Ağdaş Qəzeti

08/08/2025

Ağzıbir kəndində şəhid İbrahimxəlilov Söyxan Eldəniz oğlunun, və Ağdaş şəhərində şəhid İsmiyev Emil Elman oğlunun doğum günü münasibətilə ailələri və məzarları Rayon İcra Hakimiyyətinin məsul əməkdaşı Mahir Musayev, şəhid ailələri, müharibəsi iştirakçıları və ictimaiyyət nümayəndələri tərəfindən ziyarət edilmişdir. Allah bütün şəhidlərimizə rəhmət eləsin.

02/08/2025

Ağdaş rayonunun Ləki yolu istiqamətində, Qaz Magistralının qarşısında yol-nəqliyyat hadisəsi baş vermişdir. Ağdaş Rayon Polis Şöbəsi tərəfindən araşdırma aparılır

25/07/2025

Ağdaş şəhər sakini, dövlət qulluğunda çalışmış Salehov Elman Şakir oğlu 25.07.2025 tarixdə vəfat etmişdir.
Allah rəhmət eləsin!

24/07/2025

Tələbələrə verilən təqaüdlərin məbləğinin artırılması ilə bağlı Azərbayca Respublikası Prezidentinin sərəncamı
Doktorantura səviyyəsi üzrə: elmlər doktoru hazırlığı üzrə doktorantlara – 450 manat;
fəlsəfə doktoru hazırlığı üzrə doktorantlara – 300 manat;

Ali təhsil müəssisələrində:

Magistratura səviyyəsi üzrə: göstəriciləri 91–100 bal olan tələbələrə – 240 manat;
göstəriciləri 71–100 bal olan tələbələrə – 180 manat; göstəriciləri 51–100 bal olan tələbələrə – 120 (yüz iyirmi) manat;

Bakalavriat (əsas (baza ali) tibb təhsili) səviyyəsi üzrə:

göstəriciləri 91–100 bal olan tələbələrə – 200 (iki yüz) manat; göstəriciləri 71–100 bal olan tələbələrə – 160 (yüz altmış) manat; göstəriciləri 51–100 bal olan tələbələrə – 110 (yüz on) manat;

Orta ixtisas təhsili müəssisələrində:

göstəriciləri 91–100 bal olan tələbələrə – 110 (yüz on) manat; göstəriciləri 71–100 bal olan tələbələrə – 90 (doxsan) manat; göstəriciləri 51–100 bal olan tələbələrə – 70 (yetmiş) manat;
Peşə təhsili alan
göstəriciləri “5” (yüksək texniki peşə təhsili səviyyəsində 91–100 bal) olan tələbələrə – 110 (yüz on) manat;göstəriciləri “4” və “5” (yüksək texniki peşə təhsili səviyyəsində 71–100 bal) olan tələbələrə – 90 (doxsan) manat;göstəriciləri “3”–“5” (yüksək texniki peşə təhsili səviyyəsində 51–100 bal) olan tələbələrə – 70 (yetmiş) manat.

24/07/2025

Qülbəndə kəndində nümunəvi ictimai təşəbbüs

Ağdaş rayonunun Qülbəndə kəndində son 4 ayda sakinlərin təşəbbüsü ilə ianə fondu yaradılıb. Fondun təşkilatçıları Mahir Musayev, Tələt Alxasov, Elnur Həsənov, Ramiq Məmmədov və Sədyar Cəbrayılovdur.

Hər ay orta hesabla 1000 manat vəsait toplanır. Bu müddətdə aşağıdakı işlər görülüb:

26 “KamAZ” çınqıl tökülərək kənd yollarının abadlaşdırılmasına başlanılıb;

Qəbiristanlıqda naves quraşdırılıb, su (kaçalkası) vurulub, giriş-çıxış yolları səliqəyə salınıb;

Artizan quyularının ətrafına gecə işıqlandırması sistemi qurulub.

Bu təşəbbüs kəndin birliyini və ictimai həmrəyliyini əks etdirir.

24/07/2025

Dövlət Sərhəd Xidmətinin hərbi qulluqçusu, 2001-ci il təvəllüdlü Vətən müharibəsi iştirkaçısı,Məmmədov Aslan Araz oğlu 23 iyul 2025-ci il tarixində uzun sürən beyin xərçəngi xəstəliyindən sonra Bakı şəhərində vəfat etmişdir.

Məmmədov Aslan Araz oğlu 26 sentyabr 2001-ci il tarixində anadan olmuş, rəsmi qeydiyyatı Ağdaş rayonu Tofiqi kəndindədir. Valideynləri hal-hazırda Ləki qəsəbəsində yaşayırlar.

Allah rəhmət eləsin!

24/07/2025

Nehrəxəlil kəndindən üzücü xəbər
2002-ci il təvəllüdlü kənd sakini Qiyas İsmayılovun intihar etdiyi bildirilir. Məsələ ilə bağlı araşdırma aparılır.
Allah rəhmət eləsin.

22/07/2025

18/07/2025

Ağdaş Rayon İcra Hakimiyyətinin başçısı Orxan Hüseynzadə Birinci Qarabağ müharibəsi şəhidləri Əliyev Elbrus Əskər oğlu və Xasməmmədov Əzməmməd Nuru oğlunun ailələrini ziyarət edib.

Dövlət tərəfindən şəhid ailələrinə təqdim edilmiş mənzillərdə baş tutan görüşlərdə Səfərbərlik və Hərbi Xidmətə Çağırış üzrə Dövlət Xidmətinin Ağdaş rayon şöbəsinin rəisi və rayon İcra Hakimiyyətinin məsul əməkdaşları da iştirak ediblər.

Hər iki şəhidimizin əziz xatirəsi ehtiramla yad edilib.

18/07/2025

"Konstitusiya və Suverenlik İli" çərçivəsində " Ağdaş Rayon İcra Hakimiyyəti və Qərbi Azərbaycan İcmasının birgə təşkilatçılığı ilə rayonda “Qərbi Azərbaycan İrsi: Ermənistanda azərbaycanlıların maddi-mədəni irsinin – qəbiristanlıqların sistemli qaydada dağıdılmasının nəticələri və beynəlxalq hüquqi məsuliyyətə dair hesabat və materiallar” kitabının I cildinin təqdimat mərasimi keçirilib.

Ağdaş rayonu, Heydər Əliyev Mərkəzində keçirilən tədbirdə rayon İcra Hakimiyyətinin başçısı Orxan Hüseynzadə, Milli Məclisin deputatı Sahib Alıyev, Qərbi Azərbaycan İcmasının elmi işçisi Şəmsi Qocayev, rayon İcra Hakimiyətinin məsul əməkdaşları, ictimaiyyətin nümayəndələri və bir qrup Qərbi Azərbaycan əsilli şəxslər iştirak ediblər.

18/07/2025

Ağdaş rayonu Ləki qəsəbəsi 6 nömrəli tam orta məktəbin X sinif şagirdi Abdullazadə Abdulla Nicat oğlu 2025-ci ilin 22–28 iyun tarixlərində Sinqapurda keçirilən Beynəlxalq Kibertəhlükəsizlik Olimpiadasında uğurla çıxış edərək gümüş medal qazanıb.

Gənc istedadın qazandığı bu mühüm nailiyyət münasibətilə Ağdaş Rayon İcra Hakimiyyətində onunla görüş keçirilib.

17/07/2025

Bu gün Kotavan kəndindən olan Vətən Müharibəsi şəhidi Məmmədov Kənan Hüseyn oğlunun doğum günü münasibətilə ailəsi Ağdaş Rayon İcra Hakimiyyətinin əməkdaşları tərəfindən ziyarət olunmuşdur. Şəhidin xatirəsi ehtiramla yad edilmiş, ailəsinə dərin hörmət və ehtiram ifadə olunmuşdur. Allah rəhmət eləsin.