The Diary 96

19/10/2025

එයාට හැමදේම ඕනෙ කිව්වෙ Dinasour theme එකට... පුංචි Mitchell ගෙ Dinasour Birthday Party එක...

18/10/2025

පුංචි එයාගෙ, පුංචියට සමරපු 3 year birthday එක... 🎂

16/10/2025

හිතාගන්නවත් බෑ පුතේ ඔයා ඇවිත් අවුරුදු 3ක්ම ගිහින් කියලා... චූටි චූටි අතපය දැන් ලොකුවෙලා... ඔයාගෙ ලොකු ලොකු වැඩ, ලොකු ලොකු කතා එක්ක කාලයත් ගෙවිලා ගිහින්....

සුභම සුභ උපන් දිනයක් පුතේ...

එයා ආසම theam එකකට Photos තාත්තාගෙන්...
Car එක සමීර ලොකු තාත්තාගෙන්...

12/10/2025

මේ අවුරුදු 3කට කලින් අද වගේ දවසක්.. ඒ කියන්නෙ 2022 අවුරුද්දෙ 12වෙනිදා... චූටි බබෙක් එනවා කියලා දැනගත්ත දවසෙ ඉඳලා අපි මඟ බලාගෙන හිටිය දවස තමයි ඒ. එයාට ලැබුන EDD (Expected Delivery Date) එක තමයි ඒ. මම මතක වලට කොයි තරම් නම් ආදරෙයිද කියනවා නම් මේ අද වෙද්දිත් මට ඒ මතක මතක් වෙන්නෙ හරියට මම දැන් එතන ඉන්නවා වගේ...

එදා 12 වෙනිදා.. හරියටම මගෙ බන්ඩියට සති 40යි.. උදේම මම ඇහැරුනේ අනේ අද නම් මට කිසිම අමාරුවක් වෙන්න එපා කියලා හිතින් හිතාගෙනමයි. මොකද මගේ Consultant මට කියලා තිබුනා 9-12 අතර එයා නෑ හැබැයි බය වෙන්න එපා එයා වෙනුවට එයාගෙ හොඳම යාලුවෙක් වෙන වෙන කෙනෙක් ඉන්නවා කියලා. මේක මගෙ ජීවිතේ පලවෙනි අත්දැකීමනෙ. ඉතිං මගෙ හිත කිව්වෙම මට යාලුවෙක් වගේ ඉන්න Dr. Sugandhaa ම හිටියා නම් හිතට සැහැල්ලුයි කියලා. ඉතිං වෙනදා නම් මම අනිවාර්යයෙන් ම 40min යන walk එක, exercise එහෙම කලත් එදානම් මම ඇඳටම වෙලා හරිම පරිස්සමෙන් හිටියෙ..

ඒත් උදේ 10, 11 න් පස්සෙ බබා දඟලන්නෙ නැතුව ඉන්න පටන් ගත්ත නිසා හදිස්සියේම hospital එකට යන්න උනා.. ඉතිං Doctor CTG එකක් කරමු කියලා මේ hospital bed එකට වෙලා ඉන්නෙ. උදේ ඉඳලා සද්දයක් නැතුව හිටිය බබා මෙන්න පටිය දාන්න ගත්ත ගමන් මේ මොකද මේ මට කරදර කරන්නෙ,, මම නම් කැමති අම්මාගෙ tummy එකේ හොඳට නිදාගන්න කියලා වගේ එක පාරම දඟලන්න පටන් ගත්තා එලියට පේන්නම.. ඒක දැකපු මගේ midwife ටත් හිනා.. අපි දෙන්නාටත් හිනා.. මෙහෙම වෙලා තියෙන කට්ටිය ඉන්නවද...

05/10/2025

ලස්සනම ලස්සන Canola යායක් මැද අතරමං උන අපි....

අද ඉරිදා දවසක් වගේම Spring එකේ ලස්සනම ලස්සනට ඉර පායපු දවසක්... 2023 දි ඉඳලාම අපි ගොඩක් ආසාවෙන් තමයි හිටියෙ Canola feild බලන්න යන්න.. Weather එක දැකලා අපි කලින්ම හිතාගත්තා sunday මේ ගමන යන්න.. උදේන්ම නැගිටලා ගමන යන්න හිතාගෙන හිටියට මොකද Day Light Saving එක නිසා පැයක් ටිකක් එහෙ මෙහෙ උනානෙ. ඉතිං අපිට පැය 2ක විතර drive එකකින් පස්සෙ දවල් 2 වගේ වෙද්දි එතනට යන්න පුලුවන් උනා..

පුදුම තරම් ලස්සන canola walk එක විනාඩි 40ක් වගේ ගියාම ඉවර කරගන්න පුලුවන්.. එක්කෙනෙක්ට 10 AUD යි. බබාලාට free. කැමති නම් fast & short track එකේ යන්නත් පුලුවන්.. අපි තුන්දෙනා නම් ඉතිං හෙමින් හෙමින් මුලු track එකම ගිහින් තමයි ගෙදර ආවෙ. ඇත්තටම කිව්වොත් එතනින් එලියට එන්න අපිට හිතුනෙ නෑ.. යද්දි පහුකරපු Heathcote වලින් lunch ගන්නත් අමතක කලේ නෑ. ගිහින් එන්නම්. ආදරෙයි හැමෝටම...

05/10/2025

අද අපි Cornella පැත්තට යද්දි මඟදි මෙයාලව තමයි දැක්කේ... ඔයාලා දන්නවද මේ කවුද කියලා...

26/09/2025

ගොඩක් අය අපෙන් අහලා තිබුනා Indonesia වල අපි ගිය තැන් ගැන විස්තර... මොකද Bali ඇරුනම අපි ගියේ ගොඩක් අය යන්නෙ නැති Islands කීපයකට... ඉතිං අපි හිතුවා vedio series එකක් කරන්න... ලඟඳිම ඔයාගෙ Indonesia travel කරන්න ඉන්න යාලුවව mension කරන්නත් අමතක කරන්න එපා...🥰❤️

09/09/2025

අපේ චූටි බබාට ඉක්මන් සුව ප්‍රාර්ථනා කරපු හැමෝටම ගොඩාක් ස්තූතියි..! අපි පරිස්සමින් ගෙදර ආවා... ඉතිං ඒනම් අලුත් ලස්සන adventures එක්ක තව ටික දවසකින් හම්බෙමු... ආදරෙයි හැමෝටම...❤️

07/09/2025

ගොඩක් අය මගෙන් අහන ප්‍රශ්නයක් තමයි ඔයා Australia වල වැඩ කරන්නෙ සතුටින්ද කියලා...

එදා හරියටම සිකුරාදා හවස, එදා මට තිබුනෙ evening shift එකක්.. ඉතිං මම හරියටම 3ට වැඩ පටන් ගත්තා.. සාමාන්‍යයෙන් පුරුද්දක් විදියට මම වැඩ කරද්දි phone එක බලනවා හරිම අඩුයි.. හවස 5 වගේ වෙද්දි එක දිගටම මගෙ phone එක ring වෙන්න ගත්තා. හොඳටම busy time එකක් උනත් කවදාවත් නැතුව එක දිගට රමේෂ් ගන්න නිසාම මම ඉක්මනින් phone එක ගත්තා. "පුතාට සනීප නෑ.. අපි hospital ගියොත් හොඳයි. ඔයාට පුළුවන්ද එන්න?" එයා ඇහුවම මං විස්තර ටික අහගෙන ඉක්මනින්ම කිව්වෙ මගෙ වැඩ කරන තැන ඉන්න අයට. අලුතෙන් ආව staff එකේ දෙන්නෙකුත් හිටිය ඒ වෙලාවෙ, හොඳටම busy. ඒ වෙලත් හැමෝම එකහෙලාම කිව්වේ "යන්න යන්න ඔයා මේ වෙලාවෙ එතන ඉන්න ඕනෙ, ඒ ඔයාගෙ පුතානෙ" කියලා. විදුලි වේගෙන් ලොකුම කෙනාගෙ ඉඳලා හැමෝම මට පුදුම support එකක් දුන්නෙ ඉක්මනින් යන්න. මං භාරගත්ත වැඩ ටික පවා මම handover කරද්දි, හරි හරි අපි බලාගන්නම් කියලා මගෙ හිතටත් පුදුම සැනසීමක් දුන්නෙ..

ඉතිං ඉස්සර මට ඕන දවසක නිවාඩුවක්වත් ගන්න බැරිවුණ, හිතේ සැනසීමකින් තමන් ආදරෙන් පටන් ගත්ත රස්සාව කරගෙන යන්න ඉඩ හරිම අඩුවෙන් ලැබුන මට මේ හැමදේම ඕනවටත් වැඩී. කවුද කියන්නෙ වෙන රටක වැඩකරද්දි "සැපසේ දුක් විදිනවා" කියලා. ඒක වෙනස් වෙන්න ඕනෙ "අපි ජීවිතේ විඳින ගමන් වැඩත් කරනවා" කියලා. අපේ ජීවිතේ ආදරනීයන් කොයිම වෙලාවකවත් මග ඇර ගන්න ඕනෙ නෑ. එහෙම නේද..

03/09/2025

අද එකතු කරන මතක වටින්නෙ අදට වඩා කවදාහරි දවසක... එහෙම නේද....

27/05/2025

17/05/2025

Family time well spent at Holiday Resort Lombok! 🏝️💦
We stayed in Senggigi and absolutely loved how family-friendly this resort was — from the spacious rooms to the stunning pool and relaxed beach vibe. 🌴👨‍👩‍👦

The staff were incredibly welcoming, and there were plenty of kid-friendly options including a shallow kids’ pool and wide-open garden spaces to play. 🧸☀️ If you’re travelling with little ones, this spot is a gem!

✨ Tips for families:
• Ask for a ground-floor unit near the pool for easy access with kids.
• The breakfast buffet has options even for fussy eaters!
• There’s a small mini-mart just outside the hotel for snacks and essentials.

Highly recommend this for any family planning to unwind in Senggigi.