06/09/2026
ඔයාට කවදා හරි හිතිලා තියෙනවද අනිත් අය ඔයා අමාරුවේ වැටිලා ඉන්න වෙලාවට හරිම ළඟින් ඉඳගෙන උදව් කළත්, ඔයා ඇත්තටම සාර්ථක වෙන්න පටන් ගත්තම එයාලගේ හැසිරීම වෙනස් වෙනවා කියලා?
ඔයාට රැකියාවේ උසස්වීමක් ලැබුණාම, අලුතින් ව්යාපාරයක් පටන් ගත්තාම, සෞඛ්යය යහපත් කරගත්තාම, උපාධියක් ඉවර කළාම, වැඩිපුර මුදල් හම්බකරන්න පටන් ගත්තාම, නැත්නම් නිකම්ම ජීවිතේ ඉදිරියට යද්දී ඔයාගේ ළඟින්ම හිටපු කෙනෙක් එකපාරටම ඔයාව මඟහරින්න, ගණන් නොගෙන ඉන්න, ඔයා එක්ක තරග කරන්න, නැත්නම් කිසිම උනන්දුවක් නැති ගාණට හැසිරෙන්න පටන් ගන්නවා.
මේක නිකම්ම ඊර්ෂ්යාව විතරක්මද?
මේ වීඩියෝ එකෙන් අපි කතා කරනවා සංසන්දනය, ස්වයං ඇගයීම, ඊර්ෂ්යාව, මිත්රත්වය සහ සාර්ථකත්වය ගැන මනෝවිද්යාවෙන් සහ පර්යේෂණවලින් කියැවෙන්නේ මොනවාද කියලා.
Leon Festinger ගේ Social comparison theory වගේම, Abraham Tesser ගේ Self-Evaluation Maintenance Model හරහා ඊර්ෂ්යාවට ලැබෙන විවිධ ප්රතිචාර හඳුනාගන්නා පර්යේෂණ ගැන සාකච්ඡා කරනවා.
මෙතැනදී හම්බෙන එක විශේෂ අදහසක් තමයි, නොදන්නා පිටස්තර කෙනෙක් සාර්ථක වෙනවාට වඩා, අපිට ගොඩක් ළඟ කෙනෙක් සාර්ථක වෙන එක අපේ හිතට වැඩි තර්ජනයක් වගේ දැනෙන්න පුළුවන් කියන එක. විශේෂයෙන්ම ඒ සාර්ථකත්වය, අපේම පැවැත්මට සහ අනන්යතාවයට ගොඩක් වැදගත් වන ක්ෂේත්රයකදී සිද්ධ වෙනවා නම්.
ඒ වගේම, ඊර්ෂ්යාව සෑම විටම වෛරයක් හෝ සතුරුකමක් ඇති නොකරන්නේ ඇයි කියලත් අපි බලනවා. සමහර අවස්ථාවලදී, තමන්ට වඩා ඉහළින් ඉන්න කෙනෙක් දිහා බලන එක, සාර්ථක වුණු කෙනාව පහළට වට්ටන්න හදන්නේ නැතුව, තමන්ගේම ජීවිතය සාර්ථක කරගන්න අයට ලොකු තල්ලුවක් සහ උත්තේජනයක් වෙනවා.
"තව කෙනෙක්ගේ සාර්ථකත්වය හමුවේ අපිට අපි ගැනම මොනවද දැනෙන්නේ?" මෙන්න මේ ගැන අපි කතා කරමු.
මේ වීඩියෝ එක ඇත්තටම කරේ අධ්යාපනික සහ සංවාදමය අරමුණින්. මනෝවිද්යාත්මක න්යායන්ගෙන් පැහැදිලි කරන්නේ මිනිස් හැසිරීම්වල යම් රටාවන් සහ හැකියාවන් විතරයි; ඒ නිසා එක හැසිරීමක් විතරක් බලලා කෙනෙක්ගේ අභ්යන්තර චේතනාවන් තීරණය කරන්න මේවා යොදාගන්න එපා.
Link එක පලවෙනි comment එකේ.
