20/05/2026
"Balıqçının pişiyi idi və çox tez böyüyürdü. Nəhayət, isti yerini tərk edəcək qədər gücləndi, evin içində dolaşmağa və gecələri camaşır torbasında keçirməyə başladı. Başınabuyruq düşüncələrin ovundaydı. Sofiya hər dəfə onu tapıb yataq otağına aparır, sevgiyə boğaraq qəlbini qazanmağa çalışırdı, amma nə qədər çox çalışırdısa, pişik bir o qədər sürətlə aradan çıxıb camaşır torbasına geri qayıdırdı. Torba tam dolanda pişik miyoldamağa başlayır və kimsə paltarları yumalı olurdu. Pişiyin adı "Ma Petit" idi, amma onlar onu Mızmız deyə çağırırdı.
– Sevgi çox qəribə şeydir, – Sofiya dedi. – Kimisə nə qədər çox sevirsənsə, bir o qədər az sevgi ilə qarşılanırsan.
– Düz sözə nə deyəsən, – nənə başını yellədi. – Yaxşı, onda nə etməli?
– Sevməyə davam etməli, – Sofiya təhdidedici səslə dedi, – daha da, daha da çox sevməli.
Nənə ah çəkdi, amma bir şey demədi".
Qiyməti: 8.50 AZN
Finlandiya ədəbiyyatının ən çox oxunan yazıçısı, uşaqlar üçün yazılmış əfsanəvi "Muminlər" seriyasının yaradıcısı Tove Yanssonun yetkin ədəbiyyatına miras qoyduğu "Yay kitabı" həyatın dalğalar kimi sakit, dinc anlarını, iti küləklər kimi emosional çovğunlarını səhifələrinə köçürüb.
Üstünə çoxlu torpaq atılmış yasın, təbiətlə vəhdətin və soyuq fin müdrikliyinin yer aldığı bu kitabın sizə danışmaq istədiyi çox şey var. Onu oxumaq və fasilə verib ətrafımızda baş verənlərə diqqət etmək lazımdır...
