02/11/2025
Ժամանակին «Բլեյդ» ֆիլմի դերասանական կազմում էր Դելրոյ Լինդոն, ով, ըստ ինսայդեր Daniel RPK-ի՝ Դենիել Ռիխտմանի, հանդես էր գալու Բլեյդի հակառակորդներից մեկի՝ Դյակոն Ֆրոսթի դերում։ Զանազան փոփոխություններից հետո Լինդոն և մի քանի այլ դերակատարներ լքում են ֆիլմի դերասանական կազմը, և ներկա պահին կինոկոմիքսի գլխավոր դերակատարներն են միայն Մահերշալա Ալին և Միա Գոթը:
Լինդոն ապրիլին Entertainment Weekly-ին տված հարցազրույցում նշել է, որ երբ ստուդիայի ներկայացուցիչներն իրեն դիմեցին ֆիլմին միանալու առաջարկով, ինքը համաձայնեց մարմնավորել առաջարկված կերպարին, իսկ այն ժամանակվա սցենարիստի, ռեժիսորի և պրոդյուսերների հետ քննարկումներից հետո Լինդոն հնարավորություն ստացավ նաև մասնակցել կերպարի կերտման գործընթացին, ինչի համար շատ ուրախ էր, քանի որ միայն կերպարի գաղափարն արդեն իսկ գրավիչ էր։ Չբացահայտելով կերպարի ինքնությունը՝ դերասանը նշել է, որ կերպարի մեջ կար Մարկուս Գարվիին բնորոշ հատկանիշ, և առհասարակ կերպարն ուներ հստակ փիլիսոփայություն, բարք և շարժառիթներ, ու ով որ ստեղծել էր սևամորթների սեփական համայնքը և ղեկավարում էր այն։
|
