Alpha News, 26/1 Vazgen Sargsyan, Yerevan (2025)

31/07/2025

🔹 Թրամփի բանակցությունների ոճը՝ անորոշության ռեժիմ. Մալեկ Դուդակով
🔹 Ինչ-որ չափով ձևավորվել է մի ուղերձ Ադրբեջանին, որ ինչպես նախկինում էր, այլևս չի լինի. Բլոխին
🔹 Հայաստանը չունի՞ փողի խնդիր. Ինչի՞ մասին են վկայում բյուջեի ցուցանիշները. Լիլիա Ամիրխանյան
🔹 Երբ եկեղեցու վրա թշնամին է հարձակվում՝ հասկանալի է, երբ սեփական իշխանությունը՝ անըմբռնելի. Մասիս Աբրահամյան
🔹 Անգլիական շահերը ստիպում են Իռլանդիային Հայոց ցեղասպանության հարցին զգույշ մոտենալ. Օհան Երկայնհարսյան
🔹 1.3 մլն $ կամ EUR. հայկական վարժարանների ամբողջ ծախսը հոգում է Կիպրոսի կառավարությունը. Վարդգես Մահտեսյան
🔹 ԱՄՆ տարիֆային քաղաքականությունը: Ինչպե՞ս է Թրամփը օգտագործում տարիֆները քաղաքական հարցեր լուծելու համար։

31/07/2025

Անգլիական շահերը ստիպում են Իռլանդիային Հայոց ցեղասպանության հարցին զգույշ մոտենալ. Երկայնհարսյան

Իռլանդիայի խորհրդարանում առաջարկ է ներկայացվել Հայոց ցեղասպանությունը ճանաչելու մասին։ «People Before Profit», «Solidarity», «Sinn Féin», Սոցիալ-դեմոկրատները և Աշխատավորական կուսակցությունը հանդես են եկել համատեղ նախաձեռնությամբ՝ կոչ անելով ճանաչել Հայոց ցեղասպանությունը, մասնակցել 110-րդ տարելիցին պետական մակարդակով, ճանաչման կոչ հղել այլ կառավարություններին, Հայոց ցեղասպանությունն ընդգրկել դպրոցական ծրագրերում՝ պատմական ճշգրիտ ներկայացմամբ, ինչպես նաև հաստատել միջազգային հիշատակի օր։ Թեմայի վերաբերյալ Alpha News-ը զրուցել է Իռլանդիայում ՀՀ հյուպատոս Օհան Երկայնհարսյանի հետ:

31/07/2025

Կրասնոդարի փողոցներից մեկն անվանակոչվել է լեգենդար ջազմեն Գեորգի Գարանյանի անունով

Կրասնոդարում նոր փողոցներից մեկն անվանակոչվել է հայազգի նշանավոր սաքսոֆոնահար, կոմպոզիտոր և Ռուսաստանի ժողովրդական արտիստ Գեորգի Գարանյանի անունով: Անվանակոչման մասին որոշումն ընդունվել է Քաղաքային դումայի նիստում։

Գեորգի Գարանյանը նկատելի հետք է թողել ռուսական երաժշտական մշակույթում։ Նա եղել է Պետական մրցանակի դափնեկիր և պաշտոններ է զբաղեցրել մի շարք կոնսերվատորիաներում: 1998 թվականից մինչև կյանքի վերջ մաեստրոն ղեկավարել է Կրասնոդարի քաղաքային նվագախումբը, որն այսօր էլ շարունակում է իր գործունեությունը։

Հոդվածն ամբողջությամբ՝ մեկնաբանությունում

31/07/2025

Եվգենի Պետրոսյանը 5-ամյա որդու հետ լուսանկար է հրապարակել

Խորհրդային և ռուսական էստրադայի հայտնի արտիստ, ՌԽՖՍՀ ժողովրդական արտիստ, գրող-հումորիստ և հեռուստահաղորդավար Եվգենի Պետրոսյանը 5-ամյա որդու՝ Վահանի հետ լուսանկար է հրապարակել։ Լուսանկարը հրապարակվել է Instagram-ում՝ առանց որևէ մակագրության, ինչը միայն մեծացրել է երկրպագուների հետաքրքրությունը։

2019 թվականից արտիստն ամուսնացած է Տատյանա Բրուխունովայի հետ, որը երկար ժամանակ եղել է նրա օգնականը։ Ավելի վաղ Պետրոսյանը խոստովանել էր, որ նախկինում թերագնահատել է ընտանիքի կարևորությունը:

31/07/2025

«Կրասնոդար»-ը մտադիր է երկարաձգել Սպերցյանի հետ պայմանագիրը

«Կրասնոդար»-ի ղեկավարությունը մտադիր է երկարաձգել պայմանագիրը «Կրասնոդար»-ի և Հայաստանի հավաքականի հարձակվող Էդուարդ Սպերցյանի հետ: Այս մասին հայտնում է Armenie Football կայքը։

Աղբյուրի տեղեկություններով՝ «հարավցիները» ցանկանում են 25-ամյա հայ կիսապաշտպանին նոր պայմանագիր առաջարկել ավելի շահավետ պայմաններով: Ֆուտբոլիստի գործող պայմանագիրը ռուսական ակումբի հետ նախատեսված է մինչև 2026 թվականի ամառը:

31/07/2025

Հրաձգության Հայաստանի հավաքականը Ֆրանսիայում 17 մեդալ է նվաճել

Հրաձգության Հայաստանի հավաքականը Ֆրանսիայի Շատորու քաղաքում անցկացված վազող թիրախ մրցաձևի Եվրոպայի առաջնությունում նվաճել է 6 ոսկե, 7 արծաթե և 4 բրոնզե մեդալ։

Մեծահասակների պայքարում չեմպիոն է դարձել Գոռ Խաչատրյանը (10 մ), իսկ Հովհաննես Մարգարյանը՝ (50 մ) մրցատարածությունում։

Հոդվածն ամբողջությամբ՝ մեկնաբանությունում

31/07/2025

Գրիգոր Ղազարյանը՝ Եվրոպայի չեմպիոն

Իսպանիայի մայրաքաղաք Մադրիդում ընթացող պատանիների Եվրոպայի առաջնության տղաների 84 կգ քաշային կարգում Հայաստանի հավաքականի անդամ Գրիգոր Ղազարյանը երկամարտի 338 կգ (148+190 կգ) արդյունքով նվաճել է չեմպիոնի կոչումը: Այս մասին հայտնել է ԿԳՄՍ նախարարությունը։

Պոկում վարժությունում երրորդ մոտեցմամբ (148 կգ) Ղազարյանը սահմանել է պատանիների Եվրոպայի նոր ռեկորդ: Պոկում վարժության արդյունքում հայ ծանրորդը ոսկե մեդալ է նվաճել:

Հոդվածն ամբողջությամբ՝ մեկնաբանությունում

31/07/2025

Սարգիս Սարգսյանը՝ սահմանափակ կարողություններով անձանց աշխարհի առաջնության հաղթող

ՖԻԴԵ-ի վարպետ Սարգիս Սարգսյանը դարձել է Հնդկաստանում անցկացված 2025 թվականի Սահմանափակ կարողություններ ունեցող անձանց աշխարհի անհատական շախմատի առաջնության չեմպիոն: Այս մասին տեղեկացնում է ՀՀ շախմատի ֆեդերացիան։

Սարգիս Սարգսյանը, չկրելով ոչ մի պարտություն, հնարավոր 9 միավորից վաստակել է 7.5–ը:

31/07/2025

Զատուլինն Ադրբեջանի կողմից Այվազովսկու հուշարձանի քանդումն անվանել է պետական մակարդակով վանդալիզմ

Ադրբեջանի իշխանությունների կողմից Լեռնային Ղարաբաղի Ստեփանակերտ քաղաքում աշխարհահռչակ հայազգի ծովանկարիչ Հովհաննես Այվազովսկու հուշարձանի քանդումը վանդալիզմի օրինակ է, որը խրախուսվում և հրահրվում է պետական մակարդակով: Այս մասին «Լենտա․ռու»-ի հետ զրույցում հայտարարել է Պետդումայի ԱՊՀ հարցերով կոմիտեի նախագահի տեղակալ Կոնստանտին Զատուլինը:

«Բացի այն, որ դա բարբարոսական ակտ է, այն, ինչպես շատ բարբարոսություններ, հիմարություն է: Այվազովսկին համաշխարհային մակարդակի հանճար է, որին գնահատել են ինչպես Ռուսական կայսրությունում, այնպես էլ ամբողջ աշխարհում», - ասել է նա։

Հոդվածն ամբողջությամբ՝ մեկնաբանությունում

31/07/2025

Վաչե Հովակիմյանը՝ շախմատի միջազգային մրցաշարի միանձնյա հաղթող

Հայաստանի Շախմատի ակադեմիայի սան Վաչե Հովակիմյանը գերազանց արդյունք է ցուցադրել Սերբիայում կայացած «RUDAR XL- IM ROUND ROBIN» շախմատի միջազգային շրջանային մրցաշարում` դառնալով մրցաշարի միանձնյա հաղթող։ Վաչեն հավաքել է հնարավոր 9 միավորից 7-ը, չկրելով ոչ մի պարտություն և գրանցելով կայուն և բարձր արդյունք մրցաշարի ողջ ընթացքում։

Շախմատի ակադեմիայից հայտնել են, որ այս հաջողությունը հնարավորություն է տվել նրան լրացնել իր միջազգային վարպետի (IM) առաջին նորման, ինչպես նաև զգալիորեն բարձրացնել իր FIDE վարկանիշը՝ ևս մեկ անգամ ապացուցելով, որ աշխատասիրությունը, հետևողականությունն ու ռազմավարական միտքը հաղթանակի բանալին են։

31/07/2025

Մի՛ փախչիր, Իլյա. Արման Ծառուկյանը ծաղրել է Իլյա Տոպուրիային

Հայաստանն ու Ռուսաստանը ներկայացնող թեթև քաշային կարգում UFC-ի վարկանիշի երկրորդ համար Արման Ծառուկյանը ծաղրել է UFC-ի մինչև 70 կգ քաշային կարգի չեմպիոն 28-ամյա անպարտելի իսպանաբնակ վրացի Իլյա Տոպուրիային:

Արմանը տեսանյութ է հրապարակել, որտեղ նա բադի է հետապնդում՝ ակնարկելով «Մատադորի» պահվածքը, ում մեղադրում է իր հետ մենամարտից դիտավորյալ խուսափելու մեջ։ Նշենք, որ անգլերենում «duck» բառը թարգմանվում է ոչ միայն որպես «բադ», այն նաև ունի «խուսափել» իմաստը։

31/07/2025

Նարեկ Բաբաջանյանը՝ սավատի աշխարհի գավաթի բրոնզե մեդալակիր

Նարեկ Բաբաջանյանը սավատի (ֆրանսիական բռնցքամարտի) Ռուսաստանի հավաքականի կազմում բրոնզե մեդալ է նվաճել աշխարհի գավաթի «ասսո» մրցաձևում:

Մրցաշարն անցկացվել է Տաշքենդում հուլիսի 23-27-ը: Մրցումներին մասնակցել է ավելի քան 30 երկիր՝ Ուզբեկստան, Ֆրանսիա, Բելգիա, Իտալիա, ԱՄՆ, Կանադա, Հնդկաստան, Իրան, Նեպալ, Սերբիա, Խորվաթիա, Թուրքիա, Ադրբեջան և այլն: Թիմային հաշվարկում Ռուսաստանի հավաքականը գրավել է 2-րդ տեղը:

Alpha News

31/07/2025

31/07/2025

31/07/2025

31/07/2025

31/07/2025

31/07/2025

31/07/2025

31/07/2025

31/07/2025

31/07/2025

31/07/2025

31/07/2025

Address

Website

Alerts

Contact The Business

Shortcuts

Share

Category