https://www.facebook.com/565792249959433/

Hit 94 fm, Caya Ernesto Petronia 68, Oranjestad (2025)

24/12/2025

Nos tur tin un destinacion cu semper nos kier a bish*ta. Esaki ta bo chens pa participa na nos campaña di fin di aña y asina haci e soño ey un realidad!

Stap 1: Upload un potret hunto cu 1 persona cu abo kier explora mundo cu ne.

Stap 2: Skirbi unda bo ta desea pa bay y cua ta bo aerolinea favorito.

Stap 3: Tag Queen Beatrix International Airport y uza e hashtag

Stap 4: Post!

Asina abo por ta un ganador, di Santa su regalo di fin di aña! 🎅🏻🎁

24/12/2025

PHONECONFERENCE PRIME MINISTER ARUBA MIKE EMAN AND US CONSUL GENERAL RAMON NEGRON

Prime Minister of Aruba, Mike G. Eman together with the Director of the Department of Foreign Affairs Aruba, Jocelyne M.M.Croes, had a phone conference with the Consul General Ramon (Chico) Negron earlier today on Christmas Eve and were informed of the following:
The U.S. Air Forces Southern and the Dutch Caribbean Air Navigation Service Provider (DC-ANSP) have agreed on a new plan to make flying safer and more efficient in the skies around the ABC islands—Aruba, Bonaire, and Curaçao.
This plan focuses on better managing flight altitudes, airspace, and timing. By doing so, both civilian and military aircraft can move through the Southern Caribbean with fewer delays and more predictability. Importantly, the agreement keeps certain flight corridors clear of U.S. military activities, ensuring smooth travel for commercial airlines, private planes.
The agreement highlights strong cooperation between U.S. and our aviation authorities. Through improved planning and real-time coordination, flights to and from the ABC islands will be safer and faster, while maintaining necessary separation from any furhter U.S. military training and missions.

Comunicado y potret; Gabinete AVP-FUTURO

24/12/2025

Encuentro literario Autor ta t**a lector – lector ta t**a autor

Dia 17 di december 2024 tabatin un encuentro literario, Autor ta t**a lector – lector ta t**a autor, na Biblioteca Nacional Aruba, unda seis autor local conoci a forma un panel y a presenta un fragmento di un di nan obranan literario. A base di e fragmentonan aki tres experto den linguistica y/of literatura a dialoga cu e autornan relaciona cu nan inspiracion, structura di skirbi y concepto literario. E panel di autor a consisti di Olga Buckley, Desiree Correa, Quito Nicolaas, Wim Rutgers, Jossy Tromp y Frank Williams. E grupo di experto tabata: Joe Fortin, Joyce Pereira y Ramon Todd Dandaré.
Wim Rutgers a introduci e evento cu su charla “Calidad y cantidad di literatura Arubiano na Papiamento”, mientras cu e moderador, Pamela De Coteau, specialista riba un otro tereno y gran amante di literatura y arte, a conduci e evento. Despues di e dialogonan, e publico presente tabatin oportunidad pa haci pregunta y despues pa t**a e autornan y cumpra nan obra. Na e evento a asisti un cantidad di alrededor di shen persona, loke ta demostra cu na nos isla tin un interes grandi pa literatura. E organisadonan, den colaboracion cu Cas di Papiamento, ta conclui cu e evento literario, dedica na e gran escritor Frank Martinus Arion, tabata un exito rotundo y entretanto a haya diferente reaccion puntrando si por ripiti cierto actividad literario na e nivel halto aki.
A base di e evento a puntra e panelistanan kico nan ta sugeri pa hisa e cantidad di publicacion literario y e nivel di nos literatura. E organisadonan a evalua e resultado y a bin cu un lista di sugerencia y recomendacion pa e diferente instancia- y organisacionnan encarga cu literatura y idioma na Aruba. Siguientemente, por mira e lista di e sugerencia- y recomendacionnan aki:

Recomendacion/resolucion pa stimula lesamento:
Biblioteca Nacional Aruba (BNA)
1. Implementa campaña pa stimula mayor pa lesa pa y cu nan yiunan.
2. Amplia diversidad di coleccion y orario di apertura.
3. Organisa mas actividad literario den mas categoria y, si por, cu autor,
productor y fondo internacional.
4. Organisa competencia di lesamento, skirbimento y declamacion.
5. Honra escritor: Introduci premio literario via un of mas Comision Special.
6. Inventarisa produccion literario.
7. Publica regularmente tocante obra literario den e diferente medionan di
comunicacion (por ehempel reseña, resumen, analisis etc.)
8. Organisa debate tocante teoria y coriente literario.
9. Organisa exposicion di buki y nan autor.
10. Implementa proyecto pa motiva lesamento na scol.
11. Organisa evento literario pa hoben y pa autor principiante, como tambe
mas evento literario manera Autor ta t**a lector – lector ta t**a autor.
12. Organisa Ban t**a cu autor.
13. Organisa mas evento literario durante henter aña: tayer, excursion pa
archivo, charla, grupo di skirbi, autor na palabra, bish*ta na Unoca, pelicula
(basa riba buki) di autor Latino Americano y Caribense etc.

UNOCA
1. Duna mas sosten posibel pa produccion di buki y otro obra artistico.
2. Promove produccion artistico y literario, cu mas informacion tocante criterio pa sosten pa
publicacion, y mas publicidad tocante tarea di UNOCA.

Departamento di Cultura Aruba (DCA)
1. Organisa competencia di lesamento, skirbimento y declamacion.
2. Honra escritor: Introduci premio literario via un of mas Comision Special.

(Directiva di) Scol
1. Pone enfasis riba literatura (actualisa) den curiculo.
2. Organisa competencia di lesamento, skirbimento y declamacion.
3. Organisa Ban t**a cu autor.
4. Organisa exposicion di buki y nan autor.

Departamento di Enseñansa Aruba (DEA)
1. Honra escritor: Introduci premio literario via un of mas Comision Special.
2. Inventarisa produccion literario.
3. Implementa proyecto pa motiva lesamento na scol.

Instituto Pedagogico Arubano (IPA)
1. Desaroya un bon programa di siñamento y aplicacion di didactica di
lesamento y skirbimento.
2. Implementa proyecto pa motiva lesamento na scol.
3. Organisa mas evento literario durante henter aña: tayer, excursion pa
archivo, charla, grupo di skirbi, autor na palabra, bish*ta na Unoca, pelicula
(basa riba buki) di autor Latino Americano y Caribense etc.

Fundacion Lanta Papiamento (FLP)
1. Promove produccion y traduccion di obra literario na Papiamento.
2. Publica regularmente tocante obra literario den e diferente medionan di
comunicacion (por ehempel reseña, resumen, analisis etc.)
3. Organisa debate tocante teoria y coriente literario.
4. Implementa proyecto pa motiva lesamento na scol.
5. Organisa evento literario pa hoben y pa autor principiante, como tambe
mas evento literario manera Autor ta t**a lector – lector ta t**a autor.
6. Organisa Ban t**a cu autor.
7. Organisa mas evento literario durante henter aña: tayer, excursion pa
archivo, charla, grupo di skirbi, autor na palabra, bish*ta na Unoca, pelicula
(basa riba buki) di autor Latino Americano y Caribense etc.

Fundacion Corector di Papiamento (FCP)
1. Promove produccion y traduccion di obra literario na Papiamento.
2. Implementa proyecto pa motiva lesamento na scol.
3. Organisa mas evento literario durante henter aña: tayer, excursion pa
archivo, charla, grupo di skirbi, autor na palabra, bish*ta na Unoca, pelicula
(basa riba buki) di autor Latino Americano y Caribense etc.

Prensa / Revista (literario)
1. Publica mas informacion tocante nos escritornan y nan obra.
2. Publica mas informacion tocante teoria y coriente literario y organisa debate
al respecto.
3. Publica regularmente tocante obra literario (por ehempel reseña, resumen, analisis etc.)
4. Busca mas envolvemento di Prensa den promocion di literatura y autor
Arubiano y, si ta posibel, di literatura y autor en general.

Specialista literario / (Asociacion di) Autor
1. Organisa debate tocante teoria y coriente literario.
2. Organisa evento literario manera Autor ta t**a lector – lector ta t**a autor.
3. Organisa mas evento literario durante henter aña: tayer, excursion pa
archivo, charla, grupo di skirbi, autor na palabra, bish*ta na Unoca, pelicula
(basa riba buki) di autor Latino Americano y Caribense etc.

Organisado di Curso of Tayer di Idioma, Literatura, Skirbimento etc.
1. Organisa evento literario pa hoben y pa autor principiante, como tambe
evento literario manera Autor ta t**a lector – lector ta t**a autor.
2. En general, e diferente instancia- y organisacionnan menciona mester
organisa curso y tayer di idioma (lesamento y skirbimento) y literatura.

Organisado di e evento literario di 17-12-2024
1. Reduci e cantidad di panelista pa asina por bay mas profundo den e materia.
2. Duna e autornan mas tempo pa nan por presenta miho y pa e publico por
haci mas pregunta; den e actividad menciona tur cos a bay demasiado lihe.
3. Organisa mas evento literario durante henter aña: tayer, excursion pa
archivo, charla, grupo di skirbi, autor na palabra, bish*ta na Unoca, pelicula
(basa riba buki) di autor Latino Americano y Caribense etc.

Manera por ripara, tin diferente sugerencia y recomendacion cu por realisa tanto den forma individual como den forma colectivo, esta trahando den grupo di trabou conforma pa e diferente instancia- y organisacionnan, cu lo ta ideal pa por yega na logronan grandi relaciona cu nos literatura: lesamento y skirbimento, y desaroyo di idioma en general. Pa por yega na concretisa diferente di e aspectonan cu ta bin padilanti den e informacion aki, tambe mester un trabou conhunto pa e siguiente puntonan:
1. Inventarisacion di obstaculo cu autor ta t**a durante skirbimento.
2. Inventarisacion di instancia y persona cu ta dispuesto pa yuda autor den produccion di
obra literario.
3. Organisacion di un team di specialista pa inventarisa problema y bin cu un plan di
ehecucion.
4. Organisacion di un grupo di tutor pa guia e escritornan nobo (hoben y adulto).
5. Organisacion di un grupo di persona cu ta yuda mehora calidad di literatura.
6. Implementacion di un sistema di mas intercambio di idea bou di e autornan.
7. Cooperacion di linguista y/of docente pa mehora conocemento di idioma di autor.
8. Disposicion di material di estudio di Papiamento pa autor por conoce idioma miho.
9. Conscientisacion di e hecho cu skirbimento di literatura ta un proceso complica.
10. Lantamento di un organisacion literario cu un directiva.
11. Lantamento di grupo di skirbimento cu ta yega na publicacion.
12. Iniciacion di colaboracion cu organisacion di Poeta di Patria y revision di criterio.

Conclusion di e expertonan den linguistica y/of literatura:
1. Ta papia di lesamento relaciona cu un bon dominio di idioma so, pero esaki no ta e unico efecto. Lesa obra literario ta bon pa bo formacion intelectual, unda bo ta siña criticamente con pa interpreta texto. Tambe bo ta siña aspecto naratologico di e manera cu un texto ta organisa/structura. Bo ta siña manera pa interpreta, analisa y (re)produci materia, entre otro, filosofico, psicologico, sociologico y artistico. Tambe e ta amplia bo bista y pensamento di tal manera cu bo por defende bo mes den diferente aspecto di e discurso (argumento, descripcion, exposicion y naracion den un obra).
2. Ta bisa cu den educacion tin menos enfoke riba literatura, pero e problema mas grandi ta cu e educacion profesional (di maestro) na Aruba no tin un nivel maximo, pues si e educador no tin e conocemento, e no por pasa esaki pa su alumnonan. Fuera di esey, e interes propio cu e docente mester tin pa e materia en cuestion ta di gran importancia. Si un docente mester duna les di lesamento y e mes no tin interes den ni amor pa lesamento, dificilmente e por traspasa pa su alumnonan interes den lesamento y inculca den nan amor pa lesamento.
3. Tin hopi sugerencia con pa organisa actividad literario y grupo pa stimula tanto lesamento como skirbimento di literatura, pero mester realisa cu esakinan ta tareanan cu solamente ta posibel pa un organisacion profesional cu tin moda (tempo y placa) pa por efectua esakinan debidamente. Tin diferente sector cu, supuestamente, mester dedica nan mes (mas) na esaki, por ehempel Gobierno (Departamento di Cultura), e sistema di enseñansa (Departamento di Enseñansa), Biblioteca Nacional Aruba (Caribiana), Cas Editorial, Libreria etc. Loke e diferente gruponan y instancianan (conhuntamente) por haci ta: trata di yega na formulacion di un plan di recomendacion pa e instancianan concerni (mes) y purba organisa evento literario riba un nivel halto pa un publico varia. Importante ta cu mester uni forsa y traha hunto na bienestar di hoben y adulto respecto lesamento, skirbimento y conocemento di nos lenga.

23/12/2025

E regalo cu abo merece por ta mas serca cu bo ta kere! 🎁

Aruba Airport ta yuda bo yega bo destinacion preferi!
Participa den nos campaña di fin di aña den solamente 4 stap! 4️⃣
Stap 1: Upload un potret hunto cu 1 persona cu bo kier explora mundo cu ne.
Stap 2: Skirbi unda bo ta desea pa bay y cua ta bo aerolinea favorito.
Stap 3: Tag Beatrix International Airport y usa e hashtag
Stap 4: Post!
Asina abo por ta un ganador, di Santa su regalo di fin di aña! 🎅🏻🎁

23/12/2025

🎄 MotorWorld’s Holiday Hours 🎄

Please note our adjusted hours this holiday season. We appreciate your understanding and wish you a safe and happy holiday season!

23/12/2025

Minister Wever: Aruba a refinancia un debe di USD 140 miyon cu prestamo internacional na condicion historico

Oranjestad, – Minister di Finansa, Asunto Economico y Sector Primario, mr. Geoffrey Wever, a firma e Landsbesluit cu ta finalisa y formalisa e prestamo cu Gobierno di Aruba a coloca riba mercado di capital internacional. E prestamo di USD 140 miyon ta destina pa refinancia debenan di pasado y pa garantisa cu Pais Aruba por cumpli cu tur su obligacionnan financiero den e luna di december.
Segun minister Wever, e proceso pa yega na e financiamento aki a conoce un trayecto largo y rigoroso, encamina door di e expertonan di Departamento di Finansas, cu un enfoke estricto riba calidad, credibilidad y di finansas publico duradero. “E bon noticia ta cu pa di 31 biaha cu Aruba a accesa mercado di capital, nos a logra e mihor “spread” den henter nos historia di financamento,” minister Wever a expresa.
Aruba a logra un “spread” di apenas 210 basispunten, e nivel mas abou cu Pais Aruba a registra te na momento aki, loke ta confirma e fortalesa di finansas publico di e pais. E resultado positivo aki ta, segun minister Wever, consecuencia directo di e reduccion continuo di debe, e presupuesto cu ta conta cu un surplus, y un economia cu ta keda robusto y resiliente.
Un factor importante den e confiansa di mercado ta e hecho cu Aruba ta mantene tres rating di investment grade, otorga door di Standard & Poor’s, Moody’s y Fitch. “Mercado di capital ta reconoce e trabou cu Aruba ta haciendo y ta confirma cu nos ta un pais solido pa inversion,” minister Wever a subraya.
E prestamo aki a atrae tambe inversionistanan nobo, incluyendo diferente gruponan financiero cu pa prome biaha a participa den un transaccion cu Aruba, y cu a tuma porcionnan significante di e financiamento total. Esaki ta fortifica e posicion di Aruba den mercado di capital y amplia su base di lenders internacional.
E minister a anuncia cu e cuenta di Pais Aruba na New York a wordo gefund cu e USD 140 miyon, permitiendo Aruba cumpli cu tur su debenan y compromisonan financiero. “Nos ta cera e aña 2025 cumpliendo cu nos responsabilidad y nos ta habri 2026 cla, yen di proyectonan nobo, ideanan nobo y oportunidadnan nobo pa cada ciudadano di Aruba,” minister Geoffrey Wever a conclui.

Comunucado y potret; gabinete AVP-FUTURO

23/12/2025

'Under intense time pressure’

SER Curaçao advises on minimum wage set to take effect January 1

WILLEMSTAD, December 22, 2025 — The Social and Economic Council of Curaçao (SER) submitted its advice on Monday to the Minister of Social Development, Labor and Welfare (SOAW), Charetti America-Francisca, on a proposed adjustment to the statutory minimum wage scheduled to take effect on January 1, 2026. The proposal would index the gross minimum hourly wage by 1.8 percent, using a 12-month moving average of the Consumer Price Index (CPI) through August 2025. The mechanism is intended to track price developments over time rather than mirror short-term inflation swings. Under the draft measure, the gross minimum hourly wage would rise from Cg. 11.72 to Cg. 11.93 (Caribbean guilder), and the corresponding gross minimum monthly wage would be Cg. 2,066.28, based on the applicable calculation method.
The advisory process unfolded on an unusually compressed timetable. The SER received the formal request for advice on December 15, leaving limited time before the intended effective date. As a result, the advisory council said, there was little scope for the customary round of consultations with social partners and external experts that often accompanies advice on significant socioeconomic measures.
In its review, the SER examined the proposal against the legal framework of the National Ordinance on Minimum Wages, with attention to legislative intent and requirements linked to legal certainty and transparency. The SER also assessed the measure in Curaçao’s socioeconomic context, drawing on available data on prices, incomes, labor-market conditions and sectors where the minimum wage plays a significant role.
The SER further reviewed the policy and economic rationale set out in the explanatory memorandum, including the consistency of the figures, the assumptions about how many workers could be affected by indexation and the way potential effects were presented. The SER also considered a macroeconomic impact analysis prepared by the Ministry of Economic Development and based on the Curalyse model, consistent with standard caveats associated with model-based projections.
The SER said it documented its methodology explicitly in the advisory. The assessment relied on a systematic literature review and additional desk research; separate consultations could not be organized within the available period in a manner consistent with customary standards of diligence and depth.

Comunicado: SER Curaçao

23/12/2025

E Pasco aki, Mundo ta den bo man 🎁🎄
Ta un placer pa anuncia e prome 4 ganadonan di nos campaña di fin di aña ‘Mundo ta den bo man’ ✨
Nos lo tuma contacto cu e ganadonan cu un invitacion special pa nos celebracion dia 29 di December, caminda nan lo por scohe for di 10 caha misterioso cu lo revela nan regalo 🎉
✨ Ainda tin 6 ganado mas pa bin — keda tira un bista riba nos proximo reels

22/12/2025

Aruba Airport Authority N.V. N ta partner cu U.S. Customs and Border Protection y iProov pa introduci Enhanced Passenger Processing (EPP) pa e pasaheronan cu ta biaha pa Merca

Oranjestad – Aruba Airport Authority N.V. (AAA), den colaboracion cu U.S. Customs and Border Protection (CBP) y iProov, ta contento pa anuncia cu Enhanced Passenger Processing (EPP) ya caba ta disponibel na e facilidad di U.S. Pre-Clearance di Aruba. Despues di a termina cu e instalacion di e ‘hardware’ na inicio di e siman, diamars CBP a cuminsa procesa e biaheronan Mericano haciendo uzo di EPP.

EPP ta ofrece un experiencia di salida moderno y biometrico diseña pa haci e proceso di pre-clearance mas lihe, mas suave y mas eficiente. EPP ta den uzo den diferente aeropuerto manera Orlando International Airport (MCO) y Dublin Airport, EPP ta verifica identidad den algun seconde, di e manera aki ta reduci e tempo di espera y ta crea un fluho sin problema pa e ciudadanonan Mericano cu ta sali pa bolbe nan cas.

Con EPP ta funciona

- Pa medio di un scan biometrico lihe cu ta cuadra cu cara di e pasahero cu su paspoort den algun seconde.

- Procesamento adapta pa grupo, cu ta permiti pa acomoda famia y mucha.

- Interaccion breve cu un oficial di CBP, sigui pa un acceso direct na e porta di embarcacion.

- Tempo di warda reduci, locual ta permiti e pasaheronan pa disfruta di nan ultimo momentonan na Aruba.

- EPP no ta rekeri un solicitud, y ta disponibel automaticamente pa e ciudadanonan Mericano cu ta sali di Aruba.

“Introduccion di Enhanced Passenger Processing ta un logro oportuno y importante, yudando aeropuerto pa ofrece un experiencia di salida mas trankil y mas eficiente pa e pasaheronan cu ta biaha pa Merca, specialmente mientras nos ta avansa den e fase di construccion di expansion Gateway 2030”, tabata expresion di Jurgen Benschop, Chief Operations Officer na Aruba Airport Authority N.V. Benschop a continua bisando: “Conhuntamente cu nos socionan, nos ta mantene nos compromiso cu innovacion y excelencia di servicio y nos ta gradici e pasenshi di nos pasaheronan mientras nos ta sigui construi un aeropuerto mas moderno y eficiente pa futuro.”

“Nos ta contento di por trece Enhanced Passenger Processing pa Aruba”, asina Wendell A. Roberts, Port Director, CBP Aruba Pre-Clearance a bisa. El a continua bisando cu “E tecnologia ta fortalece siguridad mientras e ta ofrece un experiencia di salida moderniza y acelera pa e ciudadanonan Mericano cu ta regresa nan cas”.

“Nos ta contento di por a partner cu Aruba Airport Authority y CBP pa trece EPP na e area di Pre-Clearance di Merca na Aruba”, asina Andrew Bud, fundado y CEO di iProov a expresa. Bud a continua bisando cu: “E implementacion aki ta mehora e eficiencia operativo y ta garantisa un ingreso lihe y sin complicacion na Merca, locual ta permiti e

pasaheronan Mericano cu ta saliendo, incluyendo nan famia y esnan cu tin mester di asistencia, tin mas tempo pa disfruta di e dushi isla.”

Mirando cu mayoria di e bish*tantenan cu ta bin Aruba ta bin for di Merca, e lansamento di EPP ta marca un logro importante pa mehora e experiencia di biahe y fortalece e eficiencia operativo di aeropuerto. Door di acelera e proceso di pre-clearance y reduci e tempo cu e pasahero mester warda, EPP ta facilita e biahe di e pasaheronan Mericano cu ta bandonando nos isla. E proceso optimalisa ta mehora e experiencia di e pasahero y ta sostene nos esfuersonan continuo pa optimalisa e operacionnan di aeropuerto durante e temporadanan di mas halto.

Tocante Aeropuerto di Aruba

AUA Airport ta un di e aeropuertonan mas ocupa den region Caribe, cu mas di 24 diferente aerolinea operando na Aruba contribuyendo na mas cu 3.2 miyon pasahero pa aña y brindando servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 73% ta di Merca y Canada, 18% ta di Latino America, 4% ta di Europa y 5% ta di Caribe Hulandes. AUA Airport ta reconoce cu esaki ta danki na un economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pa futuro den e region di Latino America y Caribe, brindando un espacio laboral confiabel, cu e instalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.

Haya sa mas di loke ta sosode na AUA Airport door di bish*ta www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport, TikTok.com/ y Linkedin.com/ArubaAirport.

Comunicado y potret; Queen Beatrix International Airport

22/12/2025

The Cultuurfonds Caribisch Gebied (CCG), together with the Rasmussen Henriquez
family, was Proud to host the first-ever Belva Award Ceremony

On December 21st, 2025, the Rasmussen Henriquez family, together with The Cultuurfonds Caribisch Gebied (CCG) was proud to host the first-ever Belva Award Ceremony, honoring outstanding emerging contemporary artists in Aruba. This year’s Belva Award will be presented
to Ms. Kim Violenes, who is recognized for her exceptional artistic vision and contributions to the island’s cultural landscape.
In addition to the Belva Award, a Belva Honorable Mention will also be awarded to Ms. Carolyn Geerman, acknowledging the exceptional quality of her work. This distinction is granted in years
when submissions demonstrate remarkable overall strength and may be awarded in future years when merited.
The Belva Award was created in honor of Mrs. Belva Rasmussen Henriquez. Belva is a native of Aruba. Born to parents Mr. Benjamin (Benny) Titus Henriquez, the first managing director of Carribbean Mercantile Bank (CMB) on Aruba, and Mrs. Henriette (Etty) Adelaida Henriquez.
After marrying her husband, Mr. Walter Rasmussen, and moving to the USA, Belva returned to Aruba multiple times a year with her family, maintaining her home and connection to her place of birth, until her passing in 2024.
Her lifelong passion for culture, art, and her deep love for her native island of Aruba inspired her son, Ben Rasmussen, to establish a fund supporting local emerging artists.
“Art and culture have played such an important role in the lives of my mother and our family, and
are such a vital piece of Aruba’s heritage. Creating a sustainable way to support and encourage local artists to grow was the ideal and most meaningful way to honor my mother. Bringing
together a few of the things she believed in most, “art & culture, and giving back to your community”, Belva’s son, Ben Rasmussen, shared.

This annual award aims to encourage new talent to grow and contribute .

22/12/2025

Aumento di pensioen ta bira realidad den tur hogar

Un aña pasa, den tur skina di Aruba, den hogarnan rond Aruba, den articulonan y mocionnan, den programa di partido y Gobernacion AVP-FUTURO e compromiso a wordo haci. Na tur momento Minister President Mike Eman y promer como lider di oposicion semper a keda enfatisa cu nos grandinan nan placa no ta yega, cu mester haci algo substancial cu pensioen pa nos grandinan. Palabranan grandi y profundo cu awe ta bira realidad den tur hogar na Aruba.
Riba su pagina social Minister President Mike Eman a comparti: “Un abrazo na tur nos grandinan cu hopi amor. Cerca distinguida mamanan Sofia Ana Kelly Arends y Christina Kelly Arends den veranda un aña pasa nos a haci e compromiso cu lo aumenta pensioen pa nos grandinan. Promesa haci, promesa cumpli. Promer nos a percura pa un aumento di 250 florin y awor ta sigui un otro 250 florin. Nos adultonan mayor a carga Aruba riba nan schoudernan pa hopi aña. Nan a traha duro, a cria famia, a conserva nos valornan, warda nos cultura y a entrega nos un Aruba cu nos ta orguyoso, un Aruba y un Pueblo cu nos ta stima.
Cu e aumento den AOV y reparatietoeslag den menos di un aña cu 500 florin pa pensionado soltero y 900 florin pa pareha nos a cumpli cu loke nos a priminti: mas siguridad, mas dignidad, mas paz y trankilidad pa nos grandinan. Ban sigui cu amor cuida nos grandinan. Un Diadomingo Bendiciona y un caluroso abraso [Mike y Doina]”.
Cu e implementacion di e aumento den AOV combina cu e reparatietoeslag, e total di pensioen pa pensionadonan ta subi di manera significativo entre januari 2025 y januari 2026. Esaki ta cumplimento di palabra, basa riba un vision di largo plaso pa un Aruba mas humano y mas husto. Eman ta gradici henter Gabinete AVP-Futuro.
E aumento ta nifica concretamente:
pensioen pa soltero ta subi cu AWG 500 pa luna
pensioen pa pareha ta subi cu AWG 900 pa luna
pensioen pa pareha parti ta subi cu AWG 485 pa luna
Eman ta bisa cu un pais cu no honra su grandinan, ta perde su memoria y su direccion, E aumento di pensioen ta parti di un enfoque mas amplio pa: prosperidad comparti, siguridad social, coherencia den maneho social y un desaroyo cu ta pone curason den maneho di un Pais.

Comunicado y potret: Gabinete AVP- FUTURO

22/12/2025

Minister Geoffrey Wever: Aangifte inkomstenbelasting lo bay ta den forma digital

Oranjestad, 22 december 2025 – Minister di Finansa, Economia y Sector Primario, Geoffrey Wever, ta anuncia cu e formulario di declaracion di inkomstenbelasting proximamente lo bay conoce un cambio grandi y hopi importante. Entrante aña fiscal 2025, e formulario aki lo wordo digitalisa den su totalidad brindando asina mayor eficiencia y rapidez den procesamento di e resultadonan.
“Mi ta sumamente contento cu nos ta cuminsa cu e proyecto importante aki y cu Conseho di Minister di Gabinete AVP-FUTURO a aproba alocacion di Afl. 3.1 miyon pa por ehecuta e proyecto aki y pa e trabou importante cu e profesionalnan di Departamento di Impuesto ta haciendo y lo bay haci pa por logra cu den 2026 tur ciudadano por haci nan aangifte inkomstenbelasting digital”, segun Minister Geoffrey Wever.
Automatisacion di e proceso di inkomstenbelasting ta marca un otro paso importante den e trayecto di digitalisacion y modernisacion di Departamento di Impuesto y ta brinda bentahanan significativo tanto pa e contribuyentenan como pa gobierno por ehempel:
1. Un sistema di declaracion online cu ta facil pa uza y sigur.
2. Mayor calidad di data y miho cumplimento pa cu debernan di impuesto.
3. E procesamento di e declaracion ta sosode den un periodo mucho mas cortico y cu menos gasto administrativo.
4. E ta forma un base solido pa digitalisacion di otro procesonan, manera un mailbox digital.
Dentro di poco lo start cu e proyecto di digitalisacion di e declaracion di inkomstenbelasting cual lo wordo finalisa den transcurso di aña 2026 na momento cu mester otorga e declaracion di inkomstenbelasting di aña 2025.

Introduccion di e formulario di declaracion digital lo sosode a traves di e portal “BO impuesto” (BOi), den cual ta bay integra datonan di e registro di Censo hunto cu e sistema digital di Departamento di Impuesto. Esaki lo permiti pa henter e proceso, desde entregamento di e declaracion, sosode completamente den forma automatisa y rapido.
Minister Wever tin un relacion di trabou estrecho cu Departamento di Impuesto y conhuntamente a encamina e proceso pa adkiri e fondonan di inversion necesario den presupuesto di Pais Aruba, pa asina por realisa e proyecto importante aki.

Minister Wever ta gradici henter e ekipo di Departamento di Impuesto pa tur e trabounan riba tereno di digitalisacion y pa realisacion di e proyecto di digitalisacion di e declaracion di inkomstenbelasting den 2026 y ta garantisa henter e pueblo di Aruba cu realisacion di e proyecto aki lo contribui directamente na mehoracion di e eficiencia administrativo, brinda transparencia y servicio di calidad na e ciudadanonan contribuyente.

Comunicado y potret; Gabinete AVP- FUTURO

Hit 94 fm

24/12/2025

24/12/2025

24/12/2025

23/12/2025

23/12/2025

23/12/2025

23/12/2025

23/12/2025

22/12/2025

22/12/2025

22/12/2025

22/12/2025

Adres

Website

Meldingen

Snelkoppelingen

Delen

Type