AzerNewMedia

09/07/2025

Azərbaycan Kinematoqrafçılar İttifaqının üzvü, fəlsəfə elmləri doktoru, kinoşünas Rəhman Bədəlovun vəfatından kədərlənir və doğmalarına dərin hüznlə baş sağlığı veririk.
Allah rəhmət eləsin!
AzerNyuMedia MMC və “Cinema Radio” Kino Radio Kanalı.

08/07/2025

🎬 Azərbaycanda film istehsalına dövlət dəstəyi: xərclər qismən geri ödənəcək

Azərbaycan Respublikası Prezidentinin 2025-ci il 29 may tarixli 610 nömrəli Sərəncamının 1-ci hissəsinin icrasını təmin etmək məqsədilə Nazirlər Kabineti tərəfindən ölkəmizdə ilk dəfə olaraq “Filmlərin istehsalı üçün çəkilmiş xərclərin qismən geri ödənilməsi Qaydaları” təsdiq edilib.

📽️ Yeni Qaydalar Azərbaycanda yerli və xarici istehsalçılar tərəfindən kinematoqrafiya və digər audiovizual məhsulların istehsalını təşviq etməyə, bu sahəyə investisiya cəlbediciliyini artırmağa və kino sənayesinin davamlı inkişafına xidmət edir.

🎯 Qaydaların əsas məqsədləri:
• Azərbaycanda istehsal olunan filmlərə çəkilən xərclərin bir hissəsinin geri qaytarılması mexanizmini tənzimləmək
• Xarici prodüserləri ölkəmizdə film istehsalına təşviq etmək və beynəlxalq əməkdaşlığı gücləndirmək
• Kinematoqrafiyada şəffaf, səmərəli və əlçatan dəstək mexanizmi formalaşdırmaq
• Yerli istehsalçıların rəqabət qabiliyyətini və texniki imkanlarını artırmaq

🔎 Geri ödəniş yalnız müəyyən meyarlara cavab verən və auditdən keçmiş layihələrə şamil olunacaq. Proses şəffaflıq, effektivlik və beynəlxalq təcrübəyə uyğunluq prinsipləri əsasında həyata keçiriləcək.

🌍 Bu qərar kino sənayesində dövlət dəstəyinin sistemli şəkildə qurulmasına xidmət etməklə yanaşı, Azərbaycanın regional audiovizual mərkəzə çevrilməsi və ölkəmizin təbii çəkiliş məkanlarının dünyaya tanıdılması üçün unikal fürsət yaradır.

Ətraflı: https://nk.gov.az/az/senedler/qerarlar/filmlerin-istehsali-ucun-cekilmis-xerclerin-qismen-8911

07/07/2025

Azərbaycan Kinematoqrafçılar İttifaqı

07/07/2025

Son günlər bəzi informasiya resurslarında və sosial media platformalarında Azərbaycan Respublikası Mədəniyyət Nazirliyinin guya Rusiya Federasiyası ilə mədəniyyət sahəsində ikitərəfli əməkdaşlığın təbliği ilə bağlı təşəbbüs irəli sürdüyünə dair saxta sənəd yayılmışdır. Bu saxta sənədin Mədəniyyət Nazirliyi ilə heç bir əlaqəsi yoxdur. Nazirlik tərəfindən belə bir sənəd hazırlanmayıb və yayılmayıb.
Vətəndaşlardan və media nümayəndələrindən rəsmi məlumatları yalnız Nazirliyin rəsmi internet səhifəsi və sosial media kanallarından əldə etmələri xahiş olunur.

06/07/2025

4-6 iyul tarixlərində Los Angelesdə keçirilən Yapon Anime Expo Sərgisi haqqında Real TV-nin hazırladığı reportajı diqqətinizə təqdim edirik.

Müəllif - Kamran Gasimov
Montaj rejissoru - İlqar Şükürov

06/07/2025

Azərbaycan Respublikası Mədəniyyət Nazirliyinin təqdimatında "AzerNyuMedia" "REAL FM"-də “Sinema Radio”nun 317-ci buraxılışını təqdim edir. Qonağımız Hollivudda fəaliyyət göstərən həmyerlimiz, kinorejissor Rüstəm Vəkilovdur.

06/07/2025

4-6 iyul tarixlərində, miqrantların etiraz aksiyalarından sonra Los Angelesdə, Crypto stadionu və onun ətraf ərazilərində dünyanın ən böyük Yapon Animesi sərgisi keçirilir. Daha ətraflı "Cinema Radio" Kino Radio Kanalının rəhbəri, Real Televiziyasının Amerika Birləşmiş statlarındakı xüsusi müxbiri Kamran Qasımovun hazırladığı reportajı REAL TV-də izləyə bilərsiniz.

(c) Fotolar Azernyumedia MMC-yə məxsusdur.

04/07/2025

Azərbaycan Respublikası Mədəniyyət Nazirliyinin təqdimatında "AzerNyuMedia" "REAL FM"-də “Sinema Radio”nun 317-ci buraxılışını təqdim edir. Qonağımız Hollivudda fəaliyyət göstərən həmyerlimiz, kinorejissor Rüstəm Vəkilovdur.

04/07/2025

Kino sənayesinə vergi güzəştləri tətbiq olunacaq

Vergi Məcəlləsinə edilən dəyişikliklərə əsasən, 2025-ci il iyulun 1-dən etibarən kino sənayesinin inkişafını stimullaşdırmaq məqsədilə aşağıdakı vergi güzəştləri qüvvəyə minir:

Azərbaycan Respublikasında qanunla müəyyən edilmiş qaydada qeydiyyatdan keçən və film istehsalı və dublyajı fəaliyyəti ilə məşğul olan kinematoqrafiya müəssisələri və filmin prodüserləri bu fəaliyyətlərdən əldə etdikləri mənfəətin 90 faizi üzrə 5 il müddətinə mənfəət vergisindən azad olunurlar;

Film istehsalı və dublyajı sahəsində fəaliyyət göstərən fiziki şəxslər və prodüserlər həmin fəaliyyətlərdən əldə etdikləri gəlirin 90 faizi üzrə 5 il müddətinə gəlir vergisindən azad edilirlər;

Film istehsalı, yayımı və dublyajı sahəsində fəaliyyət göstərən kinematoqrafiya müəssisələri və prodüserlərin istifadə etdikləri obyektlərin yerləşdiyi torpaqlar 5 il müddətinə torpaq vergisindən azad edilir;

Filmin istehsalı, yayımı və dublyajı fəaliyyətlərinə aid olan qeyri-maddi aktivlər (məsələn, ssenarilər, musiqi əsərləri və s.) üzrə müəllif hüquqlarından istifadə və ya istifadə hüquqlarının verilməsindən əldə olunan royalti gəlirləri 5 il müddətinə 14 faiz dərəcə ilə ödəmə tətbiq edilən vergidən azad olunur.

Bu dəyişikliklər Azərbaycan kino sənayesinin inkişafına töhfə vermək və yerli istehsalın təşviqi məqsədi daşıyır.

03/07/2025

03/07/2025

Əməkdar İncəsənət Xadimi, kinorejissor, Dövlət Fiım Fondunun direktoru, Cinema Radio Kino Radio Kanalının ilk məsləhətçisi və bu gün də sıx əməkdaşlığını davam etdirən, gənc kinematoqrafçıların yetişməsində misilsiz xidmətləri olmuş Cəmil Quliyevi doğum günü münasibətilə ürəkdıən təbrik edir, can sağlığı və firavanlıq diləyirik.

01/07/2025

https://youtu.be/EufGOfUezJo?si=PwU1EMe2IVXPEbL-

Azərbaycan Respublikası Mədəniyyət Nazirliyinin təqdimatında "AzerNyuMedia" "REAL FM"-də “Sinema Radio”nun 316-cı buraxılışını təqdim edir. Qonağımız “Kinobo...