՝
098 11 11 35

🤝 «THE HOUSE HOTEL»-ը սպասում է իր նոր թիմակիցներին։

06/09/2026

🟥❗️Ադրբեջանցիների թափանցման փորձ կամ նմանատիպ միջադեպ չի արձանագրվել. համայնքապետարանը հերքում է տարածվող լուրերը

🔻Տեղի համայնքապետարանը տեղեկացնում է, որ «Առավոտ» թերթի կողմից տարածված հրապարակումը չի համապատասխանում իրականությանը։ Այդ մասին ասված է համայնքապետարանի Ֆեյսբուքի էջում։

💬«Սուրեն Ամարյանի փաստմամբ՝ առավոտյան իրեն մոտեցած անձինք ներկայացել են որպես Կարմիր խաչի միջազգային կոմիտեի աշխատակիցներ, մինչդեռ հետագայում պարզվել է, որ նրանք «Առավոտ» թերթի աշխատակիցներ են։

▫️Պարոն Ամարյանը նաև հստակ նշել է, որ հրապարակման մեջ ներկայացվող դեպքը տեղի է ունեցել չորս տարի առաջ, և ներկայումս որևէ թափանցման փորձ կամ նմանատիպ միջադեպ չի արձանագրվել։

▫️Հայաստանի Հանրապետության ինքնիշխան սահմանների պաշտպանությունն իրականացվում է շուրջօրյա՝ Հայաստանի Հանրապետության զինված ուժերի և սահմանապահ զորքերի կողմից։

▫️Կոչ ենք անում զերծ մնալ ապատեղեկատվության տարածումից և հետևել բացառապես պաշտոնական տեղեկատվական աղբյուրներին»,- նշված է գրառման մեջ։

🔻Նշենք՝ «Առավոտը» հայտնել էր, թե Տեղ խոշորացված համայնքի ղեկավարի տեղակալ Սուրեն Ամարյանը նշել էր. «Հակարիի կամրջի մոտ ադրբեջանցիներն ուզում են առաջանալ, հայ սահմանապահները չեն թողնում․ կրակոցներ չկան, միայն լեզվակռիվ է»։

06/09/2026

06/09/2026

🟧 Սյունիքը՝ «Արվեստների և արհեստների» համահայկական փառատոնի 15-ամյակին

🔸Սյունիքի մարզը ակտիվ մասնակցություն է ունեցել սեպտեմբերի 5-ին Դիլիջանում կայացած «Արվեստների և արհեստների» համահայկական փառատոնի 15-ամյակին՝ ներկայացնելով մարզի հարուստ մշակութային ժառանգությունը, ավանդույթներն ու ազգային խոհանոցը։

🔸Փառատոնում առանձնահատուկ հետաքրքրություն էին վայելում Սիսիան և Տեղ համայնքների տաղավարները, որոնք մշտապես մարդաշատ էին։ Այցելուները ծանոթանում էին Սյունիքի ավանդույթներին ու տեղական արտադրանքին, համտեսում մարզին բնորոշ կերակրատեսակները և տեղում պատրաստվող ու թխվող ժենգյալով հացը։

🔸Սյունիքը ներկայացավ նաև իր գինեգործական մշակույթով․ փառատոնի սեղաններին իր արժանի տեղն ուներ Գորիսի երիտասարդ գինեգործ Համբարձումի «Դամար» գինին։ Փառատոնի տոնական մթնոլորտն էլ ավելի գունեղ դարձրեցին Սիսիանի Համո Սահյանի անվան ժողովրդական գործիքների համույթի կատարումները։

🔸Սյունիքի մարզի մասնակցության պատասխանատուն ՀՀ Սյունիքի մարզպետի աշխատակազմի կրթության, մշակույթի և սպորտի վարչության պետ Մերի Գանդալյանն էր։ Միջոցառմանը ներկա էր նաև ՀՀ Սյունիքի մարզպետի աշխատակազմի գլխավոր մասնագետ Թամարա Կարապետյանը:

05/09/2026

🟧Արմեն Խաչատրյանը շնորհավորել է հայ փրկարարներին մասնագիտական տոնի առթիվ

🔸ՀՀ ԱԺ պատգամավոր Արմեն Խաչատրյանը մասնագիտական տոնի առթիվ շնորհավորական ուղերձ է հղել հայ փրկարարներին՝ ընդգծելով նրանց կարևորագույն առաքելությունն ու անձնվեր ծառայությունը։

💬«Մեր երկրի փրկարար ծառայությունը ձևավորվել և զարգացել է՝ անցնելով արտակարգ իրավիճակների մարտահրավերների բովով։

▫️Փրկարարների շնորհիվ վերացվում են աղետների հետևանքները, փրկվում մարդկային կյանքեր, և, որ հատկապես կարևոր է, կանխարգելվում արտակարգ իրավիճակներ և ռիսկեր։ Նրանք իրենց մասնագիտական պարտքը կատարում են՝ վտանգելով սեփական կյանքը և առողջությունը։

▫️Երբեք հնարավոր չէ հաշվել, թե փրկարարների շնորհիվ ինչքան կյանքեր են փրկվել, ինչքան աղետներ են կանխարգելվել։

▫️Մասնագիտական տոնի առթիվ հայ փրկարարներին մաղթում եմ անփորձանք ծառայություն, նորանոր ձեռքբերումներ և բարեկեցություն։

▫️Առանձնահատուկ շնորհակալության և գնահատանքի է արժանի Սյունիքի մարզի փրկարարների ծառայությունը։ Վերջին տարիներին մարզում եղել են տարաբնույթ մեծ ցնցումներ, բայց մեր փրկարարները լուռ, բարձր նվիրումով և անտրտունջ կատարել են իրենց գործառութային պարտականությունները։

▫️Տոնդ շնորհավոր, սիրելի՛ փրկարար»։

🔸Արմեն Խաչատրյանը հատուկ ընդգծել է Սյունիքի մարզի փրկարարների ծառայության դերը՝ արժևորելով նրանց նվիրումն ու պատասխանատվությունը՝ հատկապես մարզում տարբեր արտակարգ իրավիճակների և ծանր մարտահրավերների պայմաններում։