https://www.facebook.com/1048326952022663/

Talk Tv İnternet Televiziyası, Baku, Baku-Baladshary (2025)

12/09/2025

Metroda qatarlar arasında interval dəyişdi

Sentyabrın 15-dən tətbiq ediləcək payız-qış hərəkət qrafikinə əsasən, metropoliten tarixində ilk dəfə p*k saatlarda qatarlar arasında interval 1 dəqiqə 45 saniyəyə endirilir.

Yeni qrafikə əsasən “28 May-Əhmədli” sahəsində:

- İş günləri səhər (saat 07:30–09:30) və axşam (saat 17:00–19:30) p*k saatlarda interval 1 dəqiqə 45 saniyə;

- Səhər saat 07:00–07:30 aralığında interval 1 dəqiqə 52 saniyə, 09:30–10:00 aralığında isə 2 dəqiqə;

- Axşam 19:30–20:00 aralığında interval 2 dəqiqəyə qədər olacaq.

12/09/2025

“Göbələk Qətli”: Qaynatasını, qaynanasını...

Avstraliyada geniş rezonans doğuran cinayət işində 49 yaşlı Erin Patterson üç qohumunu zəhərli göbələklə öldürdüyünə görə ömürlük həbs cəzası alıb. Hakim onun yalnız 33 il sonra şərti azadlığa buraxılmaq üçün müraciət edə biləcəyinə qərar verib.

Hadisə 2023-cü ilin iyul ayında baş vermişdi. Patterson, ayrı yaşadığı həyat yoldaşının ailə üzvlərini evinə nahara dəvət etmiş və onlara “death cap” (ölüm papağı) adlı çox zəhərli göbələklərlə hazırlanmış yemək vermişdi. Yeməyi yedikdən sonra onun qayınanası, qayınatası və həyat yoldaşının xalası ağır zəhərlənmə nəticəsində dünyasını dəyişmiş, daha bir qohumu isə uzun müddət xəstəxanada müalicə olunaraq sağ qalmışdı.

İstintaq müəyyən edib ki, Patterson qəsdən bu göbələkləri istifadə edərək onların ölümünə səbəb olub. O, əvvəlcə hadisəni təsadüfi zəhərlənmə kimi təqdim etməyə çalışsa da, sübutlar onun planlı şəkildə qətl törətdiyini ortaya çıxarıb.

Bu iş Avstraliyada son illərin ən çox müzakirə olunan məişət cinayətlərindən biri hesab olunur və cəmiyyət arasında böyük həyəcan doğurub. Məhkəmənin hökmü ilə Erin Patterson uzun illər həbsxanada qalacaq.

11/09/2025

Qəzzada bir gündə 70 nəfər öldürüldü

- Qətərin baş naziri Şeyx Məhəmməd bin Əbdülrəhman bin Casim Al Tani İsrailin Dohaya ölümcül hava hücumundan sonra Benyamin Netanyahunu “dövlət terroru”na görə “məhkəmə qarşısına çıxarmağa” çağırıb.

- Şeyx Məhəmməd bildirib ki, Qətər Netanyahunun hədələyici bəyanatlarına baxmayaraq, regionda və onun hüdudlarından kənarda “etibarlı və qərəzsiz” vasitəçi rolunu davam etdirəcək.

- İsrail qüvvələri çərşənbə günü 70-dən çox insanın ölümünə səbəb olan Qəzza zolağının bombardmanlarını davam etdirir, eyni zamanda Yəmənə ən azı 35 nəfərin ölümü ilə nəticələnən ölümcül hücumlar təşkil edib.

- Humanitar və insan haqları təşkilatları, cənubda təhlükəli həddən artıq sıxlığa baxmayaraq, bir milyon insanın Qəzza şəhərini tərk etməsi tələbi ilə İsrailin məcburi qovulma əmrindən narahat olduğunu bildirib.

- İsrailin Qəzzaya qarşı müharibəsi 2023-cü ilin oktyabrından bu yana ən azı 64.656 nəfərin ölümünə və 163.503 nəfərin yaralanmasına səbəb olub. Daha minlərlə insanın dağıntılar altında olduğu güman edilir.

- Oktyabrın 7-də baş verən hücumlar zamanı İsraildə ümumilikdə 1139 nəfər həlak olub, 200-ə yaxın insan isə əsir götürülüb.

11/09/2025

Diri-diri yandırdılar - Nepalda nə baş verir?

Geçən həftə Nepal hökumət sosial media platformalarına, (Facebook, İnstagram və YouTube) qadağa tətbiq etdi. Bu addım əhali arasında geniş etirazlara səbəb oldu, etirazlar xüsusən gənclər arasında sürətlə yayıldı.

Etirazçılar qadağanın ləğv olunmasını və korrupsiya ilə mübarizə tələb etdilər. Polislə toqquşmalar baş verdi; rezin güllələr və gözyaşardıcı qazdan istifadə olundu. Ölənlərin sayı azı 19 nəfərdir, ciddi xəsarətlər baş verib.

Təzyiqlərə dözməyən baş nazir Sharma Oli istefa verdi. Bir neçə hökumət binası və siyasətçilərin evləri yandırıldı, darmadağın edildi, ailə üzvləri öldürüldü. Bəzi yüksək çinli məmurlar helikopterlə ölkəni tərk etdilər. Həbsxanalarda kütləvi qaçışlar oldu.

Hərbçilər paytaxt Katmandu və başqa şəhərlərdə patrul məsuliyyətini öz üzərinə götürdü, komendant saatı elan edildi.

Hazırda danışıqlar başlanılıb - bəzi tərəflər keçmiş Ali Məhkəmə sədri Sushila Karki-nin keçid müddəti üçün lider olmasını təklif edir.

Bu günə kimi ölənlərin sayı 25-ə çatıb, yaralılar isə 600-dən çoxdur.

Sosial media qadağası ləğv edilsə də, etirazlar davam edir, gərginlik azalmayıb. Gənclərin korrupsiya, iqtisadi yüksəliş və söz azadlığı tələbləri artır.

Nepal hazırda ən kəskin siyasi və ictimai böhran dövrünü yaşayır. Sosial media qadağasından başlayan gərginlik dövlət quruluşuna meydan oxumağa qədər genişlənib. Vəziyyət qeyri-sabit olaraq qalmaqdadır, nizamlama və dialoq çağırışları davam edir.

11/09/2025

ABŞ-də sui-qəsd: Trapm tərəfdarı güllələnib

- Utah ştatında, Utah Valley Universitetində keçirilən ictimai tədbir zamanı ABŞ-ın tanınmış sağ qanad fəalı və Turning Point USA təşkilatının rəhbəri Charlie Kirk boğazından güllə yarası alaraq ölüb.

- Hadisə 10 sentyabr 2025-ci ildə “American Comeback Tour” çərçivəsindəki çıxışı zamanı baş verib. Şahidlərin sözlərinə görə, atəş ehtimal ki, kampusdakı bir binanın damından, uzaq məsafədən açılıb. Zalda panika yaranıb, iştirakçılar qaçaraq sığınmağa çalışıblar.

- Kirk dərhal xəstəxanaya çatdırılsa da, aparılan əməliyyata baxmayaraq xilas etmək mümkün olmayıb.

- Hadisə ilə bağlı ilkin mərhələdə bir nəfər saxlanılsa da, daha sonra buraxılıb. Hüquq-mühafizə orqanları, o cümlədən FBI və ATF araşdırmanı davam etdirir. Hazırda atəş açanın kimliyi və motivi barədə rəsmi açıqlama yoxdur.

- Utah qubernatoru Spencer Cox hadisəni “siyasi sui-qəsd” adlandırıb. ABŞ Prezidenti Donald Trump, vitse-prezident Kamala Harris və digər siyasi liderlər isə zorakılığı qətiyyətlə pisləyiblər.

- Qeyd edək ki, Charlie Kirk ABŞ-da Donald Trump-ın ən yaxın müttəfiqlərindən biri və gənclər arasında təsirli siyasi sima kimi tanınırdı.

10/09/2025

İsrail Qətərin paytaxtını vurdu

- Qəzza şəhərini ələ keçirmək və bir milyon fələstinlini evlərini tərk etməyə məcbur etmək üçün hücum davam edərkən, daha bir hündürmərtəbəli bina İsrailin hava hücumu ilə hədəfə alınıb. Bu, yaxınlarda vurulmuş yeddinci böyük qüllədir.

- Son 24 saat ərzində biri uşaq olmaqla daha 5 fələstinli aclıqdan və ağır qida çatışmazlığından ölüb.

- İsrail Qəzza zolağında atəşkəs danışıqlarında əsas vasitəçi olan Qətərin paytaxtında Həmas rəhbərliyinə qarşı görünməmiş hücum həyata keçirib.

- HƏMAS bildirib ki, zərbə nəticəsində beş üzvü həlak olub. Hücum zamanı Qətər təhlükəsizlik rəsmisi də həlak olub.

- ABŞ prezidenti Donald Tramp hücumla bağlı narazılığını bildirib. "Bu yaxşı vəziyyət deyil", - Tramp deyib.

- Qətərin baş naziri zərbəni "dövlət terroru" kimi xarakterizə edərkən açıq şəkildə qəzəbləndi.

- İsrailin Qəzzaya qarşı müharibəsi 2023-cü ilin oktyabrından bu yana ən azı 64.605 nəfərin ölümünə və 163.319 nəfərin yaralanmasına səbəb olub. Daha minlərlə insanın dağıntılar altında olduğu güman edilir.

Oktyabrın 7-də baş verən hücumlar zamanı İsraildə ümumilikdə 1139 nəfər həlak olub, 200-ə yaxın insan isə əsir götürülüb.

10/09/2025

Rusiyanın Ukraynada itirdikləri - SİYAHI

Rusiyanın Ukrayna müharibəsindəki bu günə qədər olan itkilərinin siyahısı:

Hərbi şəxsi heyət - təqribən 1 082 990 şəxs (+850)

Tanklar - 11 155 (son 4 ədəd artırılıb)

Zirehli döyüş maşınları (AFV) - 23 229 (+17)

Artilleriya sistemləri - 32 248 (+49)

Multipleks raket sistemi (MLRS) - 1 476

Hava müdafiəsi qurğuları - 1 213

Təyyarələr - 422

Helikopterlər - 341 (+1)

PUA (dronlar) - 55 276 (+214)

Kruiz raketləri - 3 664

Gəmi və katerlər - 28

Dənizaltılar - 1

Avtomobil və benzin tankerləri - 60 399 (+94)

Xüsusi təchizat - 3 952

10/09/2025

Xəstələri zəhərləyib, sonra "xilas" edən həkimin məhkəməsi keçirilib

Fransa, Besançon - Fransız anestezioloq Frederic Pechier ölkənin ən qalmaqallı məhkəmə proseslərindən birinin mərkəzindədir. O, 2008-2017-ci illər arasında 30 xəstəni qəsdən zəhərləməkdə ittiham olunur.

İstintaq materiallarına görə, həkim xəstələrin damarına yüksək dozada dərman yeridərək ürək dayanmasına səbəb olub. Fövqəladə vəziyyət yaranan kimi isə özü müdaxilə edərək xəstələri xilas etməyə çalışıb və beləliklə “qəhrəman həkim” obrazı yaratmaq istəyib.

Nəticədə, 12 nəfər həyatını itirib, digərləri isə ağır vəziyyətdən sağ çıxıb. Zərərçəkənlərin ailələri illərdir ədalət gözləyir.

Məhkəmə prosesi 8 sentyabr 2025-ci ildə başlayıb və dekabr ayında hökmün elan olunacağı gözlənilir. Əgər günahı sübuta yetirilsə, Pechier ömürlük həbs cəzası ilə üzləşəcək.

İttiham tərəfi həkimi “öz şöhrəti üçün insan həyatını qurban verməkdə”, müdafiə tərəfi isə “sübutların yetərsizliyi”ndə israr edir. 150-dən çox zərərçəkən və 50-yə yaxın vəkil məhkəmə zalında iştirak edir.

Bu hadisə Fransada səhiyyə sisteminə inamı ciddi sarsıdıb və ictimaiyyətdə böyük rezonans doğurub.

09/09/2025

Qəzzada yemək axtaranlar öldürülür

- İsrailin səhər saatlarından Qəzzada həyata keçirdiyi hücumlar nəticəsində azı 21 nəfər həlak olub. Ölənlər arasında daha çox yardım axtaranlar var.

- İsrailin Baş naziri Benyamin Netanyahu intensiv quru əməliyyatlarıyla hədələyərək, Qəzzanın mərkəzindəki fələstinlilərə şəhəri tərk etmələri ilə bağlı xəbərdarlıq edib.

- HƏMAS Netanyahunun təhdidlərini pisləyib və Qəzza şəhərindəki hündür binaların, o cümlədən əs-Salam qülləsinin dağıdılmasını “sadizmin və cinayətkarlığın ən iyrənc görüntülərindən biri” kimi pisləyib.

- İsrailin Qəzzaya qarşı müharibəsi 2023-cü ilin oktyabrından bu yana ən azı 64 522 nəfərin ölümünə və 163 096 nəfərin yaralanmasına səbəb olub. Daha minlərlə insanın dağıntılar altında qaldığı güman edilir.

- Oktyabrın 7-də baş verən hücumlar zamanı İsraildə ümumilikdə 1139 nəfər həlak olub, 200-ə yaxın insan isə əsir götürülüb.

09/09/2025

Rusiya-Ukrayna müharibəsi: 1293-cü gün

- Ukraynanın Donetsk vilayətində Rusiyanın hücumları nəticəsində 4 nəfər ölüb, 10 nəfər yaralanıb.

- Rusiya qüvvələrinin Ukraynanın Zaporojya vilayətində 17 yaşayış məntəqəsinə endirdiyi 449 zərbə nəticəsində iki nəfər ölüb, bir nəfər yaralanıb.

- Ukrayna qüvvələri Rusiya tərəfindən işğal olunmuş Donetskə “kütləvi” pilotsuz təyyarə hücumu edib, nəticədə iki mülki şəxs həlak olub.

- Ukrayna qüvvələri Ukraynanın Donetsk vilayətinin Zariçne kəndini geri alıb.

- Rusiya qüvvələri gecə ərzində Kiyev vilayətində istilik enerjisi istehsal edən obyektə hücum edərək, yerli işıqların kəsilməsinə və qazın kəsilməsinə səbəb olub.

- Rusiya Federal Təhlükəsizlik Xidməti (FTX) Azərbaycan vətəndaşını Rusiyanın Yessentuki və Stavropol şəhərlərində hökumət binalarına mümkün hücumlar üçün Ukrayna ilə birlikdə kəşfiyyat missiyası apardığını iddia edərək saxlayıb.

- Rusiya qüvvələri 24 saat ərzində 195 Ukrayna pilotsuz təyyarəsini və iki hava bombasını vurub.

08/09/2025

İsrail davam edir - Qəzzada qan durmur

İsrailin səhər saatlarından Qəzzaya hücumları azı 21 nəfərin həyatına son qoyub.

İsrail Qəzza zolağında daha bir çoxmərtəbəli binanı dağıdıb, zolaqdakı ən böyük şəhər mərkəzini ələ keçirmək kampaniyası zamanı dağıdılan binaların sayını ən azı 50-yə çatdırıb.

İsrail qüvvələri işğal altındakı İordan çayının qərb sahilində yerləşən şəhərlərə basqın etməyə davam edir, fələstinliləri həbs edir, torpaq və əmlakı məhv edir.

ABŞ prezidenti Donald Tramp, HƏMAS-a “son xəbərdarlıq” etdikdən bir neçə saat sonra administrasiyasının Qəzza üçün faydalı ola biləcək həll yolu üzərində işlədiyini söyləyib.

İsrailin Qəzzaya qarşı müharibəsi 2023-cü ilin oktyabrından bu yana ən azı 64.368 nəfərin ölümünə və 162.776 nəfərin yaralanmasına səbəb olub. Daha minlərlə insanın dağıntılar altında qaldığı güman edilir.

Oktyabrın 7-də baş verən hücumlar zamanı İsraildə ümumilikdə 1139 nəfər həlak olub, 200-ə yaxın insan isə əsir götürülüb.

08/09/2025

Azərbaycanlı "Superman" rusları xilas etdi

Rusiyanın Novosibirsk şəhərində yükdaşıyan işləyən Azərbaycan vətəndaşı Rza Rzayev Rusiyada qəhrəmana çerilib.

Belə ki, o, yerli istilik sisteminin partlaması və qaynar suyun fontan vurması nəticəsində baş vermiş dəhşətli hadisə zamanı həyatını riskə ataraq köməksiz vəziyyətdə qalan uşaqları və qocaları xilas edib, böyük bir faciənin qarşısını alıb.

Rza Rzayev sakinlərin ona minnətdarlıq əlaməti olaraq topladıqları 71524 rubl (təxminən 1380 manat) vəsaiti də sağlamlıq imkanları məhdud uşaqların ehtiyacları üçün bağışlayıb.

Onun insanları xilas etməsi zamanı Aleksandr Oşçepkov tərəfindən çəkilən bu fotosu Andrey Stenin adına X Beynəlxalq Fotojurnalistika Müsabiqəsinin “Dövrümüzün Qəhrəmanı” nominasiyasında qalib olub.

Talk Tv İnternet Televiziyası

12/09/2025

12/09/2025

11/09/2025

11/09/2025

11/09/2025

10/09/2025

10/09/2025

10/09/2025

09/09/2025

09/09/2025

08/09/2025

08/09/2025

Address

Telephone

Website

Alerts

Contact The Business

Shortcuts

Share

Category