23/09/2025
🚨🎙 Enzo Maresca-nın oyunsonrası mətbuat konfransı:
💬 İlk hissə ilə ikinci hissəni müqayisə edəndə nə düşünürsünüz?
«Düşünürəm ki, birinci hissədə artıq oyunun necə keçəcəyini bilirdik və buna hazır idik: uzun ötürmələr, ikili mübarizələr, aut atışları, standart vəziyyətlər — top hər dəfə bizim cərimə meydançamıza göndərilirdi. Bu gün uşaqlardan soruşdum, görüm neçə nəfər əvvəllər Birinci Liqa komandalarına qarşı oynamışdı, çünki bu, tamamilə başqa cür futboldur. Burada oyun tərzi fərqlidir: rəqib döyüşkənlikdə, ikili mübarizədə ikiqat istək göstərir. Birinci hissədə çətinliklər yaşadıq, amma ikinci hissədə çox daha yaxşı çıxış etdik».
💬 Filip Jørgensen-in oyunu sizi narahat etdi?
«Düşünürəm ki… bilmirəm, onlar neçə dəfə topu bizim cərimə meydançasına göndərdilər — aut atışları, cərimə zərbələri, asmalar. Açığı, bu, istənilən qapıçı üçün asan deyil. Ümumilikdə isə hesab edirəm ki, Filip öhdəsindən gəldi. Hətta yadınıza salın: “Brentford”la oyunda əlavə vaxtda aut atışından sonra qol buraxmışdıq».
«Çətin idi, çünki onlar çoxlu oyunçu ilə cərimə meydançasına girirdilər, qapıçının ətrafında qarışıqlıq yaradırdılar və sən nə t**a çıxa, nə də onu tuta bilirdin. Asan deyil. Üstəlik, Filip üçün bu mövsümdə ilk oyun idi, bu da əlavə çətinlik yaradır. Amma sonda qalib gəldik, mən isə ən çox məhz bu oyuna görə narahat idim».
💬 Buonanotte-nin oyunu sizi sevindirdi…?
«Bəli, Buonanotte çox yaxşı idi. Birinci hissədə hamımız bir az əziyyət çəkirdik, amma ikinci hissədə çox-çox yaxşı oynadıq».
💬 Sizcə, bunun səbəbi nə idi?
«Fasilədə müəyyən taktiki dəyişikliklər etdik və düşünürəm ki, bu, həlledici oldu. Jorrel Hato birinci hissədən fərqli olaraq başqa mövqedə oynamağa başladı. Bizim şansımız gətirdi ki, fasilədən dərhal sonra qol vurduq. Amma ümumilikdə komandanın quruluşu və düzülüşü ikinci hissədə tamamilə dəyişdi. Bu da bizə kömək etdi».
💬 Fasilədə həm taktiki dəyişikliklər etdiniz, həm də komandaya sərt sözlər dedinizmi?
«Bəli, tamamilə».
💬 Nə qədər sərt?
«Çox sərt [gülür]. Burada məsələ istəkdə deyil, ikinci toplarda və təcrübədə idi».
«Jamie Gittens əvvəllər Birinci Liqa komandalarına qarşı oynamamışdı. Jorrel də elə. Belə oyunlarda isə tamam başqa cür çıxış etmək lazımdır. Burada ən vacib şey istəkdir və birinci hissədə bununla bağlı problemimiz vardı».
💬 Bu, onların öyrənməli olduğu bir şeydir, yoxsa siz əvvəlcədən hazırlaya bilərsiniz?
«Bilmirəm. Əgər Liqa Kubokundakı növbəti oyunumuz yenə Birinci və ya İkinci Liqa komandasına qarşı səfərdə olarsa, bu gün qazandıqları təcrübə onlara çox faydalı olacaq. Bizim üçün bu təcrübə vacibdir. Xüsusən də bəzi futbolçuların gənc yaşını və belə oyunlarda təcrübəsizliyini nəzərə alsaq. Bu günün faydası da ondadır ki, həm təcrübə qazandıq, həm də qalib gəldik».
