Futbolinfo

31/05/2026

PSJ-nin və Gürcüstan millisinin üzvü Xviça Kvaratsxeliya Çempionlar Liqasında bu mövsümün oyunçusu adına layiq görülüb.

31/05/2026

🇦🇿⚽ Azərbaycan millisi Avstriya toplanışı öncəsi Bakıda son məşqinə çıxıb.

31/05/2026

“Sabah” FK Cesse Sekidika ilə yollarını ayırıb.

Klub nigeriyalı futbolçunun mövsümün sonunda başa çatan müqaviləsinin müddətini yeniləməyib.

O, klubun heyətində bir dəfə Azərbaycan çempionu, iki dəfə isə ölkə kubokunun qalibi olub.

Sekidika “Sabah”da ümumilikdə 107 oyun keçirib. O, bu matçlarda 21 qol və 18 məhsuldar ötürmə ilə fərqlənib.

31/05/2026

“Qəbələ” baş məşqçi postunda dəyişikliyə getməyəcək. Klub rəhbərliyi, mövsümü bərbad keçirməsinə rəğmən, Kaxaber Sxadadzeni postunda saxlamaq niyyətindədir.

"Futbolinfo" xəbər verir ki, gürcü mütəxəssisə daha bir şans veriləcək. Yeni mövsümün əvvəlindəki nəticələr isə Sxadadzenin taleyində önəmli rol oynayacaq. Komanda yenidən autsayderlər qrupunda qərarlaşsa, dəyişiklik qaçılmaz olacaq.

30/05/2026

⚽ PSJ ardıcıl ikinci dəfə Çempionlar Liqasının qalibi oldu.

30/05/2026

Mövsüm başa çatar-çatmaz “Şamaxı” ilə yollarını ayıran Karim Rossi karyerasını Azərbaycanda davam etdirə bilər.

"Futbolinfo"nun məlumatına görə, isveçrəli hücumçu Misli Premyer Liqası klublarının diqqət mərkəzindədir.

32 yaşlı forvardın xidmətində ən çox maraqlı olan klub isə “Qarabağ”dır. Ağdam təmsilçisi hələ mövsümün gedişindən Rossinin çıxışı izləyir. Hazırda azad agent statusu daşıyan futbolçu növbəti mövsümü məhz “Qarabağ”ın heyətində keçirə bilər.

29/05/2026

Maşallah Əhmədov: "Hər bir şeyin öz çəkisi, mənası var. UEFA, FIFA abreviaturların açıqlaması nədir? Ya da bizim vaxtilə oynadığımız ağ-qara topun? Qalib gələndə üzün ağarır, məğlub olanda qaralırdı. İndi heç elə top yoxdur. AFFA-da yüksək vəzifədə olsaydım, İsgəndər Cavadovun adına top, Maşallah Əhmədovun adına futbolka buraxardım. Necə lazımdırsa, reklam edərdim. Futbolu dərindən bildiyimə görə, marketinq işinə böyük diqqət ayırardım. Fuad Musayevin dönəmində Yüksək Dəstədə ilk mövsümdə 26 komanda mübarizə aparırdı. Baxmayaraq ki, müstəqilliyimizin ilk illəri idi, pul yox idi".

Sovet dövründə “Neftçi”də oynayan futbolçularla müsahibələr həmişə fərqli olur. O illərin futbol ab-

29/05/2026

Bu mövsüm “Qəbələ”yə dərs olmalıdır. Komandanın Premyer Liqadakı yerini yalnız pley-off matçından sonra qoruya bilməsi rəhbərliyi silkələməlidir.

İndi klub prezidenti Fariz Nəcəfov baş məşqçi Kaxaber Sxadadze ilə bağlı radikal qərar verməlidir. Mövsümün gedişində ab-havanı korlamamaq, daha pisinə səbəb olmamaq üçün gürcü mütəxəssisə qarşı səbir başadüşülən idi. Lakin indi dəyişiklik zamanıdır.

“Qəbələ” bir çox komandadan büdcə, şərait baxımından daha üstün ikən 11-ci pilləni tutdusa, buna görə məhz Sxadadze məsuliyyət daşıyır. Onun azarkeşlərlə tez-tez münaqişə yaşaması, hakimlərə qarşı ədəbsiz jestləri, məşqlər zamanı futbolçularla söyüşlə danışması artıq heç kimə sirr deyil. Kaxanın üzündən “Qəbələ”nin müsbət imcinə xələl gəlib, daim rəğbət duyulan bölgə təmsilçisi indi əvvəlki qədər sevilmir.

Bu mövsüm "Qəbələ"yə dərs olmalıdır. Komandanın Premyer Liqadakı yerini yalnız pley-off matçından so

28/05/2026

"Qəbələ" Premyer Liqanın pley-off oyununda "Mingəçevir"i 2-0 hesabı ilə məğlub etdi.

28/05/2026

Bəhlul Mustafazadənin atası: “Hazırda rəsmi təklifi yoxdur. Amma legioner həyatı yaşamaq fikri var. Bu, onun arzusudur. Maddi tərəfi çox düşünmürük, əsas ona uyğun klub olmasıdır.

Düzdür, Bəhlul “Qarabağ”a da lazımdır. Onun ayrılması çox inandırıcı görünmür. Çünki klubla müqaviləsi davam edir. Bəhlulu istəyən klub gərək müqavilə şərtlərini də yerinə yetirsin”.