Azərbaycan məktəbi / Academic Journal

17/07/2025

Beynəlxalq Ədalət günü – insan hüquqlarının, sülhün və hüququn aliliyinin qlobal miqyasda müdafiəsinə çağırış günüdür. Ədalət hamı üçün və hər yerdə təmin edilməlidir.

15/07/2025

Çarlz Horton Kuli tərəfindən irəli sürülmüş “Looking-glass self” nəzəriyyəsi bu gün smartfon ekranlarında yeni məna qazanır. Bir şəxs müxtəlif platformalarda fərqli “mən” rolları ilə çıxış edir.

Bəs sosial mediada formalaşan bu fərqli kimliklər gənclərin psixoloji sağlamlığına necə təsir edir?

Bu barədə “Azərbaycan məktəbi” jurnalının “Aktual” bölməsinin “Yolgöstərən” rubrikasında dərc edilən “Eyni vaxtda bir neçə mən” məqaləsində oxuya bilərsiniz.

Ətraflı məlumat üçün aşağıdakı linkə keçid edə bilərsiniz:
https://as-journal.edu.az/eyni-vaxtda-bir-nec%C6%8F-m%C6%8Fn

15/07/2025

15 iyul — Dünya Gənclərinin Bacarıqları günüdür.

08/07/2025

Oxu vərdişi tibbi göstəriş olarsa, bu yanaşma hansı nəticələri verə bilər?

Bu barədə “Azərbaycan məktəbi” jurnalının “Aktual” bölməsinin “Təhsilə baxış” rubrikasında dərc edilən “Həkim məsləhəti: “Uşağa kitab oxuyun” məqaləsində oxuya bilərsiniz.

Ətraflı məlumat üçün aşağıdakı linkə keçid edə bilərsiniz:
https://as-journal.edu.az/h%C6%8Fkim-m%C6%8Fsl%C6%8Fh%C6%8Fti-usaga-kitab-oxuyun

01/07/2025

“Azərbaycan məktəbi” jurnalının 2025-ci il, 2-ci sayında “Peşə təhsili müəssisələrində mühəndis-pedaqoji heyətin bilik və bacarıq səviyyəsinin əmək bazarının tələblərinə uyğun kadrların hazırlanmasına təsiri” başlıqlı məqalə dərc olunub.

İstanbul Universitetinin doktorantı, Azərbaycan Respublikasının Təhsil İnstitutunun Təhsildə tətbiqi tədqiqatlar şöbəsinin müdiri Leyla Sultanlı məqalədə peşə təhsili müəssisələrinin əmək bazarının tələblərinə uyğun kadr hazırlığında mühəndis-pedaqoji heyətin bilik və bacarıq səviyyəsinin rolunu araşdırıb. Müəllif bu məqsədlə müxtəlif bölgələrdəki peşə məktəblərinin məzunları ilə müsahibələr apararaq onların məşğulluq vəziyyətini, ixtisas üzrə iş tapmaq imkanlarını və təhsil aldıqları müəssisələr haqqında fikirlərini toplayıb.

Araşdırma nəticəsində bəlli olub ki, bir çox məzunlar öz ixtisasları üzrə deyil, fərqli sahələrdə çalışır və bunun səbəbi kimi zəif təcrübə imkanları və qeyri-kafi praktiki tədris göstərilir. Məzunların müəllim heyətinin tədris bacarıqları, istifadə olunan metodlar və texnologiyalarla bağlı fikirləri müxtəlif olub. Məqalədə həmçinin peşə təhsilinin keyfiyyətinin artırılması üçün praktikyönlü dərslərin, sənaye ilə əməkdaşlığın və tədris resurslarının gücləndirilməsi təklif olunur.

Məqaləni jurnalın rəsmi internet səhifəsindən və beynəlxalq indeksləmə portallarından oxuya bilərsiniz.

01/07/2025

Həssas uşaqlar üçün məktəbdəki sabitlik “təhlükəsiz zona” kimi qəbul olunur. Məktəbdən kənarda bu uşaqlarda narahatlıq və emosional gərginliklər daha çox baş verə bilər.

Bəs valideynlər yay tətilində nələr edə bilər?

Sadə vizual planlamadan tutmuş davranış sistemlərinə qədər səmərəli üsullar bu məqalədə yer alıb.

Həssas uşaqların yay tətilini daha təhlükəsiz və mənalı etmək üçün “Azərbaycan məktəbi” jurnalının “Aktual” bölməsinin “Yolgöstərən” rubrikasında dərc edilən “Həssas uşaqların yay tətili” adlı məqaləni oxuya bilərsiniz.

Ətraflı məlumat üçün aşağıdakı linkə keçid edə bilərsiniz:
https://as-journal.edu.az/h%C6%8Fssas-usaqlarin-yay-t%C6%8Ftili

30/06/2025

Yay tətili şagirdlər üçün istirahət və əyləncə vaxtıdır, lakin bu müddətdə öyrənməni davam etdirmək də vacibdir. Kiçik addımlarla uşaqlar həm əylənə, həm də biliklərini möhkəmləndirə bilərlər. Mütəxəssislərin bəzi tövsiyələrini təqdim edirik:

•Birlikdə oxuyun – uşaqlar üçün maraqlı kitablar seçib gündəlik oxu saatı yaratmaq həm faydalı, həm də əyləncəlidir.
•Multimedia imkanlarından istifadə – podkastlar, animasiyalar və sənədli filmlər yeni biliklər üçün zəngin mənbələrdir.
•Mütaliə vərdişini qoruyun – gündəlik qısa oxu vərdişləri davamlılığı təmin edə bilər.
•Maraq dairəsinə uyğun fəaliyyətlər – uşağın maraqlandığı sahə üzrə kiçik tapşırıqlar və araşdırmalar onu stimullaşdıra bilər.

Yay öyrənməsi — bu, imtahana hazırlıq deyil, kəşf etmək fürsətidir.

26/06/2025

24/06/2025

Geyimdən texnologiyaya, təhsildən təcrübəyə qədər hər sahədə qarşımıza çıxan Didro effekti həyat tərzimizi necə formalaşdırır?

Bu barədə “Azərbaycan məktəbi” jurnalının “Aktual” bölməsinin “Yolgöstərən” rubrikasında dərc edilən “Diqqət: Didro effekti” məqaləsində oxuya bilərsiniz.

Ətraflı məlumat üçün aşağıdakı linkə keçid edə bilərsiniz:
https://as-journal.edu.az/diqqƏt-didro-effekti

20/06/2025

Uşaqlar müharibə xəbərlərini necə anlayır?
Onlar görüntüləri necə başa düşür, hansı hissləri yaşayırlar?
Uşaqları belə informasiyanın ağırlığından necə qoruyaq?

Bu barədə “Azərbaycan məktəbi” jurnalının “Aktual” bölməsinin “Yolgöstərən” rubrikasında dərc edilən “Xəbərlər uşaqlara necə təsir edir?” məqaləsində oxuya bilərsiniz.

Ətraflı məlumat üçün aşağıdakı linkə keçid edə bilərsiniz:
https://as-journal.edu.az/x%C6%8Fb%C6%8Frl%C6%8Fr-usaqlara-nec%C6%8F-t%C6%8Fsir-edir

17/06/2025

Araşdırmalara görə, yay aylarında şagirdlər qazandıqları biliklərin üçdə birini itirə bilər!

Bəs bu itkilərin qarşısını necə almaq olar?
Valideynlərin və müəllimlərin rolu nədir?
Maraqlı və sadə yollarla öyrənməni tətildə necə davam etdirmək olar?

Bu barədə “Azərbaycan məktəbi” jurnalının “Aktual” bölməsinin “Yolgöstərən” rubrikasında dərc edilən “Təhsildə fasilə olmur, o sadəcə formasını dəyişir” məqaləsində araşdırılıb.

Ətraflı məlumat üçün aşağıdakı linkə keçid edə bilərsiniz:
https://as-journal.edu.az/t%C6%8Fhsild%C6%8F-fasil%C6%8F-olmur-o-sad%C6%8Fc%C6%8F-formasini-d%C6%8Fyisir

17/06/2025

“Azərbaycan məktəbi” jurnalının 2025-ci il, 1-ci sayında “Riyazi idrak prosesinə sinir şəbəkələrinin təsiri: riyaziyyatın tədrisində neyropedaqoji yanaşma” başlıqlı məqalə dərc olunub.

Lənkəran Dövlət Universitetinin magistrantı Elşən Səfixanov məqalədə riyazi idrak prosesində insan beynindəki sinir şəbəkələrinin rolundan və bu biliklərin riyaziyyatın tədrisində neyropedaqoji yanaşmalar vasitəsilə necə tətbiq oluna biləcəyindən bəhs edib.

Müəllif müxtəlif beyin kortekslərinin – prefrontal, parietal, temporal, oksipital korteks və hipokampusun – riyazi düşüncə və öyrənmədəki funksional əhəmiyyətini izah edərək fərdiləşdirilmiş tədris metodlarının şagirdlərin idrak bacarıqlarını inkişaf etdirməkdə mühüm rol oynadığını vurğulayıb.

Məqaləni jurnalın rəsmi internet səhifəsindən və beynəlxalq indeksləmə portallarından oxuya bilərsiniz.