Tulai Thuthang

20/06/2025

: Isreal leh Iran gal vai , US in bang ci ngaih sut ?
=======================================

Time to Time-T2T (June 18, 2025 ).

◾️ Iran ten Israel te khuapi Tel Aviv missiles tawh tuni ( june 18 ) in kap leu leu uh aa, Israel’s Air Defense ten adal / kap khia hang un, a vek in kap khia zolo uh a hih man in, khua sung ah pawl khat tu / puakkham veve cihi.

● Iran ten Israel te missiles akap uh tawm sem sem cihi. A ki kap cil in 200, 100 tawh kap hi mah leh tu in 30 kiim bek tawn kapzo ci hi. Ahang khat in Israel ten missiles khah khiatna (Launchers) tampi susia zo ta ci uh hi.

● Iran ten Fattah akici missile a bawl thak te uh tawh Israel te ka kap uh hi ci in Iran media ten gen khia uh hi. Tua Fattah te pen manlang mahmah aa, Israel ten zong kap khia manlo ci uh hi.

● Iran’s Supreme Leader Ayatollah Ali Khamenei in "Kidona kipan ta hi" ci in ama X tung pan ngen khia hi. Israel te hong dona ki mawlkhawl lo ding aa, kithuk kik ding hi ci hi.

● Israel in Iran a kap na hang in mipi 224 kim in sih lawh in, mitam pi tak in inn leh lo nu sia in khua sung pan pai /tai khia uh hi ciin gen hi.

◾️Israel in Iran Revolutionary Guard (military commander lian pen pa )a hi Gen. Ali Shadmani ka that khin uh a , tun Iran ten a dang khat a koih toh kik uh hi ciin gen hi. Bek tham loh in abeisa hun in zong Iran galkap mang te leh Iran's scientists te honkhat ka kaplum khin uh hi ciin Israel ten gen khia uhhi.

● Israel ten in zong tuni mah in Isfahan ( ballistic launching sites leh Cyber Security Command center te Fighter Jets)mun te vanleng 50 tawh bomb kikhiat hi ci Israeli Defense Minister in gen khia hi.

● Iran te in nuclear bomb bawl ding naih mahmah ta uh aa, Israel ten kap masa kei le ung, kal 2 sung in Iran in Nuclear bawlzo ding aa, ong man leh thuak masa ding ko mah ka hih man un, a kap ka hi uhhi ciin Israel ten gen khia hi.

● Iran tawh ki kap na hang in, tu ciang ciang Israel gam mi 2,725 te in a inn leh lo uh tai san uh aa, mi 24 si in 647 liam hi ci in Israel Government Press Office (GPO) in genkhia uh hi.

● Israel in Iran te nuclear bawlna mun tampi susia zo ta ci uh aa, ahi zongin Qom Mountain Mualtung aa kilam Fordow nuclear site acih pen lei sung 80 pan 90 meters athuk na ah lam suk uh ahih manun, tua kap zawh na ding in ko thautang ka nei kei uh aa, US bek in nei a hih man in, US huh na lo tawh Iran Nuclear bawl na khempeuh ka su sia zo kei ding uh hi ciin Israel ten gen khia hi.

◾️ President Macron leh G7 makai pawlkhat in Iran leh Israel ten ceasefire bawl ding President Trump tung a gen ciang in, Trump in (ceasefire) sang alian zaw vaihawm ding hi a, Iran Kumpi gilo abei na ding gel ding a hihi ciin thuk kik hi.

● Iran makaipi pa (Supreme Leader Ali Khamene) a buk na US ten kithei hi. Tua ahih man in Iran te nong ki dawm mah mah unla, mipi te omna leh US galkap te omna nong kap nawnloh dinguh kilunggulh aa, tua ahih kei leh vai khat ki gel to ding ciin President Trump in gen khia hi.

● US ten US Navy tembaw pi USS Nimitz leh USS Carl Vinson te Middle East ah, gal vanleng 60 leh galkap 5000 tawh puak khin ci uhhi.

● Jerusalem aaom US embassy them vei sung kikhak ding, US citizen peuh mah Israel gam pan paikhiat ding US embassy in zaksakna nei uh hi. Abeisa hun in Irante missiles hang US embassy zong kha uh aa, embassy mun pawlkhat sia hi ci in US ambassador to Israel Mike Huckabee in genkhia hi.

Ref: Truth Media, Fox News, MOMNO News Media
》》》 Thuthak tuamtuam hong post zelding ka hih man un, hi na sak thei teh.
Fw kik hi e

17/06/2025

Israel leh Iran banghang ki kap, US, UK...ten thukim pih maw?
Hih gam nih ki kapna hang in Galpi thumna piang zo ding maw?
=================================

Time to Time-T2T ( June 17, 2025 ).

■ Bang hang in Israel ten Iran te thakhat thu in kap hiam?
● Israel te in Iran akap ma un Iran scientists ten nuclear bomb design test gualzo takin bawl zo ta uh aa, ‌asawt loin nuclear bomb tak tak bawlzo ta dinguh cih Israel thu kan (Israel Intelligence - Mossad) in mukhia hi ci in Hebrew media khat in June 15 ni in suak tak uh ci uh hi.

● A zen zen in Iran Kumpi in Nuclear bomb bawl suak ding khensat uh hi leh mai nipi sung mahmah in nuclear bomb khat bawl zo ding uh hi ci in Israel thu kan minthang Mossad ten mukhia uh hi.

● Hih vai Israel thu kan lam makai ten Israel gam makai te kiang agen cian zawh uh ciang Israel Kumpi in tha khat thu in Iran a sim uh ahi hi. Israel ten Iran ii Nuclear bomb bawlna susia zo kei zen zen leh amasa pen athuak ding Israel te ahih manin Israel ten do loh pha mawh aa akido hi ci in Israel thu nei ten genkhia uh hi.

■ USA in athu kimpih mah hiam?
● USA te phalna om kei leh Israel ten Iran kap ngam lo dinguh ci uh hi. Iran gam in nuclear bomb abawl loh nang US ten diplomatic zangin holimna tawh aho pih pih uh hi a, tu tungin US leh gam gol te thu manglo, thukimna la nuamlo in nuclear bomb bawl khiat ding khensat tei tei uh ahih manin US, UK leh adang gam gol ten nial bawl lo in Israel in Iran a kap ding phal na pia uh ci hi.

● Iran ten nuclear bomb nei uh hi leh Middle East ah thu anei pen hong suak dinguh aa, anung pan ahuh Sen leh Russia te in zong thu hong nei tek tek dinguh ahih manin US leh EU makai lam ten deih het lo uh ahi hi.

■ Israel in Iran te nuclear sites teng susia zo ding uh hiam?
● Israel in Nuclear bawlna mun tampi susia zo ta uh hi ci uh hi. Ahi zongin Qom Mountain Mualtung aa kilam Fordow nuclear site acih pen lei sung 80 pan 90 meters athuk na ah lam suk uh ahih manun tua d**g atung zo ding bomb anei US te bek om hi ci in Israel ten genkhia uh hi. US te huhna lo in belh Iran te nuclear bawlna mun teng susia zolo ding ci hi.

■ US ee hong kithel ding uh hiam?
● Tu ciang ciang US te hih buaina ah kihel lo hi ci in President Trump in genkhia hi. Ahi zongin Iran te kap Ballistic missile te akap khiatna ah US ten huh uh ci uh hi. US ten gal vanleng leh thau vui thuatang apua Tembaw pi zong Middle East lam ah pai sak khin cih ciang kiza ahi hi. President Trump zong G7 summit aneih lai tak DC ciah ding geel aa, gal apian ciang athu vai hawmna "Situation room" ah ama National security council tawh emergency meeting bawl ding geel uh hi.

■ Mi pawlkhat gen dan in Galpi thumna apiang zo takpi ding hiam?
● Galpi thumna (World War III) pian ding belh haksa mahmah ding kici hi. Ahang in Iran apanpih ngam tawm lua ci uh hi. Tu ciang ciang Sen leh Russia nang ngawn in Iran te panpih ngam taktak lo uh hi. Middle East gam teng ci leng US tawh a ui tui vi ve leh US tawh na asem khawm uh ahih manin galpi 3 na pian zawh ding athu omlo hi ci uh hi. Tulai tak Russia te na leng US tawh kiho thei uh ahih manin Iran te ahuh ding om tak lo ci uh hi.

US, Sen leh Russia te bang ciang hong kihel ding cih lunglut huai mah mah hi.

MOMNO News Media USA
》》》 Thuthak tuamtuam hong post zelding ka hih man un, hi na sak thei teh.
Fw hi e

15/06/2025

Isreal leh Iran ki kap na hang in mi si leh a liam bang zah hiam ?
=====================

Time to Time- T2T (June 14, 2025)

◾️Israel te bomb khiatna hangin Iran ah mi 78 si in 320 liam ciin Iran in gen khia hi. Tua a si lak ah 3 Iranian military officers leh 6 scientists te zong ki hel ci hi.

■ Iran ten a thuk kik na hang in/ Isreal a kap na hang in Israel te 3 si in 54 kim liam hi ciin Israel ten gen khia hi.

◾️UN Secretary-General Anthony Gutaras in a gam 2 un ceasefire ( ki lemna ) bawl ding in zawn ci hi. Tu ciang bel bang mah thuk kik lai omnai lo phot .

◾️ Isreal te Galvan khempeuh atam zaw pen US te piak leh huh hi ciin pawlkhat in US mawhsak uh hi.

◾️ Israel Defense Forces (IDF) in Iran te Airforce bases 2 ka kap khiat sak uh hi ciin gen.

◾️Pawl khat in lei tung galpi 3 na hong piangta hi ciin gen uh a, pawl khat bel thukimlo in hipen lei tung hi nai lo hi, a mau Israel leh Iran ki kal bek hi ciin gen hi.

◇◇◇Lei tung galpi 3 na ong tun sawm sawm ta...........( Galgim nam mah mah ta ei)

》》》 Thuthak tuamtuam hong post zelding ka hih man un, hi na sak thei teh.
Fw kik hi ei aw na telsiam vua

15/06/2025

🚩 Isreal-Iran latest news
June 13, 2025
~~~~~~~~~~~~
◾️Iran tawh Nuclear lam holimna lemlo in thukimna ngah zolo ahih manin Israel in Iran in Nuclear thautang neih zawhloh ding lungguhna tawh hih kidona hong kipan ahi hi.

◾️ Israel in Iran akapna ah US gam kihelna omlo aa, US gammi leh neihna hong suk khak loh ding uh thupi ding hi ci in Secretary of State Marco Rubio in genkhia hi. US in Middle East ah galkap 40,000 val koih uh ci uh hi.

◾️ Israel in state of emergency taangko khia in Sang teng leh zum teng khak in mipi te kiang buk tek ding zaksakna nei uh hi.

◾️ Israel te bomb khiatn hangin General Hossein Salami, the commander-in-chief of Iran’s Islamic Revolutionary Guard Corps (IRGC) si cih thu CNN in pulak khia uh hi. Hih bomb khiatna in nuclear scientists leh Iran galkap mang te target in aneih ahi hi.

◾️ Israel’s Prime Minister Benjamin Netanyahu in hih kidona pen ni khat bek sawt lo ding aa, ni tampi sawt to thei ding cih genkhia hi. Nuclear van bawl/koihna leh galvan koih na teng sim kipan pah uh ahi hi.

◾️Israel te bomb khiatna hangin Iran te ii uranium enrichment facility main pi zan cip cih thu kiza hi. Iran’s Supreme Leader Ayatollah Ali Khamenei in nasia takin kithuk kik ding cih genkhia hi.

◾️Israel te bomb khiatna hang in Chief of staff of Iranian Armed Forces Major General Mohammad Bagheri zong si ci in Iran state TV in genkhia hi. Tua bek thamlo in Iran’s former national security chief Ali Shamkhani zong si cih behlap uh hi.

◾️Israel in fighter Jets 200 zang uh aa tha khat thu in bomb akhiat uh ci uh in bomb tang 330 khia uh ci uh hi. Iran ten drones 100 tawh sim kik uh hi ci in Israel Defense Force (IDF) in genkhia uh hi.

◾️ Israel te bomb khiatna hang Nuclear scientists 6 zong si hi ci in Iran ten genkhia hi. Tualak ah Fereydoun Abbasi, the former head of Iran’s Atomic Energy Organization leh Mohammad Mehdi Tehranchi, a physicist leh president of Islamic Azad University te zong kihel ci uh hi.

◾️ Israel leh Iran kikapna hangin Sathau (Global oil) 4.3% khang aa barrel khat ciang $72.4 d**g khang to ci uh hi.

◾️President Trump in Iran te tung Nuclear thukimna neih ding hanthawn aa, neih zawh kei leh kikapna hi sang hong nasia tek tek ding cih genkhia hi.

FW kik hi e

26/05/2025

26 May 2025 Pasian ciangtan kha kei in

25/05/2025

25/05/2025

25 May 2025 Luang Khaam

24/05/2025

25 May 2025 Theih Huai Thu

Nung kal medical journal tuam tuam te ah a min thang vangvang thu khat in:

Energy Drink a hi Red Bull, Monster, RockStar leh a dang energy drink tuam tuam te sung ah a ki hel "TAURINE" in si cancer/သွေးကင်ဆာ (Lukemia) piang sak hi ci in University of Rochester' Wilmolt Cancer Institute ah Researchers bawl ten mu khia uh hi.

Researchers ten a gen na ah " Taurine' in Lukemia cells te thahat sak a, အမျိုုးပွါး zong man lang sak mahmah' ci uh hi.

Red Bull 8.4 oz b**g khat ah Taurine 1,000 mg kiim ki hel a, Monster leh Rockstar 16 oz b**g khat ah Taurine 1,000 mg kiim mah ki hel ding ci uh hi.

Hih energy drink te b**g khat bang ih dawn ciang in, tha khat thu a, Taurine ih pumpi sung tampi lut a hih man in, si cancer/ သွေကင်ဆာ (Lukemia) ih ngah na ding percent tam mahmah in, a diak diak ih innkuan sung ah cancer nei gei ih om leh ei zong cancer ih ngah ding percent tam zaw kan a hih man in, ki dop huai mahmah ci uh hi.

Hih research bawl pen, a zo siang belh hi nai sam lo a, ah hi zong in, hih Research tung tawn in cancer nat na dam sak (ကင်ဆာကု) na ding zatui zong mu khia ding in ki lam en uh hi.

Ki dawm siam tek ni!

24/05/2025

Tuni Sial Sawm Concert Hun Nuam

24/05/2025

Ka Hi Bang In

23/05/2025

23 May 2025 Pasian in b**gtaw kikui za hi